හැදෙන හැටි…XVII : Baahubali (2015)

ඔන්න යාලුවනේ මම අද අරගෙන එන්නේ මේ අවුරුද්දේ ජූලි මාසේ විතර නිකුත් වෙන්න තියෙන සුපිරි බයිස්කෝප් එකක් ගැන පොඩි ඉඟියක් දෙන්න. කවුරුත් දන්නවා ඇතිනේ සුපිරි තෙලුගු චිත්‍රපටි රැසක් සිනමාවට දායාද කල S.S.Rajamouli කියන අධ්‍යක්ෂකවරයා. දන්නේ නැති අය ඉන්නවනම් එයා කරපු චිත්‍රපටි ගැන කිව්වම මෙයා කොහොම පොරක්ද කියලා ඉබේම තේරුම් යාවි.
10394068_794950793930457_7498551637935823643_nමතකද Magadheera(2009) චිත්‍රපටිය. මෙයා තමා ඒක අධ්‍යක්ෂණය කලේ. මේ අධ්‍යක්ෂකවරයා තාක්ෂනය උපරිම වශයෙන් භාවිතා කරන කෙනෙක්. මගධීරා චිත්‍රපටිය බලපු අය ඉන්නවනම් සිහියට එනවා ඇති ඒකෙ තිබුන රාජධානිය. ඉතින් ඒ වගේ දර්ශන ඉතාමත් සූක්ෂම අන්දමින් ඒවායේ තාත්වික බවට හානියක් නොවෙන්න ඒ චිත්‍රපටිය කරලා තිබුන නිසා තමයි ඒක අදටත් අපි අතර ජනප්‍රිය වෙලා තියෙන්නේ.
Baahubali_First_Look_Out._2013_10_24_06_58_44මෙයාගේ තවත් චිත්‍රපටියක් ගැන කියනවනම්, ඔයාලට මතක ඇති නේද Eega(2012) ෆිල්ම් එක. ඒකෙ තමා අර මැස්සෙක් ඉන්න කතන්දරය තියෙන්නේ. ඒකෙ අර මැස්සව නිර්මාණය කරලා තිබුන විදිහ මතකයට එනවා ඇති නේද ඔයාලට?
Bahubali-Anushka-1st-Look-n-Making-Photos_8ඉතින් ඒ වගේ පට්ටම චිත්‍රපටි ගොඩක් අධ්‍යක්ෂණය කරපු S.S.Rajamouliගේ අලුත්ම සුපිරි චිත්‍රපටිය ගැන පොඩි විස්තර ටිකක් තමයි මම අද කියන්න ආවේ. මේකට ප්‍රධාන නළුවාගේ චරිතයට රංගනයෙන් දායක වෙන්නේ තෙලුගු සිනමාවේ අපි කවුරුත් දන්න Prabhas විසින්. ප්‍රධාන නිළිය ලෙස කටයුතු කරන්නේ සුරූපී Anushka Shetty විසින්. එයාලට අමතරව Rana Daggubati සහ Tamannah Bhatia ද ප්‍රධාන චරිත නිරූපණය කරනවා. Nassar, Adivi Sesh, Tanikella, Bharani, Sudeep සහ Sathyaraj මේ සඳහා සෙසු චරිත වලින් දායක වනවා.  කතාව ගැන කියනවනම් සහෝදරයෝ දෙන්නෙක් එක් රාජ්‍යයක් සඳහා ගැටෙන කතන්දරයක් කියලා තමයි ආරංචිය තියෙන්නේ. මේ බයිස්කෝප් එක නිෂ්පාදනය කරන්නේ  Shobu Yarlagadda, 
Kovelamudi Raghavendra Rao, Prasad Devineni යන අය විසින් (මෙච්චර සෙට් එකක් බැස්සා කියන්නේ මේකට කොච්චර වියදම් කරන්න ඇතිද කියලා හිතාගන්න පුළුවන් නේ). දෙබස්  Ajay සහ Vijay විසින් සහ කතාව K. V. Vijayendra Prasad විසින් නිර්මාණය කර තියෙනවා.
maxresdefaultඅද්දැකීම්, දක්ෂතාවය, තාක්ෂනය සහ මොලය යන හැම එකක්ම හාවිතා කරලා වසර ගණනාවක් තිස්සේ හදන මේ චිත්‍රපටිය හැදෙන්නේ කොහොමද කියලා පොඩ්ඩක් බලන්න තමයි අපි මේ හදන්නේ. මම අද ඔයාලට අරගෙන ආවේ මේ චිත්‍රපටිය හැදෙන්නේ කොහොමද කියලා දැක්වෙන වීඩියෝවක්. මේක බැලුවට පස්සේ චිත්‍රපටිය නිකුත් වන තුරු ඔයාලටත් ඉවසිල්ලක් නැති වෙන බව මට විශ්වාසයි. චිත්‍රපටිය ජූලි මාසයේ නිකුත් වෙනවා කියලා තමයි දැනට ආරංචිය තියෙන්නේ. ඉතින් ළඟදීම බයිස්කෝප් සිංහලෙන් අඩවිය තුලින් ඔබ වෙන මෙය රැගෙන එන පොරොන්දුව සමගින් අදට මම සමුගන්නවා… ජය වේවා….!!!! 

තාරක නුවන් දිල්හාර (71 Posts)


One thought on “හැදෙන හැටි…XVII : Baahubali (2015)

  • April 19, 2015 at 6:59 PM
    Permalink

    please publish rajathandiram subtitles

Leave a Reply

Your email address will not be published. Required fields are marked *