Skip to content
ආදරය, ධෛර්යය සහ බලය යන තේමා මත නිර්මාණය කළ සිදුහත් කුමරුන් මව්කුස පිළිසිඳ ගැනීමේ සිට ගිහිගෙය හැරයාම දක්වා සිදුවීම් පෙළ රැගත් “ශ්‍රී සිද්ධාර්ථ ගෞතම” චිත්‍රපටය 2013 වර්ෂයේ ජනවාරි මා‍සයේදී ඔබට දැක ගැනීමට අවස්ථාව උදා වෙනවා. බලංගොඩ ආනන්ද මෛත්‍රීය මහ නාහිමියන් විසින් රචනා කරන ලද “ශ්‍රී සිද්ධාර්ථ ගෞතම” පොත ආශ්‍රයෙන් තිර පිටපත ලියා ඇති මෙහි අධ්‍යක්ෂණය කර ඇත්තේ සමන් වීරමන් මහතා වන අතර නවීන් ගුණරත්න සහ ජෙෆ් ගුණවර්ධන මහත්වරුන් සම නිෂ්පාදක බර උසුලනවා. එඩ්වින් ආරියදාස, සමන් වීරමන්, ජෝජ් පැල්ඩෝනා සහ නවීන් ගුණරත්න යන පිරිස එක්ව මෙහි ඉංග්‍රීසි පිටපත ලියා තිබෙනවා.
රුපියල් කෝටි 15 ක් පමණ වියදමින් ඉදි වී ඇති, මේ වන විටත් රූගත කර දෙබස් කවා ගීත සියල්ල ද අවසන් කර ඇති මෙම චිත්‍රපටයේ රංගනයට ඇමරිකා එක්සත් ජනපදය, කැනඩාව, ස්වීඩනය, නේපාලය, පකිස්ථානය, ඉන්දියාව සහ ශ්‍රී ලංකාවේ නලු නිලියන් දායක වී සිටිනවා. සිදුහත් කුමරුන්ගේ චරිතය ඇතුලු ප්‍රධාන චරිත කිහිපයකටම තෝරා ගෙන ඇත්තේ ඉන්දීය නලු නිලියන් වීම මෙහි විශේෂත්වයක්. ඉන්දීය නලු නිලියන් තෝරා ගැනීමේදී ඉන්දියාවේ උත්තර් ප්‍රදේශයේ හොඳ පවුල් පසුබිමකින් පැවතෙන, මස් මාලු අනුභවයෙන් වැලකුන පිරිසක් සම්මුඛ පරීක්ෂණයකට ලක් කර තෝරා ගෙන තිබෙන බව පැවසෙනවා.
සිදුහත් කුමරු ලෙස ගගන් මලික්, යශෝදරා දේවිය ලෙස අන්චල් සිංග්, මහාමායා දේවිය ලෙස අශු මලික්, දේවදත්ත ලෙස ගෞතම් ගුලාම් යන ඉන්දීය නලු නිලියනුත් සුද්ධෝදන රජු ලෙස රන්ජන් රාමනායක, සුප්‍රබුද්ධ රජු ලෙස ඩග්ලස් රනසිංහ, නන්ද කුමරු ලෙස රොෂාන් රණවන, චන්න ඇමති ලෙස සාරංග දිසාසේකර, විශ්ව මිත්‍ර ගුරු ලෙස බුද්ධදාස විතානාච්චි යන ලාංකීය රංගන ශිල්පීන් සහ ප්‍රජාපතී දේවිය ලෙස ඇමරිකාවේ වෙසෙන ශ්‍රී ලාංකාවේ අංජනී පෙරේරා රංගනයෙන් දායක වී තිබෙනවා.
මෙහි රූ ගත කිරීම් කිරීමේදී, කපිලවස්තු පුරයේ මාළිගය ඉදිවී ඇත්තේ කැළණියේ මානෙල්වත්ත විහාර භූමියේ වන අතර එහි ඇතුළත දර්ශනය ඉදි වූයේ බත්තරමුල්ලේ පැලවත්ත ප්‍රදේශයේ අක්කර 1 ½ක පමණ භූමියකයි. චිත්‍රපටය සඳහා කරන ලද සියලු ගවේශන කටයුතු, රූගත කිරීම් සඳහා නේපාලය, තායිලන්තය සහ ශ්‍රී ලංකාවේ ස්ථාන තෝරා ගැනීමටත්, පිටපත ලිවීම ඇතුලු කටයුතු සඳහා බරපැන දරා ඇත්තේ The Light of Asia පදනම විසිනුයි.
දැනටමත් රටවල් 48 ක් ඉංග්‍රීසි උපසිරැසි සහිතව ඉල්ලා ඇති අතර එමගින් රුපියල් කෝටි 25 ක පමණ ආදායමක් ඉපයීමට බලාපොරොත්තු වෙනවා. භාෂා 5 කින් පමණ උපසිරැසි සහිතව ප්‍රදර්ශනය කිරීමට ඉන්දියාව ද බලාපොරොත්තු වෙනවා.
~ලිපිය උදයන්ති ප්‍රියංගා අලුත්වල සොහොයුරියගෙන් ~
sujatha diyani download kara ganna link ekak ewannako.. sinhalat ekka.
ala kiry….
මේ ෆිල්ම් ඵක ආවාට පස්සේ සිංහල සිනමාවට භොඳ තැනක් ඵ්වි නේද?
මේකෙ මූවි ට්රේල ඵක බැලුවාම නිකං හෙලිවුඩ් මූවි ට්රේල ඵකක් වගේ. මේක ඵච්චරටම ගති.
මේ film ඵක ශ්‍රී ලංකාවෙ බොක්ස්ඔෆිස් වාර්තා කුඩු කරන පාටයි.
ස්තුතියි දැනුවත් කිරීම ගැන. ලිපිය බැලුවාම නම් අවංකවම ආසාවක් ආවා නරඹන්න. අපේ සිනමා කර්මාණ්තය මේකෙන් වත් පණගහයි දෝ කියලත් හිතනවා.
සිංහල චිත්‍රපටියක් ගැන විස්තර ලබා දුන්නට ප්‍රියංගා සොයුරියට බොහොම ස්තූතියි. මේ ලිපිය කියෙව්වම චිත්‍රපටිය ගැන සම්පූර්ණ අදහසක් ලබා ගන්න පුළුවන්. ඉදිරියටත් අපිට මේ වගේ වටිනා ලිපි ලබාදෙන්න අවශ්‍ය ශක්තිය, ධෛර්යය ලැබේවා කියලා ප්‍රාර්ථනා කරනවා.. ජයවේවා!!!
මේක නම් බලන්න ආසාවෙ බෑ,, බොහොම ස්තූතියි මේ ගැන අපිව දැනුවත් කරපු ප්‍රියංගා සහෝදරියට෴
උදයන්ති ප්‍රියංගා අලුත්වල සොහොයුරියට බොහොම ස්තුතියි අපට මේ ලිපිය ලබා දීම ගැන. ලාංකික සිනමාවට ආදරය කරන, අපේ රටේ සිනමාවේ උන්නතිය පතන අපි කොයි කවුරුත් මේ ගැන ඔයාට අපේ ප්‍රශංසාව පළ කරනවා. ඒක නිසා තවත් මෙවන් ලිපි සපයමින් අපට ශක්තියක් වන මෙන් ඉල්ලීමක් කරනවා. ඔබට ජය!
මේ ෆිල්ම් එකට මුලින්ම දාල තිබුන නම “සිද්ධාර්ථ බුද්ධ” දැන් නම වෙනස් වෙලා.මේ ෆිල්ම් එකේ ට්‍රේලර් එක ජාතික චිත්‍රපට සංථාවේ පිහිටි සිනමා ශාලාව තුලදී මටත් දකින්න ලැබුනා.Light of Asia foundation එක මගින් සංවිධානය කරපු වැඩමුලුවකට සහභාගී වෙද්දි තමයි ඒක බැලුවේ.
https://docs.google.com/open?id=0Bx7GGlBbnujsb1BtQkJMZmxrRGM
නියමයි මේක නම් හොද එකක් වගේ ආපු ගමන් බලන්න යන්න ඕනේ…ලිපියට සහ දැනුවත් කිරීමට බොහොම ස්තූතියි