The Legend of Tarzan (2016) | වනාන්තරයේ රජුගේ ආගමනය | (පූර්ව ප්‍රචාරක පටය සිංහල උපසිරසි සමඟ)

සුපුරුදු කතාවක් සුපුරුදු අධ්‍යක්ෂකවරයෙක් යටතේ එළඹෙන 2016 වසරේ රිදී තිරයට ඒමට නියමිතයි. සුපුරුදු කතාව තමයි ටාර්සන්. සුපුරුදු අධ්‍යක්ෂක තමයි ඩේවිඩ් යේට්ස්. ඔහු තමයි හැරී පොටර් අවසාන සිනමාපට හතරම අධ්‍යක්ෂණය කරනු ලැබුවේ. එමෙන්ම 2016 තිරගත වන හැරී පොටර් විශ්වයේම Fantastic Beasts and Where to Find Them සිනමාපටයද ඔහු විසින් අධ්‍යක්ෂණය කරනු ලබනවා

ලන්ඩනයේ ජීවිතයට හුරු වෙමින් සිටින ජෝන් (ටාර්සන්) හට නැවත තමගේ පෙර නිවහන වූ අප්‍රිකාවේ වනාන්තරය වෙතට යාමට සිදුවනවා. ඒ එහි සිදුවන පතල් කැනීමේ ක්‍රියාවලියක් පිළිඹඳ ගවේෂණය කිරීමට සිදුවන නිසාය. එහිදී සිදුවන සිදුවීම් අතරින් මේ සිනමාපටය ගෙතෙනු ලබනවා.

Alexander Skarsgård ටාර්සන් ලෙස රංගනයේ යෙදෙන අතර ලබන වසරේ හාලි කුයින් ලෙස සුයිසයිඩ් ස්කවඩ් සිනමාපටයේ රසිකයන් නොයිවසිල්ලෙන් බලා සිටින රංගනයක යෙදෙන Margot Robbie විසින් ජේන් ලෙස රංගනයේ යෙදෙනවා. එමෙන්ම නික් ෆියුරි ලෙස මාර්වල් රසිකයන් හඳුනන Samuel L. Jackson, Christoph Waltz, Djimon Hounsou වැන්නවුන් සෙසු චරිත වලින් හමුවනවා.

Edgar Rice Burroughs ගේ පාදක කරගත් නවකතා සහ චරිත ඇසුරින් Stuart Beattie, Craig Brewer, John Collee, Adam Cozad විසින් තිර රචනය කර තිබෙනවා.

දැනට පසු නිෂ්පාදන කටයුතු වල පවතින මෙම සිනමාපටය තිරගතවන දිනය වන්නේ ගිම්හාන සමය ඇරඹෙන 2016 ජූලි 01 වනදාය.

තිසර නියෝ

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.