ඔස්කා (Oscar) සම්මානයේ කතාව…

පිරිනැමීමේ අරමුණ:          නිර්මාණාත්මක සිනමා භාවිතාවන් ඇගයීම
පිරිනමනු ලබනුයේ:           චලන-චිත්‍ර ශිල්ප සහ විද්‍යා ශාස්ත්‍රාලය(The AMPAS)
රාජ්‍යය:                          එක්සත් ජනපදය
පළමු උළෙල:                  1929
නිල විබපළ:                     www.oscars.org

ඔස්කා(‘The Oscar) නමින්ද හැඳින්වෙන, ඇකඩෙමි සම්මාන(‘Acadmy Awards) සිනමාවේ ගුණාත්මක භාවිතාවන් ඇගයීම උදෙසා පිරිනමනු ලබන සම්මාන සමූහයකි. 1929 වර්ෂයේ ප්‍රථම වරට පවත්වන ලද මෙම සම්මාන ප්‍රදානෝත්සවය එතැන් සිට  දිගටම පවත්වා ගෙන ආ අතර, සම්මාන උළෙල පැවැත්වීමට සුදුසු වාතාවරණයක් සහිත අවස්ථාවන්හි දී ඒ සඳහා අවශ්‍ය කටයුතු සංවිධානය කරමින්, මේ තාක් සිදු කෙරෙන්නකි. 2011 වසරේ එළි දැක්වුණු සිනමා නිර්මාණයන් ඇගයීම සඳහා මෙම වසරේ(2012) පෙබරවාරි මස 26 වැනි දින ඩොල්බි රංගශාලාවේදී පවත්වන්නට යෙදුණේ එහි 84 වැනි මස්තකප්‍රාප්ති මහෝත්සවයයි.

ඔස්කා මූර්තිය හඳුන්වන නිල නාමය වන්නේ ‘නිපුණත්වය උදෙසා ඇකඩෙමි සම්මානය(Academy Award of Merit)’ යන්නයි. එය එහිදී ප්‍රදානය කරනු ලබන සම්මාන මාදිලි නවයක් අතරින් එකකි. මෙම සම්මාන උළෙල සංවිධානය සහ අධීක්ෂණය සිදු කරනු ලබන්නේ ‘චලන-චිත්‍ර ශිල්ප සහ විද්‍යා ශාස්ත්‍රාලය(Academy of Motion Picture Arts and Sciences – The AMPAS)’ මගිනි. සම්මාන ප්‍රදානය ඒ වෙනුවෙන් පවත්වනු ලබන උත්සවයකදී උත්කර්ශවත් අයුරින් සිදු කෙරේ.

ලෝකයේ වඩාත් අවධානයට ලක් වන සම්මාන ප්‍රදානෝත්සවයක් වන මෙය, සජීවී රූපවාහිනී විකාශයක් ලෙස රටවල් 100කට අධික සංඛ්‍යාවක් පුරා වාර්ෂිකව විසුරුවා හැරෙයි. මාධ්‍යයන්හි අවධානයට ලක් වූ පැරණිතම සම්මාන උළෙල වන්නේද මෙයයි; එහි සමගාමී උළෙලයන් වන ‘Grammy Awards‘(සංගීතය සඳහා), ‘Emmy Awards‘(රූපවාහිනිය සඳහා) සහ ‘Tony Awards‘(නාට්‍ය සඳහා); මෙය ආදර්ශ කොටගෙන නිර්මාණය කරන ලද ඒවා වේ.

The AMPAS සංකල්පය මුල්වරට පහළ වූයේ ‘Metro-Goldwyn-Mayer චිත්‍රාගාර අධිපති Louis B. Mayerගේ සිත තුළය. එහි අරමුණ වූයේ චිත්‍රපට කර්මාන්තයේ “ප්‍රතිරූපය නංවාලීම සහ ශ්‍රම දායකත්වය සැපයීම සඳහා වන ආයතනික ව්‍යූහයක්” ස්ථාපනය කිරීමයි. පසුකාලීනව ඇකඩෙමි ආයතනය විසින් ඔස්කා සම්මානය සඳහා මුල පුරන ලද්දේ ‘කර්මාන්තය ආශ්‍රිත සුවිශේෂී භාවිතාකාරයන් ධෛර්යමත් කිරීමේ අරමුණ’ පෙරදැරි කරගනිමිනි.

1929 පැවැත්වුණු මුල්ම සම්මානෝත්සවය හොලිවුඩ් නගරයේ රූස්වෙල්ට් හෝටලයේදී පවත්වා ඇත.

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
විකියා (159 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


විකියා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

bkinfo has 159 posts and counting.See all posts by bkinfo

3 thoughts on “ඔස්කා (Oscar) සම්මානයේ කතාව…

  • Pingback: Terminator 5 වෙනුවෙන් ‘Arnie’ ආපහු එනවා… – බයිස්කෝප් මංසල

  • November 14, 2012 at 7:56 AM
    Permalink

    ෆිල්ම්ස් ගැන දාන්ඩ බයිස්කෝප් සිංහලෙන් අඩවිය තියෙනවනේ, සහෝ. අපි මේ හරහා කරන්නේ සිනමාව හා රූප මාධ්‍යය ආශ්‍රිත පුවත්/ තොරතුරු/ දැනුවත් කිරීම් සිදු කරන එකයි. ඉදිරියට එන්ඩ තියෙන ෆිල්ම්ස් ගැන අපි දැනටමත් ලිපි පළ කරනවා. පැරණි ඒවා ගැනනම් ලිපි පළ කරන්ඩ වෙන්නේ, විචාර යටතේ’ යි. ඉදිරියේදි අපි උත්සාහ කරන්නම් ඒ ගැනත් යමක් කරන්ඩ… 🙂

  • November 13, 2012 at 8:59 PM
    Permalink

    හොද පෝස්ට් එකක්, ගොඩක් දේවල් දැන ගත්තා.

    අයියෙ ඉස්සර බයිස්කෝප් එකෙ දැම්මා වගේ අලුත්/පරන ෆිල්ම්ස් ගැන් දාන්නකෝ.

Leave a Reply

Your email address will not be published. Required fields are marked *