Marvel’s Agents of S.H.I.E.L.D. characters – o2 | Melinda Qiaolian May – The Cavalry

Agents of S.H.I.E.L.D. කථාමාලාවේ ප්‍රධාන චරිත පිළිබඳව කෙරෙන කතාබහේදී අපි ඊලඟට කථා කරන්නේ Melinda Qiaolian May එහෙම නැත්නම් Agent May ගැනයි. මේ සතියේ ශිල්ඩ් කතා මාලාව තුලින් විශේෂ අවධානයක් යොමු වුනු හින්දා මේ ලිපිය ටිකක් කලින් ඔයාලට ගෙනාවා. පෙනුමෙන් ආසියානු කාන්තාවක් වන මැයගේ දුඹුරු පැහැති හිසකෙස් සහ තියුණු දුඹුරු පැහැති ඇස් කැපී පෙනෙනවා. Agent May කියන්නේ අතිශයින්ම බුද්ධිමත් ආචාරසම්පන්න කාන්තාවක්. ඇය S.H.I.E.L.D. එකේ පරිසාධන මට්ටම් 7 (level 7) පරිපාලන නිලධාරිනියක්. ඒ වගේම ඇය Agent Coulsonගේ කණ්ඩායමේ Coulsonට පසුව සිටින අණ දෙන නිලධාරියාද වනවා. Coulson මැයව කණ්ඩායමට බඳවා ගන්නේ ඔවුන්ගේ ගුවන් යානය පදවන්නිය ලෙසයි. නමුත් ඇය ඒ අංශයට පමණක් නොව විවිධ අංශවලට දක්ෂ බව අපිට කථාවේදී දැනගන්නට පුළුවන්. ඉංග්‍රීසි, Mandarin සහ Cantonese යන භාෂා ත්‍රිත්වයම චතුර ලෙස කථා කිරීමට Agent May සමත්කම් දක්වනවා.අතීතයේදී May කියන්නේ ගොඩක් විනෝදකාමී කෙනෙක්. ඕනෙම කෙනෙක්ට විහිලුවක් කරගෙන හිනාවෙලා හිටපු කෙනෙක්. නමුත් මේ සතියේ අපි දැක්ක විදිහට අනුව Bahrain වල සිදුවීමෙන් පස්සේ May ගේ චරිතය ගොඩක් වෙනස් වෙනවා. අවස්ථාවේ හැටියට කලයුතු දේ කෙරුවත් අවසාන ප්‍රතිපලය වේදනාකාරී උණා. තනිවම ඇතුලට ගිහිල්ලා මුළු කණ්ඩායමම බේරා ගත්ත හින්දා May ට “The Cavalry” කියන නම හම්බුනත් සාමන්‍ය ජීවිතය සහ ශිල්ඩ් ආයතනය තුල යන කාරණා දෙකෙන්ම May පසු බෑමකට ලක් වෙනවා. ශිල්ඩ් 7 වෙනි මට්ටමේ හිටපු May ස්ව කැමැත්තෙන් 3 වෙනි මට්ටම දක්වා වෙනස් කර ගන්නවා. මෙයාගේ විවාහ ජීවිතය දෙදරලා යන්නත් මේක හේතුවක්. මෙතනින් එහාට විනෝද කාමී කාන්තාවක් වෙනුවට දැඩි ස්වභාවයක් තියන කෙනෙක් තමයි අපිට දැක ගන්න පුළුවන් වෙන්නේ.හැබයි ඊට පස්සේ May පරුෂ ලෙස අදහස් සහ තීරණ දැක්වූවත් ඒ කණ්ඩායමේ සෙසු පිරිසගේ ආරක්ෂාවට සහ S.H.I.E.L.D. එකේ පැවැත්ම සඳහා සිදු කරන තීරණ බව අපිට කථාමාලාව ඉදිරියට නැරඹීමෙන් තේරුම්ගත හැකියි.ඇගේ හැකියාවන් ගැන කථා කිරීමේදී විශේෂ ලෙස දැක්විය හැක්කේ ඇගේ තියුණු බුද්ධිය, කඩිසර බව, නිවැරදි ක්ෂණික තීරණ ගැනීමේ හැකියාව, සුපිරි රහස්පරීක්ෂක හැකියාව, ගුවන් යානා පැදවීමේ අතිශය සමත් බව සහ martial arts වල ප්‍රගුණ බවයි. “The Cavalry” ලෙසින් අන්වර්ථ පාඨයක් සෑදෙන්නට තරම් ඇගේ රණකාමීත්වය ප්‍රබලද යන්න Agents of S.H.I.E.L.D. කථාමාලාව නැරඹීමෙන්ම හැමෝටම තේරුම්ගන්න පුළුවන්. HYDRA ආක්‍රමණයත් සමඟම බිඳවැටෙන S.H.I.E.L.D. එක යළි ගොඩනැංවීමට Phill Coulson සහ ඔහුගේ කණ්ඩායම සමඟ එක්ව කටයුතු කරන ආකාරය මෙහිදී කැපී පෙනෙන සිදුවීමක් ලෙසට සඳහන් කරන්න පුළුවන්. ඒ වගේම Skye සමඟ ඇති කිට්ටු සබඳතාව ගැනත් යමක් කිව යුතුයි. ඇය Skye ගැන සොයා බලන්නේ මවක් සිය දියණිය ගැන කැපවෙනවා වැනි ආකාරයකටය. Season 1 වලදී Skyeට Ian Quinn විසින් වෙඩි තැබීමෙන් අනතුරුව මේ බව වඩාත්ම ඉස්මතු වනවා. ඒ වගේම Skyeගේ අධීක්ෂණ නිලධාරියා (Supervising Officer-SO)ලෙස ක්‍රියාකිරීමේදී ද මේ බව මනාව පැහැදිලි වෙනවා.

මේ කථාමාලාවේදී Melinda Qiaolian Mayගේ චරිතයට රඟපාන්නේ Ming-Na Wen විසිනුයි. ඇය චරිතයට ගැලපෙන ලෙස හැඟීම් දනවමින්, සටන් ජවනිකාවන් වල විශිෂ්ඨ ලෙස නිරත වෙමින් චරිතයට හොඳ අවසානයක් ලබා දෙනවා. ඔක්කොම විස්තර කිව්වොත් කථාව ගෙන එනකොට අගයක් නැතිවෙන නිසා දැනට මෙතනින් නවතින්නම්. ඊලඟ ලිපියෙන් අපි කථාමාලාවේ දෙබිඩි නියෝජිතයා ගැන විස්තර දැනගනිමු.

#SmAsHeR

https://www.facebook.com/slcomicscript

1509302_1583053871977619_4106042750525365490_n

Comic Script (144 Posts)


Leave a Reply

Your email address will not be published. Required fields are marked *