ඩිකැප්‍රියෝ දිග දිග නිවාඩුවකට සූදානම්.

හොලිවුඩයේ ඇගයීම් නොලද සුපිරි නළුවා; ලියනාඩෝ ඩිකැප්‍රියෝ එකපිට එක චිත්‍රපට තුනක් කිරීමෙන් වෙහෙසට පත්වෙලා. වයස අවුරුදු 38ක් වන මේ රංගන ශිල්පියා එකදිගට වසර එකහමාරක් සිය නිවසින් බැහැරව කල් ගත කළේ, මේ චිත්‍රපට ත්‍රිත්වයේ රූගත කිරීම් වෙනුවෙන් පූර්ණ කාලීනවම කැප වී සිටීම නිසායි.

ක්වින්ටන් ටැ‍රැන්ටිනෝ-ගේ Django Unchained, බස් ලර්මන්-ගේ ‘The Great Gatsby’ සහ මාර්ටින් ස්කෝර්සස්-ගේ ‘The Wolf of Wall Steet’ තමා මේ එකපිට එක රූගත කළ චිත්‍රපට තුන (මෙහි මේ පිළිවෙළට නම් සදහන් වුණත් ඔහු වැඩ ඉවර කළේ ටැරැන්ටිනෝ-ගේ චිත්‍රපටියෙන්). නළුවෙකුට අමතරව ඩිකැප්‍රියෝ පරිසරය සු‍රැකීමටත් කැප වූවෙක්.

මේ නිවාඩුව වෙනුවෙන් ඔහුගේ වැඩපිළිවෙළ කොහොමදැයි ඇහුවම ඔහු දුන් පිළිතුර මෙන්න මෙහෙමයි.
“ලෝකය වෙනුවෙන් ටිකක් වෙහෙසෙන්ඩ මම කෑමතියි. පරිසර යහපත වෙනුවෙන් කටයුතු කරමින් ලෝකය පුරා යන්ඩ මම අදහස් කරගෙන ඉන්නවා.

මගේ වහළයට සූර්ය පැනල සවිකරලයි තියෙන්නෙ, මගේ කාරය විද්‍යුතිකයි. සාමාන්‍ය කෙනෙක් දවසකට කිලෝමීටර 50කට වඩා දුර යන්නෙ නෑ, ඒක පිරිමහගන්ඩ පේනුවක්(Plug) හොඳටම ඇති.”

ඔහු තව දුරටත් කියල තියෙන්නේ; යාළුවොත් එක්ක එක්කාසු වෙලා විකාර කියෝ කියෝ නිදහසේ පොඩි පිස්සුවකුත් කෙළින්ඩ තියෙනවනම් ඒක තමන්ට බොහොම වටින බව. හේතුව එහෙම කරන එකෙන් ආතතිය නැතුව ගිහින් හරි සැහැල්ලුවක් හිතට දැනෙන එක. වගකිවයුතු භාරදූර රංගන කටයුතු නිසා ගන්න වෙහෙස ඇ‍ඟෙන්ම ඉවත් කරගන්ඩනම් ඒ විදිහට අමු ගොඩයෙක් වගේ වාචාලකමට කියෝන එකයි, පොඩි විකාර වැඩක් කරන එකයි තමන්ට ලොකු උදව්වක් කියලයි ඔහු කියන්නේ.

ඒ වුණාට අවුරුදු එකහමාරක අවිවේකී කාලසටහන නිසා මේ වැඩේ කරපු කාලයක්වත් තමන්ට දැන් මතක නැති බවයි ඔහු කියලා තියෙන්නේ. ඒ නිසා ගෙදරට වෙලා ටිකක් ඔහේ වැටිල ඉන්ඩ ආශාවෙන් බලාගෙනලු ඉන්නෙ, මේ ප්‍රචාරණ කටයුතු ටිකක් එහාමෙහා වෙලා යනකම්.

උදා (217 Posts)


2 thoughts on “ඩිකැප්‍රියෝ දිග දිග නිවාඩුවකට සූදානම්.

  • January 26, 2013 at 10:14 PM
    Permalink

    i like him

  • January 25, 2013 at 11:22 PM
    Permalink

    hemadama meken down karagena sadda nathiwa off wenna hitenne na
    ubalage wee patta
    ++++++

    budu saranai kollane

Leave a Reply

Your email address will not be published. Required fields are marked *