Madras Cafe ත්‍රස්තවාදයේ සළු පිළි උනා දමයිද?

 

John Abraham රඟන නවතම හින්දි සිනමාපටය පිළිබඳ ඉන්දියාවේ ආන්දෝලනයක් ඇති වෙලාලු. ඒ බව අපිත් දැනගත්තේ “අද දෙරණ” පුවතකින්. ඊළාමයටත් දමිළ ජනයාටත් අපහාසයක් සිදු කරන චිත්‍රපටියක් ලෙස සලකලා ප්‍රදර්ශනය තහනම් කරන මෙන් මෙම පෙත්සම ඉදිරිපත් වෙලා තිබෙන බවයි කියැවෙන්නේ.

මෙම චිත්‍රපටියට අධ්‍යක්ෂණ දායකත්වය Shoojit Sircar ගෙන්. හමුදා නිලධාරියෙක් ලෙස සේවය ආරම්භ කරලා පසු කාලීනව RAW ඔත්තු සේවය හා එක්වන පුද්ගලයෙකු සහ ඔහුගේ අත්දැකීම්, මෙහෙයුම් සමග දිගහැරෙන කතාවක් මෙහි එන බව සඳහන්.

මෙහි පෙරපටය Farhan Aktar‘ගේ Bhaag Milkha Bhaag චිත්‍රපටිය හා සමග නිකුත් කරන්නට කටයුතු කර තිබෙනවා. එසේ නිකුත් වූ පෙරපටය නැරඹූ පසුවයි මෙලෙස විරෝධතාවයන් එල්ල වී ඇත්තේ. අධ්‍යක්ෂකවරයා කියන විදිහට ‘මේක චරපුරුෂ සේවයේ කතාවක්. ඒ වගේම මේක හරිම තාත්විකයි.’

ජෝන් ඒබ්‍රහම්’ට අනුව මේක ඉතාම හොඳ අන්තර්ජාතික තලයේ චිත්‍රපටියක්. ඔහු කියන විදිහට ඉන්දියාවට ආඩම්බරයෙන් යුතුව ඉදිරිපත් කළ හැකි ආකාරයේ චිත්‍රපටයක් වන මෙය Paramount හා එක්ව උතුරු ඇමෙරිකාවටත් යුරෝපයටත් බෙදාහරින්නටත් ඔහු කටයුතු සලස්වලා තිබෙනවා. ඔහුට ඒක දැනෙන්නේ හරියට Amores Perros වගේ චිත්‍රපටියක් විදිහටලු.

මෙහි නිෂ්පාදනයත් සිදු කර ඇත්තේ ජෝන් ඒබ්‍රහම් විසින්මයි. මෙය තිරගතවීම ආරම්භ වීමට නියමිත දිනය අගෝස්තු 30 ලෙස වැඩිදුරටත් සඳහන් වෙනවා. මේ වෙනුවෙන් John Abrahamට අමතරව Jacqueline Fernandez, Nargis Fakhri, Leena Mari, Siddhartha Basu යන නළු-නිළියන් ද රංගන දායකත්වය සපයනවා. මෙම චිත්‍රපටය මුලදී Jaffna ලෙස නම් කර තිබුණත් පසුව නම වෙනස් කර තිබෙනවා. මෙය ඉන්දියාවේ සහ ශ්‍රී ලංකාවේදී රූගත කරන ලද්දක් බවත් සඳහන්.

උදා (217 Posts)


4 thoughts on “Madras Cafe ත්‍රස්තවාදයේ සළු පිළි උනා දමයිද?

  • Pingback: Madras Cafe (2013) | දේශප්‍රේමීන් සහ දේශද්‍රෝහීන්…[සිංහල උපසිරැසි සමඟ] | බයිස්කෝප් සිංහලෙන්

  • July 21, 2013 at 11:00 AM
    Permalink

    චිත්‍රපටය කොහොම වෙයිද දන්නේ නැහැ. මේක ඉන්දියාවේ ආර්ගෝ ලෙස්යි හඳුන්වන්නේ . argo ඇමරිකාවේ ප්‍රතිරූපය ඉහළ නංවන්න නිපැදුන කෘතියක් වූ ආර්ගෝ මෙන් මෙයත් රෝ සංවිධානයේ ප්‍රතිරූපය ඉහළ දම්මන්නක් විය හැකියි. හැබැයි .එල්.ටි.ටි.ඊ යට විරෝධි අන්දමකින් නිර්මාණය කරලා තියෙන්නේ කියලා කියෙවෙනවා. කොහොම වුණ්ත් අපේ මාතෘදුෂක සිනමා වෙදීන් රණවිරුවන් රට අපකීර්තියට පත් කරමින් සම්බාව්‍ය ගොන්පාට් කරන කාලෙක ඉන්දියාව තුළින් හරි සත්‍ය ලෝකයට ගෙන යනවානම් එය පැසසිය යුතුයි.

  • July 20, 2013 at 12:27 AM
    Permalink

    ada hetama me film ake torrent aka ganna puluwanda sub athuwa harai nathuwa hari ekmanatama denna

  • July 19, 2013 at 4:31 AM
    Permalink

    මේකනම් හොද ෆිල්ම් එකක්වගෙ

    මම බොලිවුඩ් ෆිල්ම් බලන් නෑ සාමාන්යෙන්

    ඒත් මේකනම් බලන්න හිතුන

    මේක තහනම් කරොත් ටොරන්ට් එකක්වත් දාන්නෙ නැති වෙයිද ?

    හැම රටකටම තහනම් කරන්න පුලුවන්ද ඉන්දියාවට ?

Leave a Reply

Your email address will not be published. Required fields are marked *