Skiptrace සමග හොලිවුඩ් එන ජැකී චෑන්…

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

අද අපට බොහොම සුවිශේෂ දවසක්! අපගේ මව් විබපළ වන -බයිස්කෝප් සිංහලෙන්- අද සිය 1000 වන සිංහල උපසිරැසි නිකුතුව සමරනවා. ලිපි 1000ක් පිරෙනකොට අපි අරඹපු මේ -බයිස්කෝප් මංසල- විබපළත් අද වෙනකොට ප්‍රකාශිතයන් 270ක් පළ කරල අවසන්. ඒ 1000 ඉදන් මේ 1000 ට ගෙවුණු දින 266 තුළ, එවන් ලොකු වෙනසක් කරන්නට අපට හැකිවුණේ ඔබ දුන් ඒ සවිය නිසයි. එ නිසා මේ මොහොත අපගේ සිංහල උපසිරැසි සහෘදයන් සැම කෙනෙකුම වෙනුවෙන් බයිස්කෝප් සිංහලෙන් වෙත උණුසුම් සුබපැතුම් එක්කිරීමට අප අවස්ථාවක් කරගන්නවා.

සහසක මතක වෙනුවෙන් ආසිරි වේවා…! දහසින් දහස තව යන දුර වැඩිවේවා…!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ඇමරිකානු ප්‍රේක්ෂකයන්ට ‘Karate Kid (2010)’ ප්‍රතිනිර්මාණයෙන් පස්සේම ජැකී චෑන් දැකගන්න ලැබිලා නැහැ නොව, නමුත් 59 හැවිරිදි මේ ජාත්‍යන්තර තරුව වේගය බාල කළ බව නෙමෙයි ඒකෙන් කියන්නෙ. ඔහු තමන්ගේ “100 වන සිනමා රංගනය” ඇතුළත් ‘1911 (2011)’ නම් චීන ඉතිහාස වීර කාව්‍ය හා ‘Chinese Zodiac (2012)’ වගේ චිත්‍රපට අධ්‍යක්ෂණය මගින් තමන්ගේ සිනමා සක්‍රීයත්වය ලොවට හඩගා කියලා, ඔන්න දැන් සූදානම් වෙන්නෙ තව අඩව්වක් අල්ලන්න. 

දැන් ඔන්න චෑන් නැවත ඇමරිකානු සිනමාවට එන්නයි සූදානම, නමුත් තමන්ගේම නීති වලට. මාස කිහිපයකට උඩදී නම් ඔහු පවසා තිබුණේ නැවත මතු වෙන්නෙ  Expendables 3 සමග කියලනෙ, නමුත් ප්‍රධාන චරිතයක් නොලැබෙනවා නම් නිකන් මූණ පෙන්නනවාට වඩා ඔහුට කරන්න වැඩ තියන බවකුයි දැන් කියන්නෙ.
චෑන් වසර ගණනාවක ඉදලම ක්‍රියාදාම ප්‍රහසන ගනයේ කතාවක් ගොඩ නගමින් තමයි ඉන්නේ. ඔන්න එහි ඉතාම වැදගත් කරුණු කාරණා ටිකක් මාධ්‍යයට හෙළි කරලා තියෙනවා, ප්‍රධානම එක තමයි නම! Skiptrace ලෙස තමයි මෙය නම් කරලා තියෙන්නෙ. මිනිස්සුන්ට කතා කරන්න මේකට නමක් තියෙන්න එපැයි ඉතින්, ඔන්න ඒක හරි දැන්. කතාව කෙටියෙන් කීවොත් එහෙම, හොංකොං රහස් පරීක්ෂකයෙක් පැන යන සූදු අන්තුවෙක් පිටුපස යාමක් හා බොහොම නොගැළපෙන දෙන්නෙක් හොංකොං නගරයේ එපාම කරපු අපරාධකාරයා අල්ලන්න කල්ලි ගැහෙන සිද්ධියක් වටා තමයි කතාව ගෙතෙන්නෙ.
Sam Fell (ParaNorman) අධ්‍යක්ෂකවරයා ලෙස එක්වන මෙහි Jay Longino (Bachelor Party 2: The Last Temptation) හා Brian Gatewood, Alessandro Tanaka (The Sitter) යන අය අතින් තමයි පිටපත හැඩ වෙන්නෙ. ප්‍රධාන චරිතය චෑන් රගපාන එකේ නිළි චරිතයට Bingbing Fan (X-Men: Days of Future Past) යෝජනා වී ඇති බවක් තමයි කියවෙන්නෙ.
මේ ඔක්කොම මෙහෙම එකතු වෙනකොට මෙහි කතාව චෑන් රගපාපු Rush Hour චිත්‍රපටයේ කතාවට සමාන බවක් තියනවා නේද කියන ප්‍රශ්නය මතු වෙනවා, නමුත් චෑන්ට අනුව නම් මෙය සම්පූර්ණයෙන්ම වෙනස් කතාවක්. චෑන්ගේ ඇමරිකානු ආගමනය ගැන හොලිවුඩ් පුරයම මේ වනවිට අවධානයෙන්, Skiptrace හි නවතම තොරතුරු ලැබෙන පරිදි ඔබ වෙත ගෙන එන්නම්. 
මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
සමීර කරුණාරත්න (84 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


සමීර කරුණාරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

csnc has 84 posts and counting.See all posts by csnc

2 thoughts on “Skiptrace සමග හොලිවුඩ් එන ජැකී චෑන්…

  • May 8, 2013 at 3:26 PM
    Permalink

    ela ela..Jackie Chan natuwa hollywood palui..

  • May 7, 2013 at 3:21 PM
    Permalink

    සුභ පැතුම් ඔයාලට.ඒ වගේම දිගටම මේක කරන් සාර්තකත්වයටම යන්න ලැබේවා කියලත් පතනවා!

Leave a Reply

Your email address will not be published. Required fields are marked *