සිනමාවේ ගීත ලොවින් 66 | Romantic Mashup (50) (සිංහල උපසිරසි සමඟින්)

හැමෝටම ආයුබෝවන්… මන්සලට ගොඩවෙන්නේ ගොඩක් කාලෙකින්.
ඉතින් අද මම අරගෙන එන්නේ ටිකක් විශේෂ ලිපියක්. ඔයාලට කෙසේවෙතත් මට තමා මේක විශේෂ.
මොකද මම මේ මංසලට ලියන 50 වන ලිපිය.
ඉතින් හිතාගන්නවත් බෑ මංසලට ලිපි පනහක් ලිව්වා කියන එක.
අද වගේ මතකයි Son Of Satyamurthy චිත්‍රපටියේ පූර්ව ප්‍රචාරක පටයට උපසිරසි ගන්වලා මංසල වෙත එවලා පලවුනු ඒ දවස.
හැබැයි එදා නම් ආයේ මේකට පෝස්ට් එවිල්ල එපා උනා. මොකද ලිපිය එවලා සති ගානකට පස්සේ තමා මංසලේ පළවුණේ.
නමුත් ඉතින් ඒක පොඩි අතපසුවීමක් කියලා පස්සේ දැනගන්න ලැබුනා. ඉතින් ඔන්න ඔය වගේ මතකයක් මැද්දෙන් තමයි මංසලට මාගේ ආගමනය සිද්ද වෙන්නේ

මුලින්ම මතක් කරන්න ඕන බයිස්කෝප් යූ ටියුබ් චැනලයේ කටයුතු කරන සමීර චතුරංග අයියව.
ඒ වගේම මංසලේ බර කරට අරගෙන මේ ගේම ගහන තිසර සහෝදරයාවත් මතක් කරන්න ඕන. මොකද මංසල නිසා එතුමන්ට තමන්ගේ උපසිරැසි කෙරුවාවටත් ආයුබෝවන් කියන්නයි වෙලා තියෙන්නේ.
ඒ වගේම විකියා, රොයිලි අයියා, සමීර කරුණාරත්න, හසන්ත මාමා, සිරාජ්, සඳුන්, ගයාන් රූකාන්ත, වීමා, සමන්, යශෝධ එහෙමත් මතක් කරනවා..
“උදා” කියන්නෙත් මංසල කිව්වම නිකන්ම මතක් වෙන නමක්. එතුමන්වත් මතක් කරන්න ඕන මේ වෙලාවේ.  මංසල මේ තැනට ගේන්න ලොකු කට්ටක් කාපු කෙනක් තමයි උදා කියන්නේ.

මගේ ලිපි 50න් 30ක්ම ගෙනත් තියෙන්නේ මංසලේ තියෙන සිනමාවේ ගීත ලොවින් කැටගරි එකට. ඒකෙනුත් 25 කටත් වැඩිය තියෙන්නේ හින්දි ගීත.
 ඉතින් මේ වෙලාවේ මතක් කරන්නම ඕන නමක් තමයි අපේ හින්දි හේවා.
කවුරුත් දන්නවනේ හේවාගේ උපසිරැසි වල තියෙන කොලිටිය. මාත් ගීත උපසිරැසිකරණයේදී තිත, කොමාව තියන හැටි පවා ඉගෙනගත්තේ එයාගෙන්.
උපසිරැසි ගැන්වීමක් කියන්නේ හුදෙක් ඉංග්‍රීසි වාක්‍යයක් සිංහලට පරිවර්තනය කිරීම නෙවෙයි කියන එක මම ඉගෙනගත්තේ හේවාගෙන්.
එතුමන්ටත් ස්තුති කරන ගමන් තවත් දින දෙක තුනකින් පටන් ගන්න 2016 වසරේදීවත් හොඳ තැනකින් පෙලවහක් කරගන්න ලැබෙවා කියලා ප්‍රාර්ථනා කරනවා.

අද මම ඔයාලට අරගෙන ආවේ ආදරබර හින්දි ගීත එක්කාසු කරලා හදපු Mashup එකක් උපසිරැසි ගන්වලා. චිත්‍රපටි ගණනවකින් ගත්තු සිංදු බරගානක් එකතු කරලා හදපු වීඩියෝ එකක් තමයි මේක.
මීට කලිනුත් මම මංසලට මේ වගේම වීඩියෝ තුනක් අරගෙන ආවා.

• සිනමාවේ ගීත ලොවින් 49 – Aashiqui 2 Mashup

• සිනමාවේ ගීත ලොවින් 50 – Valentine Mashup 2014

• සිනමාවේ ගීත ලොවින් 51 – The Break Up MashUp

ඉහත ලින්ක් තුනට පිවිසීමෙන් ඒ Mashup 3 ඔයාලට නරඹන්න පුළුවන්…

ඉතින් ගොඩ වෙලාවක් මහන්සි වෙලා අවසන් කරගත්තු ඒ වඩේ මෙන්න මෙහෙම ඔයාලට දිග ඇරලා මම සමුගන්නම්.
මේ වීඩියෝ එකේ මුල් අයිතිය T-Series ආයතනය සතුයි කියලත් මතකයේ රඳවාගන්න.
නැවත හමුවන බලාපොරොත්තුවෙන් පතමි සැමට ජයෙන් ජය

තාරක නුවන් දිල්හාර