The Rock මෙන්න වෙනස් මුහුණකින් TV එකත් ආක්‍රමණය කරන්න සූදානම…

මේ විස්තරේ කියන්න යන්නේ The Rock එහෙමත් නැතිනම් Dwayne Johnson ගැන අලුත් හෝඩුවාවක්. 2013 කියන්නේ මොහුට බොහොමත්ම කාර්යබහුල වසරක්. මොකද කියන එක චිත්‍රපට ප්‍රේක්ෂකයොත් රෙස්ලින් ප්‍රේක්ෂකයොත් හොඳට දන්නවා.  මේ වසරේ දැනට තිරගත වූ ඉතාමත් ජනප්‍රිය චිත්‍රපට තුනක් වූ Snitch, G.I. Joe: Retaliation, Pain & Gain සහ මේ මස 24 වනදින තිරගත කිරීම ඇරඹීමට නියමිත Fast and Furious 6 නිසා ඔහු චිත්‍රපට ක්ෂේත්‍රයේ කාර්යබහුල වුණා. ඒ වගේම බොහෝ කලකට පසුව The Rock ලෙසින් WWE මල්ලවපිටියට පැමිණියා, ඒ නිසා ඔහුට යම් කාල සීමාවක් එහිත් එක්තරා රංගනයක යෙදෙන්නට උනා.  මේ කිව්වේ 2013 ගැන එතකොට දැන් කියන්න යන්නේ මීළඟට එන්න තිබෙන චිත්‍රපට වල දායකත්වය ගැන. ඒවා නම්  Fast & Furious 7, Hercules, සහ Journey 3: From the Earth to the Moon යන චිත්‍රපට.

මෙලස කාර්යබහුල වෙලා ඉන්න Dwayne -The Rock- Johnson හට අලුත් ආරාධනාවක් ලැබී තිබෙනවා ඔහුගේ Pain & Gain සගයා වන Mark Wahlberg නිෂ්පාදනය කරන තවමත් නමක් යෝජනා වී නැති නවතම TV කතාවකට. HBO රූපවාහිනී නාලිකාව ඔස්සේ විකාශනය වීමට නියමිත මේ නවතම රූපවාහිනී කතන්දරය අධ්‍යක්ෂණය කරන එහි අධ්‍යක්ෂකවරු ගැනත් පොඩි හෝඩුවාවක් නම් තිබෙනවා. මොකද එයාලත් ලෙහෙසි පහසු අය නොවන නිසා.  එයාලා තමයි Stephen Levinson (Boardwalk Empire), Dany Garcia (Snitch), සහ  Peter Berg (Battleship) යන පුද්ගලයෝ. මෙහි රූගත කිරීම් මේ වසර අවසානයේ ආරම්භ කිරීමට නියමිත බවයි ආරංචිය.

කතා තේමාව ගැන දැනට තිබෙන ආරංචි වලට අනුව මියාමි වල ජිවත් වන විශ්‍රාමික මළල ක්‍රීඩකයන් පිරිසක් වටා ගෙතුණු කතාවක් බවයි කියන්න තියෙන්නේ. මේ කතාවත් Pain & Gain කතාවට සමාන බවකුත් සහ අපි මේ කතා කරන පුද්ගලයා එහෙමත් නැති නම් Dwayne Johnson කියන පුද්ගලයාගේ මුල් කාලින ජීවිතයටත් සමාන කමකුත් තියෙන බවයි තතු දත් ආරංචි මාර්ග පවසන්නේ. 
මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
හසන්ත වික්‍රමරත්න (53 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


හසන්ත වික්‍රමරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

hasantha has 53 posts and counting.See all posts by hasantha

Leave a Reply

Your email address will not be published. Required fields are marked *