Skip to content
2016 වසර ආරම්භයේදී ම මේ සූදානම් වෙන්නෙ මේ වසරේ දී ඔබ හමුවට එන සිංහල සිනමාපට කිහිපයක් පිළිබඳව ඔබව දැනුවත් කිරීමටයි.අපේ රටේ සිනමාව පිළිබඳව උනන්දුවන පිරිසට මේ ලිපිය සමහර විට වැදගත් වේවි.
සින්ඩ්‍රෙල්ලා – දැනටමත් ප්‍රචාරණ කටයුතු ආරම්භ කොට ඇති මෙම චිත්‍රපටය ළඟදීම අපට නැරඹීමට හැකි වේවි.සුළං කිරිල්ලී හරහා අන්තර්ජාතික සම්මාන දිනාගත් ඉනෝකා සත්‍යාංගනී දෙවන සිනමා අධ්‍යක්ෂණය මෙයයි.මෙය කොටස් දෙකක් ලෙස තිරගත වීමට නියමිත අතර උපේක්ෂා ස්වර්ණමාලි සමඟින් අකලංක ගනේගම ප්‍රධාන චරිත වලට දායක වී ඇත.
පත්තිනි – මෙයත් ඔබට නුදුරේදීම නැරඹීමට හැකිවන දැවැන්ත සිනමා නිර්මාණයක්.මිලිනා සුමතිපාල නිෂ්පාදනය කල මහාචාර්‍ය සුනිල් ආරියරත්න අධ්‍යක්ෂණය කල මෙහි ප්‍රධාන චරිත වශයෙන් කන්නගී ලෙස පූජා උමාශංකර් ද,කෝවලන් ලෙස උද්ධික ප්‍රේමරත්න ද,මාධවී ලෙස අරුණි රාජපක්ෂ ද එක්වෙනවා.
ආලෝකෝ උදපාදී – තුසිත විජේසේන නිෂ්පාදනය කල චත්‍ර වීරමන් අධ්‍යක්ෂණය කල මෙම සිනමාපටයත් ඉතිහාසගත කතාපුවතක් රැගත් දැවැන්ත සිනමා නිර්මාණයක්.උද්ධික ප්‍රේමරත්න,දිල්හානි ඒකනායක,නිරෝෂා තලගල වැනි නළුනිළියන් රැසක් මෙයට රංගන දායකත්වය සපයනවා.
අපේ කාලයේ පටාචාරා – විජය කුවේණි,ඇහැලේපොළ කුමාරිහාමි වැනි සිනමාපට අධ්‍යක්ෂණය කළ සුගත් සමරකෝන් ගේ නවතම සිනමාපටය වන මෙයද මේ වසරේදී අපට නැරඹීමට හැකියාව ලැබේවි.දුලානි අනුරාධා සමගින් සාරංග දිසාසේකර මෙහි ප්‍රධාන භුමිකා නිරූපණය කරනවා.
මධුර චාරිකා – ජනතාවට අමතකව ගිය පැරණි සිනමා නළුවෙකුගේ සංවේදී කතා පුවතක් රැගත් මෙය උදයකාන්ත වර්ණසූරියගේ අධ්‍යක්ෂණයක්.හේමසිරි ලියනගේ මෙහි ප්‍රධාන චරිතයට රංගනයෙන් එක් වී ඇත.
මෝටර් බයිසිකල් – කොළඹ අන්තර්ජාතික සිනමා උළෙල ඇතුළු සම්මාන උළෙල රැසක දී සම්මානයට පාත්‍ර වූ ශමීර නාඔටුන්න ගේ මෙම සිනමාපටය මෙම වසරේ දී අප වෙත අපූරු සිනමා අත්දැකීමක් රැගෙන ඒවි.සමනලී ෆොන්සේකා සමඟින් දසුන් පතිරණ මෙහි ප්‍රධාන චරිත සඳහා රංගනයෙන් එක්වී ඇත.
ආදරණිය කතාවක් – අරුමෝසම් වැහි සිනමාපටය අධ්‍යක්ෂණය කල ප්‍රියන්ත කොළඹගේ නවතම සිනමා නිර්මාණය මෙයයි.අරුණි රාජපක්ෂ,හේමාල් රණසිංහ,බිමල් ජයකොඩි සහ උදාරි වර්ණකුලසූරිය ප්‍රධාන චරිත වලට පණ පොවන මෙය ආදර තේමාවක් රැගත් සිනමාපටයක්.
සක්කාරන් – චම්මින්ද වෙලගෙදරගේ නවකතාවක් ඇසුරෙන් මෙය අධ්‍යක්ෂණය කොට ඇත්තේ ප්‍රවීණ සිනමාකරු ධර්මසේන පතිරාජ විසින්.ප්‍රසාදිනී අතපත්තු,බිමල් ජයකොඩි,ගයාන් වික්‍රමතිලක මෙය රංගනයෙන් හැඩ කරනවා.
ස්වර – ඒඩ්ස් රෝගය සම්බන්ධ අනුවේදනීය කතාවක් රැගත් මෙය සංජය නිර්මාල්ගේ අධ්‍යක්ෂණයක් වන අතර නීටා ප්‍රනාන්දු ගේ නිෂ්පාදනයක්.ඇයට අමතරව බුද්ධික ජයරත්න,අනූෂා රාජපක්ෂ වැනි නළුනිළියන් රැසක් මෙයට රංගන දායකත්වය සපයා තිබෙනවා.
ප්‍රේමය නම් – කල්පන ආරියවංශ හා වින්දන ආරියවංශ විසින් අධ්‍යක්ෂණය කළ මෙම සිනමා පටය ද සම්මාන රැසකට පාත්‍ර වූ සිනමා පටයක්.ශ්‍යාම් ප්‍රනාන්දු,සතිෂ් විජේමාන්න හා සමනලී ෆොන්සේකා මෙහි ප්‍රධාන චරිත වලට රංගනයෙන් දායක වී තිබෙනවා.මෙයත් මේ වසරේ දී තිරයට පැමිණේවි.
ධවල දූවිලි – ශාන්ති දිසානායකගේ සංග්‍රාමය නවකතාව ඇසුරෙන් අනුරුද්ධ ජයසිංහ අධ්‍යක්ෂණය කල මෙම සිනමාපටයත් මෙම වසරේ දී රිදී තිරය සරසා වි.දිල්හානි ඒකනායක,මහේන්ද්‍ර පෙරේරා,සඳලි වැලිකන්න මෙහි ප්‍රධාන චරිත නිරූපණය කරනවා.
මෙම සිනමාපට බොහෝවිට මෙම වසරේ දී තිරයට පැමිණේ යැයි විශ්වාස කල හැකි වන අතර මෙහි සඳහන් නොවූ සිනමාපට ද මෙම වසරේ තිරගත වේවි.
තවත් ලිපියකින් හමුවෙමු.
Thanks alot – your answer solved all my problems after several days stuigglrng
ich schliesse mich Tinas Kommentar an!Andy Scott, den man nichmal als Originalmitglied nennen darf und auch nich sollte hatte Brian aus der Band rausgeekelt.Das machte er aber nich nur mit Brian auch seine Nachfolger wurden geschmissen sobald sie ein wenig beliebter war wie Andy selbst!Andy denkt er wäre The Sweet aber The Sweet wird auf ewig Brians Baby bleiben!
දැනුවත් කිරීමට ස්තුතියි සහෝ…
ලිපියට තුති සහෝ