War and Peace | යුද්ධය සහ සාමය

අද මේ අරගෙන එන්නේ විමා (ශාන් විමුක්ති) සොයුරා ලබා දුන් පුවතක් ගැනයි. යුද්ධය සහ සාමය නම ඇසුණු විට හැමෝටම මතක් වෙන්නේ ලියෝ ටොල්ස්ටෝයි ගේ මෙනමින් යුත් නවකතාවයි. වැඩි විස්තර කතා කරන්න කලින් අපි මුලින්ම බලමු මේ පොතේ කතාවේ හැඳින්වීමක්. මේ හැඳින්වීම මංසල වෙනුවෙන් ලබා දුන්නේ නිර්මාණි විජේසිංහ හෙවත් AKA කාටූන් අක්කා සොයුරියයි.

යුද්ධව හා සාමය පොතේ කතාව තමයි මේ. කතාව ආරම්භ වෙන්නෙ 1805 අවුරුද්දෙ ශාන්ත පීටර්ස්බර්ග් නගරයේ.
ඒ වෙද්දි නැපෝලියන් යුරෝපය ආක්‍රමණය කරන්න පටන් අරන්. මේ නිසා රුසියාව ආරක්ෂා කරගන්න හමුදා කණ්ඩායම් සූදානම් පිට ඉන්නෙ. කතාවෙ ප්‍රධාන චරිත දහක් විතර ඉන්නවා. පියරේ, ධනවත් සිටු පුතෙක්. ඇන්ඩෘ, විශ්‍රාමික හමුදා අණදෙන නිලධාරියෙකුගෙ බුද්ධිමත් පුතෙක්. කුරාගින් පවුලෙ ඇනතොලෙ සහ දුව හෙලේන්, රස්තෝව් පවුල දුව නටාෂා සහ පුතා නිකලස්. මේ අය අතරින් ඇන්ඩෘ සහ නිකලස් රුසියානු යුද පෙරමුණට යනවා. යුද්දෙදි හොදටම තුවාල වෙනවා ඇන්ඩෘට. කාලයක් යන තුරුම ඇන්ඩෘ මිය ගිහින් කියලා තමයි හිතන්නෙ. ඇන්ඩෘ නැවත එනකොට එයාගෙ බිරිද මිය ගිහින් දරුවා ලැබෙද්දි. දරුවා බලගන්නෙ සහෝදරිය වුන මේරි. පියරේට පවුලෙ සියළුම ධනය හිමි වෙලා කුරාගින් පවුලෙ හෙලේන් එක්ක විවාහ වෙනවා. ඒත් පවුල් ජීවිතේ ගැටළු නිසා එය අධ්‍යාත්මික පැත්තට නැඹුරු වෙනවා. මේ අතර රස්තෝව් පවුල පරිහානියට පත් වෙනවා. මේ නිසා නිකලස්ට පොසත් පවුලකින් විවාහ වෙන්න අනුබල ලැබෙනවා. ඔය අතර ඇන්ඩෘ සහ රස්තෝව් පවුලෙ නටාෂා අතර ආදර සම්බන්ධයක් ඇති වෙනවා. නමුත් ඇන්ඩෘගෙ තාත්තා අවසර දෙන්නෙ නෑ. කියනවා අවුරුද්දක් ඉන්න කියලා. ඒක පිළිඅරන් ඇන්ඩෘ සංචාරයකට යනවා. ඇන්ඩෘ ආපහ එද්දි නටාෂා වෙන කෙනෙක් එක්ක සම්බන්ධයක් ඇති කරගෙන. ඒ නිසා ඇන්ඩෘ නටාෂාව ප්‍රතික්ෂේප කරනවා. 1812 දි නැපෝලියන් රුසියාව ආක්‍රමණය කරනවා. මේ යුද්දෙදි ඇන්ඩෘ මිය යනවා. පියරෙ හිරකාරයෙක් බවට පත් වෙනවා. ඇන්ඩෘගෙ නිවසට ප්‍රහාරයක් එල්ල වෙනවා. ඒකෙන් මේරි ව බේරගන්න ගිහින් නිකලස් සහ මේරි අතර සම්බන්ධයක් ඇති වෙනවා. අවසානයෙදි මේරි සහ නිකලස් විවාහ වෙනවා. නිකලස්ගෙ පවුලෙ මූල්‍ය ප්‍රශ්ණ වලින් නිදහස් වෙලා මේරිගෙ කඩාවැටුනු ගෙදරත් ආපහු හදනවා.නිදහස ලැබිලා එන පියරෙ නටාෂා එක්ක විවාහ වෙනවා.

(හැඳින්වීම – නිර්මාණි විජේසිංහ සොයුරිය)

මෙම පොත පාදක කරගෙන BBC ආයතනය කොටස් 6කින් යුතු මිනි සීරියස් එකක් නිර්මාණය කර තිබෙනවා. Drama|History|Romance  වර්ගීකරණය යටතේ නිර්මාණය වී තිබෙනවා. 

ජනවාරි 03 වනදා BBC One නාලිකාවේ මෙහි විකාශය අරඹනු ඇත.

තිසර නියෝ

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.