Independence Day – 2 & 3 ස්වාධීනත්වය අමරණිය වන දිනයක්…

වසර 20ක් තිස්සේ පෘතුවිය සාමයෙන් කල් ගෙව්වා 1996 ජුනි 04 වෙනිදා පෘතුවිය පිසක්වල ජිවින්ගේ ආක්‍රමණයකින් බේරා ගත් පසුව. එහෙත් මේ හදිස්සියේම වගේ අධ්‍යක්ෂක Roland Emmerich සහ නිෂ්පාදක Dean Devlin දෙදෙනාගේ ආරංචි වලට අනුව ඒ සාමය වැඩි කල් පවත්වා ගන්න බැරි තත්වයක් උදා වෙලා තියෙන්නේ. එහෙම කියන්න හේතුව තමයි 1996 තිරගත වු  Independence Day චිත්‍රපටයේ දෙවන සහ තෙවන කොටස් වෙනුවෙන් අනුගාමී කෘති දෙකක් වැඩ නිමකරමින් ඉන්නවා 20th Century Fox සමාගමේ කොල එළියක් දැල්වෙනකන්. මේ ගැන තරමක විතර අවධානයක් දෙන්න වෙනවා 20th Century Fox සමාගමට මොකද දැනට වැඩ නිම කර ඇති ඒ වගේම මේ මාසයේ අග භාගයේ තිරගත වීමට නියමිත  White House Down චිත්‍රපටය අධ්‍යක්ෂණය කර තිබෙන්නේත් Roland Emmerich ම නිසා වන හේතුවෙන්. මේ හේතුව නිසාම සමාගම එක ඇහැක් වහගෙන බලා ඉන්නවා මෙහි සාර්ථකත්වය මත මහපටැඟිල්ල ඔසවනවද එහෙමත් නැතිනම් පහත් කරනවද කියන තීරණය අරගන්න.

මෙසේ වැඩනිම වෙමින් පවතින මේ කතා දෙකට නම ලැබී ඇත්තේ Independence Day 2 සහ 3, එහෙමත් නැත්තන්  ID Forever Part I සහ II ලෙසින්. පෙනෙන විදිහට Emmerich මහත්තයට පවා ලොකු ආත්ම විශ්වාසයක් තියෙනවා වගේ ඔහුගේ මේ අලුත්ම ස්වාධීන දින දිගුවට මෙලෙසින් තොරතුරු නිරාවරණය කරන්න තරමට. එහෙමත් නැතිනම් ඔහුට උවමනාවක් තියෙනවා වෙන්න පුළුවන් යටගිය කතාව නැවතත් ගොඩගන්න මෙසේ පොඩි පොඩි තොරතුරු අපි අතරේ මාතෘකාවක් කරමින්.

කතාව ගැනත් පොඩි පොඩි ආරංචි එලියට දාලා තියෙනවා Emmerich විසින්  Entertainment Weekly මඟින් පවත්වපු සම්මුඛ සාකච්චාව අතරතුරේදී  රසිකයන් විසින් නගන ලද ප්‍රශ්ණ වලට පිළිතුරු ලෙසින්. එහිදී ඔවුන් ප්‍රශ්ණ කර සිටියේ මෙහි දෙවැන්න අරඹන අකාරය පිළිබඳව, ඔවුන්ගේ ගැටලුව උනේ දෙවැන්න ඇරඹෙන්නේ පළමු වැන්නේ අවසානයත් සමඟද එසේත් නැති නම් වසර 20 කට පසුව සිදුවන සිද්ධියක් මූලික කරගෙනද යන්නයි. අධ්‍යක්ෂකවරයාගේ පිළිතුර වුයේ ඒ දෙකම සිදුවන බවයි. ඔහුගේ පිළිතුර මෙලෙසත් සමන්විත උනා.

“ මිනිස්සු දන්නවා පිටසක්වල ජීවින් ආපහු දවසක නැවත එන බව. සහ එයාලට ඒ සඳහා අභ්‍යවකාශය හරහා ගමන් කරන්න තිබෙන එකම ක්‍රමය පණු ගුල් හරහා (wormholes). ඉතින්  පිටසක්වළ ජිවින්ට ඒකට සතියක් දෙකක් යාවි එහෙත් අපිට ඒ සඳහා වසර 20-25ක් ගත කරන්න වෙනවා.”

එසේම එහිදී පැනනැගුනු තවත් උභතෝකෝටිකයක් තමයි, තවත් වසර විස්සකට එහාට කතාව දිව යනවා නම් එහි අන්තර්ගත වන තාක්ෂණය හා අනෙක් කරුණු  චිත්‍රපටය තිරගත වන දිනට අනුකූලව වර්තමානයේ අපි දකින දේට  වඩා අඩු තාක්ෂණයක් හෝ ඊටත් වඩා දියුණු දෙයක් ඇතුලත් වේද යන්නයි. එහෙදි අධ්‍යක්ෂකවරයා පිළිතුරු දෙමින් කියා සිටියේ “එහෙම උනොත් කොහොමද? ” කියන තර්කය මත , කලින් චිත්‍රපටයේ ඇති දියුණු තාක්ෂණයට වඩා 90 දශකයේදීම පෘතුවි වාසින් විසින් ඒ දියුණු තාක්ෂණය අභාශයට ගෙන තවත් එය දියුණු කර තාක්ෂණිකව සන්නද්ධව පසුකාලින ආක්‍රමණයකට පෙර සූදානම්වී සිටියොත්  යන සිතුවිල්ල රසිකයන්ගේ අතට පත්කලා විවධ මාන ඔස්සේ හිතන්න. ඔහුගේ වචන වලින්ම කියනවනම්,

“ ඒක වෙනස් වුන ලෝකයක්. ඒක නිකන් සමාන්තර ඉතිහාසයක් වගේ. මිනිසුන් මේ සියළු පිටසක්වල තාක්ෂණයෙන් සන්නද්ධ වෙලා. අපි දන්නේ නැහැ කොහොමද ඒක අනුපිටපත් කරන්නේ කියලා මොකද ඒක ඒ වෙනකොටත්  තිබුන තාක්ෂණයක්. නමුත් අපි දන්නවා  කොහොමද  විරුද්ධ ගුරුත්වාකර්ෂණ උපකරණයක් ගන්නේ කියලා සහ එය කොහොමද මිනිස් ගුවන් යානයක තබන්නේ කියන එක.”

කලින් චිත්‍රපටයේ ඇතිකර ඇති සිද්ධීන් ගැන නොසලකමින්, අධ්‍යක්ෂකවරයා ස්ථිරවම කියා සිටිනවා මේ සටන එතරම් පහසු එකක් නොවෙන බව. “අපි ගොඩ නැගිලා ඉන්නේ නමුත් පිටසක්වල ජීවින් එයාල වෙනස් දේවල් කරනවා.” මෙහි කලින් කතාවේ අවසානයත් සම්බන්ධකර ඇති නිසා සති දෙකක් තුනක් පිටසක්වල ජිවින්ට ගත උනා කියලා සැකයක් තිබෙනවා ඔවුන්ටත් ඒ පොඩි කාලය ඇතුලත ලොකු ලොකු තාක්ෂණික ක්‍රම දියුණු කරගෙන එන්න පුලුවන්ද කියන කාරණාව. මෙසේ හිතන්න හේතුව පිටසක්වලට සති 2-3 මිනිසුන්ට වසර 20-25 වන මූලික සිද්ධාන්තය පදනම් කරගෙන. එසේ උවත් එකෙන් අදහස් වෙන්නේ නැහැ කලින් සැරේ වගේ ඔවුන් ලොකු ලොකු තුවක්කු රැගෙන එන්නේ නැහැ කියන එක. සමහරවිට පළමු චිත්‍රපටයේ පිටසක්වල ජීවින් කලේ පිටිය උණුසුම් කිරීමක් වගේ දෙයක් වෙන්න පුළුවන් නිසා.

මෙහිදී අධ්‍යක්ෂවරයා හට ඉදිරිපත් කල තවත් පැනයක් තමයි, ප්‍රධාන චරිතය රඟපෑ Will Smith මෙවරත් එම භූමිකාවම රඟ දක්වනවාද කියන දේ. මොකද එදා එසේ උවත් වර්තමානයේ  Will Smith කියන චරිතය චිත්‍රපටය දීප්තිමත් කරන්න දල්වන්න අවශ්‍යය කරන ඉන්ධන වන මුදල් ප්‍රමාණය ඉතාමත් අධික නිසා. ඒ වෙනුවෙන් අධ්‍යක්ෂකවරයා හොඳ පිළියමක් යොදලා තියෙනවා. දුකින් හෝ කියන්න වෙනවා ප්‍රධාන චරිතය මෙවර Will Smith වේද යන්න තවම විය නොහැකි මට්ටමේ තබාගන්න පුළුවන් බලාපොරොත්තුවක් වී අවසානයි. මොකද Emmerich සැලසුම්  කර තිබෙන්නේ, එකල කුඩා දරුවන් ලෙසින් සිටි අය මෙවර වැඩිහිටියන් බවට පත් කර ඔවුන්ව අඩු ඉන්ධන යොදා ප්‍රායෝගික ලෙස කතාවට සම්බන්ධ කර එහි දීප්තිය වැඩි  කර ගන්නටයි.  එහිදී ඉතාමත් පහසුවෙන් කලින් කතාවේ සිටි කුඩා දරුවන් ලෙසින් රඟපෑ කිහිපපොලක්ම වැඩිහිටියන් බවට පත්කර ගැනීමේ හැකියාවක් තිබෙනවා. ඒ ඇමෙරිකානු ජනාධිපතිවරයාගේ දියණියගේ චරිතය රඟපෑ Mae Whitman සහ කපිතාන්  Steven Hillerගේ සුළු පුත්‍රයාගේ චරිතය රඟපෑ Ross Bagley මෙහි නැවත දැක ගැනීමේ සම්භාවිතාවක් දැනට තිබෙනවා.

Mae Whitman

 Ross Bagley

 මේ දේවල් එසේ අප විසින් උපකල්පනය කරමින් සහ අධ්‍යක්ෂකවරයා විසින් අපගේ කුතුහලය වැඩිකරමින් කරන ප්‍රකාශ සිනමා පටයකට නැගීම තීරණය වෙන්නේ 20th Century Fox සමාගම White House Down චිත්‍රපටය හරහා ලබන අදායම සහ ජනප්‍රියත්වය මතයි. ඒ නිසා අපි ප්‍රාර්ථනා කරමු  ධවල මන්දිරයේ වීරයාට රොටන් ටෝමාටෝ ලකුණු දර්ශකයේ සහ IMDb දර්ශකයේ  ඉහල ලකුණු ලැබේවා කියලා. තවත් මේ ගැන තොරතුරු දැනගත් විගසම ඔබ දැනුවත් කරන පොරොන්දුවෙන් නැවත හමුවෙන තුරාවට ඔබ සැමට ජයෙන් ජය !!!!

 

 

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
හසන්ත වික්‍රමරත්න (50 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


හසන්ත වික්‍රමරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

hasantha has 50 posts and counting.See all posts by hasantha

2 thoughts on “Independence Day – 2 & 3 ස්වාධීනත්වය අමරණිය වන දිනයක්…

  • June 11, 2013 at 1:59 PM
    Permalink

    එළ මචං

  • June 7, 2013 at 7:07 PM
    Permalink

    වාඃ… කියලම වැඩක් නැහැ හොදේ විස්තරේ නම්…
    හැබැයි විල් ස්මිත් ගැන තීරණේ තවමත් නිශ්චිත නැති එක ගැන නම් ටිකක් දුකයි වගේ..
    අනිවා පොර ෆිල්ම් එකට ඉන්න ඕනේ…
    හැබැයි පොර හිටියත්, පොරට රගපාන්න වෙන්නේ අවුරුදු 50 පැනපු චරිතයක්..
    කොහොමහරි පොර ඉන්නවනම් එල…
    නියමයි හසන්ත සහෝ…
    දිගටම අපිව දැනුවත් කරන්න…
    ජය වේවා…

Leave a Reply

Your email address will not be published. Required fields are marked *