For Your Eyes Only (1981) | ජේම්ස් බොන්ඩ් ගේ සතුරන් හා මිතුරන්. [සිංහල උපසිරැසි සමඟ]

For Your Eyes Only (1981)

ඔන්න 007 ක්‍රියාදාම මාලාවේ 12 වැන්න, ඒ වගේම මේ තමයි Roger Moore බොන්ඩ් ලෙස තිරයේ හමු වෙන පස්වන වතාව. ඒ ඔක්කොම හරි ප්‍රධානම කාරණය තමයි මේ 70 දශකය බොහොම ජයෙන් අවසාන කරලා 80 දශකයට බොන්ඩ් පා තබන මුල්ම වතාව. මේ තමයි 80 දශකයේ බොන්ඩ් චිත්‍රපට පහෙන් මුල්ම චිත්‍රපටය. 70 දශකය බොන්ඩ් අවසාන කලේ විද්‍යා ප්‍රබන්ධ ආරක් ක්‍රියාදාම සුපිරි නියෝජිත චරිතය හා එක්කාසු කරලා, නමුත් මේ වතාවේ බොන්ඩ් නිර්මාණය වෙනුවෙන් එකතු වෙන අලුත් පිරිස සුදානම් කරන්නේ සාම්ප්‍රදායික බොන්ඩ් රාමුව නැවත නගාසිටුවීම සඳහා චිත්‍රපටයක්. නමුත් මේ වතාවෙන් ආදායම බොහොම අගෙයි ඩොලර් මිලියන 195ක් මදැයි මිලියන 28 විතරනේ වියදම් වුනේ. IMDB දර්ශකය වුනත් 6.8 ක අගයක් ලබාගෙන ජය ගන්න සමත් වෙලා තියනවා මෙය, ඔස්කා සමාන උළෙලේදී හොඳම ගීතයට අදාළ කාණ්ඩය සඳහා නාම යෝජනා ලබන්නත් මෙය සමත් වුනා. 

80 දශකය බොන්ඩ් ආරම්භ කරන්නේ උසස් වීමක් එක්ක, නමුත් මේ උසස් වීම ලැබෙන්න නියම සුදුස්සා වන බොන්ඩ් තවමත් වේලෙනවා නමුත් කලින් ඔබ මම දැක්ක On Her Majesty’s Secret Service , The Spy Who Loved Me , Moonraker බොන්ඩ් චිත්‍රපටිවල සංස්කාරක තුමා තමා මේ වාසනාවන්තයා. ඔහු නමින් John Glen ඔහු පෙර කිව්වා චිත්‍රපටිවල දෙවන පෙළ අධ්‍යක්ෂක තනතුරත් හෙබෙව්වා නමුත් මුලික වුනේ සංස්කාරක තනතුරට. ඉතින් John Glen අධ්‍යක්ෂක පුටුව ගන්නේ තමන්ගේ කුළුදුල් සිනමා නිර්මාණය බොන්ඩ් කරන්න හිතාගෙන, ඔහු සාර්ථකයි කියලා ඉතිහාසය සාක්ෂි දරනවා, නමුත් මෙතෙක් කලක් බොන්ඩ් බෙදාහැරිම කල United Artists ආයනතනය තනිවම බොන්ඩ් චිත්‍රපටයක් බෙදාහරි අවසාන වතාව ලෙසත් මේක ඒ ඉතිහාසයටම එක්කාසු වෙනවා. 

අපි අපිට පුළුවන් තරම් දුරක් අභ්‍යවකාශයේ ගියා. අපි නැවත එක්තරා විදිහකට බොන්ඩ් මුලට එන්න ඕනේ ආයෙත්.අපි අලුත් චිත්‍රපටය කවරදාටත් වඩා ත්‍රාසජනක කරන්න ඕනේ පෙම් කෙලියක් කරනවාට වඩා. ඒ බොන්ඩ් සතු අනන්‍යතාව වෙනස් නොකරගෙන ඔහුගේ සරදම එලෙසම තබාගෙන. 

  —John Glen

ඔන්න ඔහොම තමයි අලුත් අධ්‍යක්ෂකවරයා ලොකු පුටුවේ ඉදගන්න කලින් කිව්වේ.මේ වතාවේ පිටපත පාදක වෙන්නේ එක පොතක් ලොකුවට යොදාගෙන නෙමෙයි For Your Eyes Only නම් බොන්ඩ් කතා එකතුවේ For Your Eyes Only කතාව හා Risico කියන කතාව එක්කාසු කරලා. පොත නම් ඉතින් පුරුදු හැටියටම ෆ්ලෙමින් මහත්තයාගේම තමයි, පිටපතක් හැටියට සුදානම් කරන්නේ Richard Maibaum හා Michael G. Wilson කියන දෙන්නා එකතුවෙලා. හැබැයි මේ වතාවේ කතාව ඔය දෙකත් එක්කම  Live and Let Die, Goldfinger හා On Her Majesty’s Secret Service කියන නවකතාවල කොටසතු යොදාගෙන තමයි අපි දකින සලරුවේ පිටපත බවට පත් වෙන්නේ.

C-bouquet

මේ වතාවේ පළිගැනීමේ දුතිය බොන්ඩ් සුරුපිනිය වන්නේ Carole Bouquet ඒ Melina Havelock චරිතයට එකාසුවෙමින්. ඇය ප්‍රංශ ජාතික රංගන ශිල්පිනියක් වගේම මෝස්‌තර නිරුපිකාවක්. ඇයට අමතරව මෙවර Topol, Lynn-Holly Johnson, Julian Glover, Cassandra Harris හා තවත් විශාල පිරිසක් රංගනයෙක් එකතු වෙනවා. මේ චිතරපටයේ දකින්න හැකි වේවි බොන්ඩ් බොහොම අගේට හිම මත ලෙස්සා යනවා නමුත් මෝර් ඕවා කරලා නැහැ කියලා තමයි අරංචි වෙන්නේ ඒ වෙනුවෙන් සෙල්ලම් පෙන්නලා තියෙන්නේ අති විශිෂ්ට හිම මත ලෙස්සා යාමේ සුරයෙක් ලෙස ලොව පතවලව සිටි Willy Bogner. හැබැයි බොන්ඩ් නැත්නම් මෝර් මේක බලාගෙන නිකම්ම ඉදලා නැහැ කැමරාවෙන දක්ෂයා වැඩ පෙන්වන හැටි බලලා එයත් කොහොම හරි යමක් කරගන්න උත්සාහ දරලා තියනවාලු, කොහොම කොහොම හරි අවාසනා කාලේ වෙනකොට එයාටත් යමක් කමක් කරගන්න හැකි වුනා කියලා තමයි තවදුරටත් ආරංචි වෙන්නේ. 

For Your Eyes Only (1981) v1
Citröen 2 CV වර්ගයේ රථය

මේ චිත්‍රපටයේ සතුරෝ වීරයෝ කියන ඔක්කොම භාවිතා කරන වාහන අතරෙන් 6 වගේ ගණනක් විශේෂයෙන් කතා කරන්න වටිනවා. මුලින්ම කියන්නම් Gonzaleගේ අහස් යානය ගැන, එක්කෝ ඕනේ නම් ඒක දැක්කම හරියාවි. එහෙනම් බොන්ඩ් සතුරා මේ චිත්‍රපටයේ බොහොම ලස්සන වාහනයක් යොදාගන්නවා ඒක අවස්තාවක ඒ තමයි Citröen 2 CV දරන මාදිලියේ රථය. හැමදාම වගේ සුපිරි හැඩකාරයෙක් ඉන්නවා මේ වතාවෙත් බොන්ඩ් එක්ක ඒ තමයි Lotus Esprit Turbo රථය මේ වතාවේ වැඩියෙන් තියෙන්නේ ටර්බෝ බලය විතරයි හැබැයි. 

For Your Eyes Only (1981) v2
Lotus Esprit Turbo වර්ගයේ රථය

ඉතින් වෙනදා වගේ නැතුව මෙවර සබ්මැරීන දෙකක් තියනවා සලරුව තුල එකක් බොන්ඩ් යොදාගන්නවා අනෙක යොදාගන්නේ සතුරෙක්, දෙකම බොහොම කුඩා වර්ගයේ ඒවා. 

For Your Eyes Only (1981) v3
බොන්ඩ් භාවිතා කරන සබ්මැරීනය

තවත් තියානවා බොහොම භයානක තුවක්කු සවිකළ යමහා වර්ගයේ මෝටර් බයිසිකල් එහෙම දකින්න ලැබේවි බලාගෙන යනකොට. 

For Your Eyes Only (1981) v4

 මේ වතාවේ ගැජට් 7 තියනවා මේ සලරුව වෙනුවෙන් නිමවුන, ඔක්කොම බොන්ඩ් භාවිතා කල ඒවා නෙමෙයි හැබැයි.  එකක් තමයි ATAC communicator කියන උපකරණය ඉංග්‍රීසි අකුරු ටිකේ වචන වෙන්නේ Automatic Targeting Attack Communicator කියන එක. මේකෙන් පුළුවන් ශුද්‍ර තරංග ඉලක්කගත පණිවුඩයක් යවන්න සබ්මැරීනය වෙලා මිසයිල මුදා හරින්න. බලාගන්න හැකි වේවි චිත්‍රපටය දිගහැරෙනකොට, තව තියනවා Crossbow එකක් භාවිතා කරන්නේ සුරුපිනිය මේකෙන් පුළුවන් යකඩ ඊතල යවන්න මෙයා ලේසියෙන් තුවක්කු වලට කැමති කෙනෙක් නෙමෙයි කතාව තුල කිහිප වතාවක්ම මේක යොදාගන්නවා දකින්න ලැබේවි.

For Your Eyes Only (1981) g1

තව තියනවා  3D identigraph අමුතු මාරු උපකරණයක් දැන් නම් මේක බොහොම කතාවල අපි දකින දෙයක්. නමුත් මේක ගෙනාව කාලේ වෙනකොට ලොකු දෙයක් වෙන්න ඕනේ. අනික කතාවට අනුවත් මේක 100 % අවාසනා කල එකක් නෙමෙයි නමුත් Q මේක යොදාගන්නවා 007 හට සහය වෙන්න.

For Your Eyes Only (1981) g3

කුඩා හඬ පටිගත කරණය වගේම අමතක කරන්නම බැරි දෙය තමයි බොන්ඩ් සතුව තියන ඔරලෝසුව.

For Your Eyes Only (1981)cb

ඒ වගේම මේ සලරුව ඇසුරු කරගෙන 1981 ඔක්තෝබර් මාසයේ නිකුත්කළ චිත්‍රකතා පොත, මෙය මර්වෙල් විශ්වයේ නිමවුමක් වෙනවා. එහිම තවත් කොටසක් 1981 වසරේම නොවැම්බර් මාසයේ නිකුත් වුනා. ඔය ඇති එහෙනම් මම හිතන්නේ 001 ලබාදෙන උපසිරැස එක්ක අද චිත්‍රපටය බලලා ඉන්නකෝ එහෙනම්. 

බයිස්කෝප්

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
සමීර කරුණාරත්න (84 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


සමීර කරුණාරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

csnc has 84 posts and counting.See all posts by csnc

Leave a Reply

Your email address will not be published. Required fields are marked *