Iron-Man 3 දැනටමත් Avengers අභිබවා ගිහින්!

‘Avengers (2012)’ සිනමා පටයට පසු Marvel Studios වෙතින් නිපැයුණු ප්‍රථම සුපිරි වීර චිත්‍රපටිය Iron-Man 3 මේ වනවිටත්; ගිය වසරේ මේ කාල සමය වන විට Avengers පිහිටවූ වාර්තාවන්ට අභියෝග කරමින් සිටින බව කියැවෙනවා. Avengers චිත්‍රපටය ප්‍රදර්ශනාරම්භක වාර්තාවන් දේශීයව පමණක් නොවෙයි විදේශීයවත් අලුතෙන් ලිව්වා. ඒ වුණත් Iron-Man 3 මේ අන්තර්ජාතික වාර්තාවන් දැනටමත් බිඳ හෙළලා අවසන්. මෙහි විදෙස් ආරම්භක ආදායම; Avengers වාර්තා කළ විදේශීය ආරම්භක දින ආදායමට වඩා මිලියන 10කටත් වඩා ඉහළයි.

Avengers: $185.1 m
Iron-Man 3: $195.3 m

මේ තිරගත වීම ඇරඹූ සතිඅන්තයේ දී ලොව වටා රටවල් කිහිපයක දී පමණක් ඉපිදවූ ආදායම. මේ වනටිට තිරගත වීම ඇරඹූ අප්‍රේල් 24 දින සිට 28 දින දක්වා කාලය තුළ එම රටවල්වලදී උපයා ඇති ආදායම $ 198.4m ක් බවට වාර්තා සටහන් නිකුත් කරලා.

Marvel-Disney සමාගම් කියන විදිහට Marvel සිනමා විශ්වයේ සිටින පරමෝත්කෘෂ්ඨයා බවට Iron-Man පත් වී හමාරයි. ඒ කියන්නේ ප්‍රේක්ෂක ආකර්ෂණයේ නියමුවා නොහොත් ජනතාව දිනාදෙන්නට හැකි මුහුණේ හිමිකාරයා වන්නේ Robert Downey Jr. බවයි. Iron-Man සිනමා නිර්මාණ  ත්‍රිත්වයක් බවට පත් කරමින් මෙවර තිරයට ආ මේ චිත්‍රපටිය ‘Iron-Man (2008)’ සහ ‘Iron-Man 2 (2010)’ ට පසුව එන Iron-Man සිනමා පෙළහරෙහි මීළග පියවර බවට පත් වෙද්දී, Avengers සිනමා පෙළහරට එක්වන තවත් සාර්ථක නිර්මාණයක් බවට පත් වෙනවා.

මේ Iron-Man ගේ වාර්තාවන්ගෙන් කිහිපයක්:

*–ආජන්ටිනා, හොංකොං, ඉන්දුනීසියා, වියට්නාම්, තායිවාන්, පිලිපීන්, මැලේසියා සහ සින්ගප්පූරු යන රටවල් තුළ කි’කලෙක හෝ වාර්තා වන – විශාලතම ආරම්භක සතිඅන්ත ආදයම සටහන් කළා.

*–තායිවාන්, පිලිපීන්, සින්ගප්පුරු, වියට්නාම් සහ මැලේසියා යන රටවල් තුළ කි’කලෙක හෝ වාර්තාවන – විශාලතම ආරම්භක දින ආදායම සටහන් කළා.

*–ඕස්ට්‍රේලියා, ස්වීඩන්, නෝර්වේ, ඩෙන්මාක්, නෙදර්ලන්ත, ‍ෆින්ලන්ත, හන්ගේරියා, රුමේනියා, නවසීලන්ත, ආජන්ටිනා, හොංකොං, ඉන්දුනීසියා, වියට්නාම්, තායිවාන් සහ පිලිපීන් යන රටවල් තුළ කි’කලෙක හෝ වාර්තා වන – විශාලතම Marvel ආදායම සටහන් කළා.

*–ආසියා පැසිපික් කලාපයේ සහ ලතින් ඇමෙරිකා කලාපයේ කි’කලෙක හෝ සටහන් වන ඉහළතම සතිඅන්ත ආදායම සටහන් කළා.

*–ඒ හැරුණුකොට සෑම වෙලඳපලකදීම අංක 1 ස්ථානය හිමිකරගත්තා.

මේ හපන්කම දක්වලා තියෙන්නේ ලොව විශාලතම වෙළඳපල වන චීනයට යන්නෙවත් නැතුවමයි. චීනය, ජර්මනිය හෝ රුසියාව තුළ තවමත් තිරගතවීම් ඇරඹී නැහැ. චීනයත් මේ චිත්‍රපටයේ විශාල වැඩ කොටසකට සම්මාදම් වුණා. මෙවර දුෂ්ඨයා අපට හමුවන්නේ චීනයෙන්. ඒ වගේම නිෂ්පාදනයේදී චීනයේ දායකත්වය බොහොම ඉහළයි. එනිසාම චීනය වෙනුවෙන් සුළු වශයෙන් වෙනස් වූ චිත්‍රපටයක් නිකුත් කිරීමට නිෂ්පාදන සමාගම් සැලසුම් කොට තිබෙනවා. ඒ තව ඉදිරි දිනයකදී.

ඒ වගේම Marvel විශ්වයට වැඩිම වෙළදපළ අගයක් හිමි උතුරු ඇමරිකාවටත් මේ Iron-Man තවමත් පයගසා නැහැ. ඒ කියන්නේ දේශීය තිරගතවීම් තවමත් ඇරඹී නැහැ. වාර්තා වන අන්දමට පසුගිය සතිය වනවිට සිනමාහල් 400ක සියළු ප්‍රවේශපත් විකිණී අවසන්ව තිබුණා. ඒ මේ සිකුරාදා තිරගත වෙන චිත්‍රපටිය වෙනුවෙන්. පසුගිය Iron-Man 2 චිත්‍රපටිය දේශීයව ආරම්භක ආදායම ලෙස $ 128.1m සටහන් කළා. ‘Thor (2011)’ හෝ ‘Captain America: The First Avenger (2011)’ ඒ අහලකටවත් ඇවිත් නෑ ත්‍රිමාන තාක්ෂණයෙන් නිකුත් වුණාටවත්. මේ වාර්තාව කැඩුවෙ Avengers! ඒ දේශීය ආරම්භක ආදායම ලෙස $ 207.4m සටහන් කරමින්. ඇමර්කාව තුළ කි’කලෙක හෝ වාර්තා වන විශාලතම දේශීය ආරම්භක ආදායම වන්නේ මෙයයි. Iron-Man 2 හි ගණන් සැලකිල්ලට ගෙන 3 වැන්න වාර්තා කරන ආදායම දේශීයව $ 160m ඉක්මවනු ඇති කියල කලින් ඇස්තමේන්තු කරලා තිබුණට දැන්නම් ඊට වඩා බොහෝ ඉහළ අගයක් දක්වා මේක ගමන් කරනු ඇති බවයි විචාරක/ ප්‍රවීණ අදහස.

Iron-Man 3 $ 1b කඩඉම පසුකිරීම නියතයක්. එනිසා මෙමගින් Thor 2 සහ Captain America 2 සඳහාත් විශාල ප්‍රබෝධයක් ඇති කරදෙනු ඇතැයි යන්නයි ඔවුනගේ බලාපොරොත්තුව. මේ සිනමාපටය නිකුත් වන්නා හාම RDJ ඇතුළු සියලුම නළු-නිළි පිරිස සමග පැවති Marvel ගිවිසුම  කල් ඉකුත්වී යනවා. Johnny Depp හෙවත් කැප්ටන් ජැක් ස්පැරෝ නැතුව POTC කරන්ඩ බෑ වගේ; RDJ නැතුව Iron-Man කරන්ඩත් බෑ. මේකත් එක්තරා නියතක් වෙලා, මොකද ප්‍රේක්ෂකයන් තමන්ට හුරුපුරුදු කෙනාවම ඉල්ලන එක සාමාන්‍ය තත්ත්වයක් නිසා. ඒ කියන්නේ The Avengers 2 සඳහා ඔහු එක්කාසු කරගන්නටම Marvel’හට සිදු වේවි කියලයි කියැවෙන්නේ. ඒ ඇරුණහම Iron-Man 4 හැදෙනවානම් ඔහු නැතුව බැරි වෙන බවයි කාගෙත් අදහස. නමුත් RDJ මේ චරිතයට සමු දේවිද කියන එක මත එය තීරණය වේවි. ඔහුගේ ඒ තීරණය කෙබන්දක් වුවත්, Marvel සිනමා විශ්වයේ දෙවන පියවරෙන් පසු එළඹෙන අදියරන්හි සාර්ථකත්වය කෙරෙහි ඉන් එල්ල වන බලපෑම සුළුපටු එකක් නොවනු ඇති බවයි සඳහන් වෙන්නේ…

උදා (217 Posts)


10 thoughts on “Iron-Man 3 දැනටමත් Avengers අභිබවා ගිහින්!

Leave a Reply

Your email address will not be published. Required fields are marked *