Gotham – Plot 12

ගෝතම් කතාව ආපහු එන්න කලින් මේ දක්වා විකාශය වුනු කොටස් ගැන කතා කරන අවසාන ලිපිය තමයි මේ. අද අපිට කතා කරන්න ඉතුරු වෙලා තියෙන්නේ 16, 17 සහ 18 කොටස් ගැන.

1. අපිට කතාවේ දකින්න ලැබුණු වැදගත් ම හෝඩුවාවක් තමයි ෆ්ලයින් ග්‍රේසන්ලා. ඒ අතරින් Mary Lloyd සහ John Grayson දෙන්නා ගොඩක් විශේෂයි. මොකද මේ දෙන්නා තමයි පස්සේ කාලේක අපි හැමෝම ආදරය කරන පලවෙනි රොබින් එහෙමත් නැතිනම් නයිට්වින්ග් වෙන ඩික් ග්‍රේසන් ගේ දෙමව්පියෝ දෙන්නා. මේ දෙන්නා ගේ අනාගතය අපි හැමෝම දන්නවා නේ. තරුණ වයසේ දීම ඛේදජනක ඉරණමකට මුහුණ දෙන්න උනත් මේ දෙන්නා එකතු වෙන්න ගෝර්ඩන් ලොකු උදව්වක් කෙරුවා පරීක්ෂණය විසදලා.

2. ග්‍රේසන් ලා වැඩ කරන්නේ කොමික් වල දීත් Haly ගේ සර්කස් කණ්ඩායමට

3. කතාව පුරාවටම අපේ අනුකම්පාව දිනා ගත්තු Jerome අපි හිතන විදිහේ පොඩි එකෙක් නෙවෙයිනේ. ඒත් එක්කම ජෙරොම් හිනා වෙන්නේ අපි කවුරුත් කතාවට හදුන්වලා දෙනකල් බලාගෙන ඉන්න ජෝකර් විදිහට. හැබැයි මේ ඉන්නෙත් ජෝකර් ම කියලා කියන්න තවම කල් වැඩියි.

4. ඔයා පරක්කු වැඩියි බාබරා. ඇත්තටම දුකයි ඔයා ගැන

5. ගෝතම් කතා මාලවේ 17 කොටස තමයි Red Hood කියන්නේ. ඒ හරහා අපිට හදුන්වලා දුන්නේ ගෝතම් නගරයේ පරණම පරණ ඉතිහාසයක් තියන හොර කණ්ඩායමක් වන “Red Hood” කල්ලිය. හරියටම කියනවා නම් 1951 දී තමයි පළමු වරට හදුන්වා දුන්නේ මේ කට්ටිය. පස්සේ කාලේක බැට් මෑන් රොබින් කෙනෙක් වෙන ජේසන් ටොඩ් මේ කණ්ඩායමේ නායකයා වෙනවා. වැදගත් දෙයක් තමයි The Killing Joke කතාවේ දී මේ කල්ලියේ ඉන්නේ එක පුද්ගලයෙක් විතරයි. එයා තමයි පස්සේ කාලේක ජෝකර් වෙන්නේ. කතාව අන්තිමේ දී වෙස්මුහුණ අහුලා ගන්නවා පෙන්නනවා කෙනෙක්. ඒ තවත් ජෝකර් ඊස්ටර් එග් එකක් වෙන්න පුළුවන්.

6. බ්රුස්, වේන් එන්ටර්ප්‍රයිසස් එකට ගිය එක නම් මහා විහිළුවක් වගේ. හැබයි වේන් එන්ටර්ෆ්‍රයිසස් එකේ ලොක්කෝ ටික නම් ඒකට බය වෙලා. ඇල්ෆ්‍රඩ් ගේ පරණ යාළුවෙක් එවනවා රහස් හොයන්න. මේ Reginald Payne කියන්නේ නම් කොමික් චරිතයක් නෙවේ. හැබයි එයා අපිට උදව් කරනවා ඇල්ෆ්‍රඩ් ගේ අතීතය ගැන දැන ගන්න

7. ෆිෂ් මුනී සිර කරලා ඉන්න තැන භාරව ඉන්න කෙනා තමයි Dr. Francis Duhlmacher කියන්නේ. මේ වෙන කවුරුවත් නෙවේ අපි හොදටම දන්න Dollmaker එහෙමත් නැතිනම් Barton Mathis. වචනයේ පරිසමාප්ත අර්ථයෙන්ම දක්ෂ ශෛල්‍ය වෛද්‍ය වරයෙක්. හැබයි මෙයා පස්සේ කාලේක මිනිස් සිරුරු භාවිතා කරලා බෝනික්කෝ හදන්න පටන් ගත්තා. ඒකයි ඩෝල්මේකර් කියන නම වැටුනේ. අපිට මෙතන දීත් මෙයා සිරුරේ අවයව එක්ක ගනුදෙනු කරනවා බලා ගන්න පුළුවන් උනානේ

8. ෆිෂ් මුනි කියන්නේ කවදාවත් වැටෙන්නේ නැති චරිතයක්. ඒ හින්දාම කතාවේ ප්‍රධාන චරිත වලට වඩා ෆිෂ් මුනි චරිතය ඉස්සරහට ආවේ. ඉන්නේ කොතනද කියන එක මුනි ට ගැටලුවක් නෙවේ. එයා තමන්ගේ මාර්ගය හදා ගන්නවා. තමන්ගේම ඇහ ගලවපු විදිහ දකින කොට තාමත් ඇඟ වෙව්ලනවා. මේ චරිතය දෙවෙනි සීසන් එකට සම්බන්ද වෙන්නේ නෑ කියලා මේ වෙනකොට තහවුරු වෙලා ඉවරයි. ඒක නම් ලොකුම ලොකු අපරාධයක්.

9. Commissioner Loeb කියන්නේ ගෝතම් නගරය ඇතුලේ බලපෑමක් කරන්න පුළුවන් චරිතයක්. එයාට පුළුවන් උනා බුලොක්ව පවා ගෝර්ඩන් ට විරුද්දව ගේන්න. හැබයි මෙයාගේ කිල්ලොටරයේත් හුණු තියනවා. ගෝර්ඩන් හොයා ගෙන ගිය මීරියම් කියන්නේ මෙයාගේ දුර්වල තාවය. මේක උපයෝගී කරගෙන ගෝර්ඩන් ට පුළුවන් වෙනවා එක්තරා දුරකට ලෝබ් පවා පාලනය කරන්න.

අප්‍රේල් 13 වෙනිදා ඉදලා ගෝතම් කතා මාලවේ විකාශය වෙන්න තියෙන්නේ ගොඩක් තීරණාත්මක කොටස් 4ක්. අපි නොහිතන දේවල් ගොඩක් වෙන්න නියමිතයි කියලා තමයි කටකතා වලින් කියවෙන්නේ. අපි එතකල් ඉවසීමෙන් බලාගෙන ඉමු වෙන්නේ මොකක්ද කියලා.

‪#‎attila_THE_hun‬

https://www.facebook.com/pages/Comic-Script/1519015728381434

11130130_1578483259101347_8702159656334331768_n

Comic Script (144 Posts)


Leave a Reply

Your email address will not be published. Required fields are marked *