Arrow Season 3 ජස්ටිස් ලීග් (Justice League) එකක් වෙයිද… . ?

Arrow-Cast-Season-2

ඔන්න ඔයාලගේ ඇරෝ මල්ලි (කට්ටිය දැන් මට කතා කරන්නේ එහෙමයිලු හොදේ :D) Arrow Season 3 එක ගැන උණුම උණු ආරංචි ගොඩක් ගෙනාවා. Arrow Season 02 ඉවර උනාම හැමෝම ඇහුවේ 3වෙනි Season එකක් එනවද ඒක එන්නේ කවද්ද කියලනේ. දැනට ආරංචි විදියට නම් 2014 ඔක්තොම්බර් 08 වෙනිදා 3වෙනි Season එක පටන් ගන්න CW චැනල් එක බලාපොරොත්තු වෙනවලු. ඒක නම් ඔයාලා හැමෝටම සතුටු හිතෙන ආරංචියක් වෙයි‍ නේද?

ඒක නෙවෙයි හොදම දේ. Season 3 එකේදී Arrow කතා මාලාවේ ලොකුම ලොකු වෙනස්කම් ගොඩක් වෙන්න යනවා කියලා තමයි දැන් දැන් ටික ටික ආරංචි වෙන්නේ. ලොකුම වෙනස්කම තමයි කතාවට දැනට හොලිවුඩ්වල ඉන්න තරු ගොඩක් සම්බන්ධ වෙන එක. එහෙම කියන්නේ මම නෙවෙයි, Arrow කතා මාලාවේ ප්‍රධාන චරිතය වුන ඔලිවර් නැත්නම් Stephen Amell.

  • මුලින්ම Season 2 එකේදී අපරාධ වෙනුවෙන් සටන්කරන “the Canary” කියන comic book කාන්තා වීරවරිය පාදක කරගෙන බිහිවුන චරිතයක් වුන Black Canary විදියට සාරා ලාන්ස් නැත්නම් Caity Lotz කතාවට සම්බන්ධ වුනා.

  • 3වෙනි Season එකේදී Arrow කතා මාලාවට එකතු වෙන ප්‍රසිද්ධ චරිතයක් තමයි අපි කවුරුත් දන්න අදුනන Brandon Routh. මේ නම නම් කාටවත් නුපුරුදු එකක් නම් වෙන්න බෑ. ‘Superman Returns’ ෆිල්ම් එක කීවොත් අපිට මුලින්ම මතක් වෙන්නේ බ්‍රැන්ඩන්වනේ. හැබැයි සුපර් මෑන් විදියට නම් නෙවෙයි Ray Palmer කියන චරිතය නැත්නම් Atom කියන comic book වීර චරිතය වෙනුවෙන් පණපොවන්නයි. Atom ගැන කිවොත් එයාට තමන්ගේ ශරීරය වගේම එයා අවට තියෙන දේවල් වෙනස් කරන්න පුලුවන් බලයක් තියෙන කෙනෙක්.

 

‘Brandon Routh රගපාන Ray Palmer කියන්නේ අසමසම විද්‍යාඥයෙක්. ඒ වගේම එයා ක්වීන් කම්පැනියේ අලුත් ‍ප්‍රධානියා විදියට ඔලිවර්ගෙයි ෆෙලිසිටිගෙයි ජිවිතවල නොහිතූ විරූ චරිතයක් රගපානවා. ඒ වගේම එයා ක්වීන් කම්පැනියේ ව්‍යවහාරික විද්‍යා කොටස රහසක් විදියටම තියන්න බලාපොරොත්තු වෙනවා’ කියලා තමයි දැනට ලැබෙන විස්තරවලින් කියවෙන්නේ.

  

  • Arrow කතා මාලාවට තවත් එකතු වෙන ප්‍රසිද්ධ කෙනෙක් තමයි Peter Stormare. ඔයා ‍Prison Break, Fargo (1996) ටිවි සිරියස් බලපු කෙනෙක් නම් මෙයාව නොදැන ඉන්න විදියක් නෑ. ඉතින් මෙයා Arrow කතා මාලාවේ රගපාන්නේ Vertigo (වර්ටිගෝ) විකුණන අලුත් නායකයාගේ චරිතයයි. කලින් හිටපු වර්ටි‍ගෝ නායකයා 2වෙනි season එකේදී මැරුණනේ. සාමාන්‍ය ලෝකයේදී වගේම ඒ කුඩු වෙළදාමේ නායක හිස්තැන පුරවන්න මෙයා කතා මාලාවට එනවා වගේම Count Vertigo කියන comic book වීර චරිතයටත් 3 වෙනි සීසන් එකේදී පණ පොවාවි.

Count Vertigo

 

  • ඒ වගේම තවත් ප්‍රසිද්ධ චරිතයක් වුන Devon Aoki ත් මේ කතා මාලාවට එකතු වෙන්න නියමිතයි. මෙයා මීට කලින් Sin City චිත්‍රපටියේ රගපාලා තියෙනවා. Arrow කතා මාලාවේ මෙයා ඔලිවර්ට හොංකොංවල ඉදන් ඉදිරියට වුන සිද්ධින්වලට මුහුණ දෙන්න උදව් කරන චරිතයකට පණපොවනවා. ඒවගේම Katana කියන කඩුවලින් මරණීය ප්‍රහාර එල්ලකරන්න පුලුවන් හැකියාවක් තියෙන comic book චරිතයටත් පණ පොවනවා.

 

 

Devon Aoki

 

 

Katana
  • ඒ වගේම  Karl Yune ත් Arrow Season 3 දී කරලියට එනවා. ඔයාලා Real Steel (2011) චිත්‍රපටිය බැලුවා නම් මෙයාව ඒකෙදි දකින්න ඇති. Arrow කතා මාලාවේදි මෙයා රගපාන්නේ Maseo Yamashiro චරිතයටයි. යමෂිරෝ කියන්නේ හොංකොංවලදී ඔලිවර්ගේ ගුරුවරයා වෙලා දැන් ඔලිවර් ඉන්න තත්වෙට එන්න උදව් කරපු කෙනා විදියටයි සදහන්වෙන්නේ. Comic book වීර චරිතවලට අනුව මෙයා තමයි Katanaගේ සැමියාවෙන්නේ.

 

ඒ වගේම එහෙන් මෙහෙන් ලැබෙන ආරංචිවල විදියට මේ කතා මාලාවේදි Ra’s Al Ghul කරලියට එයි කියලා තමයි කියන්නේ. කලින් සීසන් දෙකේදිම එයා ගැන කතා වුනාට එයා කවුද මොනවගේ කෙනෙක්ද කියලා කිසිම අදහසක් අපිට ලැබුනේ නැනේ. (හැබැයි එයාගේ දුව නසා නන් ආවා) ඒත් මේ කොටසේදී ගොඩක් දුරට අපිට රාස් අල් ගුල්ව බලා‍ගන්න පුලුවන් වේවි.

මොනවා වුනත් එක දෙයක් කියන්න පුලුවන්. Arrow කතාව බලපු අය 2වෙනි season එකේදී සුපිරි බල තියෙන වීරයෝ එයි කියලා බලාපොරොත්තු වුනාට එහෙම කවුරුත් පේන්න හිටියේ නැනේ. ඒ ගැන නම් කතාව බලන අයගෙන් ගොඩක් දෝෂාරෝපණ CW නාලිකාවට ආවා. හැබැයි ඉතින් ඒ සීසන් එකටත් එක්කම ඇතිවෙන්න මේ 3වෙනි season එකේ නම් ගොඩක් Comic book චරිත එහෙමත් නැත්නම් වීර චරිත ඒවි. තවත් ප්‍රසිද්ධ චරිත ඉස්සරහටත් එකතු වෙන්න පුලුවන්. ඒ කියන්නේ Arrow  කතා මාලාව තව තවත් රසවත් වේවි.

මං දන්නවා මේ විස්තර දැනගත්තට පස්සේ ඔයාලා හැමෝම Arrow කතා මාලාවේ ඊලග season එක බලන්න නොඉවසිල්ලෙන් මගබලාගෙන ඉන්නවා කියලා. ඉතින් Arrow කතා මාලාව ටිවි එකේ විකාශය වුන ගමන් පුලුවන් තරම් ඉක්මනින් මම සබ් එක ඔයාලට දෙන්නම්කෝ. ආ… ඒ වගේම Arrow කතා මාලාවෙන් බිහිවුන අපේ අනිත් වීරයා Flashගේ කතාවත් මම ඒ ගමන් ඉක්මනටම ඔයාලට ගේන්නම්.

ඉතින් ඒ හැමදෙයක්ම ඉක්මනටම ගන්න ඔයාලා හැමෝම දිගටම බයිසිකෝප් එකත් එක්ක ඉන්නකෝ. ^_^ 

එහෙනම් තවත් දවසක හමුවෙනකන් ඔයාලා හැමෝටම ජය… . . ! 

කවිදු ගිම්හාන් (පැතුම්) (5 Posts)


13 thoughts on “Arrow Season 3 ජස්ටිස් ලීග් (Justice League) එකක් වෙයිද… . ?

  • Pingback: Arrow – High Speed Chase Trailer – ඇරෝ පැමිණෙන්නට පෙරාතුව – බයිස්කෝප් මංසල

  • Pingback: Arrow Season 3 ගැන ඔයාලා නොදන්න රහස්…. – බයිස්කෝප් මංසල

  • July 30, 2014 at 2:03 PM
    Permalink

    kavindu season 3 eka awa gaman sub eka dapan mcn

  • July 23, 2014 at 9:41 PM
    Permalink

    මටනම් හිතෙන්නේ සුපිරිබල තියෙන වීරයෝ ආවොත් කතාවේ රසය නැතිවෙයි කියල.මොකද Arrow ට සුපිරිබලයක් නැති නිසා.
    කොහොම උනත් Season 3 එනකම් බලන් ඉන්න වෙනවා මොකද වෙන්නේ කියලා. මේ යන විදියට දූපතේ හිටපු අවුරුදු 5ට සීසන් 5ක් එයි වගේ istuti malli

  • July 21, 2014 at 11:42 PM
    Permalink

    මම නම් හිතන්නේ සහෝ සුපිරි බල නැතිව ඒ කොමික් චරිත නිරූපණය වෙන්න විතරක් ඒ චරිත එකතු කරාවි. 2වෙනි සිසන් එකේ සාරව කැනේරි විදියට එකතු වුනේ. අන්න ඒ වගේ දෙයක් වෙයි කියලා තමයි බලාපොරොත්තු වෙන්න වෙන්නේ. අපි සිසන් 3 ආවම බලමුකෝ… . . 😀

  • July 20, 2014 at 1:02 PM
    Permalink

    ගිම්හාන් aiye niyamai danuwath kalata thanxx 🙂

  • July 19, 2014 at 4:12 PM
    Permalink

    පිස්සු හැදෙන සඳ

  • July 17, 2014 at 3:13 PM
    Permalink

    පට්ට නියමෙට තියෙයි!!!

  • July 17, 2014 at 12:58 PM
    Permalink

    ස්තූතියි සහෝ දැනුවත් කිරීම වෙනුවෙන්… 🙂

  • July 15, 2014 at 9:59 PM
    Permalink

    hm elz

  • July 15, 2014 at 8:59 PM
    Permalink

    මටනම් හිතෙන්නේ සුපිරිබල තියෙන වීරයෝ ආවොත් කතාවේ රසය නැතිවෙයි කියල.මොකද Arrow ට සුපිරිබලයක් නැති නිසා.
    කොහොම උනත් Season 3 එනකම් බලන් ඉන්න වෙනවා මොකද වෙන්නේ කියලා. මේ යන විදියට දූපතේ හිටපු අවුරුදු 5ට සීසන් 5ක් එයි වගේ 🙂 🙂

  • July 15, 2014 at 9:34 AM
    Permalink

    නියමයිනේ… දැන්නම් S03 එනකල් ඉවසිල්ලක් නැහැ.
    ස්තූතියි සහෝ දැනුවත් කිරීම වෙනුවෙන්… 🙂

Leave a Reply

Your email address will not be published. Required fields are marked *