Agents of S.H.I.E.L.D මොකෝ උනේ? හෙට මොනා වෙයිද?

හරි එහෙමනම් කට්ටියට මතක ඇති නේද පහුගිය සතියේ Agents of S.H.I.E.L.D කතාංගයේ වෙච්චි දේ ගැන. ඔන්න එහෙනම් ලබන සුමානෙ මොනා වෙයිද කියල පොඩ්ඩක් බලාගන්ට ඇහැක් වෙයි කස්ටියට. ලබන සුමානෙ කිව්වට ලබන සුමානෙමත් නෙමේ, තව එක දවසයි තියෙන්නෙ ඉතින්. කොහොම උනත් පහුගිය සුමානෙ වෙච්ච දෙයින් අපිට තේරුම් යනවා අපේ ලොක්කා වෙච්ච පරීක්ෂක කොල්සන් සෙල්ලම් පහේ එක්කෙනෙක් නෙමෙයි වග. එයාට පේරු රටෙත් වැඩ වලට සම්බන්ධකම් තිබුනු විදියක් අපිට බලාගන්න පුළුවන් උනානේ.

ඒ වගේම අපේ මාවල් වීරයා කැප්ටන් අමෙරිකාගෙ කාලෙට අයිති ආයුධයක් ගැන තමයි කතාව දිවගියේ. ඒක අරගෙන හරිම ගිනි-විජ්ජුම්බරයක් තමා උනේ. හනේ හපොයි මොනා කරන්නද ඉතින්. ඔහොම තමයි විශ්වයේම ආරක්ෂාවට වගකිවයුත්තො උනාම.

ඉතින් පහුගිය සුමානෙ වෙච්චි විශේෂ සිදුවීම් තමයි කැරලිකාර කන්ඩායමේ ස්කයි පරීක්ෂිකාවක් විදිහට බදවාගත්තු එක. අපේ කොල්ලා.. තනි ගේම් කාරයා පරීක්ෂක වෝර්ඩ් මේ ස්කයි කෙල්ල ගැන පොඩි පහේ හිතක් පහල වේගෙන එන ආකාරයක් තමයි පෙනීගෙන යන්නෙ. ගොනා හැරෙන්නෙ පොල් පැලේ රහ බලන්ටලුනේ ඉතින්. ඔව්වා තේරෙනවා නැද්ද මම අහන්නෙ. ඒ විතරක් නෙමෙ අපේ ලොක්කා පරීක්ෂක කොල්සන් එහෙම ඉගිලෙන යුධ නැවේ නියමු පරීෂක මේ ගැනත් පොඩි පහේ ඇගෑලුම් කමක් තියෙන පාටයි. අර පේරු රටේ කෙනා හම්බුනාම වෙච්චි දේවල් වලට පස්සෙ වුන කතාබහෙන් එහෙම තේරුනේ පරීක්ෂක මේ කොල්සන්ට කැමති ආකාරක් තමයි. ඒ වගේම ස්කයි පරීක්ෂිකාවක් විදියට එක්කාසු උනා කියලා කාටදෝ මන්දා පනිවුඩයක් එහෙමත් තිවුවා නේද.

අනේ මන්දා මේ කෙල්ලොනම් සත පහකට විස්වාස කරන්න හොදම නෑ. කොහොම වුනත් ඉතින් විකාෂණය වෙච්ච පලමු කොටහට වඩා ගිය සුමානෙ කොටහෙනම් ටිකක් ක්‍රියාදාම වැඩි වෙලා තිබ්බ නේද. ඒ වගේම තමයි ඇවෙන්ජර්ස් එකේ උන්නෙ අර තදයා එහෙම උන්නා නේද අන්තිම හරියෙදි. අපේ සමීර සහෝ කියන විදියටනම් මේ මාවල් සමාගමේ 2015 වසර වෙනකම් තියන සැලස්මේ කොටහක් තමයි මේ ටෙලි කතාමාලවත්. හැබැයි ඉතින් දැනට පේන ආකාරයට ප්‍රේක්ෂකයින් ටිකක් තෘප්තිමත් වීම අඩු බවක් තමයි පෙනීගෙන යන්නෙ නම්. ඒත් ඉතින් මේ වගේ කතාවල මුල් කොටස් පොඩ්ඩක් මෙහෙම තමයිනෙ. බලමු එහෙනම් හෙට වෙනකොට දකින්න පුළුවන් මොනාද කියලා… මටනම් හිතෙන්නෙ.. ආයෙ මොනාටද මම කියන්නෙ ඔයාලම බලාගන්නකො ඔය වීඩියෝ කෑල්ල…

http://www.youtube.com/watch?v=8g50Wrrht0Q

එහෙනම් හෙට දිහාට හමුවෙමු විශ්ව ආරක්ෂාවට කැපවී ඉන්නා පරීක්ෂක වරුන් සත්දෙනාගේ තවත් වික්‍රමයක් සමගින්..!

ශාන් විමුක්ති (38 Posts)


2 thoughts on “Agents of S.H.I.E.L.D මොකෝ උනේ? හෙට මොනා වෙයිද?

  • October 8, 2013 at 11:20 AM
    Permalink

    අනේ මන්දා…
    මේ කොටහ නම් ටිකක් හොදාඅ වගේ නේ…
    බලමුකෝ මොකෝ වෙන්නේ කියලා…

Leave a Reply

Your email address will not be published. Required fields are marked *