Game of Thrones 3 ගැන විස්තර දැනගන්න ආශ නැද්ද?

Game of Thrones කිව්වහම නොදන්නෙ කවුද? ඇරත් එහි පළමු කතා මාලාවම බයිස්කෝප් සිංහලෙන් වෙතින් උපසි‍රැසි සහිතව ලබා දෙන්නටත් කටයුතු කළානේ! එහෙම අමතක වෙන්නෙ කොහොමද නේද? ඔන්න මේ ආරංචිය එහි තෙවන කතා සමය ගැනයි.

HBO නාලිකාවෙන් විකාශය වන අරුමාකාර ටෙලි-කතාවක් වන මෙහි තෙවන සමය පෙර කතා සමයන් අභිබවා යනු ඇති බවක් පෙන්නුම් කරනවා. ඒ කියන්නේ තවත් අලුත් චරිත රාශියක් මේ කතා සමයේදී එක්වන්නට නියමිතයි. එපමණක් නොවෙයි, කතා සමයෙහි කොටසක දිග පෙරට වඩා වැඩි වේලාවකින් යුත් වනු ඇතැයි දැනටම අනාවැකි පළ වී තිබෙනවා. එමෙන්ම මෙහි අවසන් කොටස පැයකට අධික කාලයක් වනු ඇති බවයි කියැවෙන්නේ. අලුතින් හඳුන්වා දෙන චරිත විදිහට “King Beyond the Wall” Rayder (Ciarán Hinds) සහ The Stormcrow captain Daario Naharis (Ed Skrein) ඇතුළුව තවත් නව චරිත ගොන්නක්ම වන බවයි ආරංචිය.

දන්නා හැටියට පැරණි රූපිතස්ථානයන් වන ‘ක්‍රොඒෂියාව සහ අයිස්ලන්තයට’ අමතර ලෙස ‘මොරොක්කෝවෙ හි’ රූගත කරන ලද දර්ශනයන්ද ඇතුළත් වන බවක් සඳහන්. මෙම කතාව රචනා කරන ලද George R. R. Martin විසින් රචිත ‘A Song of Ice and Fire’ කියන පි‍ටු 1000කට ආසන්න කාණ්ඩයේ මුල් භාගය පමණක් මෙහිදී ආවරණය වන බවකුයි හෙළි වෙන්නේ. ඒ හේතුවෙන් නවකතාව වඩාත් විස්තරාත්මකව තිරයට නැගෙනු ඇති බව සඳහන්.

අලුත් කතා සමයේ එක කොටසක් පෙර කතා සමයන් දෙකටම වඩා මිනිත්තු තුනක්-හතරක් වැඩි වේලාවකින් යුතු වනු ඇති. එය සුළු දෙයක් වගේ පෙනුණට ඉන් අමතර එක් කොටසකට අදාල වන තරමේ සම්පූර්ණ විකාශන කාලයක් එක්වන බවක් වැටහී ගොසින්. HBO නාලිකාවෙන් විකාශය කිරීමේ අරමුණින් නිෂ්පාදනය කරන ටෙලි-කතා මාලාවක් මිනිත්තු 50ට අඩුවීම හෝ මිනිත්තු 60ට වැඩිවීම පිළිගැනෙන්නේ නැහැ. නමුත් ඒ විනාඩි දහය පවා නිර්මාණකරුවන්ට වේලාව තීරණය කිරීමෙහිදී විශාල සහනයක් වන බව මෙහි නිෂ්පාදකවරුන් පවසා තිබෙනවා. ගිය වර මිනිත්තු 52ක් වූ කොටසක කාලය මේ වර මිනිත්තු 56-57ක් වනු ඇති. පෙර කීවා වාගේම මෙහි අවසාන කොටස පැයකට වැඩි විකාශන කාලයකින් යුතු වේවි. මෙහිදීද පෙර පරිදිම කතාව ගොඩ නැගෙමින් යනු ඇති බවයි සඳහන් වෙන්නේ. අවසානයේදී මීළඟ කතා සමයට අවශ්‍ය පදනම සපයමින් අවසානය සිදු වනු ඇති බවකුත් සඳහන්.

අවසාන වශයෙන් ඔබ සැවොම පුල පුලා බලාගෙන ඉන්න තොරතුර. මෙය විකාශය වීම ඇරඹෙන දිනය කවදද කියන එක? හ්ම්ම්… ඒ දිනය දක්වා තිබෙන්නේ 2013 මාර්තු 31 වැනිදා ලෙස. එදින ඉඳං මෙය විකාශය ඇරඹෙනවා. එහෙමනම්; ඊට ප්‍රථම, අපේ බයිස්කෝප් අඩවියෙන් Game of Thrones – Season 1 සිංහල ගන්වා ගෙන ආව වගේ, එහි දෙවෙනි කතා සමයත් සිංහල ගන්වා ගෙන එන්නට කියා අපි ඒ කටයුත්තේ නිරත වූ සොහොයුරන්ගෙන් ඉල්ලීමක් කරන්නටත් මෙය අවස්ථාවක් කරගන්නවා.

උදා (217 Posts)


8 thoughts on “Game of Thrones 3 ගැන විස්තර දැනගන්න ආශ නැද්ද?

  • December 24, 2012 at 9:58 AM
    Permalink

    ඔව් සහෝ; අපි එහෙම බලාපොරොත්තු වෙනවා, දෙන්න හැකි වෙයි කියලා. මෙහි පළමුවැන්නට උපසිරැසි යොදන්න මුල් වෙච්චි සොහොයුරා දෙවැන්නත් දෙන්නට බලාපොරොත්තු වෙන බව පවසලා තියෙනවා. නමුත් අධික වැඩ කටයුතු අතරෙ, මේ දිනවල විවේකය අඩුයි. මේ වෙනුවෙන් යොදවන්නට කාලයක් නැහැ. ඒ නිසා ලබන වසරේ මුල සිට දෙවැන්නෙහි උපසිරැසි දෙන්නට බලාපොරොත්තු වන බව සහ ඊට උත්සාහයක් දරන බව ඔහු දන්වා තිබෙනවා. ඔහුට ඒ වෙනුවෙන් කාලය යොදවන්න හැකියාව සැලසේවා කියල පතමු නේද අපි?

  • December 23, 2012 at 7:03 AM
    Permalink

    Game of throne Supiri seris Ekak. Thanks For Sub. Apita Season 2 & 3 Sub Lebenawa Neda??????? . Reply ASAP

  • December 20, 2012 at 9:47 PM
    Permalink

    ela ela.. saho….

  • December 20, 2012 at 12:59 PM
    Permalink

    අනේ බන් තුන් වෙනි කොටස ගැන කියන්න ඉස්සෙල්ල, පුලුවන්නම් දෙවෙනි කොටසේ සබ් දීපල්ලා, අර prison break එක වගේ අතරමග නවත්තල දාන්නේ නැතුව

  • December 20, 2012 at 12:58 PM
    Permalink

    thanks අයියා

  • December 20, 2012 at 12:07 PM
    Permalink

    එල එල මචං

Leave a Reply

Your email address will not be published. Required fields are marked *