Arrow S04E02 – The Candidate – සිව්වන අදියරේ දෙවන කොටසේ විග්‍රහය

A for Anarky???
Who is Mr.Terrific

Full of Spoilers. Read at your own risk
ටීවී සිරිස් පවා අලුත් වෙන මේ කාලේ අපි විතරක් පරණ තාලේටම ඉන්න ඕනේ නැනේ. ඒ හින්දා අපිත් පෝස්ට් දාන්න ටිකක් අලුත් විදිහක් භාවිතා කරන්න හිතුවා. ඇත්තම මේ ක්‍රමය ගොඩක් පහසුයි. මොකද එතකොට අපිට විස්තර කරන ගමන් ම පින්තූරය ඉදිරිපත් කරන්න පුළුවන්. එහෙනම් අපි බලමු මේ සතියේ ඇරෝ කතාවේ මොකද උනේ කියලා.

ඇත්තටම දැන් ඇරෝ කතාවේ තිබ්බ අඳුරු ගතිය අඩු වෙලා. ෆෙලිසිටි ගේ විහිළු සහ ඔලිසිටි සම්බන්ධය ලස්සනට ගලා ගෙන යන විදිහ දැක්කම කලින් සීසන් එකට වඩා සැහැල්ලු විදිහකට මේ සීසන් එක (අඩු තරමේ මුල් කාලේ දී වත්) තියෙයි කියලා හිතන්න පුළුවන්.

Vote for Jessica Danforth

මතකද Hogwarts වල අඳුරු මායා කර්ම ගුරුවරයාගේ තනතුර. කට්ටිය කියන්නේ ඒ තනතුර ශාපලත් තනතුරක් කියලා. ඒ වගේම තමයි ස්ටාර්ලින් සිටි වල නගරාධිපති තනතුර. මේ තනතුරට පත් වෙන හෝ තරන කරන කෙනෙක් ට අත් වෙන ඉරණම ගොඩක් භයානකයි. හැබයි ග්‍රීන් ඇරෝ ගේ ආගමනය හින්දා කට්ටිය ගේ අදහස් පවා වෙනස් වෙන්න පටන් අරගෙන. ඒකයි මොයිරා ගේ යාළුවෙක් වුණු Jessica Danforth අපේක්ෂිකාවක් විදිහට ඉදිරිපත් වෙන්නේ. අනපේක්ෂිත (එක අතකින් බලපුවාම අපේක්ෂිත) විදිහට එයාගේ දුව පැහැරගෙන යාම හින්දා එයාට සිද්ද වෙනවා තමන් ගේ මතය වෙනස් කරගන්න.

ඇත්තටම අපිට කොමික් වල දී නම් මෙහෙම චරිතයක් හම්බෙන්නේ නෑ. මෙයා සම්පුර්ණයෙන්ම මේ කතාව වෙනුවෙන් හඳුන්වා දීපු චරිතයක්.

Felicity is a big girl now

අපේ අහිංසක ෆෙලිසිටි දැන් අපි හිතනවාට වඩා ලොකු ළමයෙක්. එයා දැන් ඉහල පරිපාලන තීරණ ගන්න මට්ටමට දියුණු වෙලා තියනවා. ඇත්තටම මේ තත්ත්වය මෙහෙම තියෙද්දී පරණ විදිහටම කොම්පියුටර් එක ළඟ ඉන්න නර්ඩ් ගේ චරිතය කරන්න සිද්ද වීම එක අතකින් විහිළුවක්. ඒ මොනවා උණත් ෆෙලිසිටි උත්සාහ කරන්නේ හැමෝවම බේරාගෙන සමාගමත් බේරා ගන්න.
Lonnie Machin aka Anarky

අපිට මේ සැරේ කතාවේ දී අලුත් මුහුණු කිහිපයක්ම දකින්න හම්බුනා. ඒ අතරින් විශේෂම කෙනෙක් තමයි ලෝනි කියන්නේ. ජෙසිකා ඝාතනය කරන්න වගේම එයාගේ දුව පැහැර ගෙන යන්නත් මෙයා කටයුතු කරනවා. කතාවේ හැටියට නම් මෙයා තමන් ගේ අරමුණ වෙනුවෙන් ඕනෑම දෙයක් කරන්න පැකිලෙන්නේ නැති කෙනෙක්. වෙන එකක් තියා Damien Darhk ට පවා මෙයාගේ වැඩ ගැන කලකිරෙනවා. 
අපිට කතාවේදී මෙයාගේ නම Anarky විදිහට එලියට එන්නේ නම් නෑ. ඒ වෙනුවට Anarchy ඒ කියන්නේ නීතියට, සම්මතයට පිටින් යන කියන විතරයි භාවිතා වුනේ. හැබැයි තව දෙයක් අපිට දකින්න හම්බුනා. ඒ තමයි ලේ වලින් ලියපු A අකුරක් දකින්න පුළුවන් උණා. කොමික් වල දී මෙයා තමන් ගේ සංඛේතය විදිහට යොදා ගන්නෙත් මේ විදිහේ දෙයක් තමයි.

හැබයි ගැටලුව තියෙන්නේ මෙයා කොමික් වල මේ විදිහේ දරුණු චරිතයක් ද කියලා. මුල් කාලීනව බැට් මෑන් ගේ සතුරෙක් විදිහට ආවා උණත් මෙයාගේ අරමුණ ගොඩක් දරුණු එකක් නෙවේ. දුෂ්ඨ පාලකයන් ට එරෙහිව තමයි මෙයා සටන් කෙරුවේ. කතාව ඇතුලේ අපිට කොමික් වල ඉන්න චරිතයම දකින්න පුළුවන් වෙයි කියලා නම් හිතන්න අමාරුයි මේ යන විදිහට. හැබැයි බැරි වෙලාවත් එහෙම වෙනවා නම් කතාව ඇතුලේ ලොකු ඉඩක් මෙයාට වෙන් කරන්න සිද්ද වෙනවා.

ඒ වගේම තමයි කොමික් වල දී මෙයා භාවිතා කරපු ආයුධයක් තමයි Anarky Baton කියන්නේ. මතකනේ කතාව ඇතුලේ දී අපිට මේක දකින්න හම්බුනා. 

Michael Holt aka Mr Terrific

අපිට කතාවේ දී හදුනා ගන්න හම්බුනු අනිත් චරිතය තමයි මයිකල් හෝල්ට් කියන්නේ. මෙයා පාමර් ටෙක්නොලොජි වල ඉන්න තාක්ෂණික විශේෂඥයෙක්. මෙයා ෆෙලිසිටි එක්ක එකතු වෙලා සමාගම බේරා ගන්න උත්සහ කරනවා. අපිට කොමික් වලදී මෙයා හම්බෙනවා. ඒ DC කොමික් වලට අනුව පෘථිවියේ ඉන්න තුන්වෙනි බුද්ධිමත්ම පුද්ගලයා (එක සහ දෙක ට ඉන්නේ ලෙක්ස් ලුතෝර් සහ බැට් මෑන්). මෙයාගේ වටිනාම සොයා ගැනීම තමයි T Spheres කියන්නේ. මේක හරියට බැට්සි ගේ යුටිලිටි බෙල්ට් එක වගේ බහු කාර්යය උපකරණයක්. 

විශේෂම කාරණය තමයි ෆෙලිසිටි සහ මයිකල් හෝල්ට් අතර හොඳ යාළුකමක් ඇති වෙනවා. හැබැයි බය වෙන්න දෙයක් නෑ ඔලිවර් ට. ඒ මොකද කියන කාරණය වචනයෙන් කියන්නේ නැතිව මෙහෙම කෙරුවොත් වඩා පැහැදිලි වෙයි.
Lance and Damien Darhk

මේ දෙන්නා අතර තියන සම්බන්ධය මොකක්ද කියන කාරණය මේ සතියේ පැහැදිලි උණා. ලාන්ස් මේ හැම දේම කරන්නේ ලෝරල් ගේ ජීවිතය ආරක්ෂා කරන්න වගේ තමයි පේන්නේ.
Thea

තියා ගේ මේ වෙනස් වීම ටිකක් පරක්කු වෙලා ආපු දෙයක්. අපි කලින් සීසන් එකේ දී මෙහෙම දෙයක් බලාපොරොත්තුවෙන් හිටියේ. ලාසරස් ෆිට් එකේ අතුරු ප්‍රතිපල හින්දා මෙහෙම දෙයක් වෙන්න ඉඩ තියනවා කියන කාරණය කලින්ම අපි දැන ගත්තානේ.
Flashback
අද ස්ටීවන් අමෙල් මේ විදිහේ දෙයක් එයාගේ ට්විටර් ගිණුමේ කියලා තිබ්බා.මේක දැක්කාට පස්සේ නම් මට හිතුනේ අතීත මතක සටහන් මෙතනින් ඉවර වෙයි කියලා. ඒත් එහෙම දෙයක් නම් සිද්ධ උණු බවක් පෙනුනේ නෑ. හැබයි ඔලිවර් ගේ තරුණ කාලේ තිබ්බ කැත කොන්ඩ මොස්තරේ නම් ඉවර වෙලා තියනවා.
Vote for Oliver Queen

අන්තිමේ දී ඉල්ලන්න කෙනෙක් නැතිම තැන ඔලිවර් නගරාධිපති තනතුරට ඉල්ලනවා. කතාව පුරාම විජිලන්ට් කෙනෙක් කරන දේට වඩා වෙනස් දෙයක් කලයුතුයි කියන ආකල්පය ඔලිවර්ට ආවා. ඒ හින්දා ඉස්සරහට ඔලිවර් නගරාධිපති දකින්න ලැබුනත් පුදුමයක් නෙවේ. විශේෂම කාරණය තමයි මේ සිදුවීම අපිට කොමික් වල දී දකින්න හම්බුනු කාරණයක්.
Sara

තියා ගේ කතාව අහන ලෝරල් තීරණය කරනවා ලාසරස් ෆිට් එක බලන්න යන්න. ඒ හැබයි තනියම නම් නෙවේ. එයා ගේ අදහස වෙන්නේ සේරාට ආපහු පණ ලබා දෙන්න උත්සාහ කරන්න. අපි දන්නවා නේ ලෙජන්ඩ් ඔෆ් ටුමාරෝ කතාවට මෙයා එනවා කියලා. ඒකට ආරම්බයක් තමයි මෙතන දී වෙන්නේ. හැබයි මැරිලා මාස 6 කට වැඩි කාලයක් ගියාට පස්සෙත් මෙච්චර හොඳට මිනිය තියනවා කියන එක නම් පිළිගන්න ටිකක් අමාරුයි. මොනවා උණත් අද රෑට නිදා ගන්න යද්දී ලයිට් නිවලා මේ පහලින් තියන රුපය මතක් කරගත්තාට අපේ කිසිම අමනාපයක් නෑ.එහෙනම් ලබන සතියේ ඇරෝ කතාව එක්ක ඔයාලා හම්බෙන කල් ලබන සතියේ විකාසය වෙන කතාවේ ට්‍රේලර් එක බලන්න කියලාත් මතක් කරනවා.

#attila_THE_hun

http://comicscript.online.lk

Comic Script