Gotham

Gotham-TV-Show-Fox-Logo

ඔන්න අද ඉදන් අපි ගෝතම් කතා මාලාව ගැන කතා කරන්න යන්නේ. ගෝතම් කියන වචනයවත් අහපු නැති කෙනෙක් ට උණත් තේරෙන විදිහට මේක ලියන්න යි උත්සාහ කරන්නේ.
අපි මුලින්ම බලමු මොකක්ද මේ ගෝතම් කියන්නේ කියලා. ඇත්තටම ගෝතම් කියන්නේ DC කොමික් ලා එයාලගේ කතා වලට පාදක කරගත්තු මනකල්පිත නගරයක්. එයාලා හැම වෙලේම යොදා ගන්නේ මේ විදිහේ මනකල්පිත නගර. ගොඩක් අය ඇමරිකාවේ මෑන් හැටන් දුපත ආශ්‍රය කරගෙන ගෝතම් නගරය බිහි උණා කියලා හිතනවා. ඒත් dc කොමික් ලා කියන විදිහට නම් ඒක තියන්නේ නිව් ජර්සි ජනපදයේ දකුණු කෙලවරේ. මේ නගරය තමයි ලෝක ප්‍රසිද්ද බැට් මෑන් චරිතයට පාදක වෙන නගරය.

අපි මේ නගරය ගැන හැම දේම දන්නේ බැට් මෑන් කරපු කියපු දේවල් එක්කනේ. හැබයි නිකමට හිතලා බලන්න බැට් මෑන් නැතුව මේ නගරය මොන වගේද කියලා. Fox රුපවාහිනි නාලිකාවේ සඳුදා රෑ 8 ට විකශය වන ගෝතම් කතා මාලාව ඒ වගේ එකක්. ඒකට පාදක වෙලා තියෙන්නේ බැට් (බැට් මෑන්) කියන චරිතය ගෝතම් නගරයේ විදී සංචාරය කරන්න කලින් යුගය ගැන. ගොඩක් අය මුලින්ම හිතුවේ බැට් නැතුව ගෝතම් ගැන කතා කරලා තේරුමක් නෑ කියලා. ඉස්සරහට අපිත් එක්ක හිටියොත් ඔයාලටම ඒක ගැන තීරණයක් ගන්න පුළුවන් වෙයි.

කලින් කිව්වා වගේ මේක බැට් කියන චරිතය බිහිවෙන්න කලින් යුගය නේ. ඒ හින්දා අපිට බැට් ගේ කතාවල හුරු පුරුදු චරිත මේකේ ඇතුලේ දකින්න අමාරුයි. මොකද ඒ අය තවම කුඩා වයසේ එහෙමත් නැතිනම් එයාලගේ උපරිම අවස්ථාවට ඇවිත් නෑ. ඒ හින්දා අපිට ඇස් පනා පිටම දකින්න පුළුවන් වීරයෝ බිහිවෙන්නේ කොහොමද සහ දුෂ්ටයෝ බිහිවෙන්නේ කොහොමද කියලා.

අද මම මුලින්ම හැදින්වීමක් විදිහට ගෝතම් කතා මාලාවේ චරිත ටික විස්තර කරනවා. ඊට පස්සේ අපිට පුළුවන් ඒ කතාංගය ගැන වෙන වෙනම කතා කරන්න. ඒ කතා කරද්දී එක කතාංගයක් ගැන විග්‍රහයක් වගේම ඒ කතාව ඇතුලෙන් අපිට හම්බෙන චරිතයේ කොමික් පසුබිම ගැන පොඩි විස්තරයකුත් ඉදිරි පත් කරන්න හිතාගෙන ඉන්නේ.

එහෙනම් මේ ඉන්නේ අපිට කතාව පුරා හම්බෙන චරිත

– රහස් පරීක්ෂක ජේම්ස් ගෝර්ඩන් – ගෝතම් නගරය පුරා අවනීතිය රජ කරද්දී ඒකට විරුද්දව තනිවම සටන් කරන්න ඉදිරිපත් වුනු පොලිස් නිලදාරියෙක්. මෙයා ගෝතම් පොලිස් දෙපාර්තුමේන්තුවට එකතු වෙන තැන ඉදලා තමයි කතාව පටන් ගන්නේ. කතාව ප්‍රධාන වශයෙන්ම මෙයා යටතේ ගොඩ නැගෙන්නේ.
– රහස් පරීක්ෂක හාර්වි බුලොක් – නගරයේ අවනිතියේ ගොදුරක් වෙලා ඉන්න රහස් පරීක්ෂකයෙක්. මෙයා තමයි ගෝර්ඩන්ගේ සහයකයා වෙන්නේ. හැබැයි මොනවා උනත් යාලුවා ගැන හොයලා බලනවා.
– පොලිස් ප්‍රධානි සාරා එසන් – ගෝතම් නගරයේ ප්‍රධාන පොලිස් පති
– මාර්තා වේන් සහ තෝමස් වේන් – කතාවේ ආරම්බය මේ දෙන්නා ගේ මරණයත් එක්ක පටන් ගන්නේ. වේන් එන්ටර් ප්‍රයිසස් එක මෙයාලගේ
– බ්රුස් වේන් (ළමා) – මෙයා තමයි මාර්තා වේන්, තෝමස් වේන් දෙන්නගේ එකම දරුවා. මේ පොඩි එකා ඉස්සරහාම තමයි ඒ දෙන්නා ව මරන්නේ. කතාවේ අනික් ප්‍රධාන චරිතය තමයි මේ. මෙයා ගැන පස්සේ ලොකුවට කතා කරමු.
– අල්ෆ්රෙඩ් පෙනීවර්ත් – වේන් මන්දිරය බලා ගන්න ඉන්න කෙනා. බ්රුස් වේන් ව හදාගන්නේ මෙයා තමයි
– බාර්බරා කීන් – ජේම්ස් ගෝර්ඩන් ගේ පෙම්වතිය
– රේනි මොන්ටයා සහ ක්‍රිස්පස් ඇලන් – ගෝතම් පොලිස් දෙපාර්තමේන්තුවේ මහාපරිමාණ අපරාධ විමර්ශන අංශයේ ඉන්න රහස් පර්ක්ශකයන් දෙන්නෙක්
– කාර්මයින් ෆැල්කොනි – නගරයේ ප්‍රධානම අපරාද සංවිධානයේ ලොක්කා
– ෆිෂ් මුනි – කාර්මයින් ෆැල්කෝනි ගේ අපරාධ ජාලයේ සාමාජිකාවක්
– සැල් මැරෝනි – නගරයේ ඊලඟට තියන ලොකුම අපරාධ සංවිධානයේ ප්‍රධානියා
– ඔස්වල්ඩ් කොබ්ල්පොට් – මුලින්ම ෆිෂ් මුනි ගාව හිටපු ගෝලයෙක්
– සෙලිනා කයිල් – හොරකම් කරන්න උපන් හැකියාවක් තියන විදී දරුවෙක්
– එඩ්වර්ඩ් නිග්මා – ගෝතම් පොලිස් දෙපාර්තමේන්තුවේ රසායනා ගාර සේවකයෙක්
– නගරාධිපති ඕබ්‍රේ ජේම්ස් -ගෝතම් නගරයේ නගරාධිපති
මේ ඉන්නේ කතාවට ගොඩක්ම වැදගත් වෙන අය. මම මෙයාලා ගැන වැඩිය කතා කරන්න යන්නේ නැත්තේ එක එක එපිසෝඩ් වලින් මෙයාලා ගැන හොඳ විස්තරයක් ගන්න පුළුවන් හින්දා.

මෙතනින් එහාට ගෝතම් කතා මාලාවේ මේ දක්වා විකාශය උණු හැම කතාවක් ගැනම විග්‍රහයක් අපි දානවා. ඊට අමතරව ඒකෙ ඉන්න චරිත වල කොමික් පසුබිම ගැන කතා කරනවා. ඊටත් අමතරව කතාවේ හැංගිලා තියන, කොමික් පිස්සෝ උනන්දුවෙන් බලන පුංචි පුංචි ඒත් ගොඩාක් වැදගත් කරුණු ගැනත් අපි කතා කරනවා.

(https://www.facebook.com/pages/Comic-Script/1519015728381434)
Comic Script (144 Posts)


3 thoughts on “Gotham

  • January 8, 2015 at 9:00 PM
    Permalink

    එලකිරිම වැඩක්… 😀 මමත් පුළුවන් උපරිමෙන් සප් එක දෙනවා මේ වැඩේට…. දිගටම කරගෙන යමු…

  • January 7, 2015 at 10:35 PM
    Permalink

    ගොඩාක් සතුටුයි. ඉදිරියටම යමු.

  • January 7, 2015 at 9:51 PM
    Permalink

    ko gotham eke episode 11 sub parakku moko

Leave a Reply

Your email address will not be published. Required fields are marked *