Super-Man සුපිරි ගමනක! DC Studios ඉදිරි ගමනක!

DC Comics සමාගම කියන්නෙ Marvel Comics වගේම සුපිරි වීරයන්ගෙන් අඩුවක් නැති කට්ටියක්. නමුත් ඒ අයට මේ තාක්කලක් එක්තරා ලොකු ගැටළුවකට මුහුණ දෙන්නට වුණා. ඒ තමන්ගේ සුපිරිවීරයන් ලෝකය හමුවට ගෙන ආ යුතු විදිහ ගැන. Nolan/ Goyer/ Bale තුන්කට්‍ටුව මේ අභියෝගය සාර්ථකව ජය ගැනීමෙන් පස්සෙ, DC‘ලාට තිබ්බ ගැටළුව තමයි “ඊගාවට කවුද?” කියන එක.

Dark Knight ත්‍රිත්ත්වයේ වැඩ කටයුතු අතර Goyer, Nolan‘ට කියපු අදහසක් ක්‍රියාත්මක කරන්නට තීරණය කළ ඔවුන් ‘වවුල්-මිනිසා’ගෙන් පසුව ‘සුපිරි-මිනිසා’ට යළි පණ දිය යුතු බව තීරණය කළා. ඒ තීරණය සාර්ථක බව කියමින් මේ වනවිට සුපිරි-මිනිසා ලොව වටා අති සාර්ථක ලෙස ප්‍රදර්ශනය වෙනවා. තවමත් සුපිරි-මිනිසා සිනමාහල්වලට ඇවිදින් ගත වුණේ දින 42යි (සති 6යි). ඒ කාලය තුළ ඇමෙරිකාවේ $ 286m සහ විදේශවල $ 350m වශයෙන් මේ වනවිට $ 636m‘ක සමස්ථ ආදායමක් උපදවා තිබෙනවා. දැනට Man Of Steel සුපිරිවීර සම්භව(Super-Hero Origin) චිත්‍රපටවල සමස්ථ ආදායම් සටහනේ(ඇමෙරිකාවෙහි පමණක්) 03 වැනි ස්ථානයේ පසුවෙනවා. ඔහුට ඉහළින් ඉන්න වීරයෝ දෙන්නා වෙන්නේ මුළු ප්‍රදර්ශන කාලය තුළම ඉපයූ සමස්ථ ආදායම අතින් අංක 1හි පසුවන මකුළු-මිනිසා $ 403m සහ අංක 2හි පසුවන යකඩ-මිනිසා $ 318m විදිහට.

ඒ වුණත් ඕනෑම සුපිරිවීර සම්භව(Super-Hero Origin) චිත්‍රපටයක් ආරම්භක සති-අන්තයේ වාර්තා කරන ඉහළම ආදායමේ හිමිකාරත්වය නවතම සුපිරි-මිනිසා විසින් උසුලනවා. ඒ ආරම්භක සති-අන්ත ආදායම $ 116m ලෙස සටහන් කරමින්. සමස්ථ ආදායම් සටහනේ පිළිවෙළින් අංක 1 සහ 2 ලෙස සටහන් වන මකුළු-මිනිසා $ 114m ලෙස දෙවැනි තැනත්; යකඩ-මිනිසා $ 98m ලෙස තෙවන තැනත්; තමා මේ සටහනේ පිළිවෙළ. ආරම්භක ආදායම අතින් සුපිරි-මිනිසා මේ දෙදෙනා අභිබවා ගොසින්. හැබැයි සමස්ථ ආදායම් සටහන ගැන කිව්වොත් මෙයා තවම තිරගත කාලයේ අවසානයට ඇවිදින් නැති නිසා තැන් මාරු කරගන්ඩ වුණත් බැරි නෑ ඉතිං! 😛

හැබැයි ‘සුපිරි-මිනිසා’ සමග එකම කොමික්-විශ්වයේ ඉන්න වවුල්-මිනිසාගේ සම්භව චිත්‍රපටයේ (Batman Begins (2005)) සමස්ථ ආදායමටත් වඩා මෙයාගෙ ආදායම $ 80mකින් ඉහළයි දැනටම, තවම තිරගත වීම අවසන් වී නැතත්! අවසන් වෙනකොට මෙයා DC විශ්වයේ ශක්ති සම්පන්න අසීරු ඉලක්කයක් සටහන් කරයි කියන එක තමයි අපට පෙනෙන්නට තියෙන්නේ. නිසැකවම DC විශ්වයේ සුපිරි වීර සම්භව චිත්‍රපට අතරින් අංක 01 හිමිකරගෙන ඇත්තේ MOS (2013) තමයි. සම්භව චිත්‍රපටය තමයි ඕනෑම සුපිරිවීරයෙකුගේ පැවැත්ම තීරණය කරන්නට සෘජු බලපෑමක් එල්ල කරන චිත්‍රපටය. එනිසා කලකට පසු -හරියටම කිව්වොත් අවුරුදු 7කට පසු- තිරයට එන සුපිරි-මිනිසා සම්භවයේ කඩඉම ඉතා මැනවින් ජයගෙන තිබෙනවා.

ඒ හේතුව නිසාම දැන් DC‘ලා මෙතෙක් දෙකට දෙවාරණේ හිටපු ගනිම්දෝ නොගනිම්දෝ තීරණ නොබියව අරගන්න සූදානම් වන සෙයක් පෙනෙන්නට තිබෙනවා. ඔවුනගේ සිහින නිර්මාණයන් ලෙස කාලයක් තිස්සේ ඔවුන් සහ රසිකයන් බලාපොරොත්තුව හිටපු Batman Superman Team-Up සහ Justice League කියන සිනමා නිර්මාණ කරා යන්නට ඔවුනට මේ සාර්ථකත්වය දැඩි පි‍ටුබලයක් වෙලා. මේ වනවිට MOS2 ගැන ඔවුන් තීරණය කර හමාරයි. ඔවුනගේ අදහස එය “වවුල්/සුපිරි මිනිස් හමුවක්” ලෙස තිරයට ගෙන ඒමට. ඒ හේතුවෙන් යළි උපදවන්නට යන වවුල්-මිනිසාට නව ආරම්භයක් සැපයීම එතරම්ම අවදානමකින් තොරව, සහ ආකර්ෂණාත්මක ලෙස කරන්නට ඔවුනට හැකියාවක් ලැබෙයි කියන එකයි ඔවුනගේ අදහස. මොකද වවුල්-මිනිසා තමයි DC විශ්වයේ නියමුවා. Nolan‘ගේ Dark Knight ත්‍රිත්වය ඉදිරිපත් කළ වවුල්-මිනිසා තාක්ෂණය අතින් බොහොම දුර්වල කෙනෙක්. හුදෙක් හැකියාවත්, ශක්තියත් මත පමණක් වැඩ දුන් කෙනෙක්. නමුත් සැබෑ වවුල්-මිනිසා තාක්ෂණයෙන් අගතැන් පත් කෙනෙක්. කිසිදු සුපිරි බලයක් නැතිවම අනිකුත් සුපිරි බලැති වීරයන් අභීබවා යන්නට තරම් තාක්ෂණයක්/ බුද්ධියක් ඇති කෙනෙක්. DC විශ්වයේ පෙරමුණේ රාළ වවුල්-මිනිසා වුණත්, ඔහු සාමාන්‍ය මනුෂ්‍යයෙක්. එසේ වුවත් ඔවුනගේ සුපිරිම බලැති අනගිම වීරයා වන සුපිරි-මිනිසා පවා යටපත් කරවන තරමේ මහා බුද්ධියක් සහ උපාය කෞශල්‍යයක් මොහුට හිමියි. එනිසා මෙමගින් අප දකින වවුල්-මිනිසා Nolan‘ගේ වවුල්-මිනිසාට වඩා හාත්පසින්ම වෙනස් සුපිරි-ජවයකින් යුත් කෙනෙක් වේවි. එනිසා නවමු වෙනසක් සහිතව ඒ චරිතය යළි ඉපිදවීම එච්චර කාරියක් වෙන එකක් නෑ වගෙයි පේන්නේ. මේ සුපිරි-මිනිසා ගේ දෙවැන්නෙන් එවැනි වවුල්-මිනිසෙක් අපට දැකගන්නට ලැබෙනු ඇතැයි යන්නයි බොහෝ දෙනෙකුගේ බලාපොරොත්තුව.

ඒ හැරුණුකොට තවත් ඉදිරි පියවරකට යන්නට මත්තෙන් ඔවුන් MOS2 ඉදිරිපත් කර එහි වාර්තා සටහන් ගැන අවධානය යොමු කරාවි. කොහොම වුණත් පෙනෙන විදිහටනම් ජීවමාන සිනමා නිර්මාණයකින් මේ දෙදෙනා මුණගස්සන එක බොහොම පළදෙන වැඩක් වෙයි වගේ. මොකද කාටූන් බලලාම ඇති වෙලා ඉන්න රසිකයෝ සුපිරි චිත්‍රපටයක් රසවිඳගන්ඩ පෙරමග බලාගෙන ඉන්නා නිසා. හැබැයි ඒ කියන්නේ එතනින් නවතින්නෙ නෑ කියන එකයි. මොකද මේ දෙන්නගේ පිටිපස්සෙ එන්ඩ තව වීරයෝ පෝළිමක් බලාගෙන ඉන්නවා දැනටමත්. 😀 ඒ හැරුණහම, දැනටමත් අර ඇදගෙන ඉන්න Justice League සමූහකාර්යය සාර්ථකත්වය කරා මෙහෙයවන්නටත් මින් සෘජුවම බලපෑමක් එල්ල කරාවි. එතකොටනම් හිතෙන්නේ Marvel‘ලා එක්ක තරගෙට DC විශ්වයේ වීරයෝ එළියට එන කාලෙ වැඩි ඈතක නෑ කියන එකයි… 😉

උදා (217 Posts)


9 thoughts on “Super-Man සුපිරි ගමනක! DC Studios ඉදිරි ගමනක!

  • August 7, 2013 at 9:31 AM
    Permalink

    patta films aka kawada eida.

  • August 6, 2013 at 9:49 PM
    Permalink

    man of the steel සින්හල උපසිරැසි දෙන්නෙ නද්ද??

  • August 5, 2013 at 11:38 PM
    Permalink

    thank you මරු මචං.

  • August 4, 2013 at 5:58 PM
    Permalink

    හෙහෙහේ…
    එහෙම දාන්නෙ විනෝදෙටනෙ බන්! ඔය වචනෙ තේරුම් ගන්ඩ බැරිද ඔච්චරටම? 😀
    සිංහල නම දැම්ම කියලා මේක කියවනකොට පැටලෙන්නෙ නෑනේ…..

    අනාගත ලැබෙන්ඩ දෙයක් තියෙන්නෙ දැන් ඉන්න කෙනා ගිහාමනේ, එයාවනම් කාලෙකට යවන එකක් නැති වෙයි 😉

  • August 4, 2013 at 5:36 PM
    Permalink

    ඇයි බං මේ සුපිරි මිනිසා මකුලු මිනිසා බයිලා කියවන්නෙ.. Super man, Spider man කිව්වා නං පොඩි එකාටත් ‍තේරෙනවා 😀
    අනාගත Super man චරිතය Tom Welling ට ලැ‍බෙයි…

  • August 4, 2013 at 4:56 PM
    Permalink

    මරු මචං! කවදත් වගේ!

  • August 4, 2013 at 9:02 AM
    Permalink

    I like this and t am waitting for watch this.

Leave a Reply

Your email address will not be published. Required fields are marked *