Daredevil – #spoiler_warning !! Episode 2: “Cut Man” – Recap

Tv series වලින් දැනට ලොව පුරාම කථාබහට ලක්වෙන Daredevil series එකේ දෙවැනි episode එකේ review එක ගැන කථා කරන්නයි මම මේ සූදානම් වෙන්නේ. අලුත් අවුරුද්ද නිසා පොඩ්ඩක් ලිපි පෙළ පරක්කු වුන එක ගැන සමාව ඉල්ලන්න ඕනේ. කලින් episode එක අවසන් වුණේ Matt තමන්ගේ පුහුණුවීම් පටන් ගන්නා අතර Hell’s Kitchen එකේ කිසියම් පිරිසක් නපුරට වැඩ කටයුතු කරනා ආකාරයත් සමඟින්මයි. ඒ සමඟම අවසානයේ රුසියන්කාරයන් පිරිසක් කුඩා දරුවෙක්ගේ පියාට පහරදී ඒ දරුවා පැහැර යන ආකාරයත්, Mattගේ ප්‍රබල ශ්‍රවණයට මේ දරුවා සිය පියාව සොයා කෑ ගසනා වදන් පෙළ ඇසීමත් සමඟිනුයි. අද කථාව පෙළ ගැස්වෙන්නේ එතැන් සිටයි.

කථාව ආරම්හ වෙන්නේ Hell’s Kitchen එකේ එක්තරා වීදියක දිස්වෙන ලේ පැල්ලම් සහිත දර්ශනයකින්. මේ ලේ පැල්ලම් දිගේ යනවිට Daredevil බොහොම දරුණු විදියට තුවාල වෙලා කුණු ගොඩක සිහි නැතිව ඉන්න රූපරාමුවකුයි දිස්වන්නේ. (#1 රූපය) ඒ කියන්නේ ගොඩක් දරුණු සටනකට Daredevil මූණදීලා තියෙනවා. මේ වෙලාවේ එතැනට පැමිණෙන තරුණයෙක් Daredevilව දකිනවා. ක්ෂණයකින් එතැනින් ඉවතට දිව යන ඔහු යළි පැමිණෙන්නේ කාන්තාවක්ද සමඟයි. මේ කාන්තාවගේ flat එකට ඔවුන් Daredevilව රැගෙන යනවා. එහිදී ඇය Daredevilගේ තුවාල පරීක්ෂා කර බලන විට ඒවා දරුණු ගණයේ කැපීම් තුවාල බව දැකගන්නට හැකිවෙන නිසා ඇය රෝහලට දුරකථනයෙන් අමතනවා. නමුත් සියවි සිහියට පැමිණෙන Daredevil ඇයව වලකනවා. මේ කාන්තාව කවුද කියන එක අපිට එවිටයි දැනගන්නට හැකිවන්නේ. ඇය නමින් Claire Temple.(#2 රූපය) ඒ වගේම ඇය Hell’s Kitchenවල Metro- General රෝහලේ හෙදියක් බවද පැවෙසෙන්නේ මේ අවස්ථාවේදීයි. ඒත් එක්කම පොඩ්ඩක් comic පොත් දිහාවට හැරුණොත් අපිට Claire Temple කියන්නේ කවුද කියලා හොයාගන්නට පුළුවන්. Claire Temple කියන්නේ comic වලදී Night Nurseටයි. ඇය සුපිරි වීරවරයන්ට fightවලදී තුවාල සිදුවූ විටදී බොහෝ අවස්ථාවලදී ප්‍රතිකාර කරමින් උදව් කරන තැනැත්තියක්. ඒ වගේම ඇය අපි හොදටම දන්න Marvel superhero කෙනෙක් වන Luke Cageගේ කලින් පෙම්වතියක්ද වනවා. ඒ වගේම Marvel Civil War comics වලදී මැය ගැන ලොකුවට කථාබහ වනවා. Claire තමන්ගේ නම Daredevilට පැවසුවත් ඔහු තමන්ගේ නම ඇයට පවසන්නේ නැහැ. ඒ නිසාම ඇය ඔහුට ආමන්ත්‍රණය කරන්නේ Mike කියන නමිනුයි. ඇය කලින් ආදරය කරපු කෙනෙකුගේ නම Mike නිසා තමයි ඇය මේ නම යොදාගන්නේ. ඒත් එක්කම Claire තමන්ට පුළුවන් උපරිමයෙන් Daredevilගේ තුවාල වලට ප්‍රතිකාර කර ඔහුව ප්‍රකෘති තත්වයට ගන්නවා.

දෙන්නාගේ කතාබහ තව දුරටත් ඉදිරියට ගෙනයන අතරතුරේදී Daredevil මේ විදියට ගුටිකාලා කුණුගොඩක ඉන්න හේතුවෙන කාරණාව පැවසෙනවා. ඒකට හේතුව තමයි රුසියන්කාරයෝ. කලින් episode එකේදී අන්තිමට රුසියන්කාරයෝ එකතුවෙලා පොඩි ළමයෙක් පැහැරගත්තා මත ඇති නේද? අන්න ඒ ළමයාව හොයාගෙන ගිහින් තමයි Daredevil මේ විදියට තුවාල වෙලා තියෙන්නේ. කොටින්ම කිව්වොත් ඔවුන්ගේ උගුලක් මැදට තමා Daredevil කෙලින්ම ගිහින් තියෙන්නේ. ළමයාව ඔවුන් සඟවලා තියෙන්නේ එතැන නෙවෙයි වෙන තැනක. ළඟකදී ඉදලා මේ පාතාල කල්ලියට ඕනේ විදියට වැඩකටයුතු කරගන්න Daredevil ඉඩ තිබ්බේ නැහැනේ. ඒ නිසා Daredevilව කොටු කරගන්නයි ඔවුන් උත්සහ කරන්නේ. නමුත් Daredevil හොඳටම ගුටි කාගෙන එතනින් පැනගන්න නිසා ඔහුව හොයන්න රුසියන්කාරයෝ එක් පුද්ගලයෙක්ව NYPD officer කෙනෙක් විදියට එවනවා. ඔහු Claireගේ apartment එකටත් පැමිණ නීතියෙන් පැනයන කළු පැහැති වෙස්මුහුණක් පැළඳි ලේ ගලමින් සිටි පුදගලයෙකු සොයනා බව පවසනවා. Claire එවන් පුදගලයෙකු හෝ කිසිම සිදුවීමක් ගැන නොදන්නා බව පැවසුවත් නමුත් NYPD officerට ඇය ගැන සැක හිතෙනවා. මේ බව Daredevilට දැනෙනවා. Daredevilගේ motion sensors ගැන කථාව තුළ දිගින් දිගටම විශිෂ්ඨ අයුරින් ඉස්මතු කරන එක් අවස්ථාවක් තමයි මේක. තවත් කෙනෙකුගේ හදගැස්ම, හැඟීම්, ඈතින් කෙරෙන කථාබස්, ශබ්ද මේ හැමදේම Matt දැනෙන විදිය ගැන අපූරුවට කියවෙනවා. මේ නිසාම වෙන්න ඇති කථාව මෙච්චරම ජනප්‍රිය වෙලා තියෙන්නේ. කොහොම හරි Daredevil මේ ආපු officer, Claire ගැන සැකහිතන බව දැනගත්තාම ක්ෂණිකව ඔහු පඩිපෙළ බැස අවසන්වනවාත් සමඟම පඩිපෙලේ උඩ සිට ගිනි නිවන උපකරණයක් ඔහුගේ හිස මතට අතහරිනවා. Daredevilගේ sensors ගැන හොදට ඒකෙන් අපිට අදහසක් ලැබෙනවා. ගිනි නිවන උපකරණය හිස මතට වැටීමත් සමඟම අර officerට සිහි නැති වෙනවා. පසුව Daredevil Claire සහ අර Daredevil තුවාල ලබා සිටි වේලාවේ දුටු තරුණයාගේ උදව් සහිතව උඩ වහලයට රැගෙන යනවා.

ඔය අතරේ අපිට Mattගේ කුඩා කාලය ගැන flashbacks ටිකක් දැකගන්නට ලැබෙනවා. එහිදී Matt අර අනතුරට පස්සේ රෝහල්ගතවෙලා හිටියේ කොහොමද, ඒ කාලයේදීත් ඔහුට මේ superhuman sensers තියෙනවාද නැද්ද කියන එක ගැන හොඳ පැහැදිලිකිරීමක් ලැබෙනවා. ඒ වගේම අපිට Mattගේ තාත්තා වන Jack Murdock ගැනත් කියවෙනවා. දැනටමත් අපි දන්නවා Jack කියන්නේ වෘතීමය boxing ක්‍රීඩකයෙක්. කලින් ලිපියේ කිව්වා වගේම ඔහුගේ තරඟ ජයග්‍රහණ වල කිසියම් අසාමාන්‍ය බවක් තිබෙනවා. ඒකට හේතුව ඔහු තැරැව්කරුවන්ගේ උවමනාවට තරඟ පාවා දීමයි. Jack මේ ඔක්කොම කරන්නේ Mattගේ ඉදිරි අනාගතය සඳහා මුදල් එකතු කරන්නට සහ Mattගේ අධ්‍යාපන වියදම් සදහායි. නමුත් ඔහු මේ ගැන කිසිම වචනයක් Mattට පවසන්නේ නැහැ. ඒ ව්අගේමයි ඔහු සිය පුතාට බෙහෙවින් ආදරය කරනවා. සෑම පියෙකුම සිය පුතාව දිරිමත් කරනවා වගේම Jackත් Mattව අනතුරෙන් පසුව ජීවිතය ජයගන්නට දිරිමත් කරනවා. තරඟය පරාජය වුවත් මෙපමණ මුදල් ලැබුණේ කෙලෙසදැයි Matt ඔහුගෙන් විමසූ විට ඔහු දෙන පිළිතුරෙන් ඒ බව මනාව පැහැදිලි වෙනවා. ” Sometimes even when you get knocked down, you can still win ” කියන වැකියෙන්ම ඒක හොඳට ඉස්මතු වනවා. ඒ වගේම Jack තමන් තරඟ පුහුණුවීම් සිදුකරන Fogwell’s Gym එකට පවා රැගෙන යන්නේ ඒකයි. එතැනදී Jackට තරඟ පාවාදීම සඳහා contract ගෙන එන දෙදෙනාව හමුවනවා. (#4 රූපය) ඔවුන් එතැනදී Jackට අලුත් යෝජනාවක් ගෙන එනවා. ඒ “Crusher” Creel සමඟ තරඟයක් ලබාදීමටයි. (#3 රූපය) නමුත් එහිදී Jack තරඟ වට 3-1ක් ජයගෙන 5වන වටයේදී Creelගේ පහරකින් බිම ඇද වැටිය යුතු බවටයි. Mattගේ අනාගතය උදෙසා මුදල් අවශ්‍ය බැවින් ඔහු සිය කීර්තිය පසෙකින් තබා එයට කැමති වනවා. නමුත් කුඩා Matt මේ හැමදේම අහගෙනයි ඉන්නේ. තරඟයට පෙරදින නිවසේදී Matt සිය පියාව තරඟය සඳහා දිරිමත් කරනවා. Murdockලා කවදාවත් කොච්චර පහර කෑවත් වැටෙන්නෙ නෑ කියලා Matt සිය පියාට පවසනවා. මෙහිදී Jackට ලැබෙන boxing kit එක මතක තියාගන්න එක ඉස්සරහට වැදගත් වේවි. (#5 රූපය) Marvel’s Agents of SHIELD කතාමාලාවේදී “Crusher” Creel කියන නම අපි අහලා තියෙනවා. ඒ Absorbing Man ලෙසයි. එහෙනම් මේ දෙන්නම එකම කෙනාද? ඔව් ගොඩක් දුරට මේ දෙන්නම එකම කෙනා කියලයි මට හිතෙන්නේ. එහෙනම් අනිවාර්යයෙන්ම Agents of SHIELD කතාමාලාව එක්ක Daredevil crossover එකක් වේවි කියන එකයි. නමුත් තැරැව්කරුවන් පැවසූ ලෙස Creel සමඟ සටන Jack පරදින්නේ නැහැ. ඒ වෙනුවට ඒ සටන තරඟ වට 4-1ක් ලෙස ජයගන්නවා. නමුත් තරඟය අවසන් වී ඔහුට යළි නිවසට පැමිණෙන්නට ලැබෙන්නේ නැහැ. කිසියම් කෙනෙක් විසින් Jack Murdockව මරා දමනවා. (#6 රූපය)

ඔය අතරේ Foggy සහ Karen දෙදෙනා එක්ව Josie’s bar එකට යනවා. (#7 රූපය) Daredevil comics වල ඉතාමත් ජනප්‍රිය තැනක් තමයි මේ Josie’s bar එක කියන්නේ. එතැනදී ඔවුන් දෙදෙනා නගරයේ මේ දින කිහිපයේ සිදුවූ සිදුවීම් ගැන කතා කරනවා. නගරයේ අලුත් වීරයා ගැනත් ඔවුන්ගෙන් අදහස් පළ වෙනවා. අර officerව ඉහළ වහලයට රැගෙන යන Daredevil සහ Claire දෙදෙනා ඔහුගෙන් ප්‍රශන කොට අර දරුවා සිටින තැන දැනගන්නවා. එහිදී යළි තමන්ට Claireගේ උදව් අවශ්‍ය වන බවත් Matt පවසනවා. කතාව අවසන් වන්නේ රුසියන්කාරයන් සමඟ දරුණු සටනකින් අනතුරුව Matt අර අතුරුදහන් වූ දරුවා බේරා ගැනීමෙනුයි. (#8 රූපය) දැනට Tv series වල තිබුණු හොඳම hall fight එක මේක කියලා බය නැතුව ඕනෙම කෙනෙක්ට කියන්න පුළුවන්
wink emoticon

#SmAsHeR

https://www.facebook.com/slcomicscript

11150187_1586324664983873_1503269507135359093_n

Comic Script (144 Posts)


One thought on “Daredevil – #spoiler_warning !! Episode 2: “Cut Man” – Recap

  • July 11, 2015 at 11:56 PM
    Permalink

    බොහොම ස්තුතියි සහො

Leave a Reply

Your email address will not be published. Required fields are marked *