සීසන් 7 පස්වෙනි එපිය ගැඹුරින් දකිමු

අද කොටස ගැන නම් හුඟ දෙනෙක් බලාපොරොත්තු රහිත පාටයි. ඒත් මම ඉතාම ආශා කරන කොටස් ලැයිස්තුවට මට මේ කොටස ඇතුළත් කරන්න පුළුවන්. සිද්ධියෙන් සිද්ධිය ගෙන හැර පාලා ඉතා දිගු විචාරයක් කරන්න අද බලාපොරොතු වෙන්නෙ නෑ. නමුත් සිද්ධාන්ත වශයෙන් විචාරය කරන්න හිතේ තියෙනවා. අද මේ කොටස තුළ මරණ සහ සටන් අඩු නිසා හුඟක් ප්‍රේක්ෂකයන්ට කම්මැලි වුණාට, තීරණාත්මක බොහෝ දේට අඩිතාලම වැටෙන්නෙ අද. ඒනිසා මං කැමතියි මේ කොටස දිහා පුළුල්ව බලන්න. අද දවස තුළ නාට්‍ය පුරා සෑහෙන බෝම්බ පිපුරුවා. ඒ ඔබ දැනුවත්ව වගේම නොදැනුවත්   වෙන්නත් පුළුවන්. ලෑස්තිද?

පළමුවෙන්ම අපි හැරෙමු, වින්ටර් ෆෙල් දිහාවට. ආර්යා ලෝර්ඩ් බේලිෂ්ගෙ ගැටයට අහුවුණා. සරලවම ලෝර්ඩ් බේලිෂ් වගේම මේ මොහොතෙ අපිත් ඒ විදිහට හිතමු. මේ ගැටය සන්සා පවා නොදැනුවත්ව ගහපු ගැටයක්. ඒත් සන්සා මේ මොහොතේ සම්පූර්ණයෙන් අහිංසකද? නැහැ. කොහෙත්ම නෑ. ආර්යා සම්පූර්ණයෙන්ම හිතන විදිහ හරි බව සන්සාගෙන් බැලුමෙන් තහවුරු වෙන තරමට, සන්සාගෙ මුහුණ සහ එහි ඉරියව් ඉතාම පැහැදිළියි. සන්සා අහිංසක නෑ. ඔහු කැමතියි ජෝන් මිය යනවාට. ජෝන් නෑවිත් ඉන්නවාට. ඇය ඇය සතු උරුමයට ආශා කරනවා. ඇයට කුඩා කල සිටිම අවශ්‍ය වුණේ රැජිණක් වෙන්න. ඈ දැන් නම නැතත් රැජිණ කියන සංකල්පය තුළයි ජීවත් වෙන්නෙ. ජෝන් මිය ගිය බවට එන එක කුඩා ආරංචියකින් මේ ලීගය තමා රජ කරවන බව දැන් ඇය දන්නවා. එය ඇයට තහවුරු නිසාම, ජෝන්ට එරෙහි ඔවුන් පවසන සියල්ල ඈ  සාධාරණීකරණය කරන ආකාරයෙන් නිහඬව ඉන්නවා. සන්සාට ජෝන් එක්ක ඔය තරම් තියෙන ගැටලුව මොකක්ද? ඒක ඉතාම සරලයි. ඔවුන් දෙදෙනා අතර කුඩා කල සිට යහපත් සම්බන්ධයක් ගොඩ නැගුණෙ නෑ. කැටලින් ටලී සමඟයි සන්සා වැඩිකාලයක් වැඩුණේ. ඇගේ සිතිවිලි ඈ හා බද්ධ වී තිබුණා. පසුව ඈ කින්ග්ස් ලෑන්ඩිං ගිය පසු ඈ දන්නා තරමින් ඈට සියල්ල නැති වුණා. ඈ සතුව යමක් තිබ්බා නම් උතුරට පැමිණි පසු ඒ සියල්ලත් අහිමි වූණා. ඈ ජොන් කරා යන්නේ, ඒ ඈට සිටි එකම නෑයා නිසා පමණයි. නමුත් මෙතනදී ජොන් සිටි තැන රොබ් සිටියා නම් තත්වය මීට වඩා වෙනස් වේවිද? ඇත්තටම නෑ. ඇය රිකොන් ව මැරෙන්න ඉඩ හැරියා. ඈ ජෝන්ට වේල් හමුදාව ගෙන්විය හැකි බව සැඟවූවා. ඈ රිකොන් රැම්සි ළඟ සිටින බව දැන දැනත් ඒ අවදානම ගත්තෙ පාලකයෙකුගේ හෝ ජයග්‍රාහකයෙකුගේ හෝ මනසින් මිස සහෝදරියක් ලෙස සලකලා නෙවෙයි. එමඟින් ඈ බලාපොරොත්තු වුණේ තම පියාගේ උරුමයට තිබුණු එකම ස්වජාත පුත්‍රයා කරළියෙන් ඉවත් කිරීම. එතැන් සිට ඈ කෙරෙහි මිනිස්සු එළඹෙතැයි ඈ විශ්වාස කළා. ඒත් මිනිස්සු ජොන් වෙත හැරවුණා. මේ අනපේක්ෂිත අවස්ථාව තුළ සන්සා කටවහන් හිටියා මිස, ජෝන් රජ වීම ඇගේ අවශ්‍යතාවය නොවේ. ජෝන්ගේ නික්මීම හා බලය ඇයට පැවරීම ඇය කෙතරම් ප්‍රහර්ශයට පත් කළාද වග ඔබට බලා ගන්න පුළුවන් අදාළ එපිය තුළදි.

සන්සා යනු බලයට ආශා කළ, එහෙත් එයම නොලැබුණු, ඒ නිසාම දුක් ලැබුණු කෙනෙක්. මේ මොහොතේ ලද බලය රැකගන්න ඇය ඕනෙ දෙයක් කරනවා. ඕනෙ පැත්තකට හැරෙනවා. ආර්යා නිතරම ජොන්ට ආදරය කළ නිසා සන්සාගෙ සිතිවිලි ඈට තේරෙනවා. ජොන්ට උතුරෙ රජකම රකින්නෙ ආර්යා. ඒත් සන්සා කොයි තරම් උපාය ශිලි වුණත් ලිට්ල් ෆින්ගර් තවමත් දක්ෂයි. සන්සා නිතරම කියන NOONE CAN PROTECT ME විය හැකි ආකාරය අපිට පැහැදිළියි. හැබැයි සන්සා රකින්නම නෙවෙයි ආර්යා මේ දේ කරන්නෙ, ආර්යා හදන්නෙ සන්සාගෙ බල බිඳින්න.කොහොම වුණත් සන්සා ආර්යාගෙ ලිස්ට් එකට මුලින්ම ආවා. නෙඩ් ස්ටාර්ක් නිසයි සන්සා ආර්යාගෙන් රැකුණොත් රැකෙන්නෙ. ආර්යා පුදුම සහගත ලෙස ජොන්ට ආදරය කරනවා. ඒ නිසාම ජොන්ට උතුරෙ සිංහාසනය රැකුණොත් ඒ ආර්යා නිසාම තමා. ලිට්ල් ෆින්ගර්ට සංකේත සිනමාව අනුව තමන් විසින්ම නියම කරගත් මරණයක් හිමි බව අපට පෙන්නුවෙ පළමු සීසන් එකේදිමයි. ඉතිං ඔහු මැරෙන විදිහ සහ දැරෙන දිනය ගැන කොයි තරම් ස්පොයිලර් තැන තැන තිබ්බත් නියම GOT රසිකයන්ට ඒවා වැඩක් නෑ. ඒ අය පළවෙනි සීසන් එකේ ඉඳං ලෝර්ඩ් බේලිෂ්ගෙ මරණය වෙන්නෙ තමන් විසින්ම යොදාගත් දෙයක් තමා වෙත කැරකීමෙන් බව දැන සිටියා. ඔහු නෙඩ්දෙසට වැලේරියන් තලය කරකවද්දි අවසානයේ එය එකම තැන කැරකවී, තලය නතර වුණේ ලෝර්ඩ් බේලිෂ් දෙසට. ආර්යා දුටු ලියුම සන්සා ලියන්නේ තමන්ගෙ පැවැත්මට. එ් බව ආර්යාට පැහැදීම ලේසි වෙයි කියලා නම් හිතන්න අමාරුයි.

අපි යමු රීච් කලාපීය බෝඩරයට. කොහොම හරි බ්‍රොන් සහ ජේමි ගොඩ එනවා..ඒක හැමෝම බලාපොරොත්තු වූ දෙයක්.එමඟින් ජේමි තවදුරටත් බ්‍රොන්ට ණය වෙනවා. හරි දැන් යන්නෙ..ඔව් ඔව් බාබර්ක්‍යූ පාටියට තමයි. අද වෙනකොට කට්ටියට ඩැනී කියන්නෙ ආදරේ කරපු නිසා අතෑරගන්න බැරි කෙනෙක් වෙලා කියලයි.. වෝල් බැලුවාම නම් පේන්නෙ.ඇත්තටම ඩැනී ගත්ත තීරණය හරිද? එය මානුෂික ක්‍රමයට ඉතාම වැරදියි. ඒත් මේ ඒගෝන් විසින් වසර තුන්සියයකට පෙර ආක්‍රමණය කරපු විදිහට වඩා ඉතාම සුමුදු ක්‍රමයක්. ඈ අඩු තරමෙ යටත් වෙන්න අවස්ථාව දෙනවා. යටත් නොවුණොත් මරනවා. ඒත් ලැනිස්ටර්ලා කට්ටිය මැරුවෙ, පාපෝච්චාරණය කරලා යටත් වුණාටත් පස්සෙ.එහෙම බැලුවාම ඩැනී හොඳයි. අනික සර්සි විසින් තමන්ගෙ හිත වාදීන්ට සහනයක් නොදුන් බවත් ඩැනී දන්නවා. ඒ නිසා යටත් නොවෙනවා නම් එය සර්සිට දැනෙන්න ඈ යමක් කළ යුතුයි. මේ කතාවෙ ඩිකොන් සහ රැන්ඩෙල් මැරෙනවා. (ඩිකොන් මැරෙද්දි මාව මතක් වුණා කියලා ගොඩ දෙනෙක් කිව්වා.. මං ඩාකොන්ට හරියට අනුකම්පා කළාලු..මං කියන්නං මං එහෙම කළේ ඇයි කියලා…) ඔවුන් මැරෙන්නෙ උද්දච්ච කම හා අභිමානය කියන දෙකම නිසා. මේ ජනපදයේ ආරක්ෂා වෙන්න උද්දච්ච කෙනෙකුට බෑ. ලොකු අභිමානයක් තියෙන කෙනෙකුටත් බෑ. තමන්ගෙ අභිමානය රැකගැනීම වෙනමම තියරියක් වුණ ලෝකයක් ඒක. හැබැයි ඔවුන් මිය යාම කතාවේ ඉතා වැදගත් ස්ථානයක්. මං ඩිකොන්ගෙ මිය යාම අපේක්ෂා කළ නිසාමයි  ඔහුට අනුකම්පා කළෙත්. ලස්සන කොල්ලා. ඒක පැහැදිළි කරන්න, මං කැමතියි මං කලිං දවසක කතා කරපු cripples , Bustards and broken things කියන තියරියට යන්න. මේ වෙස්ටරෝස් ලෝකෙ කවදාහරි ඉහළ එන්නෙ එහෙම අය. දැන් මුළු රීච් කලාපෙටම අයිතිය කියන්න ඉන්නෙ සැමුවෙල් ටාර්ලි පමණයි. ඔහු එය බාර නොගත්තොත් ඇගේ නැගණිය පමණයි. ඒ සශ්‍රීක කලාපයම අරාජික වුණා. ඔලෙනා සහ මුළු ටයිරෙල් පරම්පරාවත් ඔවුන්ගේ ප්‍රධාන අනු වංශය වූ රැන්ඩෙල් සහ එහි අනාගතය උරුම ඩිකොන් දෙදෙනා ත් මිය ගියා. දැන් සැමුවෙල් ටාර්ලි ලේ උරුමයෙන් රීච් අයිතියට බැඳෙනවා. ඔහුට අවශ්‍ය රාජ ආඥාවකින් කලු ලෝගුව අරින්න පමණයි. කොහොම වුණත් සිදුවන දේ ගැන ටිරියන්ට බියක් තියෙනවා. ඇගේ පාලනයම ඔහුට සංකා කූල බවක් දැනට ගේන්නෙ. ඒ ඇගේ ආක්‍රමණශීලි පැවතුම් නිසා. තවමත් කාසලි රොක් සිට අන්සලීඩ් හමුදා ගොඩ බිම් හරහා එමින් සිටිනවා. ඒ එක්ක පැරණි නගරයේ සිටිඩෙල් ආශ්‍රිතව ගිලී විසින් කරන සොයා ගැනීම තවමත් සෑම්ට එච්චර වටින දෙයක් නොවේ. විවාහයක් අවලංගු කර විවාහ වූ රගාර් කුමරු රේගාර් ටාගේරියන් විය හැකි බව  ප්‍රේක්ෂකයො හැමෝම පිළිගන්නවා. ඒ වගේම එයින් ජොන් තව දුරටත් බාස්ටර්ඩ් කෙනෙක් නොවන බවත් පේනවා. ඒත් ඒ කතාව දැනටම අපි දන්න දෙයක්. හැබැයි මට අර පඩි 15782 ගැන ලොකු ප්‍රශ්නයක් තියෙනවා. ඕක කොතැන හරි තවත් දෙයක් එක්ක සම්බන්ධ වෙන්න පුළුවන්. රේගාර්ගෙ කතාවම විතරක් නෙවෙයි අදාළ කතාව. කොහොම වුණත් සෑම් සහ ගිලී දෙන්නා දරුවාත් අරන් යන්න යනවා. ඒ වගේම සෑම් ඉතා වටිනා පොත් සෑහෙන ප්‍රමාණයක් සිටිඩෙල් වලින් හොරකම් කරගෙනයි යන්නෙ. ඒ වගේම තව සටහන් පත් ඉරු ගොඩකුත්. ගෙදර තියෙන පොත් ආයෙ තියන්න ආවෙ නැති නිසා, අලුත් පොත් ටිකකුත් ගමනට එකතු කරගත්ත නිසා සෑම් සැලකියයුතු පොත් ප්‍රමාණයක් හොරකම් කළ බවයි පේන්නෙ. ඒ සියල්ලෙම සෑහෙන දේකට අවශ්‍ය දැනුම තියේවි කියලා හිතමු. අනාගත රීච් නායකයා සෑහෙන විශාරදයෙක් වෙයි වගේ.

කින්ග්ස්ලෑන්ඩිං පැත්තට යමු. සර්සි තමන්ගෙ දරුවා මැරුවෙ ඔලෙනා කියලා දැනගත්තාම, ඔයිට වඩා නාට්‍යක් මං බලාපොරොත්තු වුණා. ඇත්තටම සර්සිට තරහ ඒ ටිරියන් නොවෙන එකටයි කියලයි මට හිතුණෙ. කොහොම නමුත් ඈ ලැනිස්ටර් වංශයක් ගැන බලාපොරොත්තුවෙන් ඉන්නෙ. අනාවැකිය අනුව එය අසාර්ථක වීමට වැඩි ඉඩක් තියෙනවා. ඒ වගේම සර්සිට ලැනිස්ටර් දරුවෙක්ට සිංහාසනය පාස් කරන්න බැරි කමකුත් තියෙනවා. සර්සි සිංහාසනේ ඉන්න වරම් ලබන්නෙ රොබට් බ්‍රැතියන්ගේ බිරිඳ වූ නිසයි. එහෙත් ඒ බිරිඳ ලබන වෙනත් දරුවෙකුට සිංහාසනය ලැබීමට පසුබිමක් නෑ. නමුත් රැජිණක් වල්ලභ කුමරෙකුට දාව දරුවෙක් හැදුවොත් ඒ දරුවාට සිංහාසනය පාස් කරන්න පුළුවන්. ප්‍රශ්නෙ තියෙන්නෙ කුමාරයා අයියා වීම වර්තමානය කුමන ආකාරෙන් ප්‍රශ්න කරාවිද කියන එකයි. පළමු එගොන් ගෙ පුතාගෙ අයිතිය ප්‍රශ්න වුණෙත් ඒ විදිහෙන්. අපි බලමු අනාවැකියෙ විදිහට, තව දරුවෙක් සර්සිට පල ගන්න පුළුවන්ද කියලා. ජේමිට නම් සතුටුයි. ඔහු ට පීතෘත්වය අභිමානයක් වගේම හීනයක්. ඔහු තමන්ගෙ දරුවන්ට නිතරම වුණේ මාමානෙ. ඒ වගේම කාලෙකින් ජේමිට තමන්ගෙ මල්ලිව හමුවෙනවා. ටිරියන්ව. එය ඉතාම වැදගත් වන්නේ, එමඟින් සටන් විරාමයකට බීජ වැපිරෙන නිසා. නමුත් අපිට තවමත් අස්ථිරයි මේ සටන් විරාමය කොයි අතකට සර්සි කරකවාවිද කියන කාරණාව. ඒ වගේම කින්ග්ස්ලෑන්ඩිං වලදි අපිට තවත් විරුවෙක් මුණ ගැහෙනවා.. ඒ තමයි ගෙන්ඩ්‍රි. සීසන් කිහිපයකට පස්සෙ ඔහුව අපි දකින්නෙ. ඔහු සර් ඩාවෝස් සමඟ ඉතා සතුටින් එන්න කැමති වෙනවා. එය එක්තරා ආකාරයක දෛවය ඔහුට සරදම් කිරීමක් කියලායි මට හිතෙන්නෙ. ඒ ගැන මම ඉදිරි ඡේදෙදි කියන්නම්.

දැන් අපි යමු, හැමෝම දත කට මැදං ඉන්න ඩ්‍රැගන්ස්ටෝන් දිහාට. ඇත්තටම ඩැනීගෙ අරමුණ වුණේ ජෝන්ව දණගස්සන්න. ඒකයි සතාව පැන්නුවෙ. ඒත් ජෝන්ගෙ වෙලාවට සතා දැනගත්තා කෙල්ල එන්නෙ මොකාටද කියලා.. ඔය ෆිල්ම් වල සත්තු සෙට් කරන කොල්ලො කෙලේලො වගේ තමයි මේ වෙලාවෙ මේ දෙන්නා. ඒ දෙන්නා මැද ඉඳලා මකරා යම් සම්බන්ධයක් මේ දෙන්නා අතරෙ ගොඩ නැගුවා. ඒක මකරා දෙන්නා දිහා දාන හුරතල් බැල්ම දැක්කාම පේනවා. දැන් ඩැනී ජොන්ට යම් කිසි විදිහකින් ගරු කරන්නත් ආදරේ කරන්නත් පටන් අරං කියලා පෙනෙනවා. ජොන් යම් කිසි ඝං ඉස්සීමක තමයි පහු ගිය ටිකේ හිටියෙ. හැබැයි දැන් ජෝන්ට කතාවෙ තරඟකාරයෙක් ඉන්නවා. අද උණු උණුවෙම ආපු සර් ජෝරා තමයි ඒ තරඟ කරු. හැබෑවටම ඩැනීට දෙයක් ඒත්තු ගන්වන්න යම් හැකියාවක් තියෙයි කියලා ටිරියන් සහ වේරිස් හිතුවෙ, ජොන් ගැන නම් තව විකල්පයක් දැන් ලැබිලා තියෙනවා. ඒ තමයි සර් ජෝරා. ජොන් ජෝරා දිහා පළමු බැල්මෙන්ම බැලුවෙ පොඩි ඉරිසියාවකින්. දෙදෙනා වැළඳ ගන්න මොහොතෙ ජොන්ගෙ මූණ බලන්න ලස්සනයි. හොඳ වැඩේ කෙල්ලන්ට ඕනෑවට වඩා ගණං දානවාට මෝඩයා.  දැන් ජොන් තරඟයට බැහැලා ඉන්න බවක් හරියට කතාව බලපු අය දන්නවා. ජොන් සහ ජෝරා ගෙන් කෙනෙක්ව තෝරාගන්න වුණොත් අපහසුවට පත්වෙන තරමට මේ පිරිමි පරාණ දෙකටම ඇලුම් කරන බවක් ඩැනීගෙන් පෙනෙනවා. ජෝරා වයිට් කෙනෙක්ව ගේන්න පැනලා ඉදිරිපත් වෙද්දි, ඒක සැණින් නිශ්ක්‍රීය කරන්න ජොන්ට පුළුවන් වෙනවා. ඩැනී පොඩ්ඩක් එතනදි ගර්ල් පවර් ගන්න හදන්නෙ හැබෑටම ජෝරාට වඩා ආදරයක් ජොන් ගැන ඈට තියෙන නිසා. ඒක ආකර්ෂණයක්. වෙස්ටරෝස් වලින් සුදුසු විවාහයක් කරගන්න ඈ බලාපොරොත්තුවමයි මෙහි ආවෙ. ඒකයි ඈ ඩාරියෝ නහාරිස් ව අත්හැරලා ආවෙ. ඉතිං ඇගේ පුංචි මොළේට තේරෙනවා, මේ ඉන්නෙ මේ අවස්ථාවෙ විවාහ වෙන්න සුදුසුම තනිකඩයා කියලා. ඉතිං ඈ ඔහුට දැන් මෘදුව සලකනවා.  තව දෙයක් කියන්නම ඕනෙ අවසාන සමුගැන්මෙ ඩැනීගෙ දෑත් ජෝරා සිප ගන්නෙ ජෝන්ට පේන්නමයි. මේවා තමයි ලව් පොලිටික්ස් කියන්නෙ. කොහොම හරි.. ජෝරා කාලෙකින් ඇවිත් ඩැනීව ඩිංගක් කඩා ගත්ත එක්ක ප්‍රේක්ෂකයන්ට දිරවන්නෙ නෑ.. මට කොහෙත්ම දිරවන්නෙ නෑ.. ඒ වගේම ෂොට්ස් වලින් තව දෙයක් රීඩ් කළ හැකි. ජෝරා යන ගමනේ ඩැනී දිහා හැරිලා බැලුවාට.. ඩැනී බලාගෙන ඉන්නෙ ජොන් දිහා. ඈ තව දුරටත් bend the knee විකාරෙ කරන පාටක් නෑ වගේ. ඈ මේ මොහොතෙ ජොන්ට බොහෝ කැමති බව ටිරියන්ට පවා තේරුණා. මිසන්ඩෙට බඩේ අමාරුවක් හැදිලාද මන්දා නොහිටියෙ.. ජොන්ට ආර්යා සහ බ්‍රැන්ගෙ පැමිණීමෙන් සතුටු වෙන්න බැරි තරමට ඔහුට මේ මල හමුදා ප්‍රශ්නෙ ප්‍රබලයි. ජොන් ගෙන්ඩ්‍රි හමුවත් සුන්දරයි. බදාගන්න දෙන්නා කලින් දැන හිටියෙ නෑ. ඒත් දැන් දෙන්නා හිතවත් තාත්තලාගෙ පුතාලා වුණාට.. හැබෑවටම ජොන්ගෙ තාත්තාව ගෙන්ඩ්‍රිගෙ තාත්තා මැරුවා. දෛවය හරියට සරදම් කරනවා නේද?

ඒ වගේම තව වැදගත් දෙයක් තමයි,  ජොන් කරන ප්‍රකාශය වෝල් එක ළඟදි. අපි හැමෝම එක පැත්තක. දැන් කොයි තරම් තරහවල් කොයි තරම් ප්‍රශ්න එක්ක හිටියත් අපි හුස්මගන්නවා.  අපේ සතුරො හුස්ම ගන්නෙ නෑ කියන දේ පැහැදිළිව ජෝන් කියනවා. අපිට ලබන සතියෙ ලස්සන සටන් ටිකක් බලන්න පුළුවන් වෙයි කියලා මම විශ්වාස කරනවා. අපි බලා ඉමු. ඒ වගේම දුන් හාදු වලට වඩා නොදුන් හාදු බරපතල නිසා ඒ හාදුවල තැවරුණු ආදරය ඉක්මනින්ම මතු වේවි… හෙණ රොමෑන්ටික් නේ.. 😀 



ඉතිං අදට විචාරය මෙච්චරයි.. තරිඳු අයියාගෙ උණු උණු රිවීව් වීඩියෝ එක ඇවිත් තියෙනවා. ඒක පුළුවන් තරම් ෂෙයාර් කරනන්න.. කමෙන්ට් කරන්න. ඒක නරඹන්න කියලා ආරාධනා කරනවා. මොකද ඒ වගේ දේවල් නිර්මාණය කරන එක ලේසි නෑ. අනික තෑගිත් දිනන්න පුළුවන්ලු. ඒ අය කැප කරන කාලයට අපි කෘතගුණ සලකන්නම ඕනෙ.  රොයිලි අයියත් නිදිමරාගෙන තමයි ඔයාලාට උපසිරසි ගේන්නෙ. ඒ නිසා ඒවා බාගන්න අතරෙ කමෙන්ට් එකක් දාන්න. ඒක එයාලාට සතුටක්. ඒ වගේම සමහර ප්ලේයර්ස් වල බලද්දි, උපසිරැසි ලොකුවට පෙනෙන එක කරදරයක් නම්, රයිට් ක්ලික් කරලා Subtitle setting ගිහිං පොඩි කරගන්න. නම ලොකුවට පේනවා කියලා තරහ ගන්න එපා. උපසිරැසියක් කරන එක ලේසි වැඩක් නම් නෙවෙයි. වෙනදා වගේ මගේ ලිවිල්ල නිසා කට්ට කන තිසර සහ චාමර සම්පත් මල්ලිලාටත් ගොඩක් පින්.


ගිහිං එන්නං.. සුබ දවසක්! තව එකකින් හමුවෙමු.

ඇයි බ්‍රොන් රත්තරං මල්ල විසි කළේ? 

 

 

 

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

නෙරංජි සුලක්ඛනා (33 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

neranji has 33 posts and counting.See all posts by neranji

27 thoughts on “සීසන් 7 පස්වෙනි එපිය ගැඹුරින් දකිමු

  • August 27, 2017 at 8:14 PM
    Permalink

    Review eka nm fatta sis..digatama me wage review upload karnna…

  • August 17, 2017 at 1:39 PM
    Permalink

    බොහොම ස්තූතියි

  • August 16, 2017 at 9:26 PM
    Permalink

    Niyamai akke

  • August 16, 2017 at 8:36 PM
    Permalink

    tirian saha tagerian athara smbande peddak pehedili karandoo. Lipiya niyamai digatama karan yamu. Mata hithenne asor ahai wenne jaimi thamai. Oyata ehema hithenne nedda??

  • August 16, 2017 at 7:07 PM
    Permalink

    ලීක් වෙච්ච එකට සබ් දෙයිද අක්කේ

  • August 16, 2017 at 3:05 PM
    Permalink

    niyamai sis thnx

  • August 16, 2017 at 1:19 PM
    Permalink

    Monwa unath kmak na. Plz sudu kellawa marila palayan. Natthm ara jhon karaya anath wenwa.

  • August 16, 2017 at 8:40 AM
    Permalink

    බොහොම ස්තූතියි sis…..

  • August 16, 2017 at 7:47 AM
    Permalink

    niyamai.. thanks

  • August 15, 2017 at 10:40 PM
    Permalink

    supirima review ekak..
    thank you sis……….

  • August 15, 2017 at 3:25 PM
    Permalink

    නියමයි රිවීව් එක. දිගටම මේ වගේ ලිපි දෙන්න.

  • August 15, 2017 at 11:28 AM
    Permalink

    මමත් හිතන්නේ මේ එපිය කරුනු කාරන පැහැදිලි කරපු එපියක්.
    අර්යා බෙලිශ්ගේ ගැටෙට අහු නොවි ඉන්නවනම් හොදයි.
    ඒත් පොර තරම ගැණුන්ව නටවපු එකෙක් නෑ මේ කතාවේ.
    ඉතින් හිතන්න අමරුයි අහුනොවි ඉදි කියලා.
    සන්සා ලියපු ලියුම හම්බ උනා.ඕනා අය කියවන්න.
    ගොඩක් ස්තුතියි සිස් !!!!

    Robb, I write to you with a heavy heart. Our good king Robert is dead, killed from wounds he took in a boar hunt. Father has been charged with treason. He conspired with Robert’s brothers against my beloved Joffrey and tried to steal his throne. The Lannisters are treating me very well and provide me with every comfort. I beg you: come to King’s Landing, swear fealty to King Joffrey and prevent any strife between the great houses of Lannister and Stark.

  • August 15, 2017 at 9:34 AM
    Permalink

    thnquu akki..api oyla denngma review blnwa kywnwa..
    thnqu so much..
    oyta jaya…

  • August 15, 2017 at 9:17 AM
    Permalink

    love සීන් එකකකුත් තිබිල කියලා මීටර් උනේ දැනුයි.,, 🙂

  • August 15, 2017 at 8:37 AM
    Permalink

    ලිපිය නම් නියමයි…
    ටාලි පරපුර ගැන කියද්දි , සෑම් තාම දන් නෑ පොරයගෙ තාත්තටයි , සහෝදරයටයි වුණ දේ.. ඒත් මේක දැනගත්තම සෑම්, ඩැනී අතර අවුලක් ඇති වෙන්න බැරි කමකුත් නෑ. මට නම් හිතෙන්නෙ.. සෑමා මොනා උනත් පවුලට ආදරේ කලා.. රැන්ඩල්ට කෙසේ වෙතත් උගෙ සහෝදරයට ආදරේ කලා… ඒක නිසාම සෑම් ඩැනීගෙයි ජෝන්ගෙයි පලහිලව්වකට වුණත් වැඩි අකමැත්තක් දක්වන්න ඉඩ තියෙයි…. අනික සෑම් කියන්නෙ ජෝන් ගොඩක්ම ආදරේ කරන කෙනෙක්නෙ.. ජෝන් සෑම් කියන දේවල් මායිම් නොකර ඉන්නෙත් නෑ….

  • August 15, 2017 at 7:19 AM
    Permalink

    Thanks

  • August 15, 2017 at 6:29 AM
    Permalink

    කාස්ට්ලි රොක් ගැන වැ⁣⁣ඩි කතාවක් පෙන්නුවෙ නෑ.මට හිතෙනව න grey worm ge අන් සලි⁣ඩ් හමුදාවට සර්සි ලොකු damage ekak karai කියලාමේ සීසන් එකේ..යූරොන් එක්ක වයිල්ඩ් ෆයර් පාවිච්චි කරයිද ලැනිස්හටර් හමුදාවත් අඩු එකේ ??

  • August 15, 2017 at 5:29 AM
    Permalink

    Tanks

  • August 15, 2017 at 3:43 AM
    Permalink

    thanks akke jaya wewa!!

  • August 15, 2017 at 1:08 AM
    Permalink

    බොහෝම ස්තුතියි ලිපියට

  • August 15, 2017 at 12:44 AM
    Permalink

    නියම රිවීව් එක අක්කෙ

  • August 15, 2017 at 12:38 AM
    Permalink

    GOT gana igenagannawata wada love gana igena ganna puluwan akkage ada review eken :v

  • August 15, 2017 at 12:25 AM
    Permalink

    Thanz akke.. aththatama akkage lipi godak watinawa GOT balana ayata . Thnz agn.

  • August 14, 2017 at 11:29 PM
    Permalink

    Ikmantama review eka genawata thanks akke. Jayawewa!

  • August 14, 2017 at 11:00 PM
    Permalink

    Bohoma sthuthi akke niyama lipiyak digatama liyann mona unath jon ge lokuseen damillatanam man kamathi kollek unahama ehema wenna one ne . Ithin baiscope team ekatath thanx jaya wewa

  • August 14, 2017 at 10:47 PM
    Permalink

    Hamadama wagema godak hoda lipiyak.next week eke episode eka enakan iwasumak na dan.jayen jaya sis.

Leave a Reply

Your email address will not be published. Required fields are marked *