Taken 3 ත් එනවලු.

මේ චිත්‍රපටි මාලාවේ පළමු කතාව වෙච්ච Taken චිත්‍රපටයේ බ්‍රයන්ගේ චරිතය අයර්ලන්ත ජාතික නළු Liam Neeson හට වැදගත් එකක් වුණා. ඒ චිත්‍රපටය තමා Schindler’s List වැනි ක්‍රියාදාම නොවන චිත්‍රපට හරහා ජනප්‍රිය වී සිටි ඔහුව, ක්‍රියාදාම චිත්‍රපට නළුවෙක් විදියට අභිෂේක කරපු චිත්‍රපටිය බවට පත්වුණේ. කලින් Batman Begins වගේ චිත්‍රපට වල සහය නළුවෙක් විදියට උන්නා වුණත් ලෝකයා වඩාත්ම ඔහුව හඳුනා ගත්තේ මෙම පළමු චිත්‍රපටයේදී ඔහු තම දුවව ගණිකා වෘතියේ යෙදවීම පිණිස ප්‍රංශයේදී පැහැරගත් පසු තනිව ඇයව සොයාගෙන ගොස් බේරාගැනීමට තැත් කරන පියෙක් ගේ චරිතය නිසායි. මේ එහි දෙවන කොටසයි. මේ චිත්‍රපට දෙකේම තවත් වැදගත් කමක් තමා මේ ප්‍රංශ ජාතික සිනමා කරුවන්ගේ අධ්‍යක්ෂණයෙන් හැඩවූ හොලිවුඩ් චිත්‍රපට වීම. ප්‍රංශ චිත්‍රපට බලලා තියෙන අය දැකලා ඇති සමහර ප්‍රංශ චිත්‍රපට කොපි කරලා හදන හොලිවුඩ් චිත්‍රපට වලට වඩා මුල් ප්‍රංශ චිත්‍රපටය කොයිතරම් සාර්ථකද කියන බව.

මේ දෙවන චිත්‍රපටයට සෑහෙන විවේචන එල්ල වුණත් එය ආදායම් වාර්තා අතින් සාර්ථක වුණා. ඒ නිසාම මෙහි තෙවන කොටසක් සෑදීමට අදහස තියෙන බව සඳහන්. 20th Century Fox සහ Taken සම තිර රචක/නිෂ්පාදක Luc Besson සහ Robert Mark Kamen කියලා තියෙනවා. එයාලගෙම වචන වලින් කියනවනම්

We didn’t start talking about Taken 3 until we saw the numbers, But then we said, ‘Oh, okay. I think we should do a third one.’ And Fox wants us to do a third one. We’ve taken everyone we can take—it’s going to go in another direction. Should be interesting.

හොඳයි එහෙනම් අපිත් බලමුකෝ නේද ඊලඟ කතාව කොහාට යාවිද කියලා.

@RoylyFdo

රොයිලි (43 Posts)

රොයිලි