ඉදිරි දිගහැරුම… (XXVII) | Borne 5 ඔහු නොහිටියත්… [Update]

Original Bourne Movie Banner

ඔන්න තවත් සුපිරි චිත්‍රපටි මාලාවකට එනවා ආපහු. Matt Damon කියන සුපිරි නළුවා රඟපෑ ‘Bourne Trilogy’ යෙන් බිඳී ආවක් වන සිව්වැන්න ගැන ඔබට මතක ඇති. අමතක වන්නට ඉඩක් නෑ ‘Bourne Legacy (2012)’ නමින් Jason Bourne විසින් ඇමෙරිකානු රජයේ රහසිගත කටයුතුවලට උද්ගත කළ ව්‍යසනකාරී තත්ත්වයෙන් පසු සමයේ සිදුවන සිදුවීමක් පදනම් කොටගෙනයි එය තිරයට පැමිණියේ. Damon විසින් කඩාකප්පල් කරන්නට යෙදුණු රහස් ව්‍යාපෘතිය හා සම්බන්ධ වෙමින් මෙවර Jeremy Rene තමයි සිව්වැනි මෙහෙයුම දියත් කළේ.

The-Bourne-Legacy

ඒ මෙහෙයුමෙන් ලොව වටාම ක්‍රියාත්මක වන HeadStone කටයුතු ගැන හොඳ විවරණයක් ලැබුණා. මේ 5 වැන්නත් නිෂ්පාදන සමාගම සැලසුම් කරමින් පවතින ඉදිරි Bourne චිත්‍රපටත් සඳහා Renner සහ Rachel Weisz දිගටම සම්බන්ධ කරගන්නට නියමිත වුණත් Damon එක්වන්නට සතු‍ටුනම් ඔහුගේ චරිතය ඔහුට විවෘතව තැබෙන බවකුත් නිෂ්පාදන සමාගම පවසලා.

ඉතින් මේ ගැන තවම ඔවුන් කිසිදු විශරයක් පිටකරලා නැහැ. කොහොම වුනත් Bourne Legacy මගින් කළේ ඉතිරි ඉදිරි චිත්‍රපට සඳහා අවශ්‍ය පසුබිම සකසා ගැනීම විතරයි කියලයි ඔවුන් පවසලා තියෙන්නේ. ඒ ඇරුණු කොට, කතාවෙ හැටිවත්, අඩු තරමෙ මේ වෙද්දි මේක ලියාගෙන යනවද කියලවත්, එකතු වෙන්නෙ කවුද කියලවත් නෑ. දැනට දන්න එකම දේ ඔවුන් නිසැකවම Bourne 5 ගැන වැඩ කටයුතු කරගෙන යන බව විතරයි.

 

තිරයට එන දිනය: ප්‍රකාශ කර නොමැත.

 

Bourne-Legacy Banner

නවමුව: තවමත් තිරයට එන දිනයක් ගැන හෙළිකොට නෑ. නමුත් මේ තියෙන්නේ මේ සම්බන්ධ අලුත්ම Hot Hot News ටික…  😀

මේ චිත්‍රපටය ගැන නිකුත් වී තිබෙන අලුත්ම ආරංචි අනුව, F&F6ත් සමග F&F සිනෙ පෙළට සමුදුන් අධ්‍යක්ෂක Justin Lin මේ Bourne5 ට එකතුවීමේ ඉඩකඩ බොහොම ඉහළයි. අයාලේ ගිය, එකිනෙකට කිසිදු සම්බන්ධයක් නොදැක්වූ, කාර් රේස් චිත්‍රපට ත්‍රිත්ත්වයකින් පසුව; F&F ‘රිය-හරඹ කැටි කළ වීර යුද්ධයක් බවට පත් කරමින්’ මියැදෙන්නට ගිය ඒ සිනෙ පෙළ, සිනෙ පෙළහරක් බවට පත් කළේ Lin යටතේ තැනුණු 4/ 5/ 6 කියන චිත්‍රපට ත්‍රිත්ත්වයෙන්. නමුත් තවමත් මේ ගැන සනාථ කොට නැහැ. Lin සිය F&F හැරයාම ප්‍රකාශ කිරීමත් සමගම Universal චිත්‍රාගාරය ඔහු දෙසට හැරී ඇති බවයි කියැවෙන්නේ. ඒ වුණත්, ඔහුගේ තීරණය කෙසේ වේදැයි තවමත් කියන්නට කල් වැඩියි.

Justin-Lin

හේතුව ඔහුගේ අධීක්ෂණය ඉල්ලා සිටින එකම චිත්‍රපටය මෙය පමණක් නොවෙයි. WB ලාගේ Runner/ Imagine Entertainment ලාගේ L.A. Riots සහ Universal ලාගේම බ්‍රිතාන්‍ය රහස් ඔත්තු සේවයේ MI6 අංශයේ උප්පත්ති කතාව ‍රැගත් චිත්‍රපටය වන Hugh Jackman’ගේ ආකර්ෂණය ලබන්නට නියමිත Section 6″ කියන චිත්‍රපටි 3ත් Lin‘ව ගන්න පොරකනවා.

Jeremy-Renner as Aaron Cross in Spin-Off Bourne Trilogy

කෙසේවෙතත් Original Bourne Trilogy‘යෙන් පිට-පැන්මක් ලෙස තැනෙන අලුත් Bourne Trilogy‘යේ ප්‍රධාන නළුවා වන Jeremy Renner සුපුරුදු Aaron Cross ලෙස නිසැකවම එක්වෙනවා. මේ වනවිට Bourne5 පිටපතත් Anthony Peckam(Sherlock Holmes, Invictus) අතින් නිමවෙමින් පවතින බව සඳහන්. ඒ අනුව Bourne5 දැන් පූර්ව නිෂ්පාදන අදියරේ පසුවෙමින් සැලසුම්ගත වනවා තිරයට එළඹෙන්නට.

Matt Damon as jason Bourne in Original Bourne Trilogy

5 වැන්නට කොහෙත්ම පරණ ලොක්කා Jason Bourne එක්වන්නේ නෑ. හේතුව ඔහුගේ එකම ඉල්ලීම වූ; අධ්‍යක්ෂක Paul Greengrass(Captain Phillips) යළි කැඳවා ගැනීමට චිත්‍රාගාරය අසමත්විම. එනිසා අපට හුරුපුරුදු චරිතය වගේම Bourne මාලාවේ කතානායකයා වන Matt Damon යළි මේ සිනෙ පෙළින් දැකගන්නට ලැබීම බොහොම අඩමානයි කියන එක තමයි දැනට හෙළිවන්නේ. නමුත් Lin එක්වුවහොත්; Lin‘ගේ වැඩ හොඳ වුවහොත්; යළිවරක් Jason Bourne කතාවට එන්නටත් බැරි නැහැ.

Robert Ludlum: The Bourne Creator
Robert Ludlum: The Bourne ග්‍රන්ථ මාලාවේ කර්තෘ සහ Jason Bourne චරිතයේ පියා…

නමුත් තිබෙන අලුත්ම ආන්දෝලනය මේකයි. F&F අයාලේ ගිය මංමුලාවෙන් මුදවලා, පිස්සු කොර කාර් යුද්ධයක් බවට පත්කරමින් ලොවපුරා රසිකයන් දිනාදෙන ජීවයක් කවන්නට Lin සමත් වුවත්; දැනටමත් අඳුරු/ ගුප්ත/ කිළිපොළන/ සීතල සංග්‍රාමයක් ලෙස නමක් දිනූ’ නුහුරු නුපුරුදු කලාපයකට අතපොවන Bourne සමග ඔහුගේ හැකියාව කොහොම ඔට්‍ටු වේවිද කියන එකයි ඒ අලුත් මාතෘකාව. අපි බලමු ඉදිරියේදී Justin Lin එක්වුවහොත් Bourne කොයි අතකට යාවිද කියලා දැන්ම කියන්නට බැහැනේ කොහොමත් 😉 . ඇතැම්විට F&F රසිකයන්ගෙනුත් සන්නද්ධ වෙමින්ම අමුතුම දිහාවකට යන්නට Bourne‘ගේ අඳුරු කතාවට බැරිවෙන එකක් නැහැ.

උදා (217 Posts)


5 thoughts on “ඉදිරි දිගහැරුම… (XXVII) | Borne 5 ඔහු නොහිටියත්… [Update]

  • Pingback: ඉදිරි දිගහැරුම CIII | JASON BOURNE 5 (2016) | ඔහු නැවතත් | Mogo Reader CDN

  • September 4, 2013 at 9:28 PM
    Permalink

    mekanam patta pata pata. loweth nathi wenna awa gamanma diyan. +++++++++

  • September 3, 2013 at 7:32 AM
    Permalink

    @ Wijeywickrama Kdd

    ස්තුතියි සහෝ දැනුවත් කිරීමට… ඒ බවක් දැන හිටියේ නෑ මම.
    එහෙම බැලුවහම ඉතින් ඕනි තරම් සුපිරි චිත්‍රපට හදන්ඩ බැරි කමක් නෑ…
    නැද්ද?

  • September 2, 2013 at 3:19 PM
    Permalink

    niyamai….
    e kata set ekama maxxxa… .
    Matt Damon nxt katawata idi kiyala hitanawa.
    bohoma stuti saho me katawa gena denuwat kalata… .

Leave a Reply

Your email address will not be published. Required fields are marked *