Lawrence of Arabia ටෙලි කතා මාලාවක් ලෙසින් රූපවාහිනියට….

වර්තමානයේ බොහොම ටෙලිනාට්‍ය බිහිවෙන්න ගත්තනේ අතීතයේ සිනමා ලෝකය හොල්ලපු චරිත අද විවිධ ස්වරූපයෙන් රූපවාහිනී ප්‍රේක්ෂකයා වෙතට සමීප කරල. උදාහරණ විදිහට ගත්තොත් නෝමන් බේට්ස්ගේ චරිතය –‘Psycho (1960)’– පාදක කරගෙන Bates Motel. ඒ වගේම දොස්තර හැනිබල්ගේ චරිතය –‘The Silence of the Lambs (1991)’– පාදක කරගෙන Hannibal වගේ කතා මාලා මේ වසරේදී ටෙලි ලොවතුළ කතාබහට ලක්වෙන්න සමත්වුණ විත්තිය අහන්න ලැබෙන්න ඇතිනේ! ඔන්න ඒ අතරට තවත් ලොවම හෙල්ලූ සැබෑ චරිතයක් ඇසුරෙන් සිනමා ලොවට ආව චරිතයක් දැන් රූපවාහිනී ලොව හොල්ලන්න එන්න හදන්නේ.

T. E. Lawrence කිව්වම අහලාතියන උදවිය ඇති මම හිතන්නේ. නමුත් Lawrence of Arabia කියන නම ඊට වඩා ප්‍රසිද්ධයි ලෝකය තුළ. බ්‍රිතාන්‍ය රාජකීය හමුදාවේ වගේම ගුවන් හමුදාවේ සේවය කල කර්නල් වරයෙක් . 1962 සිනමා ලෝකයට පෑයූ Lawrence of Arabia සිනමා කෘතිය T. E. Lawrence ගේ ජීවිතය හා ඔහු මැද පෙරදිග හා පැවැත්වූ සබදකම් අලලා නිර්මාණය වූවක්. එහි සාර්ථකත්වය කෙටියෙන් මතක් කළොත් ඔස්කා සම්මාන 7ක් හා අනෙකුත් සම්මාන 20ක් දිනාගත්තා වගේම, IMDB දර්ශකයේ 8.4ක ලකුණු ප්‍රමාණයක් ලබාගෙන අනගි 250 තුල 68 වැනි තැන තවම රැදී ඉන්නව.

ඔන්න දැන්  Roland Emmerich විසින් මේ වෙනකොට Lawrence of Arabia නමින් කෙටි ටෙලි කතාවක් නිරමාණය කිරීමට අධිතාලම දමාගෙන යනව කියලයි හොලිවුඩ් පුරයෙන් දැනගන්න තියෙන්නේ. Roland Emmerich ගැන වචනයක් කිව්වොත් ඔහු තමයි ‘The Day After Tomorrow (2004)’, ‘Independence Day (1996)’, ‘Godzilla (1998)’, ‘2012 (2009)’ වගේ ලොව පතල චිත්‍රපට වල නිෂ්පාදක වරයා වුණේ. ටෙලි කතා මාලවේ පිටපත හැඩ වන්නෙත් Roland Emmerich හා Rod Lurie අතින්. නමුත් මේ සියල්ල සිදුවුවත් ලොකුම අභියෝගය බවට පත්වන්නේ ලෝරන් ලෙස රංගනයෙන් එක්වන්නට කුමන නළුවා නිර්භීත වේවිද කියන එකනේ…!

හොලිවුඩ් පුරයෙන් ලැබෙන ආරංචි මාර්ගවලට අනුව නම් මේ අභියෝගය බාරගන්න සූදානම් වෙන්නේ Robert Pattinson නම් පුසිරි නළුවලු, ඔහු ගැන නොදන්න කෙනෙක් වුණත් Twilight කතා මාලාවේ එඩ්වඩ් ගේ චරිතය හදුනනවා ඇති. කොහොම නමුත් පිසාචයෙක් ලෙස සිනමා ලොව ජයකෙහෙලි නැන්වූ රොබට් පැටින්සන් නම් තරුණ නළුවා හට T. E. Lawrence නම් මහා පෞර්ෂය හෙබි හමුදා නිළධාරියා ලෙස රංගනයේ යෙදීම නම් ලෙහෙසි පහසු නොවනු ඇති බවයි තතු දත්තෝ පවසන්නේ. අපි බලමු කුමක් වේවිද කියල. තවම මෙම ටෙලි කතා මාලාව විකාශය වන දිනයක් ගැන නම් දැනගන්න නැහැ. තොරතුරු ලැබෙන පරිදි ඔබව දැනුවත් කරන්නම්. 
මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
සමීර කරුණාරත්න (84 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


සමීර කරුණාරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

csnc has 84 posts and counting.See all posts by csnc

2 thoughts on “Lawrence of Arabia ටෙලි කතා මාලාවක් ලෙසින් රූපවාහිනියට….

  • May 3, 2013 at 8:28 PM
    Permalink

    thanks sameera

  • May 3, 2013 at 8:22 PM
    Permalink

    niyama lipiyak 😀

Leave a Reply

Your email address will not be published. Required fields are marked *