Marvel’s Agents of S.H.I.E.L.D. characters – o6 | Jemma Simmons

Marvel’s Agents of S.H.I.E.L.D කථාමාලාවේ මං කැමතිම චරිතය තමයි Jemma Simmonsගේ චරිතය. ටිකක් ගුප්ත අහිංසක චරිතයක් හැටියටයි මෙයාව හඳුන්වන්න පුළුවන් වෙන්නේ. එහෙම හිතෙන්නේ අපිට කථාමාලාවේදී දැනට වැඩි විස්තරයක් Jemma ගැන කියවෙන්නේ නැති නිසායි. සමහර තැන්වලදී අපිට Jemma ගැන දැනගන්නට ලැබෙන්නේ ඉතා අහිංසක දක්ෂ කෙනෙක් විදියටයි. ඒ අතරෙම season 2 එකේදී Jemmaගේ චරිතය ටිකක් පුළුල් චරිතයක් බවට පත්කෙරෙනවා. ඒ ගැන වැඩිය මම කියන්න යන්නේ නැහැ. Season 2 එක බලපු නැති යාලුවොත් මෙතන ඉන්නවානේ
මුලින්ම අපි Jemmaගේ විස්තර ටිකක් හොයලා බලලා ඉමු. Jemma Simmons කියන්නේ Biochemist කෙනෙක්. නිකන්ම Biochemist කෙනෙකුත් නෙවෙයි PhD 2ක් තියෙන කෙනෙක් තමයි Jemma කියන්නේ. ඒක නිසා Jemmaගේ IQ level එක ගැන ඔයාලාට තේරෙනවනේ. ඒ නිසාම සමහරක් තැන් වලදී මෙයාව Dr. Jemma Simmons කියලත් හඳුන්වනවා. 2004 වසරේදී තමන්ගේ හොඳම යහලුවා වන Leopold Fitz සමඟ S.H.I.E.L.D. training academy එකට ඇතුළත්වනවා. තියුණු පරිකල්පණ හැකියාව නිසාම විශිෂ්ඨ ලෙස අධ්‍යාපන කටයුතු නිම කරමින් සාමාන්‍යයෙන් ලබා දී ඇති උපාධි නිමකිරීමේ වසරට වඩා වසර 3කට කලින් දෙදෙනාගේම උපාධි නිමකරනවා. Phil Coulson මොවුන් දෙදෙනාව ඔහුගේ කණ්ඩායමට ඇතුළු කරගනු ලබන්නේ මේ නිසාම තමයි. Jemmaගේ කුඩා කාලය ගැන වැඩි සඳහනක් නොවුනත් ඇගේ දෙමව්පියන් ගැන විටින් විට සඳහන් වෙනවා. ඇය ගැන ඔවුන් නිතරම සොයා බලන බවත් ඇය තමන්ගේ පවුල සමඟ ඉතා කිට්ටුවෙන් සිටිනා අයෙක් බවත් අපිට දැනගන්න පුළුවන්.

Jemma කියන්නේ හරිම අහිංසක චරිතයක්. ඒ බව කථාමාලාව පුරාම අපිට දැකගන්න පුළුවන් වෙනවා. ඒ වගේම තමන්ගේ කණ්ඩායම සහ S.H.I.E.L.D. එකට සිදුවන සතුරු කරදර වළකාලන්නට ඇය ගොඩාක් උනන්දුවෙන් වැඩ කරනවා. Season 1 වලදී අපිට ගොඩක්ම දැකගන්නට ලැබෙන්නේ ගොඩක් අහිංසක, ඉතාම උද්‍යෝගිමත්, කටකාර කෙළිළොල් චරිතයක් විදියටයි. නමුත් Season 2 වලදී S.H.I.E.L.D. එක වෙනුවෙන් HYDRA මූලස්ථානයක රහස් ඔත්තු බලන්නට යන්නට පවා ඇයට සිදුවෙනවා. එන්න එන්නම කාලයත් එක්ක තමන්ගේ චරිතය වැඩිදියුණු කරගන්නට සමත් කෙනෙක් හැටියටයි මම Jemmaව නම් කරන්නේ. ඒ වගේම ඇය Fitz සමඟ එක්ව නිපදවන උපකරණ, මෙවලම් සහ තාක්ෂණික සොයාගැනීම් නිසාම කණ්ඩායමට නැතිවම බැරි කෙනෙක් බවට Simmons පත්වෙනවා. මේ දෙන්නා එච්චරට දක්ෂ, ගැලපෙන නිසා තමයි කථාවෙදි Fitz-Simmons කියලා කෙටි වචනයකුත් ඉදිරිපත් වෙන්නේ. කණ්ඩායමේ වෛද්‍යවරිය ලෙසට බොහොමයක් අවස්ථාවල ක්‍රියාකරන්නට වෙන්නේත් Jemmaටයි. ඒ වගේම Jemma S.H.I.E.L.D. Clearance level 5 වල ඉන්න සාමාජිකාවක්. මේ නිසාම ඇය සතුවන වගකීමුත් බොහොමයි. ඒ නිසාම විටෙක තව තව S.H.I.E.L.D. agentsලා සමඟත් ඇයට වැඩ කරන්නට සිදුවෙනවා. HYDRA undercover mission එකේදී මේ අය කවුද කියලා කියන්නම්. කොහොම උනත් Jemma අනිත් අයත් එක්ක එකතුවෙලා වැඩ කරන එක ගැන නම් Fitz කැමති වෙන්නේ නැහැ. ඒත් ඉතින් Fitzට තාම හිතේ තියෙන දේ කියාගන්න බැරිවුණු නිසා තමයි කථාව නියමෙට ගලාගෙන යන්නේ. Season 2 එකේදී මේ දෙන්නා ගැන ගොඩක් කතාබහට ලක්වෙනවා.

Simmons අහිංසක චරිතයක් නිසාම ඇයට ගොඩාක් ප්‍රශ්න, බාධක වලට මුහුණ දෙන්නට සිදුවෙනවා. කොටින්ම කිව්වොත් Simmonsට වෙන්නේ හරියට බොරුවක් කියාගන්න බැරි වෙන එකයි. මේ නිසාම ගොඩාක් තැන්වලදී ඇය කිව්වේ බොරුවක් කියලා අහුවෙන්න යන වෙලාවල් බොහොමයක් හමුවෙනවා. HYDRA undercover mission එකේදී සිදුවෙන දේ ඒකට එක උදාහරණයක්. ඒ වගේම තමයි Jemma කියන්නේ කණ්ඩායම ගැන, ඒකේ සාමාජිකයන් ගැන නිතරම හිතන කෙනෙක්. මේ නිසාම තමයි Skye කණ්ඩායමට ඇතුළු වූවාට පසු ඇයව තමන්ගේම සහෝදරියක්, හොඳ යහළුවෙක් විදියට රැකබලාගන්නේ. Skyeට කථාමාලාවේ ඉස්සරහට මුහුණදෙන්න වෙන දරුණු සිදුවීම් පෙළත් එක්ක Jemma ඇය ගැන කොපමණ සොයාබලනවාද කියන එක අපිට තේරෙනවා. ඒ වගේම තමයි Fitzගැන Jemmaගේ හිතේ තියෙන හැඟීම ගැනත් පොඩි දෙයක් කියන්න ඕනේ. මෙතන වැඩේ තියෙන්නේ Jemmaත් Fitzට කැමතියි. ඒත් දෙන්නා දෙන්නාට මේ ගැන කියන්න බයයි වගේ

(සමහර විට යාලුකම නැතිවෙයි කියන බයට වෙන්නත් ඇති.) Jemma Fitzට හදලා දෙන prosciutto and buffalo mozzarella with a hint of Simmons’s homemade pesto aioli සැන්ඩ්විච් එකෙන්නුයි field misson වලදී Fitzට පරිස්සම්වෙන්න කියන එකෙනුයි ඒක හොඳට තේරෙනවා. කොහොම හරි මේ දෙන්නා එකතුවෙන්න හදනකොට හැම පාරම තොප්පි තමයි වැටෙන්නේ. බලමු ඉස්සරහට මේ දෙන්නාට දෙන්නාගේ හිතේ තියෙන දේවල් කියාගන්න පුළුවන් වේවිද කියලා

Agents of S.H.I.E.L.D. කථාමාලාවේ Jemma Simmonsගේ චරිතය රඟපාන්නේ Elizabeth Henstridge විසිනුයි. Elizabeth එංගලන්තයේ ඉපදුණු කෙනෙක්. ඒ වගේම එයාගෙ පවුලේ බොහොමයක් අය වෛද්‍යවරු වෙනවා. ඒත් Elizabeth වෛද්‍යවරියක් නෙවෙයි. ඒ නිසාම කථාමාලාවේදී ගොඩාක්ම සාර්ථකව රඟපාන්න පිටිවහලක් ලැබුණා කියලයි ඇය කියන්නේ. කොහොම වෙතත් සාර්ථකව අනිත් චරිත එක්ක සම්බන්ධ වෙමින් කතාවේ ජීවගුණය රැකෙන විදියට රඟපෑමේ නිරත වෙන්නට ඇයට හැකිවෙනවා. චරිතයට අවශ්‍ය වන පරිදි ඇය මනාව හැඩගැසෙමින් ඉතා විශිෂ්ඨ රංගනයක නිරත වෙනවා. season එකෙන් අනිත් season එකට යනකොට Jemmaගේ ලස්සන එන්න එන්නම වැඩිවෙනවාදෝ මන්දා

මීට පෙර ලිපිය
https://www.facebook.com/slcomicscript/photos/a.1519017541714586.1073741827.1519015728381434/1591573944458945/?type=1&permPage=1

ps – Don’t ask what happened to her at the season 2 finale

https://www.facebook.com/slcomicscript

11233563_1593306100952396_7820701316037419544_n

Comic Script (144 Posts)


2 thoughts on “Marvel’s Agents of S.H.I.E.L.D. characters – o6 | Jemma Simmons

  • May 26, 2015 at 3:58 PM
    Permalink

    වටිනා ලිපියක් සහෝ. දිගටම කරගෙන යන්න

Leave a Reply

Your email address will not be published. Required fields are marked *