Viking Season 2 – [රග්නාගේ වික්‍රම තව දුරටත්…]

මතකද දන්නේ නැහැ මම මේ වසර මුල ඔබ වෙත අරගෙන ආව වයිකින්ග් ටෙලි කතාව. විප්ලවීය ලෙස නැගී ආ රග්නා තමාගේ මතය මතම සිටිමින් ඉසුරු සොයා බටහිර නොදන්නා දේශයක සිහිනය සැබෑ කරගත්තා බලපු පිරිසට මතක ඇති. නමුත් නායකයා වුණ රග්නා තුළ වෙනස් වීම සිදු වෙනවා අපි දැක්කා. ඒ වෙනස් වීම ආරම්භය එක්කම History නාලිකාව අපෙන් ‘වයිකින්ග් කතා මාලාව’ ඈත් කළා නෙව.

නමුත් ඔන්න කොටස් 10ක් එක්ක දෙවෙනි පිම්ම පනින්නයි සුදානම. දිනය තවම හරියටම එන්නේ නැහැ. නමුත් 2014 මුල් කාර්තුවේ ලෝකය පීරන්න දැනටම අපේ වීරයා සුදානම් කරලා හමාරයි කියලා තමයි ආරංචි ලැබෙන්නේ. මෙවරත් අධ්‍යක්ෂකවරයා වෙන්නේ Michael Hirst ම තමයි. කතාව වෙන්නේ කොහොමද කියන එක ගැන පොඩි පොඩි ඉගි ටිකක් ඇවිත් තියනවා….

කලින් කතා සමයේ අවසාන හරිය වෙනකොට රග්නාහොරෙක් රජු” හා එකතු වුණා මතක ඇති නේ. දැන් රග්නාගේ බලාපොරොත්තුව; එංගලන්තය හා ප්‍රංශය ගවේෂණය, ආක්‍රමණයට වගේම සුපුරුදු කොල්ලකෑමට විශාල කණ්ඩායම් යවන්න කියලා තමයි ආරංචි. මේ ඔක්කොම වෙන අතරේ එරල් තනතුරේ ඉන්නේ රග්නාගේ බිරිය ලගතා. නමුත් රග්නා තවත් බිරියක් තම ජිවිතයට ගන්න ලකුණු අපි දැක්කා නේ පළමු කතා සමයේ මේ කතා සමයේ එයත් බිරියක් ලෙස එකතු වෙනවාලු. ඒ වගේම රග්නාට පිටුපෑව සහෝදරයා රෝලෝ විරුද්ධ පක්ෂය හා එකතුවෙලා රග්නාව වට්ටන්න සෑහෙන්න දත කනවා කියලා තමයි දැනගන්න තියෙන්නේ. මෙවර සටන් තවත් වැඩි වෙනවා කියලා ආරංචි වගේම පූර්ව ප්‍රචාරක පටය තුළින් ඒක ඔප්පු වෙලත් තියනවා. මේ සියල්ල සිදු වෙන අතරේ රග්නාගේ පුතා බෝරෝන් උස් මහත් වෙලා දක්ෂ සටන් කරුවෙක් ලෙස දෙවන කතා සමය එක්ක එනවාලු. ඔන්න ඕවා තමයි කතාව යන හැටි ගැන ලැබිලා තියන ඉගි.

රග්නාගේ පුතා දැන් ලොකු මහත් වෙලා කියලා මම කිව්වා නේ, ඉතින් තිරයේ දකින මුහුණත් වෙනස් වෙලා Alexander Ludwig මෙවර රග්නාගේ තරුණ පුතා වෙනවා කියලා තමයි සදහන් වෙන්නේ. ඒ එක්කම රග්නා වැඩියෙන්ම හැප්පෙන්නේ මේ වතාවේ වෙසෙක්ස් ප්‍රාන්තයේ රජු එක්ක. ඔහුගේ චරිතයට පණ පොවන්න Linus Roache එක්කාසු වෙනවා කියලා තමයි දැනගන්න තියෙන්නේ. තවත් අලුත් මුහුණු විශාල ගණනක් එන්න තියනවාලු. බලමු එයාලා කොහොම වේවිද කියලා ලබන වසරේ මුල් කාර්තුවේ.

පූර්ව ප්‍රචාරක පටයේ උපසිරැස ගන්වන්න දෙබස් නැහැ. ඒක නිසයි නිකන්ම වීඩියෝව තියෙන්නේ හොදේ. එහෙනම් ලබන වසරේ හමු වෙමු තවත් බටහිර ආක්‍රමණයක් වෙනුවෙන්.

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
සමීර කරුණාරත්න (84 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


සමීර කරුණාරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

csnc has 84 posts and counting.See all posts by csnc

2 thoughts on “Viking Season 2 – [රග්නාගේ වික්‍රම තව දුරටත්…]

  • September 18, 2013 at 9:14 AM
    Permalink

    අනිවා සහෝ, එනකම් මඟ බලන් ඉන්නවා

  • September 18, 2013 at 5:35 AM
    Permalink

    maxxxxxa maxxxxa ….
    me para nam katawa tawa lassana wei wage… .
    bohoma stuti saho me gena denuwat kalata… .

Leave a Reply

Your email address will not be published. Required fields are marked *