Marvel විශ්වය රූපවාහිනියට ගෙන එන S.H.I.E.L.D.

Captain America/ Iron Man/ Thor/ Hulk යනාදී සුපිරි වීරයන් සමූහයක් ඒකරාශි කරමින් එළිබට, 2012 වසරේ පෙරළිකාර සිනෙ සිතුවම්පට වන The Avengers තිරරචනය කරමින් අධ්‍යක්ෂණය කළ Joss Whedon සමගින් Marvel සමාගම තවත් අලුත් වැඩකට අතගහන්ඩයි යන්නේ. ටික කලක හිටන්ම තිබුණු මේ සූදානම හෙමින් නමුත් කෙමෙන් කෙමෙන් මල්ඵල දරන බවයි කියැවෙන්නේ.

Strategic Homeland Intervention, Enforcement and Logistics Division හෙවත් (S.H.I.E.L.D.) කියන සංවිධානය ලෝකය නීති-ප්‍රකාරව නිසි පිළිවෙළකට තබා ගැනීම සඳහා කැපවුණු රහස් සංවිධානයක්. මේ සංවිධානයේ සාමාජිකත්වය හිමි අයවලුන් කිසියම් සුපිරි හැකියාවකින් හෙබි උදවිය. ලෝකයට කුමන ආකාරයේ හෝ තර්ජනයක් එල්ල වුණහම ලෝකය බේරාගැනීමට දිවිහිමියෙන් කැපවෙන මේ කණ්ඩායම කළ එක වික්‍රමයක් ‘Avengers (2012)’ සිනමාපටය හරහා දිගහැරුණා. එය ලද ඉහළ සාර්ථකත්වය හේතුවෙන් තවත් ඉදිරි පියවරක් ලෙස රූපවාහිනී කතා පෙළක් නිර්මාණය කරන්නට යන ආරංචිය තමයි ඒ කිවූ අලුත් වැඩේ.

මෙහි දිග හැරෙන කතාවෙහි අඩංගු බවට ඉඟි පළවෙලා තියෙන්නෙ The Avengers සිනමා පටයේ ඇති වූ සිදුවීම්වලින් පසුකාලීන අවධියයි. ඒ අනුව චිත්‍රපටයෙහි දක්නට ලැබුණු ඇතැම් චරිත මෙහිදීත් දැකගන්නට ලැබෙනු ඇති බව තමයි දැනගන්නට ඇත්තේ.

ABC නාලිකාව මෙම කතා මාලාවෙහි නියාමක කොටස විතරක් නිර්මාණ කරන්නට එකඟතාවය පළ කරලා තිබුණට මේ කතා මාලාව ගැන ABC සභාපති දැඩි විශ්වාසයකින් ඉන්න බවයි පැවසෙන්නේ. මේ කතා මාලාවෙහි විකාශය 2013 වර්ෂා සමයේදී ආරම්භ වීමට නියමිතයි.

ඒ අතරතුර, Marvel සිනමා විශ්වයේ මීළඟ පියවරයන්ටත් යන්ඩ ඔවුන් සැරසිලා ඉන්නේ. Iron Man 3 – 2013 මැයි 03, Thor: The Dark World – 2013 නොවැම්බර් 08, Captain America: The Winter Soldier – 2014 අප්‍රේල් 04, Guardians of the Galaxy – 2014 අගෝස්තු 01, The Avengers 2 – 2015 මැයි 02, Ant-Man – 2015 නොවැම්බර් 06 ලෙස දින වකවානු නියමව තිබෙනවා.

උදා (217 Posts)


One thought on “Marvel විශ්වය රූපවාහිනියට ගෙන එන S.H.I.E.L.D.

  • January 27, 2013 at 11:20 AM
    Permalink

    JOSS WHEDON FTW

Leave a Reply

Your email address will not be published. Required fields are marked *