ඇල්ෆ්‍රඩ් හිච්කොක් (The Master of Suspense)

ඔන්න මිතුරනි මම අද බයිස්කෝප් වෙබ් අඩවියෙ මෙච්චර කල් සිනමා පට ගැන පමනක් කියවපු ඔය ගොල්ලො වෙනුවෙන් අරගෙන ආව ලෝක ප්‍රකට චිත්‍රපට අධ්‍යක්ෂකවරයෙක් පිළිබඳ තොරතුරු. මේ කෙටි සටහන මගේ ප්‍රියතම හිච්කොක් ගැන.

ලෝක සිනමාව ගැන කතා කරද්දි Sir Alfred Hitchcock කියන්නෙ කිසිසේත්ම අමතක කරන්න බැරි චරිතයක්. අඩසියවසකට වඩා වැඩි කාලයක් තිස්සේ දිග හැරුනු ඔහුගේ සිනමා දිවිය තුල නිර්මානය කල චිත්‍රපට ගණන පණහකටත් වඩා වැඩියි.ඒ වගේම අන්තර්ජාල සිනමා දත්ත සමූහයේ හොඳම සිනමා පට දෙසිය පණහ (IMDB Top 250) අතර වැඩිම සිනමාපට ගනනක හිමිකරුවා වන්නේද Alfred Hitchcock. එම ගණන 250න් 10ක්.

එම චිත්‍රපට නම්,
Dial M for Murder, North by Northwest, Notorious, Psycho, Rear Window, Rebecca, Rope, Shadow of a Doubt, Strangers on a Train, Vertigo.

Master of Suspense  යන විරුදාවලියෙන් හැඳින්වුනු මොහුගේ විශිෂ්ඨත්වය අගයමින් නයිට් පදවියක් පවා පිරි නැමුනා. මොහුගෙන් සිනමාවට සිදු වූ සේවයට එය එක් නිදසුනක් පමනයි.

ඔහුගෙන් සිනමාවට වුනු බලපෑම කොතෙක්ද කියනවනම් Hitchcock ගේ චිත්‍රපට වලට සමාන තේමා සහ විලාශයන් භාවිත කරමින් නිමැවුණු සිනමාපට හැඳින්වීමට Hitchcockian කියා අලුත් වචනයක්ද නිර්මාණය වුනා. සංගීත ක්ෂේත්‍රය තුල Beatlemaniac යන්නට සම කල හැකි වෙනත් පදයක් නැතුවා සේම සිනමාව තුල Hichcockian යන්නට සමාන පදයක් නම් නැතිව ඇති.

Hitchcock ගේ සිනමාකරනයක ඇති වැදගත්ම කාරනය තමයි ඔහුටම ආවේනික වූ සිනමා ශෛලිය. සිනමාපටය අවසානය වනතෙක්ම ප්‍රේක්ශකයා කුතුහලයෙන් කුතුහලයට පත් කරමින් තම සිනමාපටය කෙරෙහි ඇඳ බැඳ තබා ගන්න මොහු දක්වන සාමර්ථය අති විශිෂ්ඨයි.

මොහුගේ නිර්මාන කෙරෙහි මා වඩාත්ම ආකර්ශනය වුනේ Psycho චිත්‍රපටය නැරඹූවායින් පසුවයි.

Psycho කියන්නේ ඉඳුරාම Hitchcockian චිත්‍රපටයක්. බොහෝ hitchcockian චිත්‍රපට වල වගේ මෙම චිත්‍රපටයෙදිත් වීරවරිය වන්නේ රන්වන් කෙස් කලඹක් හිමි (Blonde) සුරූපිණියක්. ඒ වගේම සාමාන්‍යය කෙල්ලෙක් කරයි කියල නොහිතෙන වැඩක් (ඒ කියන්නෙ ඩොලර් හතලිස්දහසක සොරකමක්) මේ වීරවරිය අතින් සිද්ධ කෙරෙනව. බොහෝ හිච්කොකියන් චිත්‍රපට වල වගේ මෙහිදිත් වීරයා සහ අධමයාගේ චරිත රඟදක්වන්නේ කඩවසම් ඒ වගේම රුවින් මඳක් සමාන (Look alike) නලුවන් දෙදෙනෙක් (වීරත්වය සහ අධමත්වය යනු එකම කාසියක දෙපැත්තක් බව සංකේතවත් කරමින්).

ඔහුගේ තවත් අනගි නිර්මාණයක් තමයි Rebecca. තම පොහොසත් ස්වාමියාට අපිරිමිත ස්නේහයක් දක්වන දිළිඳු පවුලකින් පැවත එන බිරියක් ගැන කථාවක්. ඇය කෙතරම් ඔහුට පෙම් කලත් ඔවුන්ගේ ජීවිත  කුමක් හෝ අඩුවකින් පෙලෙනවා. ඇය විශ්වාස කරන්නේ මෙයට හේතුව සිය සැමියාගේ පළමු බිරිඳ රෙබෙකා බවයි. කථාවේ අවසානය දක්වාම සහෘදයාව අවිනිශ්චිතභාවය තුල රඳවන මෙම චිත්‍රපටය 1940 වසරේ විශිෂ්ඨතම සිනමාපටයට හිමි සම්මානය දිනාගත්තා.

The Birds චිත්‍රපටය ඔහුගේ සංකේතාත්මක සිනමා යෙදීම් සඳහා හොඳ උදාහරණයක්. Psycho හි මෙන්ම මෙහිදීත් තම පුතු කෙරෙහි ආධිපත්‍යය පතුරවන්නට තනන මවක් දක්නට ලැබෙනවා. සාමාන්‍ය පවුලක් වන සිය පවුලට සම්බන්ධ වීමට සැරසෙන ඉහල පැලැන්තියේ පවුලක තරුණිය කෙරෙහි මවගේ ප්‍රතිරෝධය භෞතිකව සංකේතවත් කරන්නේ කුරුල්ලන්ගේ පහර දීමෙන්.

තවද මොහුගේ චිත්‍රපට වල දක්නට ඇති අපූරුම දෙයක් තමයි චිත්‍රපටය තුල අධ්‍යක්ෂකවරයාගේ කෙටි පෙනීසිටීම් (Cameo Appearances). එය බොහෝ විට තත්පර කිහිපයකට සීමා වන අතර ඒ පිළිබඳ ප්‍රේක්ෂක අවදානය යොමු නොවන තරම්. Rear Window හි පියානෝ වාදකයාගේ කුටියේ ඔරලෝසුව වයින් තබමින් සිටින දර්ශණයකද, The Birds චිත්‍රපටයේ ප්‍රධාන නළුවා සාප්පුවට ඇතුලු වන විටම බල්ලන් දෙදෙනෙකු කැ‍ටුව දොරෙන් එලියට පැමිනෙන දර්ශනයකද මොහු පෙනී සිටිනවා. මගේ ප්‍රියතම Psycho චිත්‍රපටයේ වීරවරිය සිය පෙම්වතාගේ සමාගමයෙන් පසු නැවත කාර්යාලයට පැමිනෙන අවස්ථාවේ ජනේලයෙන් පිටත පෙනෙන්නට සිටින ගොපලු තොප්පියක් පැලඳ සිටින පුද්ගලයා තමයි හිච්කොක්.

හිච්කොක් කියන්නෙ වර්තමානයෙදිත් සිනමාකරනයේ යෙදී සිටින අධ්‍යක්ෂකවරුන් බොහෝ දෙනෙකුගේ නිර්මාන කෙරෙහි බලපෑ අධයක්ෂකවරයෙක්. Steven Spielberg (Schindler’s List), Martin Scorsese (Hugo, Shutter Island), Christopher Nolan (The Dark Knight, Momento), David Lynch (Mulholland Drive), David Fincher (Fight Club, The Girl With The Draggon Tatto) යනාදී බොහෝ දෙනෙක් තම නිර්මාන සඳහා හිච්කොක්ගේ ආභාෂය ලබාගත් බව ප්‍රකාශ කර තිබෙනවා.

තව දෙයක් ඔයගොල්ලන්ට කියන්න තියෙනවා. ඒ තමයි පැරණියි කියල චිත්‍රපට නොබල ඉන්න එපා. යමක් පැරණි වූ පමනින් පරණ වෙන්නෙ නෑ. සිනමාපටයක හෝ වෙනත් ඕනෑම කලා කෘතියක තේමාව අදටත් සත්‍යයක් වනතාක් එහි වලංගුභාවය පවතිනවා. Hitchcockian Movies  ගැනත් මට කියන්න තියෙන්නේ එච්චරයි.

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
සචිත් රූපසිංහ (1 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


සචිත් රූපසිංහ

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

sachith has 1 posts and counting.See all posts by sachith

17 thoughts on “ඇල්ෆ්‍රඩ් හිච්කොක් (The Master of Suspense)

  • Pingback: Rear Window (1954) | හිත ඇත්නම් පත කුඩාද… [සිංහල උපසිරැසි සමඟ] | බයිස්කෝප් සිංහලෙන්

  • April 16, 2013 at 11:15 AM
    Permalink

    නියම ලිපියක්..

  • Pingback: Bates Motel (2013) [ S01 - E01] | අලුත් ආරම්භයක් උදෙසා..[සිංහල උපසිරැසි සමඟ] | බයිස්කෝප් සිංහලෙන්

  • February 13, 2013 at 5:55 PM
    Permalink

    සියයට සියයක් කතාව ඇත්ත සහෝ. මට පෙනෙන විදියට මුළු ආසියාවම සැලකිල්ලට ගත්තත් ඔය අවුල බොහෝ සිනමාපට වල තිබෙනවා. අධ්‍යක්ෂක පරයා නළුවා ඉස්මතු වෙනකොට සිනමාවේ ගුණාත්මක බව පහල බහිනවා.

    අපේ ජයන්ත චන්ද්‍රසිරි සිනමාවේදියත් වතාවක් ඔය කතාව කියලා තිබුනා මතකයි. හඳගම මහත්තයත් තමන්ගේ නිර්මාණ වලට අලුත් මුහුණු හැමවිටම අරගන්නෙත් ඔය නිසාම වෙන්නැති.

    මේ වගේ කොමෙන්ටු බොහොම වටිනවා මචෝ.

  • February 12, 2013 at 6:38 PM
    Permalink

    සුපිරි කමෙන්ටුව මචෝ… වැඩක් නෑ කියල කියන්න දෙයක් නෑ…

  • February 11, 2013 at 7:59 PM
    Permalink

    ඇත්තෙන්ම සචිත් සහෝ Hichcock කියන්නේ මුල් යුගයේ නිහඩ සිනමාපට නිර්මාණය කළ ශිල්පියෙක්. එනිසාම තමයි සමකාලීන යුගයේ විතරක් නොවෙයි අදටත් ඇස් උඩ ඉදුවන පුදුමාකාර බවක් ඔහුගේ නිර්මාණ තුළ ගැප්ව තිබෙන්නේ. ප්‍රේක්ෂකයාව ග්‍රහණයට අරගෙන සැකයට ඉඩ සකසමින් අන්තිමේදී කරකෝල අතාරින විදිහෙ කතා තමයි ඔහුගෙ නිර්මාණවල තිබෙන්නේම.

    අනික ඔහුගේ අදහස වන්නේ සිනමාපටයක එකම බලාධිකාරියා අධ්‍යක්ෂවරයා වන බවයි. ඒ බව ඔහු ප්‍රකාශ කරල තියෙන්නේ චිත්‍රපටයක සාර්ථකත්වය කෙරෙහි රංගනශිල්පීන්ගේ දායකත්වය ගැන විමසුඋ විටක. ඔහුගෙ උත්තරේ වෙලා තියෙන්නෙ “Actors are BULSHIT” කියලයි. එනිසාවෙන්මයි ඔහුගේ සිනමාපටවල පවතින ඔය කිවූ ප්‍රබලත්වය මතුවෙන්නේත්. මොකද ඔහු කරන්නේ තමන්ට අවශ්‍ය විදිහට අවශ්‍ය දේවල් අනික් අය ලවා නිවැරදිව ලබා ගැනීම. ඒක කරන්ඩ වෙන කාටවත් බෑ වගේම ලේසි පාසු වැඩකුත් නෙවෙයි.

    අනික් කාරණේ සිනමාවට ආදරේ කරන, සිනමාව විදින, කෙනෙකුට අහක දාන්ඩ කිසිම නිර්මාණයක් නෑ. පරණ දේවල් තමයි අද මෙතනට එන්ඩ මග හදලා තියෙන්නේ. ඒවා නොවෙන්ඩ අද දකින දේවල් හීනයක් විතරයි. මේක ලංකාවටත් සත්‍යයි. මොකද අන්ත දුරුවලයි කියන එකක වුණත් ගන්ඩ දෙයක් නැතුවා නෙමෙයි. කොහොම වුණත් විචාර කියල කොටසක් එක්කරපු එකේ අගේ ඔන්න පේනවද?

    ජය!

  • February 11, 2013 at 7:40 PM
    Permalink

    බොහොම ස්තුතියි ප්‍රතිචාර වලට. Psycho චිත්‍රපටියේ සිංහල උපසිරැසි බයිස්කෝප් වෙබ් අඩවියේ ළඟදීම පලවේවි.

  • February 11, 2013 at 6:53 PM
    Permalink

    නියම සටහනක්. සේරටම වඩා ස්තූතියි චිත්‍රපටිවල නම් ටිකට. මම සෑහෙන්න ඉස්සර හිච්කොක්ගෙ චිත්‍රපටි කීපයක් බලල තියෙනව. අර කිව්වත් වගේ ඒවයෙ කුතුහලය රඳවගන්න හැකියාව උපරිමයි. මෑකතදි මම murder චිත්‍රපටිය බලන්න බාගත්තත් ඒ පිටපත අබලන් නිසා බලන්න කම්මැලිකමෙ ඉන්නේ. හොඳ පිටපත් හොයාගන්න නැතිකමත් අවුලක්. ඒත් උත්සාහ කරන්න පුළුවන්නේ…. 🙂

  • Pingback: Psycho (1960) | ඝාතකයකුගේ ඇතුලාන්තය [සිංහල උපසිරැසි සමඟ] | බයිස්කෝප් සිංහලෙන්

  • February 11, 2013 at 1:28 PM
    Permalink

    maxxxa dial akakne,,,meyage films sub akak denna

  • February 11, 2013 at 12:57 PM
    Permalink

    නියම ලිපියක් ගොඩක් ස්තුතියි මේ වගේ වැදගත් දේවල් අපි සැවෝම සමඟ බෙදාගන්නවාට තව තවත් ලියන්න ශක්තීය ලැබේවා

  • February 11, 2013 at 10:36 AM
    Permalink

    වැදගත්ම ලිපියක් අනිවා අපේ කට්ටිය මේ වගේ නිර්මාණ වල අගයක් නෑ..කොහොම හරි මෙහෙම දැනුවත් කරන එක වත වටිනවා,, ජය

  • February 11, 2013 at 9:52 AM
    Permalink

    Thanks niyamai

  • February 11, 2013 at 9:47 AM
    Permalink

    ජය වේවා නියමයි සහෝ 🙂 පරණ උනත් මේවා මැක්සා

  • February 11, 2013 at 9:46 AM
    Permalink

    පට්ටම තමා මේ ෆිල්ම්ස් වලට සබ් දෙන්න හැකි නම් වටිනවා ජය වේවා

Leave a Reply

Your email address will not be published. Required fields are marked *