මුල් චරිත අනුකරණයෙන් නව චරිත බිහිවීම

අද කියන්න කියලා හිතාගෙන ආවේ අලුත් දෙයක්. සමහරක් දෙනාට අලුත් වෙන්න ඇති, තවත් සමහර දෙනා මේ ගැන අහලා ඇති. ඔය හැමෝටම දැනගන්න කියලා හිතාගෙන තමයි සම්පුර්ණම ලිපියක් අරන් එන්න හිතුවේ. මේ අතරේ තවත් කොට්ටාශයක් ඉන්න පුළුවන් මේ ගැන කතා කරනවට අකමැති. මොකද ඒ අය හුගක් එක් පැත්තකට ඇළුම් කරනවා නොසැහෙන්න. ඉතින් ඒ අය එක්කෝ හිත හදාගෙන ලිපිය කියවන්න ගන්න නැත්තම් මෝඩ කතා කියන එකෙන් වැලකිලා ඉන්න. මොකද මේවා මං හදලා කියන කතා නෙවෙයි.

හුග දෙනෙක් කතා කරන්න අකමැති වුනත් මං නම් පුද්ගලිකවම කතා කරන්න කැමති මාතෘකවක් ගැන තමයි අද මේ ලොකු විස්තරයක් එක්කම කතා කරන්න හදන්නේ. ලිපිය ටිකක් දීර්ඝ වේවි ඒ ගැන මගේ බලවත් මෙව්වා එක.

රට ඇතුලේ මොන ප්‍රශ්න තිබ්බත් තාමත් දෙගොල්ලෝ දෙකට බෙදිලා මරාගන්න කාරණයක් තමයි එකකට එකක් දෙවැනි නොවන මේ මාවල් ඩීසි විශ්වයන් දෙකට මරාගන්න එක. මාවල් කොමික්ස් MCU එක හදන්නත් DC කොමික්ස් DCEU එක හදන්නත් කලියෙන් කොමික් චිත්‍ර කතා වලින් නෙහ් ජනතාව අතරට ආචේ. ඉතින් මේ චරිත චිත්‍රකතා වලට එද්දී මේවා නිර්මාණය කරපු වෙනම පුද්ගලයෝ හිටියා. සජීවිකරණ චිත්‍රපට වලට පෙළඹිලා ඉන්න බොහෝ දෙනෙක් දන්නේ නැහැ මේ චරිත වල ඇතුලේ කතන්දරේ. කොටින්ම මං දැනන් හිටියෙත් සුළු පිරිසක් විතරයි. නමුත් පස්සේ හොයද්දි තමයි මටත් දැනගන්න ලැබුනේ චරිත බොහොමයක් මුල් චරිත අනුකරණය කරලා තමයි නිර්මාණය වෙලා තියෙන්නේ කියලා.  කොටින්ම සමහරු කතා කරන්න අකමැති MCU එක මුලින් හදපු නිසාත් පසු කාලීනව තරගයට එන්න තීරණය කරපු DCEU 2013 වර්ෂයේදී MoS තුලින් පැමිණීම නිසාත්ය. අද කියන්නම්කො ලුණු ඇඹුල් ඇතුවම. එහෙනම් ඔන්න මං ආස කරන චරිතයකින්ම වැඩේ පටන් ගන්නම්කො.

01. Flash VS Quicksilver

  • ක්වික් සිල්වර්ව නම් ඔයාලා ඇවනේජ්ර්ස් චිත්‍රපටියෙන් දකින්න ඇති. ඔව් ඔව් අර බුලට් එකක් කාලා වලකජ්ජ ගහපු කෙනා තමයි. ඊට අමතරව හොද ක්වික් සිල්වර් කෙනෙක්ව දැකගන්න ලැබුනේ එක්ස් මෙන් අපාකලප්ස් චිත්‍රපටියෙන්. ෆ්ලෑෂ්ව නම් ඔයාලා කතාමාලාව තුලින්, ඇනිමේෂන් චිත්‍රපට වලින් වගේ හුගක් තැන් වලදී දකින්න ඇති. ඊට අමතරව අපිට ෆ්ලෑෂ්ගේ චිත්‍රපටයක් ඉදිරියේදී දැකගන්න පුළුවන් වෙනවා. දෙන්නම ස්පීඩ්ස්ටර්ලා. හැබැයි හැකියාවන් හුගක්ම වෙනස්. කොටින්ම ක්වික් සිල්වර්ට බැහැ ෆ්ලෑෂ් එක්ක හැරෙන්නවත්.
                                           Flash                                                      Quicksilver
  • Flash කියන චරිතය මුලින්ම චිත්‍ර කතා වලට එන්නේ 1940 වර්ෂයේ ජනවාරි මාසයේ නිකුත් වෙච්චි Flash Comics #1 චිත්‍ර කතාවෙන්. චිත්‍ර කතාව ලිව්වේ Gardner Fox විසින් වගේම චිත්‍ර නිර්මාණ සැකසුම් වුණේ Harry Lampert අතින්.
  • Quick Silver මුලින්ම චිත්‍ර කතා වලට එකතු වෙන්නේ 1964 වර්ෂයේදී නිකුත් වුන  The X-Men #4 චිත්‍ර කතාවෙන්.  Stan Lee තමයි කතාව ලිව්වේ වගේම Jack Kirby තමයි මෙහි කලාකරුවා විදිහට කටයුතු කරලා තියෙන්නේ.

අමතරව

මිට අමතරව බේරී ඇලන් කොපි කරලා මාවල් විශ්වයේ නිකුත් කරපු තවත් චරිතයක් ඉන්නවා “Buried Alien”  (බැරීඩ් ඇලියන්) කියලා. මෙයා ඉන්නේ නම් මාවල් විශ්වයේ TRN242 කියන ලෝකේ. එයත් බේරී ඇලන් වගේම ස්පීඩ්ස්ටර් කෙනෙක්. මුල් වරට චිත්‍ර කතා අතරට ඇවිත් තියෙන්නේ 1990 දෙසැම්බර් මස නිකුත් කරපු Quasar #17 චිත්‍රකතා පොතෙන්. ඩීසිවල බේරී එක්ක සංසදනය කලත් තේරුමක් නැහැ මොකද ඕනෙම කෙනෙක්ට තේරෙනවා මාවල් කොමික් මේකත් තනිකරම අනුකරණය කරලා හදපු චරිතයක් කියලා. 

ප: ලි: Quicksilver කියන නාමය මුලින් තිබුණේ මාවල් කොමික් වලට විතරක් නෙවෙයි. DC කොමික් වල 1940 චරිතයක් තිබුණා Max Mercury කියලා. එයාගේ නම තමයි මුලින්ම Quicksilver හැටියට තිබුණේ. නමුත් මාවල් සමාගම 1964 වසරේදී ඔවුන්ගේ Quicksilver හදුන්වාදීමත් එක්ක ඔවුන්ගේම Quicksilver සදහා කතෘ අයිතිය සදහා ලියාපදිංචි කිරීමක් කරලා තියෙනවා. මේ නිසාවෙන් DC කොමික් තීරණය කරලා තියෙනවා Quicksilver කියන නාමය ඉවත් කරගෙන ඒ වෙනුවට Max Mercury යන නාමය ලබාදෙන්න. 

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 0                        DC Comics – 1

02. Green Arrow VS Hawkeye

  • තරුණ කාලෙදිම තමන්ගේ දෙමව්පියන් අහිමි වෙලා පසුකාලින නිසි පුහුණුවීමකින් පසුව රැකවලන වැඩ පටන් ගත්තු දුනුවායන් දෙදෙනෙක් තමයි මෙහ් දෙන්නා. අහුමුතුවෙන් කියන්න ඕන නෑනේ. ග්‍රීන් ඇරෝ නොහොත් ඔලිවර් ක්වින්ව නොදන්න කෙනෙක් නැහැ. හවාක්අයිව ඔයාලට දැකගන්න ලැබෙන්න ඇති ඇවෙන්ජර්ස් චිත්‍රපට වලින් වගේම සිවිල් වෝ චිත්‍රපටයෙනුත්.  දෙදෙනාවම මනා පුහුණුවකින් යුතුව යවන ඊතලය කිසිදු වැරදීමකින් තොරව විදිනවා. නමුත් ඔලිවර් ක්වින් කියන්නේ හවාක්අයිට වඩා පුහුණු වුන කෙනෙක්. කොටින්ම ඉතින් බැටාගේ ගුරුවරයාත් ඔලිවර්මනේ.
                                           Green Arrow                                                      Hawkeye
  • Green Arrow චරිතය මුලින්ම චිත්‍ර කතා වලට එන්නේ 1941 වර්ෂයේ ජනවාරි මාසයේ නිකුත් වෙච්චි More Fun Comics #73 චිත්‍ර කතාවෙන්. චරිතය නිර්මාණය කරලා තියෙන්නේ Mortimer Weisinger අතින් වගේම  George Papp අතින්.
  • Hawkeye මුලින්ම චිත්‍ර කතා වලට එකතු වෙන්නේ 1964 වර්ෂයේදී සැප්තැම්බර් මාසයේ කුත් වුන Tales of Suspense #57 චිත්‍ර කතාවෙන්.  Stan Lee තමයි නිර්මාණය වෙන්නේ වගේම Don Heck තමයි මෙහි කලාකරුවා විදිහට කටයුතු කරලා තියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 0                        DC Comics – 2

03. Ghost Rider VS Atomic Skull

  • මගේ විශ්වාසෙ හැටියට ඔයාලා ගෝස්ට් රයිඩර්ව චිත්‍රපට පෙලින් වගේම ශීල්ඩ් කතාමාලාවෙන් දැක්කට ඇටමික් ස්කල්ව නම් දැකලා නැතුව ඇති. මොකද එයා සජීවී චිත්‍රපට හො කතාමාලා අතරට ආවේ නැහැ. නමුත් “Superman vs The Elite (2012)” ඇනිමේෂන් චිත්‍රපටය බැලුවා නම් දකින්න ඇති. ගෝස්ට් රයිඩර්ගේ හැකියාව ගින්දර හා සම්බන්ධ ශක්තිය වගේම ඇටමික් ස්කල්ට තියෙන්නේ බ්ලාස්ට් රේඩියෝ ශක්තිය තමයි පිහිටලා තියෙන්නේ. හරි අපි බලමුකෝ කවුද මුලින් චිත්‍ර කතා වලට ආවේ කියලා.
                                           Ghost Rider                                                      Atomic Skull
  • Ghost Rider චරිතය මුලින්ම චිත්‍ර කතා වලට එන්නේ 1972 වර්ෂයේ අගෝස්තු මාසයේ නිකුත් වෙච්චි Marvel Spotlight #5 චිත්‍ර කතාවෙන්. නිර්මාණ කටයුතු සිද්ද වෙලා තියෙන්නේ  Gary Friedrich, FriedrichRoy, ThomasMike Ploog කියන කට්ටිය අතින්.
  • Atomic Skull මුලින්ම චිත්‍ර කතා වලට එකතු වෙන්නේ 1976 වර්ෂයේදී නිකුත් වුන Superman #303 චිත්‍ර කතාවෙන්.   Gerry Conway හා Curt Swan දෙදෙනාගේ අතින් තමයි මේක නිර්මාණය වෙලා තියෙන්නේ.

අමතරව

  • මාවල් ගෝස්ට් රයිඩර් කියන්නේ පලවෙනි ගෝස්ට් රයිඩර්ම නෙවෙයි. ඊටත් කලින් වෙනින් ගෝස්ට් රයිඩර් කෙනෙක් ජනතාව අතරට එනවා කව්බෝයි කෙනෙක් හැටියට 1949 වර්ෂයේදී Magazine Enterprises හරහා. 

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 1                        DC Comics – 2

04. The Wasp VS Bumblebee

  • The Wasp හා Bumblebee කියන දෙන්නම නවීන විද්‍යා තාක්ෂනය ඇසුරින් නිර්මාණය වුනු දෙන්නෙක්. අපිට Wasp ව නම් දකින්න ලැබුනේ නැහැ නමුත් Ant Man (2015) චිත්‍රපටයේ පොඩි දසුනක් දකින්න ඇති. මිට අමතරව ඇනිමේෂන් වලට එහෙම ඉන්න ඇති. ඒත් Bumblebee ව නම් නොදකින්නම ඇති. මොකද එයත් වැඩිය මුහුනුරුවට ආව කෙනෙක් නෙවෙයි. නමුත් Young Justice ඇනිමේෂන් සීරිස් එක බැලුවා නම් මතක ඇති ඒකෙ එහෙම හිටියා.  ‘Young Justice’ – E37 “Cornered” Clip 2
  • දෙන්නම මි මැස්සෙක්ගේ ස්වරුපය තමයි අරන් තියෙන්නේ. ඒත් Bumblebee ට බැහැ එයාගේ ප්‍රමාණය වෙනස් කරගන්න. නමුත් Wasp ට හැකියාව තියෙනවා එයාගේ දේහයේ ප්‍රමාණය එයාගේ හිතේ හැටියට වෙනස් කරගන්න. දැන් බලමු කවුද මුලින් ආවේ කියලා.
                                          The Wasp                                                      Bumblebee
  • The Wasp චරිතය මුලින්ම චිත්‍ර කතා වලට එන්නේ 1963 වර්ෂයේ අගෝස්තු මාසයේ නිකුත් වෙච්චි Tales to Astonish #44 චිත්‍ර කතාවෙන්. නිර්මාණ කටයුතු සිද්ද වෙලා තියෙන්නේ  Jack Kirby වගේම කතාව රචනයෙන් දායක වෙලා තියෙන්නේ සුපුරුදු Stan Lee විසින්.
  • Bumblebee මුලින්ම චිත්‍ර කතා වලට එකතු වෙන්නේ 1976 වර්ෂයේ දෙසැම්බර් මාසයේ නිකුත් වුන Teen Titans #45 චිත්‍ර කතාවෙන් තමයි බම්බල් බීගේ මිනිස් අනන්‍යතා ස්වරුපයෙන් ඇවිත් තියෙන්නේ වගේම බම්බල් බී කියන චරිතයෙන් කොමික් වලට ඇවිත් තියෙන්නේ 1977 ජූනි මාසයේ නිකුත් වුන Teen Titans #48 මුද්‍රණයෙන්. නිර්මාණ කටයුතු වෙලා ර්හින්නේ Bob Rozakis අතින්.

ඒ අනුව මේ වතාවේදීත් මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 2                        DC Comics – 2

05. The Man-Thing VS Swamp-Thing

  • මේ චරිත දෙකම ඇවිල්ලා ගොහොරු රාක්ෂයෝ. ඇනිමේෂන් සීරිස් වලදී නම් දකින්න ලැබුණා. මේ දෙන්නම නිර්මාණය වෙන්නේ එකම අවුරුද්දෙදි.
                                           The Man Thing                                                      Swamp Thing
  • The Man Thing චරිතය මුලින්ම චිත්‍ර කතා වලට එන්නේ 1971 වර්ෂයේ මැයි මාසයේ නිකුත් වෙච්චි Savage Tales #1 චිත්‍ර කතාවෙන්. මේ කතාවේ රචකයෝ වෙලා තියෙන්නේ  Stan Lee, Roy Thomas, වගේම Gerry Conway. මෙහි කලාකරු වෙලා තියෙන්නේ Gray Morrow විසින්.
  • Swamp Thing මුලින්ම චිත්‍ර කතා වලට එකතු වෙන්නේ 1971 වර්ෂයේ ජූලි මාසයේ නිකුත් වුන House of Secrets #92 චිත්‍ර කතාවෙන්. රචකයා වෙලා තියෙන්නේ Len Wein වගේම  Bernie Wrightson තමයි මෙහි කලාකරු වෙලා තියෙන්නේ.

දැන් බලයි එකම අවුරුද්දෙදි මාස ගානක පරතරයක් නෙහ් තියෙන්නේ කියලා. ඔව් පොඩි පරතරයක් තමයි තියෙන්නේ. නමුත් ඔයාලා දන්නවද මෙහ් චරිත කොපි කිරිල්ල නිසාවෙන් මාවල් කොමික් වලට අයිතිවාසිකම් කියලා නාඩු පවරන්න පුළුවන් කමක් තිබුණත් එහෙම නොකර ඉන්න තීරණය කරලා තියෙනවා ඒ තමයි මාවල් සමාගම The Man Thing චරිතේ නිර්මාණය කරන්න කලින් The Heap කියලා චරිතයක් 1942 දී  Airboy Comics විසින් නිකුත් කිරීමක් කරලා තියෙන නිසා. ඒ නිසා මේ ගොහොරු චරිතේ මුල් අයිතිය  Airboy Comics ලට තමයි අයිති වෙන්නේ. 

නමුත් මෙතනදී අපි කතා කරන්නේ DC හා Marvel ගැන විතරක් නිසා මේ වතාවේදීත් මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 3                        DC Comics – 2

06. Doom Patrol VS X Men

  • එක්ස් මෙන්ලා ගැන අමුතුවෙන් කියන්න ඕන නැහැ කියලා හිතනවා. මොකද ඕන තරම් ඇනිමේෂන් සීරිස් වලින් වගේම චිත්‍රපට මාලාව පුරාවටම දැක්කා. ඒත් ඩූම් පැට්‍රෝල්? ඔව් ඇනිමේෂන් කාටුන් පෙළක් නම් තියෙනවා. කණ්ඩායම් දෙකේම ඉන්නේ අසාමාන්‍ය හැකියාවන් තියෙන සාමාන්‍ය මිනිස් වර්ගයා විසින් ප්‍රතික්ෂේප වුනු, නමුත් වඩා යහපත වෙනුවෙන් වැඩ කරන අය. ඒ වගේම දෙගොල්ලන්ටම ඉන්නවා මැදි වයසේ රෝද පුටුවක් මගින් තමන්ගේ ගමන සිදු කරන දෙන්නෙක්. ඩූම් පැට්‍රෝල්ලට ඉන්නවා ‘Beast Boy’ කියලා හාදයෙක්. එයාට හැකියාව තියෙනවා මනස කියවන්න, ඉගිලෙන්න වගේම ස්වරුපය වෙනස් කරන්නත්. කොහොමහරි තනි පුද්ගලයෝ එකතු කරලා කණ්ඩායම් හදන්න මාවල් සමාගමට බැරි වෙන පලවෙනි අවස්තාව මේක නෙවෙයි. ඒ ඇයි කියලා මං පස්සේ කියන්නම්කො.
                                          Doom Patrol                                                     X -men
  • Doom Patrol කියන සමුහය මුලින්ම චිත්‍ර කතා වලට එන්නේ 1963 වර්ෂයේ ජුනි මාසයේ නිකුත් වෙච්චි My Greatest Adventure #80 චිත්‍ර කතාවෙන්. මේ කතාවේ රචකයෝ වෙලා තියෙන්නේ Arnold Drake, Bob Haney දෙදෙනායි. කලාකරු හැටියට කටයුතු කරලා තියෙන්නේ Bruno Premiani විසින්. සංස්කරණ කටයුතු කරලා තියෙන්නේ Bruno Premiani විසින්.

  • X Men මුලින්ම චිත්‍ර කතා වලට එකතු වෙන්නේ 1963 වර්ෂයේ සැප්තැම්බර් මාසයේ නිකුත් වුන The X-Men #1 චිත්‍ර කතාවෙන්. සුපුරුදු පරිදි රචකයා වෙලා තියෙන්නේ ස්ටැන් ලී වගේම Jack Kirby තමයි මෙහි කලාකරු වෙලා තියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 3                        DC Comics – 3

07. Catwoman VS Black Cat

  • වැඩි හරියක්ම වහලවල් වලින් තවත් වහලවල් වලට පැන පැන යන, සටන් කිරීමේ හැකියාව තිබුනද හොරකම් කිරීමට පෙළඹුණු කාන්තාවන් දෙදෙනෙකි. අදින පලදින විදිහ පවා එක වගෙයි. කැට් වුමන්ව නම් ගෝතම් සීරිස් එකෙනුත් දකින්න ඇති කියලා විශ්වාසයි. බ්ලැක්කැට් නම් ඇනිමේෂන් සීරිස් එකෙන් තමයි දැකගන්න ලැබුණේ. හොරු උනාට මේ දෙන්නටම කොමික් වල ප්‍රධාන වීර චරිත එක්ක ආදර සම්බන්ධතා තිබුණා. කැට්වුමන් බැට්මෑන් එක්කත්, බ්ලැක් කැට් ස්පයිඩර් මෑන් සමගත් වගේ දීර්ඝකාලීන නොවුණු ආදර සම්බන්ධතා තිබුණු දෙන්නෙක්.
                                           Catwoman                                                      Black Cat
  • Catwoman චරිතය මුලින්ම චිත්‍ර කතා වලට එන්නේ 1940 වර්ෂයේ නිකුත් වෙච්චි Batman #1 චිත්‍ර කතාවෙන්. මෙහි නිර්මාණය සදහා දායක වෙලා තියෙන්නේ  Bob Kane හා Bill Finger කියන දෙදෙනායි.
  • Black Cat මුලින්ම චිත්‍ර කතා වලට එකතු වෙන්නේ 1979 වර්ෂයේදී ජූලි මාසයේ කුත් වුන The Amazing Spider-Man #194 චිත්‍ර කතාවෙන්. Marv Wolfman අතින් තමයි කතාව ලියවිලා තියෙන්නේ වගේම මෙහි කලාකරු වෙලා තියෙන්නේ  Keith Pollard.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 3                        DC Comics – 4

08. Doctor Fate VS Doctor Strange 

  • විශ්වයන් දෙකේම ඉන්න මායකරුවන් දෙන්නෙක් වගේම වෘතිම්ය වෛද්‍යවරු දෙන්නෙක්. දෙන්නටම හැකියාව ලැබෙන්නේ හුගක් පෞරාණික මායාබලය ගැන දන්න දෙන්නෙක්ගෙන්. මේ දෙන්නගේ හැකියාවන් නම් මුළුමනින්ම එක වගේ නෙවෙයි නමුත් මායාබලයන් හා හැකියාවන් තියෙන දෙන්නෙක් හැටියට සැලකෙනවා. ඩොක්ටර් ස්ට්‍රේන්ජ්ව නම් දැකලා ඇති එයාගේ ඔරිජින් මූවී එකෙන්. ඒත් ඩොක්ටර් ෆේට්ව? Smallville බලපු කෙනෙක්ට නම් නුහුරු වෙන්න බැහැ මොකද එයා ඒකෙ හිටියා.
                                           Doctor Fate                                                      Doctor Strange
  • Doctor Fate චරිතය මුලින්ම චිත්‍ර කතා වලට එන්නේ 1940 වර්ෂයේ මැයි මාසයේ නිකුත් වෙච්චි More Fun Comics #55 චිත්‍ර කතාවෙන්. කතාව ලියලා තියෙන්නේ  Gardner Fox විසින් වගේම කලාකරුගේ කටයුත්ත කරලා තියෙන්නේ Howard Sherman විසින්.
  • Doctor Strange මුලින්ම චිත්‍ර කතා වලට එකතු වෙන්නේ 1963 වර්ෂයේදී ජූලි මාසයේ කුත් වුන Strange Tales #110 චිත්‍ර කතාවෙන්. Stan Lee අතින් තමයි කතාව ලියවිලා තියෙන්නේ වගේම මෙහි කලාකරු වෙලා තියෙන්නේ Steve Ditko.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 3                        DC Comics – 5

09. Silver Surfer VS Black Racer

  • ශක්තිය හා වේගය අතින් අද්විතීය හැකියාවක් තිබුනට මේ දෙන්නගේ බලයන් නම් සමාන නැහැ. ඒ නිසා වැරදියට වටහා ගන්න නම් එපා. කොහොමත් මෙච්චර වෙලා කියපු හැම චරිතයකම හැම බලයක්ම සමාන නෑනේ.
                                           Silver Surfer                                                      Black Racer
  • Silver Surfer චරිතය මුලින්ම චිත්‍ර කතා වලට එන්නේ 1966 වර්ෂයේ මාර්තු මාසයේ නිකුත් වෙච්චි The Fantastic Four #48 චිත්‍ර කතාවෙන්. මෙහි නිර්මාණය සිදු කරලා තියෙන්නේ  Jack Kirby විසින්.
  • Black Racer මුලින්ම චිත්‍ර කතා වලට එකතු වෙන්නේ 1971 වර්ෂයේදී ජූලි මාසයේ කුත් වුන New Gods #3 චිත්‍ර කතාවෙන්. සිල්වර් සර්ෆර් නිර්මාණය කරපු Jack Kirby තමයි මේ බ්ලැක් රේසර් චරිතය නිර්මාණය කරන්නෙත්. නමුත් සිල්වර් සර්ෆර් තමයි ඔහු මුලින්ම නිර්මාණය කරලා තියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 4                        DC Comics – 5

10. Darkseid VS Thanos

  • විශ්වයේ ඉන්න අන්තිම තදයෝ දෙන්නෙක් කියන්නත් පුළුවන් ඒත් ඉතින් දෙන්නම විලන්ලා. ඩාර්ක්සයිඩ්ව දැනට අපිට ඩීසි සජීවි චිත්‍රපටයකින් නම් දැකගන්න බැරි වුණා. ඒත් ඉතින් ඇනිමේෂන් චිත්‍රපට හතරකින්ම මේ වෙද්දී දැකගන්න පුළුවන් කමක් ලැබුණා. ඉසරහට DCEU එකෙන් අනිවාර්යෙන්ම දැකගන්න පුළුවන් වෙයි. තනොස්ව නම් අපිට මුලින්ම දැකගන්න ලැබුනේ ඇවෙන්ජර්ස් චිත්‍රපටයෙන්. ඊට අමතරව ඇනිමේෂන් සීරිස් වලින්ද දැකගන්න ලැබුණා.
                                           Darkseid                                                     Thanos
  • Darkseid චරිතය මුලින්ම චිත්‍ර කතා වලට එන්නේ 1970 වර්ෂයේ නොවැම්බර් මාසයේ නිකුත් වෙච්චි Superman’s Pal Jimmy Olsen #134 චිත්‍ර කතාවෙන්. කතාව Jack Kirby විසින් තමයි නිර්මාණය සිද්දවෙලා තියෙන්නේ.
  • Thanos මුලින්ම චිත්‍ර කතා වලට එකතු වෙන්නේ 1973 වර්ෂයේදී පෙබරවාරි මාසයේ කුත් වුන Iron Man #55 චිත්‍ර කතාවෙන්. Mike Friedrich අතින් තමයි කතාව ලියවිලා තියෙන්නේ වගේම මෙහි කලාකරු වෙලා තියෙන්නේ Jim Starlin.

ඩාර්ක්සයිඩ්, තනොස් දෙන්නට අමතරව ඕනි නම් “Apocalypse” කියන මාවල් චරිතයත් ඇතුලත් කරලා සැසදීමක් කරන්න පුළුවන් එහෙම කලත් වැඩක් වෙන්නේ නැහැ. මොකද Apocalypse චරිතය මුල් වරට කොමික් තුලින් එන්නේ 1986 ජූලි මාසේ නිකුත් වෙච්ච  X-Factor #6 කියන චිත්‍ර කතාවෙන්.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 4                        DC Comics – 6

11. Solomon Grundy VS Hulk

  • සද්දන්ත යෝධයන් වගේ ලොකු දේහදාරී ශරීර දෙකක් වගේම ශක්තියක් තියෙනවා. ඒත් හල්ක් vs සොලමන් ග්‍රන්ඩි සටනක් ගියොත් හල්ක් දිනන්න තියෙන ඉඩකඩ නම් වැඩියි. ඒත් මේ චරිත දෙක හදුන්වලා දීපු විදිහයි වැදගත් වෙන්නේ.
                                          Solomon Grundy                                                     Hulk
  • Solomon Grundy චරිතය මුලින්ම චිත්‍ර කතා වලට එන්නේ 1944 වර්ෂයේ ඔක්තෝබර් මාසයේ නිකුත් වෙච්චි Superman’s Pal Jimmy Olsen #134 චිත්‍ර කතාවෙන්. කතාව Jack Kirby විසින් තමයි නිර්මාණය සිද්දවෙලා තියෙන්නේ.
  • Hulk මුලින්ම චිත්‍ර කතා වලට එකතු වෙන්නේ 1973 වර්ෂයේදී පෙබරවාරි මාසයේ නිකුත් වුන Iron Man #55 චිත්‍ර කතාවෙන්. Mike Friedrich අතින් තමයි කතාව ලියවිලා තියෙන්නේ වගේම මෙහි කලාකරු වෙලා තියෙන්නේ Jim Starlin.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 4                        DC Comics – 7

12. Aquaman VS Submariner

  • දෙන්නගෙම තාත්තාලා මිනිස්සු දෙන්නෙක්. ඒ දෙන්නම ආදරේ කරලා තියෙන්නේ අත්ලාන්තික් කාන්තාවන්ට. මේ නිසා තමයි ඇක්වා මෑන් වගේම සබ්මැරීනර් අර්ධ අත්ලාන්තිකයො වෙන්නේ. සබ්මැරීනර්ව නම් සජීවි චිත්‍රපට තුලින් දැකගන්න ලැබුනෙම නැහැ. නමුත් ඇනිමේෂන් සීරිස්වල හිටියා. ඇක්වා මෑන් ගැන නම් කියන්න ඕන නෑනේ. ඇනිමේෂන් සීරිස් වලදී වගේම ඊලග නොවැම්බරයේ විකාශය වීමට නියමිත Justice League චිත්‍රපටය තුලින් දැකගන්න හැකියාව තියෙනවා.
                                          Aquaman                                                     Submariner
  • Aquaman චරිතය මුලින්ම චිත්‍ර කතා වලට එන්නේ 1941 වර්ෂයේ නොවැම්බර් මාසයේ නිකුත් වෙච්චි More Fun Comics #73 චිත්‍ර කතාවෙන්. නිර්මාණ කටයුතු සිද්ද වෙලා තියෙන්නේ Paul Norris හා Mort Weisinger නම් දෙදෙනා විසින්.
  • Submariner මුලින්ම චිත්‍ර කතා වලට එකතු වෙන්නේ 1939 වර්ෂයේදී අප්‍රේල් මාසයේ නිකුත් වුන Motion Picture Funnies Weekly චිත්‍ර කතාවෙන්. කතාව ලියලා වගේම කලාකරුගේ කටයුත්ත පවා සිදු කරලා තියෙන්නේ  Bill Everett විසින්.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 5                        DC Comics – 7

13. Deadpool VS Deathstroke

  • හරිම පැහැදිලිව කියන්න පුළුවන් නමුත් හිතාගන්නවත් බැරි කතාවක් ලියවුනු චරිත දෙකක් තමයි මෙහ්. ඩේඩ්පූල්ව දකින්න ඇති කියලා හිතනවා. මොකද එයාගේ ඔරිජින් ස්ටොරියක් ගිය අවුරුද්දෙදි ආවනේ. ඩේත්ස්ට්‍රෝක් දකින්න ඇතියි කියලා හිතනවා. ඇරෝ කතාමාලාවෙන් වෙනම ඩේත්ස්ට්‍රෝක් කෙනෙක් දැකගන්න ලැබුණා. දෙන්නම විලසන්ලා. දෙන්නම කඩු පාවිච්චි කරනවා වගේම ආයුධ පාවිච්චි කරන්න හොද හැකියාවක් තියෙනවා. හැබැයි ඉතින් ඩේත්ස්ට්‍රෝක්ට බැහැ ඩේඩ්පූල් එක්ක හැප්පෙන්න. ඩේඩ්පූල්ව විනාස කරනවානම් එකම එක විදිහකුත් තියෙනවා. හැබැයි ඒක නෙවෙයිනෙ කාරණය.
                                          Deathstroke                                                     Deadpool
  • Deathstroke චරිතය මුලින්ම චිත්‍ර කතා වලට එන්නේ 1950 වර්ෂයේ ජුනි-ජූලි මාස අතර කාලේදී නිකුත් වෙච්චි Batman #59 චිත්‍ර කතාවෙන්. නිර්මාණ කටයුතු සිද්ද වෙලා තියෙන්නේ David Vern Reed, Lew Schwartz හා Bob Kane ව්සින්ය.
  • Deadpool  මුලින්ම චිත්‍ර කතා වලට එකතු වෙන්නේ 1991 වර්ෂයේදී පෙබරවාරි මාසයේ නිකුත් වුන The New Mutants #98 චිත්‍ර කතාවෙන්. මෙහි Rob Liefeld තමයි කලාකරුගේ කටයුතු කරලා තියෙන්නේ. ඒ වගේම Fabian Nicieza තමයි චිත්‍ර කතාව ගොඩනැගිලා තියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 5                        DC Comics – 8

14. Captain Boomerang VS Boomerang

  • බූමරෑන්ග්ලා දෙන්නෙක්? ඔව් දෙන්නෙක් තමයි. මාවල් බූමරෑන්ග්ව නම් මං දැකලත් නැහැ නමුත් කොමික් නම් කොමික් වලින් දැකගන්න ලැබුණා මේ ගැන හොයද්දි. ඩීසිලගේ බූමරෑන්ග්ව නම් Suicide Squad (2016) චිත්‍රපටයෙන් වගේම ඇනිමේෂන් සීරිස් වලින් දකින්න ලැබුණා. කැප්ටන් බූමරෑන්ගේ ස්වරූපයම තමයි මාවල් බූමරෑන්ග්ට තියෙන්නේ.
                                        Captain  Boomerang                                                     Boomerang
  • Boomerang චරිතය මුලින්ම චිත්‍ර කතා වලට එන්නේ 1960 වර්ෂයේ දෙසැම්බර් මාසයේ නිකුත් වෙච්චි Flash #117 චිත්‍ර කතාවෙන්. ෆ්ලෑෂ් හා වොලී වෙස්ට්ගේ විලන් හැටියට තමයි ඇවිත් තියෙන්නේ. නිර්මාණ කටයුතු සිද්ද වෙලා තියෙන්නේ John Broome හා Carmine Infantino දෙදෙනාගේ අතින්.
  • Boomerang මුලින්ම චිත්‍ර කතා වලට එකතු වෙන්නේ 1966 වර්ෂයේදී ජූලි මාසයේ නිකුත් වුන ales to Astonish #81 චිත්‍ර කතාවෙන්. මෙහි නිර්මාණ කටයුතු Stan Lee හා Jack Kirby දෙදෙනා එකතු වෙලා තමයි සිදු කරලා තියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 5                        DC Comics – 9

15. Timber Wolf  VS Wolverine

  • ටිම්බර් වුල්ෆ් හා වුල්වරින් කියන දෙන්නම අත්හදා බැලීම් වලින් විපරිතයෝ වෙලා බලයන් හා හැකියාවන් ලැබුණු දෙන්නෙක්. ටිම්බර් වුල්ෆ්ටත් වුල්වරින්ට වගේ  සුපර්හියුමන් කෙනෙක්ගේ ස්වරූපය තියෙනවා, වැඩිදියුණු වූ සංවේදක (ගන්දයෙන් හදුනාගැනීමේ හැකියාවත් ඇතුළුව), සුව වීමේ හැකියාව, සුපිරි ශක්තිය, ප්‍රචන්ඩත්වයට ඇති මහත් ආශාව. මේ ඇරුනම වුල්වරින්ට වගේ දිගැටී නියපොතු නැති එකයි වෙනස. ටිම්බර් වුල්ෆ් ට නියපොතු නැත්තේ නැහැ. නමුත් වුල්වරින්ට තරම් දිග නියපොතු නැහැ. අමුතුවෙන් කියන්න ඕන නෑනේ වුල්වරීන් තමයි ජනප්‍රිය වුණේ.
                                        Timber Wolf                                                     Wolverine
  • Timber Wolf චරිතය මුලින්ම චිත්‍ර කතා වලට එන්නේ 1964 වර්ෂයේ දෙසැම්බර් මාසයේ නිකුත් වෙච්චි Adventure Comics #327 චිත්‍ර කතාවෙන්. මෙහි නිර්මාණ කටයුතු සිද්දවෙලා තියෙන්නේ Edmond Hamilton හා John Forte යන දෙදෙනාගේ අතින්ය.
  • Wolverine මුලින්ම චිත්‍ර කතා වලට එකතු වෙන්නේ 1974 වර්ෂයේදී ඔක්තෝම්බර් මාසයේ නිකුත් වුන The Incredible Hulk #180 චිත්‍ර කතාවෙන්. මෙහි නිර්මාණ කටයුතු වල මේක හදලා කතාව ලියලා තියෙන්නේ Len Wein විසින් වගේම මාවල් කොමික් සමාගමේ කලා අධ්‍යක්ෂක John Romita, Sr මේ සදහා දායක වෙලා තියෙනවා. ඒවගේම මුල්ම මුද්‍රණය සදහා කලාකරුගේ කටයුත්ත සිදු කරලා තියෙන්නේ Herb Trimpe විසින්.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 5                        DC Comics – 10

16. Mr. Fantastic  VS Plastic Man

  • දැක්කම තේරෙනවා ඇති දෙන්නම ඇදෙන සුළු බවක් තියෙන දෙන්නෙක් කියලා. මිස්ටර් ෆැන්ටෑස්ටික් ගැන නම් දන්නවා ඇති ෆැන්ටෑස්ටික් ෆෝ චිත්‍රපට තුලින් අපිට එයාව දැකගන්න ලැබුණු නිසා. එයාට ඒ වගේ හැකියාවන් ආවේ විශ්ව ප්‍රභවයේ සංචාරයකට ගිහින් එහිදී වෙච්චි නිරාවරණයකට මුහුණ දුන්න නිසා. ඒත් ප්ලාස්ටික් මෑන් නම් හුග දෙනෙක් දැක්කෙම නැති තරම්. එයා රසායන විද්‍යාඥයෙක්. එයාට එයාගේ ඇගේ නම්‍යශීලි බව ලැබෙන්නේ එයාම විසින් පරීක්ෂණ කරලා හදපු Gingold කියන පානය නිසා.
                                        Mr. Fantastic                                                     Plastic Man
  • Mr. Fantastic චරිතය මුලින්ම චිත්‍ර කතා වලට එන්නේ 1961 වර්ෂයේ නොවැම්බර් මාසයේ නිකුත් වෙච්චි The Fantastic Four #1 චිත්‍ර කතාවෙන්.  Stan Lee ගේ අතින් තමයි කතාව ලියවිලා තියෙන්නේ. එතකොට කලාකරුගේ කටයුත්ත සිදු කරලා තියෙන්නේ Jack Kirby විසින්.
  •  Plastic Man මුලින්ම චිත්‍ර කතා වලට එකතු වෙන්නේ 1941 වර්ෂයේදී අගෝස්තු මාසයේ නිකුත් වුන Police Comics #1 චිත්‍ර කතාවෙන්. මෙහි නිර්මාණ කටයුතු Jack Cole Jack Cole විසින් තමයි සිදු කරලාtතියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 5                        DC Comics – 11

17. Green Lantern VS Nova

  • මේ දෙන්නම මන්දාකිණි ආරක්ෂක කණ්ඩායම් දෙකක සාමාජිකයන් දෙන්නෙක්. ග්‍රීන් ලැන්ටර්න්න් කියන්නේ Green Lantern Corps වල සාමාජිකයෙක්. එතකොට Nova කියන්නේ Nova Corps වල සාමාජිකයෙක්. දෙගොල්ලම කරන්නේ එකම රාජකාරිය. ලැන්ටර්න් කෙනෙක්ට බලය හැසිරවීම ලැබෙන්නේ එයාලා පළදින මුද්දෙන්. ඒ මුද්දයි තමන්ගේ හිතයි තමන් කැමති විදිහට හැසිරවීමෙන් හැකියාව ලැබෙනවා තමන් කැමති විදිහට පහර දීමට. එතකොට Nova Corps ලගේ බල මුලාශ්‍රය තමයි නෝවා මුලාශ්‍රයෙන්. ග්‍රීන් ලැන්ටර්න්ලා අදින්නේ කොළ පාටට හුරු ඇදුමක්. නමුත් නෝවා කෝප්ස් වල අදින්නේ කහ පාටට හුරු ඇදුමක්.
                                        Green Lantern                                                     Nova
  • Green Lantern චරිතය මුලින්ම චිත්‍ර කතා වලට එන්නේ 1940 වර්ෂයේ ජූලි මාසයේ නිකුත් වෙච්චි All American Comics #16 චිත්‍ර කතාවෙන්. නිර්මාණය කටයුතු කරලා තියෙන්නේ John Broome, Gil Kane, Bill Finger, Martin Nodell, Gardner Fox යන අයගේ දායකත්වයෙන්.
  • Nova මුලින්ම චිත්‍ර කතා වලට එකතු වෙන්නේ 1976 වර්ෂයේදී නොවැම්බර් මාසයේ නිකුත් වුන Nova #1 චිත්‍ර කතාවෙන්. කතාව ලියලා තියෙන්නේ Marv Wolfman වගේම කලාකරුගේ කටයුත්ත කරලා තියෙන්නේ John Buscema.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 5                        DC Comics – 12

18. Ultron VS Brainiac

  • දෙදෙනා හටම තියෙන බලයන් අතින් හුදෙක්ම සමානයි. අල්ට්‍රෝන්ව නම් ඇවෙන්ජර්ස් ඒජ් ඔෆ් අල්ට්‍රෝන් තුලින් දකින්න ඇති. එයාට කරන්න පුළුවන් දේවල් ටික එහෙම හොදටම දකින්නත් ඇති. ඒත් බ්‍රේනියැක්? එයාව නම් අපිට දැනට දකින්න ලැබුනේ ඇනිමේෂන් සීරිස් තුලින් විතරයි. බ්‍රේනියැක් කියන්නේ මුල් කාලයේ ක්‍රිප්ටෝනියන් වල පාවිච්චි කල හුගක් ප්‍රයෝජනවත් වුන AI (Artificial Intelligence) නොහොත් කෘතීම බුද්ධි උපකරනයක්. ක්‍රිප්ටෝනියන් ග්‍රහලෝකය විනාශ වෙලා යාමත් එක්ක තමයි එයාගේ ස්වරුපය වෙනස් කරගෙන සැකසුනේ. බ්‍රේනියැක් හා අල්ට්‍රෝන් දෙන්නම විලන්ලා.
                                        Ultron                                                     Brainiac
  • Ultron චරිතය මුලින්ම චිත්‍ර කතා වලට එන්නේ 1968 වර්ෂයේ ජූලි මාසයේ නිකුත් වෙච්චි The Avengers #54 චිත්‍ර කතාවෙන්. Roy Thomas ගේ අතින් තමයි කතාව ලියවිලා තියෙන්නේ. එතකොට කලාකරුගේ කටයුත්ත සිදු කරලා තියෙන්නේ John Buscema විසින්.
  • Brainiac මුලින්ම චිත්‍ර කතා වලට එකතු වෙන්නේ 1958 වර්ෂයේදී ජූලි මාසයේ නිකුත් වුන Action Comics #242 චිත්‍ර කතාවෙන්. කතාව ලියලා තියෙන්නේ Otto Binder වගේම කලාකරුගේ කටයුත්ත කරලා තියෙන්නේ Al Plastino.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 5                        DC Comics – 13

19. Red Tornado VS Vision

  • මේ දෙන්නම ඇන්ඩ්‍රොයිඩ් රොබෝලා දෙන්නෙක් වගේම දෙන්නවම නිර්මාණය වෙන්නේ විලන්ලා දෙන්නෙක්ගේ අතින්. රෙඩ් ටෝනේඩො නිර්මාණය වුණේ තෝමස් ඔස්කාර් මොරෝව් කියන නපුරු විද්‍යාඥයෙක් විසින්. විෂන්ව නිර්මාණය වුණේ අල්ට්‍රෝන්ගේ අතින්. රෙඩ් ටෝනේඩොට වඩා විෂන් කියන චරිතය වඩාත් ජනප්‍රිය වුණා කියලා කිව්වොත් වැරදි නැහැ. මොකද ඇවෙන්ජර්ස් ඒජ් ඔෆ් අල්ට්‍රෝන් තුලින් අපිට විෂන්ව දැකගන්න ලැබුණා. දෙන්නටම පොඩි සමාන කම් කිහිපයකුත් තියෙනවා. මේ දෙන්නගෙම මුණවල් දෙක තද රතු පාටයි වගේම දෙන්නම කබායක් පළදිනවා. මේ දෙන්නටම හැගීම් දැනීම් තියෙනවා. විශේෂයෙන්ම ආදරය කියන දේ. විෂන් ආදරෙන් බැදුනේ කවුරුත් දන්න ස්කාලට් කියන මායාකාරී එක්ක. රෙඩ් ටෝනේඩො ආදරෙන් බැදුනේ Kathy Sutton කියලා සාමාන්‍ය මිනිස් කාන්තාවක් එක්ක. ඒවගේම එයාව Batman, Justice League, Young Justice කියන ඇනිමේෂන් සීරිස් තුලින් දැකගන්න ලැබුණා.
                                        Red Tornado                                                     Vision
  • Red Tornado චරිතය මුලින්ම චිත්‍ර කතා වලට එන්නේ 1968 වර්ෂයේ අගෝස්තු මාසයේ නිකුත් වෙච්චි Justice League of America #64 චිත්‍ර කතාවෙන්. Gardner Fox ගේ අතින් තමයි කතාව ලියවිලා තියෙන්නේ. එතකොට කලාකරුගේ කටයුත්ත සිදු කරලා තියෙන්නේ Dick Dillin විසින්.
  • Vison මුලින්ම චිත්‍ර කතා වලට එකතු වෙන්නේ 1940 වර්ෂයේදී නොවැම්බර් මාසයේ නිකුත් වුන Marvel Mystery Comics #13 චිත්‍ර කතාවෙන්. මෙය නිර්මාණය සදහා දායක වෙලා තියෙන්නේ Joe Simon හා Jack Kirby දෙදෙනාය.

ඔන්න මේ වතාවේදී නම් මාවල් වලට ආයේ අවසථාවක් ලැබුණා. ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 6                        DC Comics – 13

20. Superman (1938) VS Sentry (2000) | Hyperion (1969) | Kallark (1977)

Superman 

  • ක්‍රිප්ටෝන්වල අවසන් පුත්‍රයා ගැන නොදන්න කෙනෙක් ඇත්තෙම නැති තරම්. මොකද ඩීසි කොමික්වල ඉන්න එක්තරා ප්‍රධාන චරිතයක් නෙව. ඒ නිසා චරිතේ වගේම හැකියාවන් ගැන විස්තර නොකර අත්‍යවශ්‍ය දේවල් විතරක් කියන්නම් මොකද සුපර්මෑන් කොපි කරලා හදපු චරිත ගොඩක් ඉන්නවා.  Superman කියන චරිතේ මුලින්ම කොමික් අතරට එන්නේ 1938 මැයි මාසයේ Action Comics #1 කියන චිත්‍ර කතාවෙන්. කතාව ලියලා තියෙන්නේ Jerry Siegel  විසින් වගේම කලාකරුගේ කටයුතු කරලා තියෙන්නේ Joe Shuster විසින්.

Sentry

  • ඒත් සෙන්ට්‍රි කියන්නේ එහෙම කෙනෙක් නෙවෙයි. එයා සුපර් සිරම් එකක් විදගෙන හැකියාවන් හා බලයන් ලබා ගත්ත සාමාන්‍ය මනුස්සයෙක්. සිරම් එකෙන් එයාට සුපිරි ශක්තිය, සුපිරි වේගය වගේම අති සංවේදක හා ඇස් තුලින් බ්ලාස්ට් කිරණ විදීමේ හැකියාවත් ලැබුණා. Sentry කියන චරිතය මුලින්ම කොමික් අතරට එකතු වෙන්නේ 2000 වර්ෂයේ සැප්තැම්බර් මාසයේ නිකුත් වෙච්ච The Sentry #1 කියන කොමික් පොතෙන්. කතාව ලියලා තියෙන්නේ Paul Jenkins විසින්. කලාකරුගේ කටයුත්ත කරලා තියෙන්නේ Jae Lee විසින් වගේම අතිරේක සහය Rick Veitch විසින් සපයලා තියෙනවා.

Hyperion

  • හයිපීරියොන් කියන්නේ නම් හුදෙක්ම සුපර්මෑන්ටම සම කරලා හදපු චරිතයක්. ඒ මොකද කියනවනම් හයිපීරියොන් කියන්නෙත් එයාගේ ග්‍රහ ලෝකය පුපුරලා විනාශ වෙද්දී පෘතුවියට ආපු කෙනෙක් වගේම එයාව හොයාගෙන එයාව බලාගත්තේ පෘතුවි වැසියෙක්. මෙයාට සුපර්මෑන්ට තියෙන ශක්තින්ම තියෙනවා. සුපිරි වේගය, සුපිරි ශක්තිය, ප්‍රත්යාවර්තිත බව, හීට් විෂන් වගේ හැකියාවන් තියෙනවා. Hyperion කියන චරිතය මුලින්ම කොමික් පොත් අතරට එන්නේ 1969 ඔක්තෝම්බර් මාසයේ නිකුත් වුන The Avengers #69 චිත්‍ර කතා පොතෙන්. කතාව ලියලා තියෙන්නේ නම් Roy Thomas විසින් වගේම කලාකරුගේ කටයුත්ත සිදු කරලා තියෙන්නේ Sal Buscema විසින්.

Kallark

  • මාවල් විශ්වයේ හමුවන තවත් සුපර්මෑන් චරිතයක් තමයි කැල්ආ(ර්)ක් කියන්නේ.  සුපුරුදු පරිදිම ඉහත සදහන් කරපු අයගේ හැකියාවන් හා බලයන් මෙයාටත් පිහිටලා තියෙනවා. Kallark කියන නම පවා හදලා තියෙන්නේ සුපර්මෑන්ගේ නම පාවිච්චි කරලමයි.

  සුපර්මෑන්ගේ මිනිස් නාමය Clark Kent (ක්ලාක් කෙන්ට්) + සුපර්මෑන්ගේ ක්‍රිප්ටෝනියන් නාමය Kal El (කැල් එල්) = Kallark (කැල්ආ(ර්)ක්)

කොහොමෙයි කොපි කිරිල්ල?! 😂 කොහොම හරි මේ Kallark  කියන චරිතේ කොමික් වලින් මුලින්ම ඇවිත් තියෙන්නේ 1977 ඔක්තෝබර් මාසයේ නිකුත් වුන X-Men #107 මාවල් කොමික් චිත්‍ර කතාපොත ඇසුරින්.  කතාව ලියලා තියෙන්නේ  Chris Claremont විසින් වගේම Dave Cockrum තමයි මෙහි කලාකරු වෙලා තියෙන්නේ.

අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 6                        DC Comics – 14

අමතර චරිත

Supreme

  • මේ සුපර්මෑන් සංස්කරණය නම් මාවල් කොමික් වලට් අදාළ එකක් නෙවෙයි ඒත් කලින් කතා කරපු දෙන්නා එක්ක සංසන්දනය කරද්දී කිසිම වෙනසක් නම් නැහැ. සුප්‍රීම් නිකුත් වෙන්නේ  Image Comics වලට. සුපිරි වේගය, සුපිරි ශක්තිය, ප්‍රත්යාවර්තිත බව, හීට් විෂන් ඔය හැමදේම මෙයාටත් තියෙනවා. Supreme මුලින්ම ඉමේජ් කොමික් වලට එන්නේ 1992 ඔක්තෝම්බර් මාසයේ නිකුත් වුන Youngblood #3 කොමික් වලින්. මෙහි නිර්මාණ කටයුතු කරලා  Rob Liefeld විසින්.

Suprema

  • සුප්‍රිමා කියන්නේ සුප්‍රීම්ගේ සහෝදරිය. (හරියට නිකන් සුපර්මෑන්ගේ සහෝදරි සුපර්ගර්ල් උනා වගේ. ) මුලින්ම චිත්‍ර කතා වලට එ න්නෙ 1996 වර්ෂයේ නිකුත් වුන  The Supreme Story of the Year Part 1: The Double Exposure Doom නම් චීත්‍ර කතාවෙන්. හැබැයි එයාට නම් බලු කුක්කෙකුත් ඉන්නවා සහයට.

21. The Presence VS The One Above All

  • විශ්වයන් දෙකේම ඉන්න දෙවියෝ කියලා කිව්වොත් නිවැරදියි. මොකද මේ අය ඒ තරමටම බලගතුයි වගේම වයසයි. The Presence ට හැකියාව තියෙනවා දේවදූතයන්ට බලය පවරා දෙන්න. The One Above All කියන්නෙත් MCU (කොමික් යුනිවර්ස්) එකේ ඉන්න හුගක් බලගතු සර්වබලධාරී චරිතයක්. එයාට Living Tribunal කියලවත් හදුන්වනවා. මේ දෙන්නගෙන් කාවවත්ම තාමත් ඇනිමේෂන් සීරිස් වලටත් ගෙනල්ල නැහැ මං දන්න තරමින්.
                                        The Presence                                                     The One Above All
  • The Presence චරිතය මුලින්ම චිත්‍ර කතා වලට එන්නේ 1940 වර්ෂයේ පෙබරවාරි මාසයේ නිකුත් වෙච්චි More Fun Comics #52 චිත්‍ර කතාවෙන්. Jerry Siegel ගේ අතින් තමයි කතාව ලියවිලා තියෙන්නේ. එතකොට කලාකරුගේ කටයුත්ත සිදු කරලා තියෙන්නේ Bernard Baily විසින්.
  • The One Above All චරිතය මුලින්ම චිත්‍ර කතා වලට එකතු වෙන්නේ 1977 වර්ෂයේදී  නිකුත් වුන Doctor Strange #13 චිත්‍ර කතාවෙන්. කතාව ලියලා තියෙන්නේ Steve Englehart වගේම කලාකරුගේ කටයුත්ත කරලා තියෙන්නේ Gene Colan.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 6                        DC Comics – 15

22. Lizard VS Killer Croc

  • මේ දෙන්නම උරගයෝ දෙන්නෙක්.  කිලර්උ ක්‍රොක්ප තේදීම උරග ලක්ෂණ පෙන්නුම් වෙන විදිහට උපත ලබපු වෙලන් ජෝන්ස් හැදුනේ වැඩුනේ එයාගේ නැන්දා ලග.එයා එයාගේ නැන්දව මරලා ගෝතම් වල අංක එකේ අපරාධකාරයෙක් වෙලා තියෙනවා. බැට්මෑන් හා ජේසන් ටොඩ් හමුවේ කිලර් ක්‍රොක් පරාද චෙලා තියෙනවා. මෙයාව ඔයාලා හුගක් ඇනිමේෂන් චිත්‍රපටි වලින් වගේම Suicide Squad (2016) චිත්‍රපටයෙන් පවා දැකගන්න ඇති. ඒත් Lizard කියන්නේ මනුස්සයෙක්. නිකන් මනුස්සයෙක් විතරක් නෙවෙයි තමන්ගේ ආබාධිතත්වයට ප්‍රතිකාර හොයපු විද්‍යාඥයෙක්. (මෙයත් හරියටම DC ලගේ Man -Bat (1970) වගේමයි. එයත් ඒ ටිකමයි කලේ) පස්සේ මේ ප්‍රතිකාර හොයන වැඩේ වැරදිලා තමයි කර්ට් විකෘතිකයෙක් වෙලා ලිසඩ් වෙලා තියෙන්නේ.
                                        Lizard                                                    Killer Croc
  • Lizard චරිතය මුලින්ම චිත්‍ර කතා වලට එන්නේ 1963 වර්ෂයේ නොවැම්බර් මාසයේ නිකුත් වෙච්චි The Amazing Spider-Man #6 චිත්‍ර කතාවෙන්. Stan Lee හා Steve Ditko දෙන්නා එකතු වෙලා නිර්මාණ කටයුතු සිදු කරලා තියෙන්නේ.
  • Killer Croc චරිතය මුලින්ම චිත්‍ර කතා වලට එකතු වෙන්නේ 1983 වර්ෂයේ පෙබරවාරි මාසයේ නිකුත් වුන Detective Comics #523 චිත්‍ර කතාවෙන්.  කතාවේ නිර්මාණ කටයුතු සිදු කරලා තියෙන්නේ Gerry Conway හා Gene Colan දෙදෙනා විසින්.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 7                        DC Comics – 15

23. John Constantine VS Pete Wisdom

  • ලොකුවට කියන්න තරම් දේවල් නම් නැහැ ඒත් දෙන්නම ගුප්ත දේවල් සම්බන්ධ වැඩ කරන්නේ. ඒත් ඉතින් මෙතුවක් පීට් වීස්ඩම් ජෝන් කොන්ස්ටන්ටින් තරම් නම් ජනප්‍රිය වෙලා නැහැ. කොන්ස්ටන්ටින්ව නම් කොන්ස්ටන්ටින් සීරිස් එකෙන් වගේම ඇනිමේෂන් චිත්‍රපට වලින් දැකගන්න ලැබුණා.
                                        John Constantine                                                  Pete Wisdom
  • John Constantine චරිතය මුලින්ම චිත්‍ර කතා වලට එන්නේ 1984 වර්ෂයේ ජුනි මාසයේ නිකුත් වෙච්චි The Saga of Swamp Thing #37  චිත්‍ර කතාවෙන්. Alan Moore, Steve Bissette, John Totleben කියන තුන්දෙනා එකතු වෙලා තමයි නිර්මාණ කටයුතු සිදු කරලා තියෙන්නේ.
  • Pete Wisdom චරිතය මුලින්ම චිත්‍ර කතා වලට එකතු වෙන්නේ 1995 වර්ෂයේ පෙබරවාරි මාසයේ නිකුත් වුන Excalibur vol.1 #86 චිත්‍ර කතාවෙන්. කතාව ලියලා තියෙන්නේ Warren Ellis වගේම කලාකරුගේ කටයුත්ත කරලා තියෙන්නේ Ken Lashley.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 7                        DC Comics – 16

24. Mr. Mxyzptlk VS Impossible Man

  • මේ චරිත දෙක ගැන නම් කියන්නම දෙයක් නැති තරම්. දෙන්නම හුදෙක්ම එක වගෙයි. දෙන්නටම රෝස පාට කියන දේ ලැබිලා තියෙනවා. නිමාවක් නැති බලයක් තියෙනවා. මුලිකවම එයාලා කරන්න කැමති දේ කරන දෙන්නෙක්. වෙනස් මාන තුල පාවී පාවී ගමන් කරනවා, ස්වරුපය වෙනස් කිරීමේ හැකියාව ලැබිලා තියෙනවා.
                                        Mister Mxyzptlk                                                 Impossible Man
  • Mister Mxyzptlk චරිතය මුලින්ම චිත්‍ර කතා වලට එන්නේ 1944 වර්ෂයේ සැප්තැම්බර් මාසයේ නිකුත් වෙච්චි Superman #30  චිත්‍ර කතාවෙන්. Jerry Siegel තමයි කතාව ලියලා තියෙන්නේ වගේම Joe Shuster තමයි මෙහි කලාකරුගේ කටයුතු කරලා තියෙන්නේ.
  • Impossible Man චරිතය මුලින්ම චිත්‍ර කතා වලට එකතු වෙන්නේ 1963 වර්ෂයේ පෙබරවාරි මාසයේ නිකුත් වුන Fantastic Four #11 චිත්‍ර කතාවෙන්. කතාව ලියලා තියෙන්නේ Stan Lee වගේම කලාකරුගේ කටයුත්ත කරලා තියෙන්නේ Jack Kirby.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 7                        DC Comics – 17

25. Scarecrow VS Scarecrow

  • මාවල් කොමික් කිසිම හැකිලිමකින් තෝර කරපු පැහැදිලි අනුකරණයක් තමයි මෙහ් Scarecrow නොහොත් පඹයා කියන්නේ. මාවල් කොමික් නිර්මාණය කරපු Scarecrow බයගන්වන සුළු කෙනෙක් විතරයි ඒත් DC ලගේ Scarecrow කියන්නේ පුහුණුව ලත් රසයාඥයෙක් වගේම මනෝචිකිත්සකයෙක්. එයත් බය කරන වැඩේ කලාට එයාට හුගක් හැකියාවන් තිබුණා.
                                        Scarecrow                                                 Scarecrow
  • Scarecrow චරිතය මුලින්ම චිත්‍ර කතා වලට එන්නේ 1941 වර්ෂයේ තෙවන කාර්තුවේ නිකුත් වෙච්චි World’s Finest Comics #3 චිත්‍ර කතාවෙන්. මෙහි නිර්මාණ කටයුතු සිදු වුණේ Bob Kane හා Bill Finger යන දෙදෙනා විසින්.
  • Scarecrow චරිතය මුලින්ම චිත්‍ර කතා වලට එකතු වෙන්නේ 1964 වර්ෂයේ පෙබරවාරි මාසයේ නිකුත් වුන Tales of Suspense #51 චිත්‍ර කතාවෙන්. කතාව ලියලා තියෙන්නේ Stan Lee වගේම කලාකරුගේ කටයුත්ත කරලා තියෙන්නේ Don Heck.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 7                        DC Comics – 18

26. Blue Beetle VS Beetle

  • මේකෙත් නම් දෙක දැක්කම තේරෙනවා ඇතිනේ. “බීට්ල්.” දෙන්නම හුදෙක්ම එක සමානයි. වෙනසකට තියෙන්නේ බ්ලු බීට්ල් නිල් පාටයි. දෙන්නම සූට් දෙකක ඉන්න මිනිස්සු දෙන්නක්. මේ දෙන්නම අපරාධ වලට එරෙහිව සටන් කරනවා. දෙන්නටම පියාබන්න පුළුවන් හැකියාව තියෙනවා වගේම දෙන්නටම හෙල්මට් එකක් වගේ එකකුත් තියෙනවා. පස්සේ කාලෙක බ්ලු බීට්ල් මායාමය පැත්තට නැඹුරු වුන කෙනෙක් වුනාදෝ කියලා හිතෙනවා. කොහොම හරි බ්ලු බීට්ල් නම් යන්ග් ජස්ටිස් වල දකින්න ඇති.
                                        Blue Beetle                                                 Beetle
  • Blue Beetle චරිතය මුලින්ම චිත්‍ර කතා වලට එන්නේ 1939 වර්ෂයේ අගෝස්තු මාසයේ නිකුත් වෙච්චි Mystery Men Comics #1 චිත්‍ර කතාවෙන්. මෙහි නිර්මාණ කටයුතු සිදු වුණේ Charles Nicholas Wojtkoski විසින්.
  • Beetle චරිතය මුලින්ම චිත්‍ර කතා වලට එකතු වෙන්නේ 1964 වර්ෂයේ අගෝස්තු මාසයේ නිකුත් වුන Strange Tales #123 චිත්‍ර කතාවෙන්. කතාව ලියලා තියෙන්නේ Stan Lee වගේම කලාකරුගේ කටයුත්ත කරලා තියෙන්නේ Carl Burgos.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 7                        DC Comics – 19

27. Edwin Jarvis VS Alfred Pennyworth

  • තමන්ගේ හාම්පුතාලට සේවය කරන දෙන්නෙක් හැටියට කිව්වොත් නිවැරදියි. ජාවිස් කියන්නේ නිර්නාමික සටන් කරුවෙක් මගින් පුහුණුව ලත් කෙනෙක්. ඒත් ඇල්ෆ්‍රඩ් එහෙම නැහැ. එයා පුහුණුවලත් ප්‍රධාන මෙහෙකරුවෙක්. ඒවගේම හිටපු බ්‍රිතාන්‍ය බුද්ධි අංශ වගේම SAS (Special Air Service) වල ක්‍රියා කරපු කෙනෙක්, හදිසි අවස්ථාවකදී වෛද්‍ය ප්‍රතිකාර කරන්න පුහුණුව ලත් කෙනෙක් වගේම අවසාන වශයෙන් යන්ත්‍ර හා පරිඝන පද්ධති ආශ්‍රිත ප්‍රවීනයෙක්. ඇල්ෆ්‍රඩ් ගැන ලොකුවට කියන්න ඕන නැහැ මොකද බැට්මෑන්ව දන්න ඕනෙම කෙනෙක් ඇල්ෆ්‍රඩ් ගැන නොදැන ඉන්න විදිහක් නැහැ.
                                        Edwin Jarvis                                                 Alfred Pennyworth
  • Edwin Jarvis චරිතය මුලින්ම චිත්‍ර කතා වලට එන්නේ 1964 වර්ෂයේ නොවැම්බර් මාසයේ නිකුත් වෙච්චි Tales of Suspense #59 චිත්‍ර කතාවෙන්. කතාව ලියවුනේ Stan Lee අතින් වගේම Don Heck විසින් තමයි කලාකරුගේ කටයුතු සිදු කරලා තියෙන්නේ.
  • Alfred Pennyworth චරිතය මුලින්ම චිත්‍ර කතා වලට එකතු වෙන්නේ 1943 වර්ෂයේ අප්‍රේල් මාසයේ නිකුත් වුන Batman #16 චිත්‍ර කතාවෙන්. Bob Kane, Bill Finger, Jerry Robinson යන තිදෙනා තමයි මෙහි නිර්මාණ කටයුතු සිදු කරලා තියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 7                        DC Comics – 20

28. Electro VS Black Lightning

  • ඔන්න සෑහෙන්න වෙලාවකට පස්සේ මාවල් වලට ආයෙමත් වතාවක් අවස්ථාවක් ලැබෙන්න යන්නේ. දෙන්නටම තියෙන්නේ විදුලිය ආශ්‍රිත බලයන්. ඉලෙක්ට්‍රෝ ගැන කියනවනම් විදුලි බලය මෙහෙයවීමේ හැකියාව, සම්පුර්ණ ආරෝපණයක් වූ විට සුපිරි මිනිස් ශක්තිය හා වේගය ලැබෙනවා. බ්ලැක් ලයිට්නින්ග් ගැන කියනවනම් එයාටත් පුළුවන් විදුලිය මෙහෙයවීමේ හැකියාව, දක්ෂ මාෂල් ආට් සටන් කරුවෙක් වගේම ඔලිම්පික් මට්ටමේ ක්‍රීඩකයෙක්. CW ආයතනයට ස්තුති වෙන්න අපිට බ්ලැක් ලයිට්නින්ග් ටෙලි කතාමලාවක් ඉදිරියේදී දැකගන්න පුළුවන් වෙනවා.
                                      Electro                                                 Black Lightning
  • Electro චරිතය මුලින්ම චිත්‍ර කතා වලට එන්නේ 1964 වර්ෂයේ පෙබරවාරි මාසයේ නිකුත් වෙච්චි The Amazing Spider-Man #9  චිත්‍ර කතාවෙන්. Stan Lee, Steve Ditko දෙදෙනා එකතු වෙලා තමයි මේක නිර්මාණය කරලා තියෙන්නේ.
  • Black Lightning චරිතය මුලින්ම චිත්‍ර කතා වලට එකතු වෙන්නේ 1977 වර්ෂයේ අප්‍රේල් මාසයේ නිකුත් වුන Black Lightning #1 චිත්‍ර කතාවෙන්. මාවල් කොමික්හී ලූක් කේජ් නම් චරිතය නිර්මාණය කරපු Tony Isabella හා Trevor Von Eeden එකතු වෙලා තමයි මේක නිර්මාණය කරලා තියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 8                        DC Comics – 20

29. The Atom VS Ant Man

  • ඇටම් නොහොත් රේ පාමර්ව නම් ඇරෝ කතාමාලාව තුලින් හා ලෙජන්ඩ් ඔෆ් ටුමොරෝ කතාමාලාව දකින්න ලැබුණා. ඈන්ට් මෑන්වත් එහෙමයි නෙහ්. මොකද අපිට ඈන්ට් මෑන් ඔරිජින් චිත්‍රපටයක් දැකගන්න හැකියාවත් ලැබුණා. දෙන්නම කරන්නේ එකම දේ. තමන්ගේ සූට් එකෙන් තමයි හැමදේම වෙන්නෙත්. ප්‍රමාණය ලොකු හෝ පුංචි කරගන්න හැකියාව තියෙනවා. (හැබැයි සිවිල් වෝ චිත්‍රපටයේ ජයන්ට් ඈන්ට් මෑන්ව එලියට දාලා නම් චා කරගත්තද මන්දා. 😜) කොහොම නමුත් දෙන්නම විද්‍යාව පැත්තෙන් හොද තැනකට ආපු  බුද්ධිමත් දෙන්නෙක්.
                                      The Atom                                                 Ant Man
  • The Atom චරිතය මුලින්ම චිත්‍ර කතා වලට එන්නේ 1961 වර්ෂයේ ඔක්තෝම්බර් මාසයේ නිකුත් වෙච්චි All-American Comics #19  චිත්‍ර කතාවෙන්. මෙහි නිර්මාණ කටයුතු සිදු කරලා තියෙන්නේ Julius Schwartz, Gardner Fox, Gil Kane කියන පිරිසගේ දායකත්වයෙන්.
  • Ant Man චරිතය මුලින්ම චිත්‍ර කතා වලට එකතු වෙන්නේ 1962 වර්ෂයේ ජනවාරි මාසයේ නිකුත් වුන Tales to Astonish #27 චිත්‍ර කතාවෙන්. මෙහි නිර්මාණ කටයුතු සිදු කරලා Stan Lee, Larry Lieber හා Jack Kirby යන අයගේ දායකත්වයෙනි.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ ඩීසි කොමික් වලට.
Marvel Comics – 8                        DC Comics – 21

30. Clayface VS Sandman

  • දෙන්නම ඇවිල්ලා තමන්ගේ ස්වරුපය වෙනස් කරගන්න පුළුවන් හැකියාව තියෙන දෙන්නෙක්. ඒවගේම තමයි දෙන්නටම හොද ශක්තියක් තියෙනවා. තුවාල කරන්න හුගක් අමාරු විශ්වයන් දෙකෙහිම ඉන්න මරු විලන්ලා දෙන්නෙක් කිව්වොත් නිවැරදියි. අපිට සුපිරි ගනයේ සෑන්ඩ් මෑන් කෙනෙක්ව ස්පයිඩර් මෑන් තුන්වෙනි චිත්‍රපටයෙන් දැකගන්න ලැබුණා. ක්ලේෆේස්ව නම් වැඩිහරියක්ම දකින්න ලැබුනේ ඇනිමේෂන් චිත්‍රපට තුලින්.
                                      Clayface                                                 Sandman
  • Clayface චරිතය මුලින්ම චිත්‍ර කතා වලට එන්නේ 1940 වර්ෂයේ ජූනි මාසයේ නිකුත් වෙච්චි Detective Comics #40  චිත්‍ර කතාවෙන්. Bill Finger හා Bob Kane යන දෙදෙනා තමයි මෙහි නිර්මාණ කටයුතු සිදු කරලා තියෙන්නේ.
  • Sandman චරිතය මුලින්ම චිත්‍ර කතා වලට එකතු වෙන්නේ 1963 වර්ෂයේ සැප්තැම්බර් මාසයේ නිකුත් වුන The Amazing Spider-Man #4 චිත්‍ර කතාවෙන්. කතාව ලියලා තියෙන්නේ සුපුරුදු Stan Lee විසින් වගේම මෙහි කලාකරුගේ කටයුතු සිදුaකරලා තියෙන්නේt Steve Ditko ගේ දායකත්වයෙනි.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 8                        DC Comics – 22

31. Teen Titans (1964) – Young Justice (1998) VS Young Avengers (2005)

  • මාවල් කොමික් වලට චරිත එකතු කරලා කණ්ඩායම් හදන්න බැරි වුන පලවෙනි වතාව මේක නෙවෙයි. මං කිව්වනේ එක්ස් මෙන් වලදී කියන්නම් කියලා. ටින් ටයිටන්ස් ගැන ගැන වගේම යන්ග් ජස්ටිස් ගැන හුග දෙනෙක් අහලා ඇති මේ දෙකේම ඇනිමේෂන් සීරිස් එක බැලුවා නම්. ටින් ටයිටන්ස් වල ඉන්නේ අවුරුදු 15-19 අතර පුංචි වීරයෝ. මේ අය මුලින්ම කොමික් චිත්‍රකතා අතරට එන්නේ 1964 වර්ෂයේ නිකුත් වෙච්ච The Brave and the Bold #54 චිත්‍ර කතාවෙන්. මෙහි නිමැයුම් කටයුතු සිදුවෙන්නේ Bob Haney හා Bruno Premiani විසින්.

 

  • යන්ග් ජස්ටිස් ගැන ගැන කියනවනම් මුලින්ම මේ නම පවා හැදෙන්නේ Teen Titans ලගෙන්. මොකද එයාලා හැදුනේ Titans ලගෙන්. ඒ කිව්වේ මේ කණ්ඩායම් වල නම් වෙනස් වෙනවා Titans > Teen Titans > Young Justice විදිහට. ටින් ටයිටන්ස් වල හිටපු අය ලොකු වෙලා තරුණයෝ වුනාම තමයි මෙහෙම නම වෙනස් වෙන්නේ. කොටින්ම හිටිය චරිත වල නම් වෙනස් වෙනවා වගේම අලුතින් චරිත එකතු වෙනවා. මුලින්ම කොමික් අතරට එන්නේ නම් 1998 වර්ෂයේ ජූනි මාසයේ නිකුත් වුන Young Justice: The Secret #1  කියන චිත්‍ර කතාවෙන්. කතාව ලියවෙන්නේ නම් Todd DeZago අතින් වගේම කලාකරුවන්ගේ වැඩ කටයුතු ටික වෙන්නේ Todd Nauck හා Lary Stucker යන දෙදෙනා විසිනි.

  • ඔය ඔක්කොමත් වෙලා අවුරුදු ගානක් ගත වුනාට පස්සේ තමයි මාවල් කොමික්ලා තරුණ වීරයෝ සෙට් එක හදන්නේ. Young Avengers. යන්ග් ජස්ටිස් එකේ හිටියා වගේම මේකේ ඉන්නෙත් තරුණයෝ සෙට් එකක්. 2005 වසරේ අප්‍රේල් මාසයේ නිකුත් වුන Young Avengers #1 කියන චිත්‍ර කතාවෙන් තමයි මෙහ් කට්ටිය මුලින්ම ජනතාව අතරට එන්නේ. කතාව ලියන්නේ නම් Allan Heinberg විසින්. Jim Cheung තමයි සිතුවම් කටයුතු කරලා තියෙන්නේ.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 8                        DC Comics – 23

30. Justice Society of America (1940) – Justice League (1960) VS The Avengers (1963)

  • පොඩි කල්ලිය හදන්න විතරක් නෙවෙයි මාවල් කොමික් සමාගමට සිද්ද වුණා ලොකු කල්ලිය හදන්නත් ඩීසි කොමික්ලා Justice Society Of America වගේම Justice League හදලා අවුරුදු තුනකුත් වෙනකන්ම. මං ඉතින් කියන්නේ නැහැ කොපි කරාමයි කියලා. ඒත් ඉතින් සදහන් වෙන අවුරුදු වගේම දත්ත එක්ක බලන කොට ඉතින් හැමදේටම මාවල් සමාගමට තල්ලුවක් දෙනකන් ඉන්න වෙලා වගේ ඉදලා තියෙන්නේ. Justice Society Of America නම් Legends Of Tomorrow කතාමාලාව තුලින් දකින්න ඇති. මේ අය මුලින්ම චිත්‍රකතා අතරට එන්නේ 1940 තෙවන කාර්තුවේ All Star Comics #3 නම් චිත්‍ර කතාපොතෙන්. මෙහි නිර්මාණ කටයුතු සිදු කරලා තියෙන්නේ Sheldon Mayer, Gardner Fox යන දෙදෙනා විසින්.

  • ඊළගට Justice League නොහොත් යුක්තියේ ලීගය තමයි DC කොමික් වල මේ වෙද්දී වැඩිපුරම ජනප්‍රිය කණ්ඩායම. ඒ මොකද කියලා ඉතින් කියන්න ඕනා නෑනේ ඉන්න චරිතයි කරන දේවලුයි දැක්කම. චිත්‍රකතා වලින් විතරක් නෙවෙයි අපිට ඇනිමේෂන් කතමලාවක් ආවා කතා සමයන් 5කින් යුක්ත වෙලා. ඊලගට ඇනිමේෂන් චිත්‍රපට පැමිණියා වගේම මෙවර නොවැම්බරයේ DCEU බැම්මේ හයිය තවත් වැඩිකරන Justice League (2017) චිත්‍රපටය පැමිණීමට නියමිතයි. Justice League මුලින්ම චිත්‍ර කතා අතරට එන්නේ 1960 වසරේ මාර්තු මාසයේ පැමිණි The Brave and the Bold #28  තුලින්. Gardner Fox විසින් තමයි මෙහි සියළු නිර්මාණ කටයුතු සිදු කරලා තියෙන්නේ.

  • යුක්තියේ ලීගය ඇවිල්ලා හරියටම අවුරුදු තුනක් ගත වුනාට පස්සේ තමයි Avengers පළමු චිත්‍රකතා මුද්‍රණය ජනතාව අතරට එන්නේ. Avengers ගැන අමුතුවෙන් කියන්න ඕන නැතුව ඇති. මොකද ඇනිමේෂන් සීරිස්, චිත්‍රපට වගේම සජීවි චිත්‍රපට දෙකක්ද පැමිණියා. ඊලග චිත්‍රපටය ලබන වසරේ තිරගත වීමට නියමිතයි. ඉතින් 1963 වසරේ සැප්තැම්බර් මාසයේ Jack Kirby අතින් මෙය සිතුවම් වෙලා Stan Lee අතින් ලියවිලා The Avengers #1 පළමු මුද්‍රණය හැටියට නිකුත් වෙලා තියෙනවා.

ඒ අනුව මුල් චරිත අනුකරණය කරලා චරිත බිහිවීම සම්බන්ධව මුල් අයිතිය ලැබෙන්නේ මාවල් කොමික් වලට.
Marvel Comics – 8                        DC Comics – 24

ඒ අනුව පැහැදිලි වෙනවා මාවල් කොමික් සමාගම තමයි වැඩි හරියක්ම චරිත අනුකරණය කිරීම් කරලා තියෙන්නේ කියලා. මෙතනම චරිත 24 ක්ම ඩීසි කොමික් සමාගම සතු චරිත.  මෙතන සදහන් කල චරිත වලින් ඩීසි කොමික් සමාගම අනුකරණය කලා යැයි සැක කල හැකි මට්ටම ඇවිත් තියෙන්නේ චරිත 8 ක් පමණි

. අනික තමයි තවත් පෙළක් චරිත තියෙනවා මාවල් සමාගම වෙනත් කොමික් සමාගම් වලින් අනුකරණය කලා යැයි කියන ඒවා. ලියනවනම් තවත් චරිත කිහිපයක් ඉතිරි වෙලා තියෙනවා. ඒත් මං නම් කියන්නේ අදට මේ ඇතියි කියලා. මං පැත්තක් අරන් අනික් පැත්තට බැන්නා කියලා නම් හිතන්න එපා. ඒත් මං කිව්වේ හුදෙක්ම නොදන්නා ඇයගේ දැනගැනීම සදහායි. 

 

කරුණාකර මෙහි අඩංගු තොරතුරු වෙනත් තැන් වලට උපුටා ගැනීමේදී කතෘ අයිතිය සුරැකීමට කෘතඥ වන්න.

චාමර සම්පත් (43 Posts)


21 thoughts on “මුල් චරිත අනුකරණයෙන් නව චරිත බිහිවීම

  • September 18, 2017 at 7:19 AM
    Permalink

    monawa kiwwath dc comics thama pattama…..hoda lipiyaka bro.tnx….mewage thawa ekk keruwanm hodai………emaaa

  • September 1, 2017 at 10:05 PM
    Permalink

    Samahara Marvel fans la aththa daraaganna baruwa oluwa wikaren dodawanabawa comments walin penawa.

  • August 29, 2017 at 3:51 PM
    Permalink

    Quick silverta kohomada bn flash gahanne?flashta uge city eka haraha yannath paya ganak yay..but quick silver kalayata sapekshawa wegen yay loke wate 1 sec walinn..X men balapu kenek nemeda manda oya

  • August 25, 2017 at 10:58 AM
    Permalink

    Wolverine කලින් ආවත් පස්සෙ අවත් ඌ තමා වැඩ්ඩා….

  • August 23, 2017 at 11:34 PM
    Permalink

    Guardian (1942) – Captain America (1941)
    New Teen Titans (1980) – Uncanny X-Men (1975)
    Kobra (1976) – Hydra (1965)
    H.I.V.E. (1980) – A.I.M. (1966)
    Commander Steel (1978) – Captain America (1941)
    Black Lightning (1977) – Electro (1964)

    මාවේල් පැත්තට මේවත් එකතු කරා නම්.

  • August 22, 2017 at 3:14 PM
    Permalink

    ලිපිය අනුව මාවල් ගොඩක් කොපි කරලා තියෙනවා. ඇත්ත ලෝකෙත් මාවල් තමා කොපි කරලා තියෙන්නේ. ඒත් චරිත කොපි කලත් නැතත් හරියට යුනිවර්ස් එක පිලිවෙලකට කරගෙන යන්නේ මාවල් විතරයි.

    කොච්චර සුපිරි චරිත තිබුණත් ඒවා ආයෝජනය කරලා DC වලට මාවල් වගේම සුපිරියටම ඉස්සරහට යන්න බැරි ඇයි? සල්ලි බැංකුවේ තිබුණට වැඩක් නෑනේ. වියදම් කරලා සුපිරි වැඩක් කරන්න ඕනේ. ඔතෙන්ටික් සුපිරි වීරයෝ DC වලට ඉන්නවා නම් ඇයි ඒවා එලියට දාලා හොද වැඩක් නොකරන්නේ?

  • August 22, 2017 at 12:31 AM
    Permalink

    patta lipiya saho. mama nam samahara aya gena ahala thibunema ne.

  • August 21, 2017 at 11:01 PM
    Permalink

    Godak de denagaththa. Niyamai lipiya. Thawa lipiyak liyanna arrow ganai batman atharai connection eka

  • August 21, 2017 at 9:15 PM
    Permalink

    ඩිසී වලින් මාර්වල් ගොඩක් චරිත කොපි කලාට, ඒ කොපිකරපු සමහර චරිත ඔරිජිනල් චරිත වලට වඩා ගැම්මකට තියනව… කොහොමත් කොමික් වගේ විශ්වයන් බැලුවම කැරැක්ටර්ස් මුලින් අවුට් කරපු සාධකය මුල් කරගෙන කැරැක්ටර් එකේ ගුණාත්මකබාවේ මනින්න බෑ…
    ඒ වගේම MCU එකත් එක්ක DC එකට තාම හැරෙන්නවත් බෑ….ඒ වගේම DCEU කොමික් එක්ක Marvel කොමික් වලට හැරෙන්නවත් බෑ….
    මන් පොදුවේ DC & Marvel කොමික් දෙකම කියවනව….(55% වගේ DC කොමික් වලට වැඩිපුර කැමති 😉 )
    පෝස්ට් එක නියමයි… කොහොම කිව්වත් චාමර DC එකට ටිකක් වැඩිපුර ඇදලා තියෙයි…

  • August 21, 2017 at 9:15 AM
    Permalink

    බැට්මෑන්ගෙ ගුරුවරු මේ අයනේ,
    ඔලිවර් කොහොමද බැට්මෑන්ගෙ ගුරුවරය වෙන්නෙ?
    Alfred
    Henri Ducard
    David Caine
    Zatara
    Ted Grant
    Kirigi
    The Gray Ghost
    Tsunetomo
    Chu Chin Li
    Shihan Matsuda
    Ra’s Al Ghul
    Ted Grant a.k.a. Wildcat

    ඇරත් බැට්මෑන් තමයි DC comics වල හොදම චරිතය.

    http://www.dccomics.com/characters/batman

    බැට්මෑන්ට පුලුවන් වැඩ වලින් බාගයක්වත් ඔලිවර්ට
    බැහැනෙ,

    https://www.quora.com/Who-is-better-Batman-or-Green-Arrow

    තව බැට්මෑන්ව කොමික් වලට ආවෙ 1939 මැයි වල ආපු Detective Comics #27 තුලින්.
    ඇරෝව කොමික් වලට ආවෙ 1941 නොවැම්බර් වල ආපු More Fun Comics #73 තුලින්.

    කොටින්ම DC Comics කියන නම හැදිල
    තියෙන්නෙත් Detective Comics කියන නමින්ම තමයි.

    තව බැට්මෑන් Ra’s Al Ghulගෙන් ඉගෙන ගන්න ගිහිල්ල තමයි තාලියා අල්ගුල් එක්ක
    ආදර සම්බන්දතාවක් හදාගන ඩේමියන් වෙයින්ව එහෙමත් නැත්තන් මට
    මතක හැටියට තුන්වන රොබින්ව
    (සමහරවිට දෙවන රොබින් වෙන්නත් පුලුවන්)ලැබෙන්නෙ.

    හැබැයි ඇරෝ (2012) ටීවී සීරියස් එකේ නම් ඇරෝට
    පොඩි පණක් දීල තියෙනව.

  • August 20, 2017 at 8:23 PM
    Permalink

    පොස්ට් එක නම් සුපිරි මචං….
    උබට මාර දැනුමක්නේ බන් තියෙන්නේ comics ගැන ….
    මන් සමහර චරිත මේ පොස්ට් එකෙන් බන් දැනගත්තේ….
    නියමයි මචෝ. දිගටම මේ වගේ පොස්ට් ඕන…….

  • August 20, 2017 at 7:24 PM
    Permalink

    I watched a video EXACTLY like this by SLMADE. What a coincidence !
    But thanx for the letter,good work.

  • August 20, 2017 at 3:33 PM
    Permalink

    ලිපිය නම් නියමයි.බොහොම ස්තූතියි

  • August 20, 2017 at 12:55 PM
    Permalink

    Smhra ewa wardi bro…
    Oliver batmant ugnnla nh.. batman nm Olivert ugnnl thiynw…
    Aquamant klin submariner awith thiyenne…
    One above all newei living tribunal kiynne.. a 2nna dennek..

  • August 20, 2017 at 6:44 AM
    Permalink

    mama ahala thiyanawa samahara dc comic liyala thiyenne stanlee kiyala

  • August 19, 2017 at 8:52 PM
    Permalink

    නියම
    මරු
    සුපිරි
    ලිපිය
    අනිත්
    ටිකත්
    ගේනකන්
    බලන්
    ඉන්නවා

  • August 19, 2017 at 8:46 PM
    Permalink

    පට්ටම ලිපියක් සහෝ. දිගටම මේ වගේ ලිපි ලියන්න.

  • August 19, 2017 at 12:58 AM
    Permalink

    කොටින්ම ඉතින් බැටාගේ ගුරුවරයාත් ඔලිවර්මනේ.

  • August 18, 2017 at 10:38 PM
    Permalink

    පට්ට…..
    suppa wadak machooooo……
    me wagee thwa awa dann….
    thanks……

  • August 18, 2017 at 9:37 PM
    Permalink

    බොහෝම ස්තුතියි සහෝ..පට්ටම ලිපිය….හැබැයි සහෝ මේකට බැනුම් අහන්න වෙයි හොදේ සෑහෙන්න. දන්නවානේ මා(ර්)වල් ෆෑන්ස්ලා… සංවේදී මිනිස්සු ඉන්නේ..!

Leave a Reply

Your email address will not be published. Required fields are marked *