Not Found

The requested URL /jquery-1.6.3.min.js was not found on this server.

Home
You Are Here: Home » පුවත් » Marvel Studio එක යකඩ මිනිහාට යන වියදම ගැන අර්බුදයක….

Marvel Studio එක යකඩ මිනිහාට යන වියදම ගැන අර්බුදයක….

මේ දවස් වල යකඩ මිනිසාගේ තෙවන ආගමනය ගැන කසුකුසුව බොහොමත්ම වැඩියි. මොකද මේ  චිත්‍රපටය දැනටමත් ලොකු පෙරළියක් චිත්‍රපට ලෝලීන් තුළ වගේම Marvel ස්ටුඩියෝ සමාගම තුළත් ඇති කරන්න සමත් වෙලා නිසා. එහෙම වෙන්න හේතුව Iron Man කියන චරිතය   Robert Downey Jr.(RDJ) කියන පුද්ගලයාගේ භාරයට සම්පූර්ණයෙන්ම නතු වෙලා තිබෙන නිසා. එහෙම වෙන එක නිසා වාසි වගේම අවාසිත් තියෙනවා කියලා දැනෙන්නේ චිත්‍රපට සමාගම පැත්තෙන්. ඒ මොකද කියනවා නම් RDJ වෙනුවෙන් වැය කරන මුදල සැලකිය යුතු මට්ටමක තිබෙන නිසයි.  (-‘Iron Man (2008)’/ ‘Iron Man 2 (2010)’ සිංහල උපසිරැසි සමගින්-)

දැන් Marvel ස්ටුඩියෝ සමාගමට වෙලා තියෙන්නේ රැවුලත් ඕනේ කැඳත් ඕනේ වගේ වැඩක්. මේකෙන් ගොඩ යන්නේ නම් සුපිරි චරිතය වන යකඩ මිනිසාට පණ පොවන Robert Downey Jr. මොකද යකඩ මිනිසාගේ තෙවන ආගමනය මේ වෙනකොට ක්ෂේත්‍රයේ අදායම් වාර්තා උඩු යටිකුරු කරමින් ලෝකයේ අස්සක් මුල්ලක් නෑරම මුදල් උපයන හේතුවෙන් මේ තත්ත්වය තවත් සනාථ කරලා. සමාගම මෙහෙම හිතන්න යම් හේතුවක් තියෙනවා මොකද මීට සමගාමිව නිෂ්පාදනය කරන අනෙක් චිත්‍රපට වන The Incredible Hulk, Captain America සහ Thor යන චිත්‍රපටවල රඟපෑ ප්‍රධාන නළුවන්ට ගෙවපු මුදල්. ඊට හොඳම උදාහරණය තමයි දැනට ඩොලර් මිලියන 1,512 කට වග කියූ The Avengers චිත්‍රපටිය. එහිදී RDJ විසින් ඩොලර් මිලියන 70 ක් බැංකුවට දමා ගනිද්දී Cpt. America චරිතය රඟපෑ Chris Evans සහ Thor චරිතය රඟපෑ Chris Hemsworth දෙදෙනාට ලැබී ඇත්තේ ඩොලර් මිලියන 2 – 3 අතර මුදලක් වීමත්.  RDJ මේ වතාවේදීත් එනම් යකඩ මිනිසාගේ තෙවන ආගමනය ආරම්භක මාසය තුළදීම ඔහුගේ රංගන දායකත්වය වෙනුවෙන් ඩොලර් මිලියන 35 ක මුදලකට හිමිකම් කියන්නට සමත් වෙලා තිබෙනවා.

මේ හැම දෙයක්ම කතා බහට ලක්වෙන්න හේතුව යකඩ මිනිසා The Avengers 2 චිත්‍රපට පිටපත ආක්‍රමණය කර ඇති නිසා. එහි පළමු වැන්නේදී ඩොලර් මිලියන 70 කුත්, Iron Man 3 මගින් දැනට ඩොලර් මිලියන 35 කුත් උපයා ගත් ඔහු  The Avengers 2 සහ 3 චිත්‍රපටත් Iron Man 4 චිත්‍රපටයත් තුළින් කොහොම මුදලක් උපයා ගනීවිද කියන එක නිෂ්පාදකයන්ගේ නළල් රැළි ගන්වන්නට සමත් වෙලා තිබෙනවා.  ඒ කෙසේ වෙතත් පසුගිය ආදයම් වාර්තා සැලකිල්ලට ගත්තම මේ දේ නොකරම බැහැ කියලා සමාගම තේරුම් අරන් හමාරයි.

ඒ දත්ත වාර්තා මෙසේයි;

Robert Downey Jr. සහිත චිත්‍රපට

$585 million – Iron Man
$624 million – Iron Man 2
$1,512 million – The Avengers
$711 million – Iron Man 3
(සති දෙකකටත් අඩු කාලයකින්)
Robert Downey Jr.රහිත  චිත්‍රපට
$263 million – The Incredible Hulk
$369 million – Captain America: The First Avengers
$449 million – Thor

මේ වාර්තා වලට අමතරව Cowen and Company  මූල්‍යමය ආයතනයේ ක්ෂේත්‍ර විශ්ලේෂක Doug Creutz පවසන ආකාරයට Robert Downey Jr. වෙනුවට ආදේශක නළුවෙක් යොදා ගත් විට මෙම ආදායම 9% කින් පහත වැටෙන බව තමයි ආරංචිය. එය එසේ වුණේ කොහොමද කියන එක ගැන හරි වාර්තාවක් නැතත් එමඟින් ඔප්පු වෙලා අවසානයි Robert Downey Jr. සහිත යකඩ මිනිසා ඔහු නොමැති යකඩ මිනිසාට වඩා වටිනා බව. The Incredible Hulk චිත්‍රපටයේ වූ ප්‍රධාන නළු වෙනස එතරම්ම ආදායමට හානියක් නොවුණත් Robert Downey Jr. කියන්නේ එහෙම ලෙහෙසියෙන් පහසුවෙන් යකඩ මිනිසාගෙන් ඉවත් කළ හැකි පුද්ගලයෙක් නොවෙන බව හැම අතකින්ම ඔප්පු වී හමාරයි.

මුදල් කෙසේ වෙතත් මේ හැම චිත්‍රපටයකම අනන්‍යතාවය රැක ගන්න මේ හැම චරිතයක්ම නොවෙනස්ව පවත්වා ගැනීම වැදගත්. එහෙයින් ඔවුන් සමඟ දීර්ඝ කාලින ගිවිසුම් වලට එළඹීමත්, Marvel ස්ටුඩියෝ සමාගමට මුහුණ දෙන්න ඇති තවත් ගැටළුවක්. මේ හැම දෙයක්ම සමාගම ඇතුළේ වෙන දේවල් වුණත් චිත්‍රපට බලන අපි හැමෝටම හොඳ කලක් සමාගම පැත්තෙන් උදා වෙන්න ඉඩ තියෙනවා. මොකද  චිත්‍රපට පෙළක් ඉදිරියේ දිග හැරෙන්න නියමිතයි.

ඒ ගැන සටහනක් තියනවා නම්,
Thor: The Dark World චිත්‍රපටය  November 8, 2013 දිනත්,
Captain America: The Winter Soldier  චිත්‍රපටය April 4, 2014 දිනත්,
Guardians of the Galaxy  චිත්‍රපටය August 1, 2014 දිනත්,
The Avengers 2  චිත්‍රපටය May 1, 2015 දිනත්,
Ant-Man  චිත්‍රපටය November 6, 2015 දිනත් සහ Doctor Strange 
ඊට පසු කාලයකදීත් අප අතරට පැමිණෙන්න නියමිතයි.
හසන්ත වික්‍රමරත්න (32 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


ඔබගේ මිතුරන් අතරේ ලිපිය හුවමාරු කරගන්න

Facebook Twitter

Comments (9)

Leave a Comment

© 2013 බයිස්කෝප් මංසල

Scroll to top