කාලය restore කිරීමේ කලාව Edge of Tomorrow

edge_of_tomorrow-wide

විද්‍යා ප්‍රභන්දයක් ලෙස තම කාර්යය හොදින් ඉටුකළ චිත්‍රපටයක් ලෙස Edge of Tomorrow දැක්විය හැකියි. බොහෝවිට විද්‍යා ප්‍රභන්දයක් ලියවෙන්නේත් එය ජනප්‍රිය වන්නේත් එයට හිඩසක් තියන විටය. අපේ ඔලුවෙ තිබ්බ හිඩසකට කතාවක් මෙහි රචකයා ලස්සනට ගොතා ඇත. විද්‍යා ප්‍රභන්ද හැමෝටම ලියන්නට පුලුවන්විය හැක. නමුත් හොද හිඩසක් පිරවීමට සමත් වන්නේ රචකයන් අල්ප දෙනෙකි.

තව දෙයක්, අපි මොහොතකදි ගන්න පොඩි තීරණයක් කොතරම් අපට ඇත්තටම කොච්චර බලපෑහැකිද කියලා මේ චිත්‍රපටය පාඩමක් මට කියලා දුන්නා කියලා හිතනවා. විලියම් කේජ්ගේ චිත්‍රපටය තුල එය මනාව නිරූපනය කරයි.

edge-tom

මනෝ විද්‍යාත්මක පසුබිම

මෙය අපූරු කතාවකි. ඔබ චොකලට් එකක් කකා ඉන්නකොට ඒක බිම වැටුනොත් කාලය පොඩ්ඩක් ආපස්සට ගත්තනම් වට්ටගන්නැතුව ඉන්න තිබ්බා කියලා ඔබට එක්වරක් හො සිතී තිබිය යුතුය. උසස් පෙළ විභාගෙට කලින් දවසෙ පොතක්වත් බලන්නැතුව විභාගෙට ලියලා සොරිවෙන බව තේරෙනකොට නැවත කලින් දවසෙ රෑ උදාවුනානම් කියලා ඔබට බොහෝවිට හිතෙනු ඇත. ඒ ඇයි කියලා ඇහුවොත් ඒකට උත්තරය අපේ මොළයයි. අපේ මොළය එවැනි අපේක්ෂාවක් සහිත හැඟීමක් එවැනි අවස්තාවල ජනිත කිරීමට සමත්වේ. මෙය අපේ දුබලතාවක්ද ප්‍රභලතාවක්ද යන්න තීරණය කිරීම ඔබට භාරය.

මේ සිද්ධාන්තය විද්‍යා ප්‍රබන්දයකට සුපිරිම මාතෘකාවකි. මේ කතාවේ කාලය මුල් තත්වයට පත් කරන වැඩේ(ඔය ෆෝන් වලත් අපි රීස්ට්‍රෝ කරන්නෙ අන්න ඒවගේ වැඩක්නේ), ඇත්තටම චිත්‍රපටයෙ නැතිවුනානම් කොහොම තියෙයිද කියලා ටිකකට හිතුවද? ඒක ඒකාකාර ඇඩ්වෙන්චර් එකක් පමණක් වනු ඇත(එක්ස්පෙන්ඩබල් 3 වගේ). තවත් දෙයක්, අපි එකම අවස්තාවට කිහිප විදිහකට මුහුන දෙනකොට වෙනදේත් මේ චිත්‍රපටයේ ඉහල සාර්ථකත්වයට හේතු වෙලා තියනවා. මට හිතෙන විදිහට තුන්වෙනියට තමා මේ ඇඩ්වෙන්චර් එක මේකෙ සාර්ථකත්වට බලපාලා තියෙන්නෙ.

hb3linruc6cl024irwsm

ඇත්තටම කාලය Reset කළ හැකිද?

කාලය හා අවකාශය හමුවේ අංශූන්ගේ චලිතය සිදුවේ. කාලය අර්ථ දක්වනුයේ අප අයත් අවකාශයේ චලිතයන් ආදාරයෙනි. විශ්වයේම අංශු අවශ්‍ය තරමකින් නතර කලහොත් අපට කාලය නවත්වාලිය හැකිය. නමුත් චලිතවූ අංශූන්ගේ අතීතයට යාමට හෝ පවතින අංශූන් නැවත අතීත තත්වයට පත් කිරීම කළ හැකිද? අංශූන් මේ මොහොතේ චලිතවන අතර මේ මොහොත මේ විශ්වයේ එකම මොහොතකි. මීට තත්පරයක් ආපස්සට හෝ ඉදිරියට යාමට හැකිනම් මේ අවකාශයේ නොවන අංශූන් පද්ධතියකින් යුතු තවත් විශ්වයක් තත්පරයකට පසුව තිබිය යුතුය.  අවකාශ පද්ධති අනන්ත ගණනක් තිබිය යුතුය. එසේ විය හැකිද? අපි දකින විශ්වය නොව විශ්වය අපි නොසිතන වෙනමම ස්භාවයක්ද? එසේ වීමේ සම්භාවිතාව නං ඉතාම අඩු අගයකි.

edge-of-tomorrow-tom-cruise

විරෝධතා, අදහස් තියනවනං කියන්න. නැතිවෙන්න බෑනෙ.

Shakila Praveen (6 Posts)


5 thoughts on “කාලය restore කිරීමේ කලාව Edge of Tomorrow

  • December 22, 2014 at 1:19 AM
    Permalink

    Niyamai

  • December 21, 2014 at 8:53 PM
    Permalink

    ඔයාගෙ කතාව හරි සහෝ, චිත්‍රපටිවල ආකාර කිහිපයකටම කාල තරණය සිදුකරනවා. මම එක එක කතාවල එක එක ඒවා දැකලා තියනවා. තව අප කාලය හරහා නොයා යම් කාලයක ඇති දෑ වර්තමානයට ගෙන්වා ගැනීමත් චිත්‍රපටවල දැකිය හැකියි.
    ඔයා කිව්ව විදිහට කාලය සංකල්පයක් විතරයි. අපේ තියන දුර්වලතාවයකට අපි හිතනවා අතීතයට ආනාගතයට යන්න පුලුවන් කියලා.
    අදහසට ගොඩක් ස්තූතියි’

  • December 21, 2014 at 8:29 PM
    Permalink

    ඔයාගෙ කතාව හරි සහෝ, චිත්‍රපටිවල ආකාර කිහිපයකටම කාල තරණය සිදුකරනවා. මම එක එක කතාවල එක එක ඒවා දැකලා තියනවා. තව අප කාලය හරහා නොයා යම් කාලයක ඇති දෑ වර්තමානයට ගෙන්වා ගැනීමත් චිත්‍රපටවල දැකිය හැකියි.
    ඔයා කිව්ව විදිහට කාලය සංකල්පයක් විතරයි. අපේ තියන දුර්වලතාවයකට අපි හිතනවා අතීතයට ආනාගතයට යන්න පුලුවන් කියලා.
    අදහසට ගොඩක් ස්තූතියි’

  • December 21, 2014 at 12:14 PM
    Permalink

    අවසානය මගහැරුණානෙ… 🙁 චිත්‍රපටය අවසානයේදී ආපහු පෙන්වනවා පෙර පැවති ආරම්භයම ආපසු සිදුවනවා. ඒ කියන්නේ අර කිවූ තුන්වැනි න්‍යායත් මෙතන යොදාගන තියෙනවා. ඒ තාක් සිදු වූ සියල්ල වෙනත් සුවිශේෂී කාල පරාසයක සිදු වූ නිසා අවසානයේ අර පිටසක්වලයා විනාශ කළ පසුව පෙර සිදුවීම්වලට හෝ කිසිවකට කිසිදු හෝ බලපෑමක් නොවූ ලෙස පවත්නා කාල පරාසයේ දේවල් තිබූ ලෙසම පවතිනවා.

    ඒ අනුව මේකෙදී අර න්‍යායන් තුනම යොදාගන තියෙනවා. මේක අතීශය සන්කීර්ණ සහ තේරුම් ගත නොහැකි තරම් පැටළිලි සහගත බවක් ගන්නේ එනිසායි. මම මේ විරුද්ධ අදහසක් ලෙස ගෙනාවා නොවෙයි. විචාරක මතයන් සහ මගේම මතයත් ඉදිරිපත් කර දැක්වූවා පමණයි.
    පැහැදිලිවම කියන්න වෙනවා ඔය න්‍යායන් තුනම මේකෙදී යොදාගන තිබෙන බව මම කිසිම තැනක කියවපු එකක් නොවෙයි, “ඒක මගේම මතයක්!” මම මහා විද්‍යා දැනුමක් සහිත කෙනෙක් නොවන නිසා පරස්පරතා තිබෙන්න පුළුවනි. මගේ අවබෝධයේ තරමට විග්‍රහයක් ඉදිරිපත් කිරීම පමණයි මම කළේ…

  • December 21, 2014 at 11:57 AM
    Permalink

    සහෝ, මම දන්නා විදියට මේ කාල තරණය සන්කල්පයක් පමණයි. සිනමාවේදී මේ එකම සන්කල්පය මේ තාක් කාලයක් තුළ තුන් විදියකට විවරණය කෙරිලා තියෙනවා. තනි රේඛාවක තිබෙන චලනයක්/ එකම මොහොතේ එකිනෙකට වෙනස් මාන හැසිරවීමක් සහ විකල්ප කාල ධාරාවක් විදියට දක්වන්න පුළුවනි ඒ තුන.(මට මේ පැහැදිලි කිරීම් ගැන 100% වගවෙන්න බැහැ. මොකද මම මතකයේ විදියටයි මෙතන සන්ක්ෂිප්ත කළේ)

    මුල් එකේදි වෙන්නේ අනිත් හැමදේම නියතව තිබෙද්දී, අප පමණක් ඉදිරියට හෝ පසුපසට යෑම(මේ ක්‍රමයෙදී අප කරන දෙය අනික් කිසිවකට බලපෑම් නොකර අදාල දෙයට පමණක් වෙනස්කම් සිදු කරනවා)/ දෙවැන්නේදී වෙන්නේ, අප කාලය හසුරවලා කරන දේවල බලපෑම මත අතීත, වර්තමාන සහ අනාගත විකෘතියක් බිහිවීම(මේකෙදි අපි කරන දේ අනුව පවත්නා තත්ත්වයේ නොයෙක් වෙනස්කම් ඇතිවෙනවා)/ තෙවැන්නේදී වෙන්නේ, පවතින කාල මානය එලෙසම පැවතියදී අපි කාල තරණයට වෙනත් විකල්ප සහ අප විසින් නිර්මාණය කරගන්නා ලද අනන්‍ය කාල රේඛාවක් යොදා ගැනීම(මේ ක්‍රමයෙදී අප සිදු කරන වෙනස සැබැවින්ම වෙනත් කාල පරාසයකදී සිදුවන නිසා, පවත්නා කාල පරාසයට ආපසු පැමිණි පසු ඒ සියලු වෙනස්කම් අහෝසි වී එය පෙර තිබූ පරිදිම පවතිනවා)

    විද්‍යාඥයන් පවා මෑතක් වන තුරු සිතාසිටියේ ඔය කියන පළමු ක්‍රමය තමා කාලයට බලපාන්නේ කියලා. ඒ කියන්නේ කාලය හරියට නියත දෙයක් වගෙයි කියලා. යම් අවස්ථාවක් යම් ස්ථානයකදී හටගත් දෙයක් ස්ථිරව පවතිනවා; අපට ඒ මොහොතට යා හැකිනම් එයට බලපෑම් කළ හැකියි කියන එකයි. සහ අතීතය වර්තමානය සහ අනාගතය කියන්නේ අපට දැනෙන හැඟෙන විදිය මිස අතීතයක් හෝ වර්තමානයක් හෝ අනාගතයක් නැති බව; ඒ කියන්නේ මේ කාල තුනම එක විට ක්‍රියාත්මක වන බව ඔවුන් විශ්වාස කළා කියන එකයි. නමුත් දැන් ඔවුන් කියනවා කාලය කියන්නේ නියතියක් නැතිව වෙනස් වෙමින් ඉදිරියටම ගළා යන දෙයක් කියලා. ඒ වගේම කාලය තුළ තවත් සියුම් අපට නොහැඟෙන කාලයක් තිබෙන බවත් කියනවා. ඒ නිසායි මැස්සෙකුට කාලය බලපාන විදිය සහ අපට එය බලපාන විදිය වෙනස් වෙන්නේ. කාලය ගතවන වේගය අනුව තමයි අපි කාලය තේරුම් ගන්නේ.

    කොහොම වුණත් මේ චිත්‍රපටයේ, අර කිවූ දෙවැනි න්‍යාය තමයි බහුලව ප්‍රමුඛ ලෙස යොදාගන තියෙන්නේ. අනික මේක සම්බන්ධයෙන් තත්ත්වය වෙනස්නේ. මේකේ කාලය අධ්‍යයනය කරමින්, එය ප්‍රතිසක්‍රීය කරමින් තමන්ගේ වාසියට යොදාගත හැකි පිටසක්වලයන් වර්ගයක් ඉන්නවා. උන් දත්ත රැස් කරලා වැරැද්දක් නිවැරදි කරන්න සහ එක් එක් අවස්ථාවන්වල මිනිස් හමුදාවන් භාවිත කරන උපක්‍රමයන්ට හරස් කපන්නයි මේක යොදාගන්නේ. හැබැයි කාලය රීසෙට් වෙන්නේ අපට(මිනිසාට) සහ සටන් බිමේ ඉන්නා පිරිසට විතරයි. කාලය රීසෙට් කළ කෙනාට ඒකෙන් බලපෑමක් නෑ. එයා කලින් වෙච්ච දේ දන්නවා. මේ පාර ඒ දේට බාධා කරනවා. අන්න ඒ නිසාම තමයි මේ චිත්‍රපටය සුපිරි වෙන්නේ. මොකද අපි කරන දේ දිහා බලා ඉඳලා, අපි කරන කරන හැම දේටම ප්‍රතිප්‍රහාරයක් දෙන්නත්, කොටින්ම අපි ඒක පටන් ගන්නත් කලින්ම මර්දනය කරන්නත් මේ නිසා පුළුවන්කම ලැබෙනවා. මේක සම්පූර්ණ විශ්වීය කාලයම රීසෙට් කිරීමක් නොවෙයි. තෝරාගත් කාල මානයක් පමණයි මෙතනදී රීසෙට් වෙන්නේ. ඒ කියන්නේ අර කලින් කිවූ න්‍යායන්ගේ කලවමක් මෙතන තියෙනවා. කාලයට බලපෑම් කරන්නාට කිසිදු බලපෑමක් නොවී, අනික් අයට බලපාන කාලයේ විකෘතියක් බිහි කරනවා. ඒ නිසා මේක ඔයා ඔය කියනවාටත් වඩා අතිශය සන්කීර්ණ ලෙස කාලතරණය යොදාගත් අවස්ථාවක් කියන එකයි මගේ අදහස!

Leave a Reply

Your email address will not be published. Required fields are marked *