2011 වසරේ වැඩිම ආදායම් ඉපයූ චිත්‍රපට 05 මෙන්න

2011 වසර ලෝක සිනමාවෙහි ආදායම් වාර්තාවන් අතරින් අනුගාමී නිර්මාණයන් කිරුළු පළන් වසරක්. Harry Potter and the Deathly Hallows – Part 2, Tranformers – Part 3 සහ Twilight චිත්‍රපට මාලාවෙහි අවසන් පූර්ව චිත්‍රපටයත් ඒ අතරින් පෙරමුණේම පසුවනවා.
01.
Harry Potter and the Deathly Hallows – Part 2
(ලොව පුරා සමස්ත ආදායම ඩොලර් බිලියන 1.3)
සුප්‍රසිද්ධ සහ ජනකාන්ත සිනමාපට පෙළක් වූ Harry Potter චිත්‍රපට මාලාවේ අවසානය සනි‍ටුහන් කළ Harry Potter and the Deathly Hallows – Part 2 චිත්‍රපටය සිනමා ඉතිහාසයේත් නව කඩ ඉමක් සනි‍ටුහන් කළා. ඒ ඇමෙරිකානු සහ ජාත්‍යන්තර යන සිනමා දෙවර්ගයෙන්ම මෙතෙක් වාර්තා වූ එක් දිනක් තුළ ඉපයූ ඉහළතම ආදායම සහ තිරගත වීම ඇරඹූ දින තුළ ඉපයූ ඉහළතම ආදායම හිමිකර ගනිමින්.
එය තිරගත වීම ඇරඹූ සිකුරාදා දිනයෙහි පමණක් උපයා ඇති ආදායම ඇමෙරිකානු ඩොලර් මිලියන 92.1 ක්. එය ඇමෙරිකානු සිනමා ඉතිහාසය තුළ එක් සිනමා පටයක් දිනකදී ඉපයූ ඉහළතම මුදල බව සඳහන්.
එමෙන්ම ලොව පුරා තිරගත වීම මගින් එදින එය උපයා ඇති මුළු මුදල ඇමෙරිකානු ඩොලර් මිලියන 481.5 ක් වනවා. එයද චිත්‍රපටයක් ලොව පුරා එක් දිනක් තුළ ඉපිද වූ වැඩිම මූල්‍ය අගය බව සඳහන්.
02.
Transformers: Dark of the Moon
(ලොව පුරා සමස්ත ආදායම ඩොලර් බිලියන 1.1)
Transformers චිත්‍රපට මාලාවේ මූල්‍යමය අතින් වඩාත්ම සාර්ථක වූ චිත්‍රපටය වන මෙය ඇමෙරිකාව තුළ ප්‍රදර්ශනය ඇරඹුවේ ඇමෙරිකානු ජාතික දිනය වන ජූලි 4වැනි දින ආශ්‍රිත නිවාඩුවත් සමගින්.
ඇමෙරිකානු ජාතික දිනය යෙදෙන සතියේ සති අන්තය වන විට, කිනම් හෝ චිත්‍රපටයක් විසින් මේ තාක් උපයන ලද වැඩිම ආදායම වාර්තා කරන්නටද මෙය සමත්ව තිබෙනවා. ඒ මෙම වසරේ ඩොලර් බිලියනයේ ආදායම් සීමාවට ළඟා වූ ප්‍රථම ඇමෙරිකානු සිනමා නිෂ්පාදන සමාගම වීමේ අවස්ථාව Paramaount සමාගමට හිමි කරදෙමින්.
03.
Pirates of the Caribbean: On Stranger Tides
(ලොව පුරා සමස්ත ආදායම ඩොලර් බිලියන 1)
විදෙස් ආදායමින් ඩොලර් මිලියන 695.9 ක් උපයන ලද Pirates of the Caribbean: On Stranger Tides සිනමාපටය Disney සමාගම විසින් මෙතෙක් ලොව පුරා වැඩිම බෙදා හැරීමක් සිදු කර ඇති චිත්‍රපටයද වෙනවා.
මෙම චිත්‍රපටය සිනමා රසිකයින් මහත් ආදරයෙන් සහ ආශාවෙන් වැළඳගත් ලොව පුරා අති සාර්ථක ලෙස තිරගත වූවක්.
04.
Kung Fu Panda 2
(ලොව පුරා සමස්ත ආදායම ඩොලර් මිලියන 663)
DreamWorks Animation සහ Paramount යන සමාගම් හවුල් නිෂ්පාදනයක් ලෙස නිර්මාණය කර බෙදා හරින ලද මෙම සජීවීකරණිත සිනමාපටය විදේශයන්හි අති මහත් සාර්ථවකත්වයක් පෙන්නුම් කළ එකක්.
මෙය චීන සිනමා ආදායම් වාර්තා බිඳ හෙලන්නට සමත් වූ බව පැවසෙන අතර විදේශ විනිමය ලෙස ඩොලර් මිලියන 497 ක ආදායමක් ජනනය කළා.
05.
The Twilight Saga: Breaking Dawn – Part 1
(ලොව පුරා සමස්ත ආදායම ඩොලර් මිලියන 648)
The Twilight Saga සිනමා පෙළෙ’හි අවසන් පූර්ව සිනමාපටය ලෙස එළි දු‍ටු මෙම චිත්‍රපටය ඊට පෙර චිත්‍රපටය තරම් නිකුත් වූ දින ඉපයීමක් කරන්නට සමත් නූනත් ඇමෙරිකාව තුළ සිනමාපටයක් විසින් නිකුත් වූ සති අන්තය තුළ උපයන ලද ඉහළතම ආදායම් වාර්තා ලේඛනයේ පස් වන තැනට උරුමකම් කියනවා.
නමුත් නිකුත් වී එළැඹි ප්‍රථම සති අන්තයේ ඇමෙරිකාවෙහි ඉපයූ ආදායම වන ඩොලර් මිලියන 139.5 සහ විදේශයන් වෙතින් ඉපයූ ඩොලර් මිලියන 144 නිසා මෙතෙක් මෙම චිත්‍රපට මාලාවෙහි; නිකුත් වූ සති අන්තයෙහි ලොව පුරා වැඩිම ඉපයීමක් සිදු කළ චිත්‍රපටය බවට මෙය පත්ව තිබෙනවා.

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

විකියා (159 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


විකියා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

bkinfo has 159 posts and counting.See all posts by bkinfo

5 thoughts on “2011 වසරේ වැඩිම ආදායම් ඉපයූ චිත්‍රපට 05 මෙන්න

Leave a Reply

Your email address will not be published. Required fields are marked *