Iron Man 3 රචකයාට වැඩ පිට වැඩ…

මේ දවස්වල ලෝකෙ වටේම පෙරළි කර කර යන Iron Man 3 (2013)’ කතාව ගොනු කළේ; අධ්‍යක්ෂක Shane Black සමග තිරරචක Drew Pearce. ඔහුම තමයි ගුලියමෝ ඩෙල් ටෙරෝ විසින් අධ්‍යක්ෂණය කෙරුණු, ‘Pacific Rim (2013)’ ලියලා තියෙන්නෙත්. තවමත් එළියට නොආපු තවත් අලුත් චිත්‍රපට කිහිපයක්ම සඳහා ඔහුගේ මේ ලේඛන හැකියාව ලැබෙන බව සඳහන්. ඒ අතරට එන අලුත්ම ආරංචිය තමයි, ඔහුගේ වැඩ දැකලා ඔහුට තවත් හොඳම චිත්‍රපටි දෙකකම වගකීම් භාරදෙන්ඩ යන ආරංචිය.

     තියෙන ආරංචියට අනුව 2011 වසරේ තිරගත වූ ‘M:I-4 Ghost Protocol’ සීනෙරුවට අනුබැ‍ඳෙන 05 වැන්න ලියන්නට භාරදීල තීයෙන්නේ ඔහුට. ඒ ‘මාවල් යෝධයා’ IM3 වලින්, ඔහුගේ රචනා හපන්කම් දැකපු නිසා. ඒ වගේම ඉදිරියේ දී එන්නට යන Sherlock Holmes 3 ත් ලියන්නට මේ රචකයාටම භාරකරන්නට යන බවක් තමයි සැල වෙන්නේ. මෑත කාලයේ ඔහුගේ රචනා දායකත්වය ලැබූ, චිත්‍රපටි කිහිපයක්ම ආදායම් සහ පැසසුම් අතින් බොහොම සාර්ථකත්වයක් හිමි කරගත්ත බව සදහන්.

 ඒ කොහොම වෙතත්, මේ M:I-5 චිත්‍රපටියෙහි රූගත කිරීම් ඇරඹෙන්නටනම් තව ටික කාලයක් තියෙනවා. මොකද Tom Cruise ගේ නවතම චිත්‍රපටියෙහි රූගත කිරීම්වලට ඔහු මේ වනවිට හිර වෙලා ඉන්නේ. M:I සිනෙ පෙළහරේ වඩාත්ම සාර්ථකත්වයක් හිමිකරගත් චිත්‍රපටිය වුණේ, 2011 තිරගත වූ Ghost Protocol. ඒ වගේම Tom Cruise මෙතෙක් දායක වූ චිත්‍රපට අතරින් ඉහළම සාර්ථකත්වයක් ලැබුවේත් මේ සිව්වන M:I චිත්‍රපටිය තමයි. ඉතින් දැනටමත් Tom මීට එකතු වන්නට තීරණය කරලා ඉවරයි. තවමත් නොවිසඳුණු කාරණාව වෙන්නේ, මේක කාගේ මෙහෙයවීමෙන් සිදුවේවිද කියන එකයි. Jack Reacher හි අධ්‍යක්ෂකවරයා වන Christopher McQuarrie මේ සඳහා එකතු වේවි කියලා කිව්වත් තවමත් තහවුරු වෙලා නෑ ඒ ගැනනම්. M:I-4 තමයි මේ සිනමා පෙළෙහි වඩාත් ආකර්ෂණීයම සහ ආන්දෝලනාත්මකම චිත්‍රපටිය වුණේ. ඉතින් මේ අලුත් එකටත් ඒ නවමු ගුණයත් සමග ඒ ජවයත් අඩු නැතිවම ගෙන එන්නට Pearce සමත්වනු ඇතැයි කියලා තමයි හුඟ දෙනෙකුගේ අදහස! පසුගිය චිත්‍රපටයෙන් ඉදිරියට ඇදෙන්නක් නිසා එහි දු‍ටු ඒ වෙනස මෙහිත් නොඅඩුවම දැකගන්නට ලැබෙයි අපට. 2015 අවුරුද්ද වෙනකොට මේ නිර්මාණය නිසැකවම තිරයට ගේන බව තමයි නිෂ්පාදනායතනය හෙළි දරව් කරලා තියෙන්නේ මේ වෙනකොට.

ඒ වුණත් SH3 ගැනනම් කියන්ඩ වැඩි යමක් නෑ. තියෙන්නේ මේ රචකයා ඒ සඳහා දැනටම බඳවා ගෙන අවසන් යන්න සහ, පෙර චිත්‍රපටි දෙකට එකතු වූ හෝම්ස්(Robert Downey Jr.) සහ වොට්සන්(Jude Law) ඒ සුපුරුදු චරිත වලට එක්වන්නට ගිවිසුම් ගහලා ඉවරයි කියන එකයි. ඒ එක්කම පරණ අධ්‍යක්ෂකවරායත් එක් වෙනු ඇතැයි කියලා තමයි කාගෙත් බලාපොරොත්තුව. කොහොම වුණත් මේකෙ රූගත කිරීම්නම් 2014 අවුරුද්ද වෙනකම් ඇරඹෙන එකක් නෑලු. දැනට නිෂ්පාදන සමාගමේ බලාපොරොත්තුව තමා 2015 වනවිට මෙය එළිදැක්වීම. ඉතින් Drew Pearce මේ කෙටි කාලයට පෙන්නුව හපන්කම් එක්ක බලද්දි මේකත් සුපිරි නිර්මාණයක් බවට පත්කරන්නට ඔහුගේ රචනා හැකියාව නොමඳවම පි‍ටුබලයක් වෙනු ඇති බව පැහැදිලියි. දැනට කියැවෙන විදිහට පැරණි සිදුවීම් අළලාම ඉදිරියට දිගහැරෙන කතාවක් තමයි මීට අඩංගු වෙන්නට යන්නේ. දෙවැන්න පළමුවැන්න තරම් සාර්ථක නොවූ නිසා, තරමක් සැකසහිතයි ඒ ගැන. නමුත් රසික ආකර්ෂණය අතින්නම් මේවා ඉතා ඉහළ මට්ටමේ තැනකටයි හිමිකම් කීවේ. ඊට ප්‍රබලම හේතුව වුණේ දෙබස් යොදාගෙන තිබුණු ආකාරය සහ මෙහි පැවති කුතුහලාත්මක ගුප්ත ස්වභාවය.

ඉතිං මිතුරනේ; මේවා ගැනනම් මීට වඩා තොරතුරු දැනට නෑ. අලුත් පුවත් ලැබෙන සැණින්, උණුසුම යන්නට මත්තෙන් ඔබට ගෙනෙන්නම් අපි. කරන්නට තියෙන්නේ අපේ “සුපිරි චිත්‍රපටිවල ඉදිරි දිගහැරුම…” ලිපි පෙළ ගැන ටිකක් හෝදිසියෙන් ඉන්න එක විතරයි 😛

උදා (217 Posts)


2 thoughts on “Iron Man 3 රචකයාට වැඩ පිට වැඩ…

  • May 27, 2013 at 3:28 PM
    Permalink

    Lankaveth wada bari one shot one 2 enawalu neda ??? loketh ekka baladdi api inne agaharuwalada ban ??? :O

Leave a Reply

Your email address will not be published. Required fields are marked *