Villain (දුෂ්ටයා) 14| #LankaComicCon2015

කොහොමද හැමෝටම…. මන් හිතනවා හොමෝම මේ 2016 අලුත් අවුරුද්දේ අලුත් බලාපොරොත්තු එක්ක සතුටින් ඇති කියලා. පරණ අවුරුද්දේ මඟඇරිච්ච දේවල් වගේම මේ අවුරුද්දේ අලුත් බලාපොරොත්තුත් ඉටුකර ගන්න ශක්තිය ලැබෙන්න කියලා මන් හැමෝටම ප්‍රාර්ථනා කරනවා.

ඕගොල්ලෝ බලනවා ඇති මොකක්ද මේ #LankaComicCon2015 කියන්නනේ කියලා. ComicCon කියන්නේ ඇමෙරිකාවේ ආයතනයක් මගින් පවත්වන event එකක්. මේ නම තමයි එයාලගේ trademark එක. මේකේ ප්‍රධාන වෙන්නේ කොමික් ගැනයි. ඉතින් එකට යන අයත් කොමික් චරිත විදිහට ඇදගෙන යනවා. කාලයත් එක්ක විවිධ චරිත විදිහට ඇදගෙන මෙම event එකට යන්න මිනිස්සු පටන් ගත්තා. ඇමෙරිකාවේ, අප්‍රිකාවේ, යුරෝපයේ, ඉන්දියාවේ වගේ රටවල දක්වා මේක වර්ධනය උනා. අවසානයේදී ගිය අවුරුද්දේ නොවැම්බර් මාසේ ලංකාවෙත් මෙහෙම event එකක් තිබ්බා ප්‍රථම වතාවට. මේ අවුරුද්දෙත් මේක පවත්වනවා.

බයිලා ඇති…. අද ලිපියේ දුෂ්ටයෝ කීපදෙනෙක්ම වැඩ දානවා. මන් අද ගෙනාවේ ශ්‍රී ලංකාවේ ප්‍රථම වතාට පැවැත්වුණු #LankaComicCon2015 හි විවිධ දුෂ්ටයන් විදිහට ඇදගෙන ඇවිල්ලා හිටපු කීපදෙනෙක්ගේ ඡායාරුප කීපයක්. වැඩි ගණනක් නම් නෑ. මොකද ගොඩක් අය ඇවිල්ල හිටියේ වීරයෝ විදිහට නිසා. බොහොම අමාරුවෙන් චායාරූප ගහන අයියලට ස්තූති වෙන්න එයාලගේ ඡායාරුප අස්සේ තිබිලා මේ ටික හම්බ උනා. ඔයාලත් බලන්නකෝ කොහොමද කියලා…..

KYLO REN

Star wars විශ්වයේ තමයි මෙයා ඉන්නේ. Star wars රසිකයන්ටනම් මෙයාව අලුත් කෙනෙක් නෙමෙයි.

JOKER

ජෝකර්…. මෙයාවනම් නොදන්න කෙනෙක් නැතුව ඇති. උඩින්ම ඉන්නේ Dark Knight Trilogy එකේ දෙවෙනි කතාවේ ඉන්න ජෝකර්. පහලින් ඉන්නේ පරණ Batman කතාවක ඉන්න ජෝකර්. මෙයා ගැන වැඩිදුර විස්තර දැනගන්න “දුෂ්ටයා,villain 1” ලිපිය කියවන්න.

POISON IVY

Sexy නේද… මෙයාට තමයි Best Female Cosplay Award එක හම්බ වුනේ. DC විශ්වයට තමයි පොයිසන් අයිවී අයත් වෙන්නේ.

DEATHSTROKE

මෙයත් නියමයි නේද. කොමික් කතාවේ වගේමයි. ඇරෝ කතා මාලාවේ ඉන්නේ. මෙයත් ඉන්නේ DC විශ්වයේ.

PENGUIN

රැවටෙන්නේ එපා. Gotham වල ඉන්න පෙන්ගුයින් නෙමේ මේ. මේ ඉන්නේ ලංකාවේ එල කොල්ලෙක් පෙන්ගුයින් විදිහට ඇදගෙන ඇවිල්ලා. මේ සහෝදරයට Best Villain Cosplay Award එක හම්බ වුනා. පෙන්ගුයින් පිලිබඳ තවත් වැඩිදුර තොරතුරු දැනගන්න මගේ “දුෂ්ටයා,villain 2” ලිපිය කියවන්න.

SCARECROW

අඳුර ගන්න පුලුවන්ද. Dark knight Trilogy එකේ පලවෙනි කතාවේ & තුන්වෙනි කතාවල ඉන්නේ. චිත්‍රපටියේ පෙනුමත් එක්ක පොඩ්ඩක් වෙනස්. නමුත් කොමික් කතා කියවපු අයටනම් හොදට හුරු පුරුදු මුණක් තමයි Scarecrow කියන්නේ.

WHITE & PINK

ඒ මුකුත් නැද්ද බන්???

තියෙනවා තියෙනවා.. නිල්පාට බඩු වගයක් තියෙනවා.. වදිනවා ගැහුවම කුඩු වෙන්න…

වෝල්ටර් අංකලුයි, ජෙසී අයියයිත් ඇවිල්ලා හිටියා.. තුවක්කුයි නිල්පාට බඩු ටිකකුයි අරගෙන. දෙන්නම මරු නේද… කොහොමද දන්නේ නෑ ලංකාවේ පොලිසියෙන් බේරිලා ආවේ. මේ දෙන්නගේ වැඩි විස්තර සඳහා “දුෂ්ටයා,villain 9” ලිපිපෙළ කියවන්න. (Part 01/ 02/ 03)

---

 

#LankaComicCon2015 බලන්න බැරිවුන යාලුවන්ට පහත link එකෙන් ගිහින් බලන්න මන් කරපු පොඩි වීඩියෝවක් තියෙනවා.

[youtube]https://www.youtube.com/watch?v=4A0JDaGtFiU[/youtube]

ඒ වගේම මගේ “දුෂ්ටයා , villain” ලිපි පෙළත් එක්ක වසරක් පුරා රැදී සිටි සියලු දෙනාටත්, අදහස් දක්වපු සියලු දෙනාටත්, මගේ ලිපි බයිස්කෝප් මංසලේ යාවත්කාලීන කරපු තිසර නියෝ සහෝදරයටත්, බයිස්කෝප් අඩවියේ මට ලිපි සඳහා ඉඩහසර ලබා දුන් ඇඩ්මින් මඩුල්ලටත් ස්තූති කරනවා. ඒ වගේම ඉදිරියටත් මගේ ලිපි සමඟ දැනුම හා විනෝදය බෙදා ගන්න ඔබ සැමට මම ආරාධනා කරනවා.