Harry Potter and the Cursed Child | හැරි පොටර් සංග්‍රාමය නැවතත්…

J. K. Rowling කතාපොත් ඇසුරින් ගොඩනැගුණු හැරි පොටර් චිත්‍රපට මාලාව ගැන කිව්වම ඕනෙම කෙනෙක් තමන්ගේ අතේ ඇගිලි ගානට වඩා එකම චිත්‍රපටය බලලා ඇති. එක පිළිවෙලටම ගත්තහම,

1. Harry Potter and the Philosopher’s Stone (2001)
2. Harry Potter and the Chamber of Secrets (2002)
3. Harry Potter and the Prisoner of Azkaban (2004)
4. Harry Potter and the Goblet of Fire (2005)
5. Harry Potter and the Order of the Phoenix (2007)
6. Harry Potter and the Half-Blood Prince (2009)
7. Harry Potter and the Deathly Hallows – Part 1 (2010)
8. Harry Potter and the Deathly Hallows – Part 2 (2011)

ඔන්න ඔහොමයි. එකක් හරි බලන්න මගහැරුනා නම් අනිවාර්යෙන්ම දැන් බලන්න ගන්න. ඒ මොකද කිව්වොත් ලබන අවුරුද්ද හැරී පොටර් රසික/රසිකාවියන්ට නියම අවුරුද්දක්. Harry Potter and the Cursed Child එහෙමත් නැත්තම් හැරී පොටර් හා ශාපලත් දරුවා. හැබැයි මේක චිත්‍රපටයක් නම් නෙවෙයි. මේක වේදිකා නාට්‍යක්. හැමෝම දකින්න ඇතිනේ Harry Potter and the Deathly Hallows – Part 2 (2011) චිත්‍රපටය අවසානයේ හැරී පොටර් විවාහ වුණේ වෙස්ලි පවුලේ රොන් වෙස්ලිගේ සහෝදරිය වන ජිනී වෙස්ලි. ආයේ මදිනොකියන්න ලමයි තුන්දෙනෙක් හම්බෙලා තිබුනානෙ. 😀 ඒ අය තමයි, ඇල්බස්, සෙවරස්, ලිලී ලූනා. අනික් ඒවා මටත් මතක නැහැ. ඒවගේම ඉතිං දැනට අන්තිමට ආපු චිත්‍රපටයේ අවසානයේ හැරී හා ඔහුගේ වැඩිමල් ළමයි දෙන්නා එක්ක නවවෙනි වේදිකාවේ දකිනකොට කට්ටියට ලොකු කුතුහලයක් වගේම ලොකු උද්දීපනයකට ලක් වෙන්න ඇති නේහ්.

​මෙ වේදිකා නාට්‍යයේ කතාව ගැන පුංචි සාරාංශයක්

මෙවර හැරී පොටර් කතාවේ ඔහු මැජික් අමත්‍යංශයේ වැඩ කරන කෙනෙක් වගේම සැමියෙක් වගේම පියෙක් කියන චරිත තුනකට පණපෙවීමට සිදුවීම ඉතා බැරෑරුම් බවක් වෙලා තියෙනවා. මොකද පොඩි කාලේ හමයිනි හා රොන් එක්ක ගෙවපු කලේ වගේ නෙවෙයි. හැරීගේ බාල පුත් ඇල්බස්ට, පවුලේ උරුමය භාරගැනීමට නොයෙක් ආකාරයේ දුෂ්කරතා වළට මුහුණ දීමට සිදුවෙනවා. අතීතය හා වර්තමානය අතර පවත්නා ඇතැම් නොවටිනා දෑ අතර සත්‍ය තේරුම් ගැනීමේදී පිය පුතු දෙදෙනාටම නොයෙක් ආකාරයේ දුෂ්කරතා වළට මුහුණ දීමට සිදුවෙනවා. ඇතැම් වෙලාවට අන්ධකාරය බලාපොරොත්තු නොවූ තැන්වලින් පැමිණෙනවා.

මේකේ  පිටපත ලියලා තියෙන්නේ Jack Thorne, අධ්‍යක්ෂණය Olivier හා ටෝනි සම්මාන දිනු John Tiffany. ඒවගේම සුපුරුදු විදිහට නවතම කතාව ලියලා තියෙන්නේ J. K. Rowling විසින්. මෙම Harry Potter and the Cursed Child නාට්‍යය නැවත කොටස් දේකට බෙදෙනවා Harry Potter and the Cursed Child  Part 1 හා Part 2 ලෙසින්. මෙම වේදිකා නාට්‍යය සදහා නළු නිළියන් 30 ට වඩා රංගනයෙන් දායක වන බව සදහන් කළා.

මෙම Harry Potter and the Cursed Child හි Part 1 ප්‍රථම දර්ශනය 2016 ගීම්හාන කාලයේ ලන්ඩන්වල ප්‍රදර්ශනය කිරීමට බලාපොරොත්තු වන බව සදහන් කලා.

චාමර සම්පත් (100 Posts)

චාමර සම්පත්