Iron Man 3 චීනයත් හොල්ලලා…

Marvel/ Disney ලේබලය යටතේ මෙතුවක් රිදී තිරයට ආ සුපිරි වීරයන් සියල්ලන්ම අභිබවා යමින් යකඩ මිනිසාගේ තුන්වන වික්‍රමය ලොව වටා වාර්තා පිට වාර්තා තියමින් තිරගත වන බව අපි කීවා මතක ඇති. මේ ඒ සම්බන්ධ තවත් සුවිශේෂී තත්කල් වාර්තාවක්. මෙය වාර්තා වන්නේ චීනයෙන්.


මොනම භාණ්ඩයක් සම්බන්ධයෙන් වුණත් ලොව පවතින සුවිශාලතම වෙළඳපොළ භාරය හිමි චීනයට බව අමුතුවෙන් කිව යුතු නෑ. ලොව වැඩිම ජනගහණය සහිත රට නිසා එය නිශ්චිත තත්ත්වයක් බව අපි කවුරුත් දන්නවා. අපි කලින් වතාවෙ විස්තර කියනකොට මේ යකඩ මිනිසා තම තුන්වන වික්‍රමයත් අරගෙන චීනයට පය තබා තිබුණේ නෑ. ඔන්න අද වෙනකොට ඔහු චීනයටත් පය තබලා අවසන්. ගොඩබහිනකොටම මුළු චීනයම හෙල්ලුම් කවන්නට ඔහු සමත් වෙලා.

චීනය තුළ මෙතුවක් වැඩිම ආරම්භක දින ආදායම වාර්තා කරන්නට හැකියාව පා තිබුණේ Marvel/ Disney‘ලාගෙම ‘The Avengers (2012)’. ඒ $ 18m උපයමින්. නමුත් යකඩ මිනිසා එය අතික්‍රමණය කරන්නේ $ 21.5m උපයමින්. ඒ කියන්නේ චීනයේ මෙතෙක් තිබූ ඉහළතම ආරම්භක දින ආදායම් වාර්තාව $ 3.5m කින් අලුත් කරලා ලියලා යකඩ මිනිසා මේ පාර.

මේ වෙද්දි යකඩ මිනිසා සිය තෙවන වික්‍රමයත් අරගෙන තිරයට ඇවිදින් තවම ගතවුණේ දවස් 9යි. මේකා මේ වෙනකොටත් $ 307.7m හොයලා ඉවරයිලු ඒ කාලෙට. චීනෙ වගේම ජර්මනියේ සහ තායිලන්තයෙත් මෙය තිරගත වෙන්ඩ පටන් ගත්තෙ පෙරේදා. ඒ කියන්නෙ බදාදා. එතකොට බදාදා දවසෙ විතරක් ආදායම $ 65.6m වෙනවලු. ඒ කියන්නෙ චීනෙ $ 21.5m ට අමතරව ජර්මිනිය සහ තායිලන්තයත් ඇතුළත්ව අනෙකුත් රටවල් වලදි මේකා $ 44.1m හොයලා එක දවසට. මූ නම් යකඩ යකෙක්ම තමයි!

ඒ විතරක්නම් මදැයි ‘The Avengers (2012)’ විදෙස් ආරම්භක ආදායම් වාර්තාවන් බින්දා විතරක් නෙමෙයි; මේ වෙනකොටත් ‘Captain America (2010)’ සතු $ 192 m ක් වන සහ ‘Thor (2011)’ සතු $ 268m ක් වන වගේම ‘Iron Man 1 (2008)’ සතු $ 267m කියන සමස්ත ජාත්‍යන්තර ආදායම් වාර්තාවනුත් ඉක්මවා ගිහින් ඉවරයි. ‘Iron Man 2 (2010)’ සමස්ත ජාත්‍යන්තර ආදායම් වාර්තාව අල්ලන්ඩත් තව ඕනෙ කරන්නෙ $ 11.5m විතරයි. ඒකත් තව එක දවසකින් පහුකරගෙන යයි.

යකඩ මිනිහාට චිනයේ මෙච්චර හරියක් කරන්ඩ හැකිවුණේ මේ නිර්මාණයට චීනයේ සෘජු දායකත්වය ලැබීම නිසා වෙන්ඩත් පුළුවනි. කොහොම නමුත් චීනයේ (ජර්මනිය හා තායිලන්තය ද ඇතුළත්ව) තවම තිරගත වීම ඇරඹී ගෙවුණේ දවස් තුනයි අදත් එක්කම. ඒ මදිවට මේ යකඩයා තමන්ගෙ නිජබිමට ඇතුළු වෙන්නේ අද! මේ වෙද්දි IMDb මීටරේ පෙන්නුම් කරන විදිහට මේ යකඩයාගේ වික්‍රමය දැකගන්ඩ ඇමෙරිකාවෙ ප්‍රේක්ෂකයන් දක්වන උනන්දුව 800% ක් ලෙස සටහන් වෙනවා. :O

අම්මෝ දින නමයකින් මේ හරිය කෙරුවට තවමත් නොගිය කලාපත් තිබෙනවා මෙයා. ඒවත් එක්කාසු වෙලා එනකොට… ඇමෙරිකාව හැරෙන්ඩ ලෝකයේ සෙසු රටවල් දුප්පත් වෙලා තියෙයි කෝටි ගාණකින් 😛

උදා (217 Posts)


6 thoughts on “Iron Man 3 චීනයත් හොල්ලලා…

Leave a Reply

Your email address will not be published. Required fields are marked *