ඉංග්‍රීසිචිත්‍රපටදැනුමටභාෂාවවගතුගවිවිධසියල්ලහොලිවුඩ් සිනමාව

The Martian 2015 | බලන්න කලින් දැනගන්න

martian-gallery3-gallery-image

Mars,එහෙම නැත්නම් අපි දන්නා විදියට අඟහරු, මාස් කියන්නෙ යුද්ධයට අධිපති රෝම දෙවියන්ගේ නම, සම්පුර්ණයෙන්ම කිසිදු ජීවයක් රහිත ග්‍රහලෝකයක් වන මෙය සෞරග්‍රහ මණ්ඩලයේ සහතරවෙනියට පිහිටා ඇති ග්‍රහලෝකය මෙන්ම අතීතයේ පටන්ම මිනිසාගේ කුතුහලය වඩාත්ම ඇවිස්සු ග්‍රහලොවයි, අඟහරුගේ සූර්ය දිනයක් පැය 24 මිනිත්තු 39ක් වන අතර. අඟහරුගේ වසරක් පාථිවි දින 320 ක් සහ පැය 18.2 කට සමාන වේ.. අඟහරුට තුනී වායුගෝලයක් ඇති නමුත් පෘථිවියේ මෙන් නොව එහි, 95% ක් ම කාබන් ඩයොක්සයිඩ්. 3% කට ආසන්න ප‍්‍රමාණයක් නයිට‍්‍රජන් ද, 2% පමණ ප‍්‍රමාණයක් ආගන් ද, ඔක්සිජන්, කාබන් මොනොක්සයිඩ්, ජලවාෂ්ප, ඕසෝන් සහ වෙනත් වායු වර්ග සුළු ප‍්‍රමාණ වලින් ද අඩංගු වී පවතිනව. එමෙන්ම අඟහරුමත හිරු උදාව සහ හිරු බැසයාම නිල් පැහැයෙන් දිස්වෙනවා, එසේ වන්නේ අඟහරුමත ඇති ඉතාම තුනී වායුගෝලය නිසාවෙන්.

ඍතු වෙනස්වීම් අනුව අඟහරුගේ වායුගෝලීය පීඩනයද විවිධාකාර ලෙස වෙනස් වෙනව. මිලිබාර් 6 සිට 10 දක්වා හෝ පෘථිවියේ මතුපිට පීඩනයෙන් 1% ක පමණ හෝ අගයක් වෙනව. ඒ වගේම අඟහරු ග්‍රහයා මතුපිට දී සාමාන්‍ය උෂ්ණත්වයසෙල්සියස් අංශක 55 ක් වෙනව, ඒ වගේම ඒ ප්‍රමාණය ප‍්‍රමාණය සෙල්සියස් 140-15 දක්වා පරාසයකදී වෙනස් වෙනව. නමුත් එහි සුළං තත්වය සාමාන්‍යයෙන් පැයට කිලෝමීටර 6-8ක් අතර වෙන නමුත් කුණාටු සහිත කාලගුණික තත්ව යටතේ පැයට කිලෝමීටර් අසුවකටත් වඩා වැඩි වියහැකියි, එමෙන්ම අඟහරුගේ දක්ෂිණ ධ්‍රැවයේ ඇති අයිස් දියවී ගියහොත් එහි මුළු ග්‍රහ පෘෂ්ඨයම මීටර 11 ක් ගැඹුරට ජලයෙන් යට වී යනු ඇති බව 2007 වසරෙදි නාසා ආයතනය විසින් නිවේදනය කළා. ඒ වගේම මෙ සිනමාපටය මුදාහැරෙන දිනයට කලින් දවස වෙච්ච 2015 සැප්තැම්බර් 28 වෙනිදා නාසා ආයතනය නිල වශයෙන් නිවේදනය කරා අඟහරු මත තවමත් ලවණ ජලය ගලාගෙන යන බවට සාධක හමුවුණා කියල. ඒ වගේම මෙහි එන panoramicචායාරුපයකින් පෙන්වනව දැනට සොයාගෙන ඇති පරිදි සෞරග්‍රහ මණ්ඩලයෙ තියන විශාලතම යමහලවන Olympus Mons, ඒක එවරස්ට් වගේ තුන් ගුණයක් විශාලයි. martian-560x224

කට්ටිය බලනව ඇති ෆිල්ම් එකක් ගැන කියන්න ඇවිත් අඟහරු ගැන කියන්නේ මොකෝ කියල, ඒකට හේතුව තමා මෙ සිනමාපටයට, අඟහරු සහ නාසා ආයතනය යන දෙකම සම්බන්ධ වෙලා තියන නිසා, සිනමාපටයේ 80%කට වඩා ගලාගෙන යන්නෙ අභ්‍යවකාශය සහ අඟහරු මත සිදුවෙන සිදුවීම් එක්ක, ඉතිං යම් යම් කරුණු ටිකක් කිවුවේ ඒ නිසයි. දැන් සිනමාපටය දිහාවට හැරෙන්නම්, මේක විද්‍යා ප්‍රබන්ධ නවකතාවක් ඇසුරින් නිර්මාණය වෙන සිනමාපටයක්, මෙ පොත Andy Weir[ https://en.wikipedia.org/wiki/Andy_Weir_(writer) ] විසින් තම විනෝදයට එයාගෙ බ්ලොග් අඩවියට කොටස් වශයෙන් ලියපු එකක්, ඊටපස්සේ පාඨකයින් විසින් එයාගෙන් ඉල්ලලා තියනවා ඒක බාගතකිරීම් කළහැකි ෆෝරම් එහෙකට අප්ලෝඩ් කරන්න කියල. ඊටපස්සේ එයා ඒක ලෝකප්‍රකට Amazon එකට ඒක දාල තියනව, ඒ ඩොලර් සත 99ක් වගේ ඉතාම අඩු මුදලකට, ලංකාවේ නම් රුපියල් 120ක් වගේ මුදලක්. හැබැයි අද වෙනකොට ඒ පොත ඇවිල්ල තියන තැන ගැන අමුතුවෙන් කියන්න උවමනා නැහැ කියල හිතනව. ඒවගේම ඉතිහාසයේ පලවෙනි වතාවට නාසා ආයතනය විසින් සිනමාපටයක් සඳහා තාක්ෂණික උපදෙස් සැපයීම සිදුකරල තියෙනව මේකට. එයාල බොහොම කැමැත්තෙන් මෙ වැඩේට ඉදිරිපත් වෙලා තියනව. එමෙන්ම මෙහි එන රොකට් සඳහා සැබෑ ප්ලාස්මා රොකට් තාක්ෂනය පාවිච්චි කරලා තියනව ඒ නාසා ආයතනයේ කොස්ටා-රිකා ජාතික අභ්‍යවකාශගාමියෙක් වෙච්ච Franklin Chang Diaz ගේ Ad Astra Rocket company නමැති සමගම විසින් සැලසුම් කරපු ඒවා. ඒ විතරක් නෙමේ මෙ සිනමාපටයේ යෙදෙන අභ්‍යවකාසහ ඇඳුම පවා අනාගත අඟහරු ගමනට සුදානම් කරගෙන තියන ඇඳුම් කට්ටලය පාදක වෙලා තියනවා, ඒ වගේම මෙහි අඟහරුමත කෙරෙන ගවේෂණය සිදුකරන ප්‍රදේශය හඳුන්වන්නේ “ඒරිස් 3” කියල ඒ ග්‍රීක යුධ දෙවියන්ගේ නමින්, රෝමානුවන් ඒ දෙවියන්ව හඳුන්වන්නේ මාස් කියල ඒ විතරක් නෙමේ අනාගතයේදී නාසා ආයතනය ඔවුන්ගේ අඟහරු මත කෙරෙන ගවේෂණ කටයුතු ඇත්තටම සිදුකරන ස්ථානයත් මේ ඒරිස් 3 ප්‍රදේශය. අහ්හ්හ්හ් ඒ විතරක් නෙමේ, මේකේ ප්‍රධාන චරිතය වන මාක් වොට්නි, ඔහුගේ මාක් කියන ඉංග්‍රීසි නම බිඳිල ඇවිත් තියන ලතින් වදන වන මර්කස් යන්නෙහි තේරුම වෙන්නෙත් මාස්, එහෙම නැත්නම් අඟහරු කියන එක.91324

Prometheus(2012), Alien(1979), Blade Runner Blade Runner(1982), American Gangster (2007) වැනි ලෝකප්‍රකට සිනමාපට සඳහා දායක වෙච්ච Ridley Scott විසින් තමයි මෙ සිනමාපටය අධ්‍යක්ෂණය කරලා තියෙන්නෙ, ඒ වගේම මොහු Prometheus නව සිනමාපටය නිපදනවන අදහස පස්සට දාලා මේකට මුලිකත්වය දීලා වැඩේ ඉවර කරල තියනව. ඉතිං මෙ සිනමාපටය රුගතකරන්න යොදාගෙන තියෙන්නෙ ජෝර්දානයේ වාඩි-රම් කියන කාන්තාරයෙ, හිතාගන්න පුළුවන් ඇතිනෙ කට්ටිය කාලා තියන කට්ට ගැන, ඒ වගේම මෙ සිනමාපටයේ එනවා මාක් වොට්නි අඟහරු මතදී අහාර පිණිස අල වගාකරන දර්ශන පෙළක්, ඒ සඳහා විශේෂයෙන්ම එක එක මට්ටම් වලින් වැඩුණු ඇත්තම අල පැලැටි පාවිච්චි කරල තියෙනවා. ඒ වගේම පොතේ එන විදියට මාක් වොට්නිට මාස්ටර් ඩිග්රි දෙකක් තියනවා, එකක් උද්භිදවිද්‍යාවට අන්නිත් එක යාන්ත්‍රික ඉංජිනේරු විද්‍යාවට ඒත් සිනමාපටයේදී උද්භිදවිද්‍යාවට තියන උපාධිය ගැන විතරයි කියන්නේ, යාන්ත්‍රික විද්‍යාවට තියන උපාධිය ගැන සඳහනක් නෑ, ඒ වගේම මේකේ මුලින් ලියපු තිර පිටපතට අනුව 90%කට වඩා රුගතකිරීම් කරලා තියනවා, ඉතුරු කොටස් විද්‍යාත්මක කරුණු මත වෙනස් කරලා තියෙන්නෙ. ඒ වගේම මෙහි එන Venkat Kapoor නමැති චරිතයට තෝරාගෙන තිබිල තියෙන්නෙ ඉර්ෆාන් ඛාන් කියන සුපිරි ඉන්දියානු රංගන ශිල්පියාව, ඒත් එයා ඒ කාලේ Piku (2015) සිනමාපටය වැඩකටයුතු කරමින් හිටිය නිසා මේකට දායක වෙන්න බැහැ කියල තියනව. Jessica Chastain සහ Matt Damon දෙන්නා අභ්‍යවකාශය හෑ බැඳුනු සිනමාපටයක වැඩ කරන දෙවැනි අවස්ථාව තමයි මේ, මතක ඇතිනෙ පලවෙනි එකත් සුපිරිම සුපිරි විද්‍යා ප්‍රබන්ධයක් වෙච්ච Interstellar (2014). ඒ විතරක් නෙමේ, මේකෙදි අයන් මෑන් ගැනත් කියනව එක තැනකදී, ඒ විතරක්නම් මදැයි මාවල් සිනමාපටවල රංගනයෙන් දායක වෙන ගොඩක් දෙනෙක් මේකේ ඉන්නවා Sebastian Stan (බකි බාන්ස් නොහොත් වින්ටර් සෝල්ජර්), Kate Mara (ෆැන්ටෑස්ටික් ෆෝ හි ඉන්විසිබල් වුමන්), Michael Peña (ඈන්ට් මෑන්හි ලුවිස්), Chiwetel Ejiofor [ Doctor Strange (2016)] වැනි මාවල් සිනමාපටවලට දායක වෙච්ච සහ වෙන්න ඉන්න පිරිස් බොහොමයක් මේකේ ඉන්නව. තව විස්තර ඔපාදුපනම් ගොඩක් තියනව, ෆිල්ම් එක උපසිරස දෙනකොටත් කියන්න දේවල් තියෙන්න එපාය, ඒ නිසා අදට මේ ඇති 😀LYf5T

Author

6 thoughts on “The Martian 2015 | බලන්න කලින් දැනගන්න

  • letter is very important

    Reply
  • thank you bro..
    godak dewal danagaththa..
    film eke pasubima danagenama film eka balanakota mara vidihata agata danenawa.
    me karana upakarayata bohoma pin macho.
    jaya wewa….!!!

    Reply
  • පට්ට ලිපිය ඈ… ෆිලුම එනකල් බලාගෙන ඉන්නෙ. 😀

    Reply
  • නියමම ලිපියක්..
    ස්තූතියි වීමෝ.

    Reply

Leave a Reply

Your email address will not be published. Required fields are marked *