ඇයි මිනිස්සු GOT බලන්න ආසා කරන්නෙ? සහ NO ONE ,වැලේරියන් වානේ හා තෙඇස් ද්‍රෝණ කාකයා ගැන තොරතුරු

ඇත්තටම අද මම Game of Throne සම්බන්ධව ටිකක් පැතිරුණු දේවල් කිහිපයක් සාකච්චා කරන්න හිතුවා.
ඒත් ඒ හැමදේටම ඉස්සරින් පුංචි වෙලාවක් අරගෙන පොඩි කතාවක් කියන්න තියෙනවා. Game of Throne කියන්නෙ, සාමාන්‍ය කතා මාලාවකට වඩා ප්‍රේක්ෂක ජනතාව අතරෙ උන්මාදයක් ඇති කළ කතා මාලාවක්. ඒක ලංකාවට විතරක් නෙවෙයි. මුළු ලෝකයටම පොදුයි. ඉංග්‍රිසි දන්න නොදන්න බොහෝ දෙනෙක් ඉන්නවා මේ වසර හත පුරා Game of Throne කියන කතා මාලාව ඉතා ආදරයෙන් වැළඳ ගත්ත. මිනිස්සු Game of Throne කතා මාලාවට එච්චර කැමති වුණේ.

අපේ ලෝකෙ ඇල වෙච්ච බෝලයක් වගේනෙ. මං හිතන්නෙ ඒක හැමෝම දන්න විද්‍යාත්මක කාරණාවක්. ඉතින් මේ ලෝක කොතන ඉන්න කාගෙ වුණත් අයගෙන් කිරි කෑ මුත්තා ගෙ කිරි කෑ මුත්තා දරුණු දඩයක්කාරයෙක්. කවුද කිරි කෑ මුත්තා කියන්නෙ කියලා දන්නෙ නැත්තං ඒ තමයි හත් මුතු පරම්පරාවෙ හත් වෙනියා. අත්තා,මුත්තා, නත්තා, පනත්තා, කිත්තා, කිරිකිත්තා , කිරි කෑ මුත්තා. ඉතිං කිරි කෑ මුත්තාගෙ කිරි කෑ මුත්තා කියන්නෙ පරම්පරා දහ හතරකට එහයින් ආපු ජාන වලටයි. ඒ ජාන වලින් බිංදුවක් වත් තවමත් අපේ ඇඟ අස්සෙ නැහැ කියලා කියන්න අමාරුයි නේද? හිංසාව වෙනුවෙන් වෙන හීනි ආශාවක් අපි කාගෙ කාගෙත් යටි හිත් ඇතුළෙ තියෙන්නෙ මේ පැරණි මුතුන් මිත්තන්ගෙ ලේ අපේ ඇඟ ඇතුළෙත් දුවන නිසයි . හැබැයි මල්ලියෙ අයියෙ නංගියෙ අක්කෙ, අපි හෝමෝ සේපියන් සේපියන් වුණාට පස්සෙ ටිකක් වෙනස් වුණා. ඒක යහපත් පැත්තක්. සදාචාරාත්මකව ටිකක් හොඳ ගුණයක්. ඒ තමයි අපි දඩිං බිඩිංඩෝං ගාලා හින්සා නොකරන එක. බොහෝ වෙලාවට හිංසාවට හේතුවක් දැන් අපේ හිත් හොයනවා. නිකරුණේ මරා ගැනීමත් මිනිස්සුන්ට එපා වුණ දවසක් ආව නිසයි සංස්කෘතිය කියන දේ බිහිවුණේ. හැබැයි තවමත් අර පරණ ජාන ඇඟ ඇතුළෙ කැකෑරෙන නිසා හේතුවක් සහිතව හරි හිංසාවෙන් අපිව සතුටට පත් කරන්න පුළුවන් කම තියෙනවා. ඉතිං ආදී දඩයක්කාරයා අපේ ලේ වල ජීවත් වෙනතුරුම මම ඔයා අපි ඇතුළු සෑම මනුස්සයෙක්ම මිනිස්සු මැරෙන කතා, සත්තු මැරෙන කතා දකින්න ආශා කරනවා. ඒකෙන් මිදෙන්න අපිට බෑ.

ඒ වගේම, Game of Throne කියන්නෙ Episode එකෙන් Episode එකට එක පෙළට මිනි මරාගන්න කතාවක් විතරක්ම නෙවෙයි. ඒ මුළු කතාවම බල අරගලයක් පිළිබඳව වූ ෆැන්ටසියක්. වෙනත් නම්, වෙනත් නගර, වෙනත් පුද්ගලයන් ඇසුරෙන් අපේම ලෝකයේ අතීත වර්තමාන අනාගත දේශපාලයේ බල අරගලයේ සංස්කෘතික ගැටුමේ කතාව අපටම වෙනස් ආරකින්, වෙනස් කාලරාමුවකින් පෙන්වන්නට මේ කතාවෙ නිර්මාණකරුවො සමත් වෙනවා. Game of Throne බොහෝ ප්‍රේක්ෂකයන් ඇද බැඳ ගැනීමට බලපෑ ලොකුම හේතුව අන්න ඒකයි

හැබැයි යාඵවෙ අපේ ලෝක දේශපාලන බර අරගලය එක්ක මේ ෆැන්ටසි ලෝකෙ අපි කොච්චර සමාන්තර කරන්න හැදුවත් අපට තියෙන ප්‍රශ්න වලට වඩා වැඩියෙන් එක ප්‍රශ්නයක් ඔවුන්ට තිබෙනවා කියලා අමතක කරන්න නරකයි. ඔවුන්ට පොදු සතුරෙක් ඉන්නවා. ඒ නිසා ඒ බල අරගලය ඕනෑම අතකට පෙරලීමේ හැකියාව හැම මොහොතකම පවතිනවා. මේ කතාවේ අපේ බල අරගලයේ කතාවට වඩා සුන්දරත්වයක්, කුතුහලයක් එකතු කරන්නෙ එතැනයි. අපිට එනවා එනවා කිව්වාට තාම පිටසක්වල ජීවියෙක් වත් Attack කළේ නෑනෙ. කොටින්ම දේශගුණික බලපෑම් වුණත් මෙහෙම Attack කළේ නෑනෙ. ඉතිං අපිට මේ කොටස පොඩි නැවුම් ගතියක් තියෙනවා.

එක එක වංශවත් පවුල් එකම රෝදයක එකා එකා පසු පස උඩ යමින් යට යමින් පෙරළෙමින් සිංහාසනයෙ ඉඳගන්න තරඟ කරනවා. මේ පවුල් වල ඛේදාන්ත එක පිට එක තියලා ඉණිමං ගොඩ නගන මිනිස්සු අස්සෙන් යම් දිනක ඒ මහා රෝදය පවා සුණු විසුණු කර බිඳ දමන්නට හැකි මහා බලවේගය සීතල අන්ධකාරෙ ශක්තිමත් වෙමින් තියෙනවා.

මේ තමයි.. මේ කතාවෙ හරය.
මේ වාගෙ ටෙලිකතාවක් නිර්මාණය කිරීමේ එක් අරමුණක් විදිහට ඉතිහාසයට අනුගත කළ හැකි ෆැන්ටසි කතාමය ස්වරූපයෙන් වර්තමාන බල අරගලයේ තිබෙන ප්‍රබලතා හා දුබලතා මිනිස්සුන්ගෙ අභ්‍යන්තරයට කාවැද්දීම හඳුන්වා දෙන්න පුළුවන්. විශේෂයෙන්ම පාලනය කියන කාරණාවෙදි, ආගම්, සංස්කෘතිය, ආර්ථිකය මෙන්ම, සදාචාර රාමුව කරන කාර්ය භාරය, මෙහිදී ඉතා හොඳින් කතා කෙරෙනවා. ඒ වගේම, ස්ත්‍රී පුරුෂ දේශපාලනය ගැන සැලකිය යුතු මට්ටමේ උනන්දුවක් කතාව නිර්මාණය කරන්නන් තුළ නිරන්තරයෙන් තිබෙනවා. මාතෘවාදි සමාජය පිළිබඳ අතීතයේ පැවති දෙයක් වුණත් පීතෘ මූලික සමාජ නිසා ඒ සංකල්පය බොහෝ කාලයකට පෙර යට ගියා. ඒත් මේ ෆැන්ටසි විශ්වය හරහා නැවත ඒ මාතෘවාදී ආකල්පය සමාජ ගත කරද්දි පුරුෂ මූලික සමාජ වල ඉන්න අපේ කාන්තාව මේ වාගේ ෆැන්ටසි කතා වලට බොහොම වේගයෙන් ආශක්ත වෙනවා කියලාත් කියන්නම ඕනෙ. ගැහැණිය පාලනය තමාට අයිති දෙයක් බව සලකන්නට පිරිමියා තරමටම කැමතියි.

ඒ වගේම, සොම්බි වරුන්ට, මකරුන්ට, මායාවන්ට , දිවැසි වරුන්ට මිනිස්සුන්ගෙ තියෙන හැම කැමැත්තක්ම එක නාටක මාලාවකින් එක්වර සංසිඳවීම මේ නාට්‍ය නිර්මාණ කරුවන් මෙන්ම මේ කතාවෙ නිර්මාණ කරු වූ GRRM ගෙ ලොකුම දක්ෂතාවය කියලයි මං හිතන්නෙ. අපි පුංචි කාලෙ ඉඳන් ආසාවෙන් කියවපු හාන්ස් ක්‍රිස්ටියන් ඇන්ඩර්සන් ගෙ, ග්‍රිම් සොහොයුරන්ගෙ සුරංගනා කතා වල වගේ, Game of Throne වලත් වීරයො සහ දුෂ්ටයො ඉන්නවා. හැබැයි දුෂ්ටයන්ට එක තීරණයකින් සැණෙකින් වීරයෙක් වෙන්න පුළුවන්කම මේ කතාවෙ තියෙනවා කියලාත් දන්නවා. ඒ වගේමයි වීරයෙක් දුෂ්ටයෙක් විය හැකි වේගයත්. ඉතිං මිනිස්සු ආසයි එහෙම කතා වලට. ඔයාලා මම කැමති දේවල් ම සිද්ධ වෙන ලස්සන සුරංගනා කතාවක් නොවුණත් , අන්තිමේ හැමෝම සතුටින් බොහෝ කල් ජීවත් වුණ අවසානයක් ගැන මේ කතාවට මූලික වෙන Song of Ice and Fire ලියන ජෝර්ජ් ආර් ආර් මාටින් අදහන්නෙ නැති වුණත් අපි හරියටම එක දෙයක් මේ කතාවෙ දන්නවා.
ඒ තමයි තමන් ඉටු කරන්න ආපු කාරණාව ඉටු කරලා ඉවර කරන තුරු. තමන් දැන ගන්න වුවමනා කරන සියල්ල දැනගන්න තුරු මේ කතාවෙ හැම චරිතයක්ම වගේ ජීවත් වෙනවා. හැබැයි එහෙමයි කියලා ඒ අයට එයාලාගෙ සිහින හෝ බලාපොරොත්තු ඉටු කරගන්න නම් ලැබෙන්නෙ නෑ.
මේ පොඩි කතාව අන්තිමේ මට කියන්න තියෙන්නෙ මෙච්චරයි. දුෂ්ටයො කොයි තරම් හිටියත්, ඒ දුෂ්ටයන්ව විනාශ කරන හැටි අපිට කියාදෙන නිසා පුංචි කාලෙ ඉඳලා අපි කතා වලට ආසා කළා. හැබැයි Game of Throne කතාවෙ දුෂ්ටයා හරියටම කලුත් නෑ.. හරියටම සුදුත් නෑ. ඉතිං ඔයාලා ආසා කරනවා නං ආසා කිරීමත්, ආසා නොකරනවා නං අතෑරීමත් ඔයාලාගෙ Choice එක. ඒත් ඒක එහෙමයි කියලා, ඒක ආසාවෙන් නරඹන අයට යම් කෙනෙක් හිනා වෙනවා නම්, ඒක ඒ හිනාවෙන අයගෙ අනුවණ කම පමණයි. මේ වගේ කතාවකට ආසා වෙන එක ඉතාම සාමාන්‍යයි.

හැබැයි GoT බලන අය මාර පොෂ් කියලා හිතං කාගෙ හරි රස වින්දනයට හිනාවෙනවා නං ඒ අය සමානවම අපිත් හරි අනුවණ මිනිස්සු වෙනවා.
එක් එක් සංස්කෘතින් වල බිහි වුණ එක් එක් සිතිවිලි පරම්පරාවන් විසින් උත්පාද කරපු නිර්මාණයන් දෙකක් හෝ කිහිපයක් කුමන කරුණක් අරඹයා හෝ සාපේක්ෂ තලයක තබා කවුරු හරි ගුණ දොස් තර්ක කරන්නේ නම්, ඒක ඒ විචාරන්නගෙ මෝඩකම. රසවින්දනය මනින්නෙ යාලුවෙ ඒක පුද්ගල හදවත් තු‍ළින් යමෙකුගේ හදවතින් ඔහුගේ හෝ ඇයගේ රසය ප්‍රදර්ශනය වීමේ ගැටලුවක් කිසිවෙකුටත් නොතිබිය යුතුය. කෙනෙකුගේ ෆැන්ටසිය තවත් කෙනෙකුගෙ ෆැන්ටසියක් නොවීම දෙදෙනාගෙම වරදක් නොවේ. ඕනෑම පණ ඇති ප්‍රාණියෙකුට වෙන අයෙකුට බලපෑමක් නොවෙන ලෙස කැමති ආකාරයකින් තමන්ගේ සතුට විඳීමට අයිතිය තියෙනවා.

වචන 1000 ක් පිරෙන්න බණක් play කළා කියලා නම් හිතන්න එපා ඔන්න. මේ facebook home page එකේ පහළට යනකොට යනකොට දකින ස්ටේටස් දැක්කම පොදු මධ්‍යස්ථ මතයක් ලියා තියන්න හිතුණ නිසා මෙහෙම ලිව්වෙ. මං හිතනවා කාගෙවත් හිත නොරිදෙන්න ඇති කියලා. ඇත්ත ටිකක් තිත්තයිනෙ. දැන් අපිට තියෙන්නෙ අපේ වැඩේට බහින්න….



අද කතා කරන්න යන මාතෘකා ටික ගැන මුලින් කෙටියෙන් කියලා ඉන්නම්.
පළවෙනියටම මම කතා කරන්න සූදානම් වෙන්නෙ NO ONE ලා ගැන, ඉන්පස්සෙ හුඟ දෙනෙක් විස්තර අහන වැලේරියන් වානේ ගැනත් කතා කරන්න හිතා ඉන්නවා.
ඒ විතරක් නෙවෙයි තෙඇස් ද්‍රෝණ කාකයා හෙවත් THREE EYE REVEN ගැනත් අද කතා කරනවා. ඒ හා සමගාමීව Bran Stark ගැනත් අද කතා කරනවා.

-NO ONE-
මුලින්ම මේ නෝවන් ලා එහෙම නැත්තම් මුහුණු නැති මිනිස්සු ගැන පොඩි ඉඟියක් අපිට ලැබෙන්නෙ, විසේරිස් ට ඩ්‍රොත්‍රැකි කාන්තාවක් වන ඩොරීයාහ් ලබා දෙන නාන බේසම් සත්කාරයේදි. ඒ ගැහැණිය කියනවා ඇය දැක්කා කියලා.. ඇඳුම් මාරු කරනවාට වඩා වේගයෙන් මුහුණු මාරු කරන මනුස්සයෙක්ව.

“I’ve seen a man who could change his face, the way that other men change their clothes.”
―Doreah

ඒක පුංචි මැජික් එකක් වගේ කතාවක් කියලා තමයි ඒ වෙලාවෙදි විසේරිස් අපි කවුරුත් බැහැර කළේ. හැබැයි ඊට සීසන් එකකට පස්සෙ අපිට කින්ග්ස් රෝඩ් එක දිගේ කින්ග්ස් ලෑන්ඩිං වල ඉඳලා උතුරෙ මහ ප්‍රාකාරය වෙත යන පිරිවර එක්ක හිටපු ජැකන් හෙගාර් ව හමු වෙනවා. ඔහු එක් එක් ක්‍රම වලින් ආර්යාව බේරගෙන ආර්යා හා ගෙන්ඩ්‍රි සමඟ හොට් පයි ට පිටවී යන්න උදව් කළ අවස්ථාවෙ ඈට යකඩ කාසියක් දෙනවා. ඈට ඔහු වචනයක් උගන්වනවා. “ වලාර් මොගුලිස්“ . ඒ වෙලේ තමයි අපි දකින්නෙ හැබෑවටම මුහුණු මාරු කරන මිනිස්සු වර්ගයක් ඉන්නවා කියලා, මේ කතා කරන විශ්වයේ. අපි දැන් කතා කරන්නෙ හරියටම මේ කවුද කියන කරුණ ගැනයි.

සරලවම No one කියන වර්ගයට අදාළ faceless men කියන මිනිස් සමූහය අයිති වන්නෙ එක් තරා ඝාතන කණ්ඩායමකට. මොවුන් දේශපාලනික පාතාලයක් ලෙසින් ක්‍රියාත්මක වෙන කල්ලියක්. හැබැයි ඒ කල්ලිය ආගමික පදනමක් තියෙනවා. වෙස්ටරෝස් එසෝස් යන මහද්වීප දෙකේ, කොයි තැනක මේ අය ඉන්නවාද කියලා හරියටම කියන්න අමාරු මේ අයට මුහුණු මාරු කර, වෙනත් කෙනෙක් බවට සම්පූර්ණයෙන්ම වෙනස් වෙන්න පුළුවන් නිසයි.
හැබැයි මේ අයගෙ ඇරඹුම් ස්ථානය ලෙස අපිට බ්‍රාවොස් හී හවුස් ඔෆ් බ්ලැක් ඇන්ඩ් වයිට් කියන ආරාමය පෙන්වන්න පුළුවන්. ඒ ආරාමය කැප කරලා තියෙන්නෙ බොහෝ මූණු ඇතැයි සැලකෙන දෙවියෙන්ට. Many Face God ට. මේ දෙවියන් ඉදිරියේ මරණයට පත්වීමට එක් තරා motivation එකක් මිනිස්සුන්ට ලැබෙනවා කිව්වොත් තමයි වඩාම හරි. ඒ නිසා තමන් පව් කළ බව සිතන, දුක් විඳින බව සිතන සමහරු මෙතනටම ඇවිත් තමන්ගෙ කැමැත්තෙන්ම පවා තමන්ගෙ දිවි මේ දෙවියන්ට කැප කරනවා. මේ සංවිධානය වැලේරියාවෙ විනාශයටත් පෙරයි ඇති වුණා කියලා කියන්නෙ. ඒ කාලෙ වහල් හිමියන් ඒසෝස් දිවයින් වල පතල් කණිමින්, ගරමින් සෑහෙන තරම් දුක් වහලුන්ට දුන්නා . මේ වහලුන්ට සාමය ලබා දෙන්න මේ කල්ලිය ක්‍රියාත්මක වුණා. කන්න නැති. වෙහෙසෙන, දුක් විඳින වහල්ලුන්ට වේදනා රහිත ක්ෂණික මරණය හැබෑටම සැපක් වුණා. වහල්ලු මරණ අතරෙ පාලකයන් එකෙක් දෙන්නෙක් වත් Many face God යැයි හදා ගත් දෙවියන්ට කැප කරන්න, මේ ඝාතන කල්ලිය අමතක කළේ නෑ. හැබැයි වැලේරියාවට සිදුවූ හානියෙන් පස්සෙ ඔවුන් බ්‍රාවෝස් වලයි ස්ථාන ගත වුණේ. මේ faceless men ලාව හයර් කරන්න පුළුවන්. හැබැයි ඒක ඉතා වියදම් අධික වැඩක් විදිහටයි කතා වෙන්නෙ. කොටින්ම පීටර් බේලිෂ් දවසක් කිව්වෙ, එක ෆේස්ලස් මෑන් කෙනෙක්ව හයර් කරනවාට වඩා sellsword හමුදාවෙන් බාගයක් හයර් කරන එකත් ලාබයි කියලා.

හැබැයි මේ ෆේස්ලස් මරණ කල්ලිය, එහෙම තමන්ගෙ ගණං ලයිස්තුව මේකයි කියලා නියම කරලා නෑ. මරන්න දෙන්න පද්ගලයාගෙ වටිනාකම, එයාව මරන්න තමන්ට වෙන අවදානම සහ ඒ මනුස්සයා දෙවියන්ට කැපකිරීම කොයි තරම් දුරට වටිනවාද කියන කරුණ මතයි, ඔහු වැඩේට ගාණක් කියන්නෙ. කොහොම වුණත් Noone කියන තත්වයටවත් someone else කියන තත්වයටවත් ලේසියෙන් කෙනෙක්ට පත් වෙන්න බෑ. මුහුණක් නැති මනුස්සයෙක්ට කළ හැකි දේවල් බොහොයි.

ඔහුට මිය ගියකෙනෙකුගේ මුහුණ පමණක් භාවිතයෙන් සම්පූර්ණයෙන්ම ඒ කෙනා බවට පත්වෙන්න පුළුවන්. උස, මහත, කටහඬ වගේම සම්පූර්ණ ශරීරයම මුහුණත් එක්ක මාරු කරගන්න පුළුවන්. ඒ වගේම බ්‍රාවොස් හී ලබන සටන් පුහුණුව නිසා මේ අය ඉතා දක්ෂ, සූක්ෂම සටන් කාරයො වෙනවා. ඔවුන්ට ආයුධේ ප්‍රමාණය හෝ ආයුධේ ස්වභාවය හෝ වැදගත් වෙන්නෙ නෑ. මේ මුහුණු රහිත මිනිසුන් ලෙස පුහුණු වූ අයට සිය ශරීරයම ආයුධයක්.

දැන් බොහෝ දෙනෙක්ට තිබ්බ ගැටලුවකට මේ Noone ඇසුරෙන් උත්තර දෙන්නයි මට ඕනෙ. ඒ තමයි ආර්යා Noone කෙනෙක්ද? ඇත්තටම ඔව්. ආර්යා අයත් Noone කුලකයට තමයි. ඇය පුහුණු වන්නෙ Noone කෙනෙක් වෙන්න. ඒත් අවසාන මොහොතෙ ඇය තීරණය කරනවා. තමන් තුළ වැඩියෙන් සිටින්නේ ආර්යා ස්ටාර්ක් බව. ඉතින් ඈ තීරණය කරනවා, මේ මරණ කල්ලියෙ තව කෙනෙක් නොවී මේ ශිල්පය පමණක් රැගෙන තමන්ගෙ උපන් බිමට එන්න. ආර්යා කියන්නෙ ආර්යා ස්ටාර්ක් ම තමයි. හැබැයි ඇය No one සියලු ශිල්ප දන්නවා. ඇය හැබෑටම මේ වගේම තමන්ට වඩා ඉහළ පුහුණුවෙ හිටිය ගැහැණු ළමයා තමන්ව මරන්න හැදූ නිසා සහ තමන්ගෙ ගුරුවරයා වූ ජැකෙන් හෙගාර් අයට අවසර දුන් නිසා පමණක් මේ තීරණය ගත්තා වෙන්න බෑ. ඇයට හැම වෙලාවෙම ලිස්ට් එකක් තිබ්බා. ඇය ආර්යාව මරා දාලා Noone කෙනෙක් නොවන බවට ලැබුණු පළවෙනිම හින්ට් එක තමයි ඈ කඩුව ජලයට නොදා ගල් බෙයඳක සඟවා තැබීම. ආර්යා faceless man ශිල්පය සෑහෙන හොඳින් ප්‍රගුණ කළ Noone කෙනෙක්. හැබැයි එයා තමන් උදෙසා මිනී මරනවා මිසක්, වෙන අය උදෙසා මිනී මරන්නෙ නෑ. ඉතිං සන්සා ස්ටාර්ක් හැම වෙලාවෙම කියනවා වගේ Noone can Protect me කියන එක හරි. සන්සාව කවදා හරි මහා විපතකින් රැකගන්න ආර්යා ස්ටාර්ක් කියන Noone ට පුළුවන් වෙයි.



-වැලේරියන් වානේ –

වැලේරියානු වානේ කවුරු හරි කතා කරනවා නම්, එයා මුලින්ම දැනගන්න ඕනෙ මොකක්ද වැලේරියාව කියන්නෙ කියලා. ඒ ඒසොස් කියන මහද්වීපයේ තියෙන රාජ්‍යයක්. මේ රාජ්‍යය දැන් බිඳිලා ඉවරයි. හැබැයි, මේ රාජ්‍යයට ස්වර්ණමය යුගයක් තිබුණා. මුලින් එඬේරකම් කර කර හිටපු ජනතාවක් උන්න මේ රාජ්‍යයට මකරු ලැබුණු දා ඉඳං ඔවුන් අනභිබවනීය වුණා. හොඳ සංස්කෘතියක්, භාෂාවක් වගේම ආර්ථිකයක් නිර්මාණය කරගත්තා. බලය එක්ක ලැබෙන සමාන වචනයක් තමයි ආයුධ. මේ වැලේරියානු ආකර වල තිබ්බ යපස් උණු කරලා හදපු වානේ වර්ගයක් තමයි, මේ වැලේරියානු වානේ කියන්නෙ. ඒවා ඉතා මිල අධික, වටිනා වානේ වර්ගයක් ලෙසයි හැමෝම සැලකුවෙ. එයට හේතුවක් තිබුණා. මේ වැලේරියානු වානේ වලින් හදන ආයුධ වල දෙපැත්තම ඉතාම මුවහත්. ඒ වගේම කොයි දවසකවත් පිරියම් කරන්නට අවශ්‍යතාවයක් නෑ. ඒ කියන්නෙ ආයෙ ආයෙ තල තල මුවහත් කරන්න අවශය නෑ. අවුරුදු දහ දහස් ගාණක් වුණත්, කොයි කොතන තිබ්බත්, පටන් ගත්ත විදිහටම තියෙනවා මිසක් මලකඩ කන්නෙත් නෑ. වෙස්ටරෝස් මහද්වීපයට මේ අතිශය දුර්ලභ වටින වැලේරියානු වානේ වලින් හදපු ආයුධ මහ ගොඩක් ලැබුණෙ නෑ. ලැබුණ ඒවත් එහෙ මෙහෙ කාලයාගෙ ඇවෑමෙන් නැති වුණා. අන්තිමේ දි ඉතිරි වුණේ ප්‍රබල නිවාස සතුව පැවති සිහිවටන වැනි ආයුධ පමණයි. දැන් ඒවත් හුඟක් නැති වෙලා.

වැලේරියාවට පැමිණි Doom එක ගැන හැමෝම දන්නවානෙ. ඉතිං මේ බාධකයෙන් පස්සෙ, තව දුරටත් සියලු පතල් විනාශ වුණ නිසා වැලේරියානු වානේ කියන්නෙ තව දුරටත් අලුතින් ඇතිවෙන දෙයක් වුණේ නෑ. ඉතිං මේ හේතුව නිසා වැලේරියන් වානේ වගේම ඒ වානේ භාවිතයෙන් ආයුධ හැදිය හැකි කම්මල්කරුවන් හිටි පරම්පරාත් ටිකින් ටික වඳ වුණා. ඔබට මතක නම් ටයිවින් ලැනිස්ටර් අයිස් නම් නෙඩ් ගෙ සෙරමෝනියල් කඩුව දිය කරලා, හදපු යුධ කඩු දෙක, ඒ කවු හැදිය හැකි මිනිස්සු ගෙනාවෙ එසෝස් වලින්. ඒ දෙන්නා විතරයි ඒ දේ කරන්න දන්නෙ කියලා ඔහු පැහැදිළිව කියනවා. දැනට වැලේරියන් කඩු බර තොගයක් සංසරණය වෙන්නෙ නෑ. දැනට මීරා අතේ තිබ්බෙ Dark sister වෙන්න ඇති කියලා තමයි විශ්වාස කරන්නෙ. ඒ වගේම, එගොන් ට හිමිව තිබූ බ්ලැක්ෆයර් කඩුව සෑහෙන යුග පෙරළියකින් අතින් අත ඇවිත් long claw වුණා වෙන්නත් පුළුවන් කියලත් සමහරු කියනවා. ඒක එහෙම නෙවෙයි නං මේ දෙක කඩු දෙකක්. හැබැයි Ice දිය කරලා. දැන් Oath Keeper හා Widow’s Wail හදලා ඉවරයි. ඒ නිසා Ice තව දුරටත් පවතින්නෙ නෑ. මේ කඩු දෙක දැන් අයිති ලැනිස්ටර්ලාට . හැබැයි කැටලින් ගෙ දූලාගෙ ආරක්ෂාව ජේමි බ්‍රියෙන්ට දුන්න වෙලේ ඈට කඩුවත් දුන්න නිසා, Ice කඩුවෙන් බාගයක් ආයෙම ස්ටාර්ක් අයිතියට ආවා කියලා හිතන්න පුළුවනි. ඒත් ලැනිස්ටර්ලාටත් පාරම්පරික කඩුවක් තිබුණා. ඒ Brightroar කියන කඩුව. හැබැයි ඒ කඩුව ඒ කාලෙ හිටපු මෝඩ ලැනිස්ටර් රජෙක් වැලෙරියාවට අරං ගියාට පස්සෙ කවුරුවත් ආයෙම දැකලා නෑ. මේ කියන්නෙ එගොන්ගෙ ආක්‍රමණයටත් කලින් සිද්ධියක් තමයි මට පේන විදිහට. දැනට සැමුවෙල් ටාර්ලි අතේ එහොට මෙහාට යන්නෙත් ටාර්ලි වරුන්ට අයිති හාර්ට්ස්බේන් නම් වැලේරියන් කඩුව. ඒ වගේම වැලේරියන් කිණිස්සක් මේ වෙලාවෙ ආර්යාට ලැබුණා ලිට්ල්ෆින්ගර් හරහා බ්‍රැන්ගෙන්. මේ වෙලාවෙ ස්ටාර්ක් පවුල උදෙසා වැලේරියන් ආයුධ තුනක් ක්‍රියාත්මක වෙනවා.
හැමෝම අහන නිසයි කියන්නෙ, ආර්යාගෙ නීඩ්ල් කියන්නෙ, සැහැල්ලු හුරතල් නිකම්ම යඩක කඩුවක්. ඒ කඩුව තුළ තිබ්බෙ වීරත්වයම නෙවෙයි. සහෝදරයෙක් ගෙ ආදරය සහ මතක සටහන. ආර්යා සහ ජෝන් කියන්නෙ හිතා ගන්න බැරි බැඳීමක් තිබ්බ දෙන්නෙක්. ඒ දෙන්නා තමයි ස්ටාර්ක් රූපය සහිත ස්ටාර්ක් දරුවො දෙන්නා වුණේ. ඒ කිට්ටුවට හිටිය එකම කෙනා බ්‍රැන් විතරයි. අනික් තුන් දෙනාටම තිබ්බෙ ටලී මුහුණු වර. ඒ නිසාම ජොන් ආර්යා දෙන්නා අතරෙ වගේම ජොන් බ්‍රැන් අතරෙ ලොකු බැඳීමක් තිබ්බා. ජොන් තමන් යන බව කියන්න ආවෙ.. බ්‍රැන් ට සහ ආර්යාට. ඔහු රොබ්ට සමු දෙන්නෙ පාරෙදි. සන්සාට හෝ රිකොන්ට ඔහු සමු දෙන්නෙ නෑ. රිකොන්ට තේරුමක් නැහැ සමු ගැනීම ගැන. එහෙත් ඔහු අවසාන මොහොතෙදි රිකොන් වෙනුවෙන් ආමි එක අත ඇරලා දුවගෙන ආවෙ. ඔබ හොඳට කල්පනා කරලා බැලුවොත්, රොබ් ඒක කවදාවත් එහෙම කරන්නෙ නෑ. ඒ නුවණ නෙවෙයි. ඒ ඔහු බලය ගැන හිතන නිසා. ජය ගැනම හිතන නිසා. ඔහු පුංචි මල්ලිලා දෙන්නා ගාවට සර් රොඩ්රික් ව ඇරියාට, අම්මාට යන්න දුන්නෙ නෑ. එයාට අම්මාව ඕනෙ කියලා. පස්සෙ අම්මාව සිර අඩස්සියෙත් තිබ්බා තමයි. හැබැයි රොබ් පවා අනෙක් රජුන්ට අඩුවෙන් වුණත්, යම් තරමක් බලය ගැන හිතුවා. ඉතිං කොහොම හරි කියන්න තියෙන්නෙ, මේ නීඩ්ල් කියන්නෙ සහෝදරත්වයේ සංකේතයක්. ඒ නිසාම, නීඩ්ල් එක තවත් කිහිප දෙනෙක්ව මරයි කියලා මං විශ්වාස කරනවා. නෙඩ් ට පස්සෙ ස්ටාර්ක් ළමයි ගැන වැඩියෙන්ම හිතපු කෙනා ජොන්. සන්සා ගැන. රොබ් ගැන. බ්‍රැන් රිකොන් ගැන. ආර්යා ගැන. ඔහුව නයිට් වොච් එකට හිර කරපු එකයි ගැටලුව වුණේ. ඒත් ඔහු ඒක කඩා බිඳ දැම්මා. කොහොම හරි නීඩ්ල් වැලේරියන් නෙවී.



-බ්‍රැන් ස්ටාර්ක් සහ ඇස් තුනේ ද්‍රෝණ කාකයා-
බ්‍රැන්ඩන් ස්ටාර්ක් කියන්නෙ, කතාවෙ අපි දකින පළමු වැනි ප්‍රධාන චරිතය. හැබෑටම බ්‍රැන් සහ ජෝන් දෙන්නාගෙන් තමයි ප්‍රධාන කතාව පටන් ගැනීම ඇරඹෙන්නෙ. ජොන් බ්‍රැන් පසු පස සිටගෙන ඔහුට දුනු මානන උපදෙස් දෙන තැනින්. රොබ් ට වඩා බ්‍රැන්ගෙ සහෝදරයා විදිහට බ්‍රැන් ළඟම ඉන්නෙ ජෝන්. කොහොම වුණත් කවුද මේ බ්‍රැන්ඩන්. නෙඩ් ගෙ දෙවන ස්වජාත පුත්‍රයා. යම් දවසක නියම පිළිවෙල අනුව ඔහුට හිමි Night watch එක තමයි. කොහොම හරි මේ බ්‍රැන් අනවශ්‍ය දවසක අනවශ්‍ය තැනක හිඳීම නිසා නොදැකිය යුතු දෙයක් දකිනවා. ඒ නිසා බ්‍රැන් ගෙ දෙපා ඔහුට අහිමි වෙනවා. ඒ සිද්ධිය අපි හැමෝම දන්නවා. මහා යුද්ධ ගණනාවක් ඇරඹෙන, විශාල සිද්ධි ගණනාවක් එක් එක් අතට වෙනස් වීමට බලපාන මහද්වීපයක කතාව පටන් ගන්නෙ මේ කුඩා දරුවා දකින දෙයින්. හරියට දිගින් දිගට කල්පනා කළොත් ඒක තේරුම් ගන්න පහසුයි. කොහොම නමුත් බ්‍රැන්ට සිහිය එන්නෙ ලේඩි ව මරපු රාත්‍රියෙ. එදා හැම සහෝදර වෘකයෙක්ම උඩු බුරනවා. ලේඩිගෙ ඇස් පියාගැනීමත් එක්ක බ්‍රැන් දෑස් හරිනවා. එතැන් පටන් බ්‍රැන්ට වෙනදාට වඩා සිහින පෙනෙනවා. බ්‍රැන්ට වයසක ළමයි බලන්නිය කියන කතා නිසාම සමහර සිහින පෙනෙනවා කියලා තමයි කියන්නෙ. ඒත් ඒක වැරදි බව ඔප්පු වෙන්නෙ, රීඩ් දරුවො බ්‍රැන්ට ඔහුගෙ අරමුණ පැහැදිළි කළාම. බාධක ගණනාවක් මැදින් ඇස් තුනේ ද්‍රෝණ කාකයාව ඔවුන් හමුවෙනවා. බ්‍රැන් ඔහු හරහා පුරුදු වෙනවා. මේක එක්තරා මානසික තත්වයක්. මනස දියුණු කිරීමක්. හැමෝටම කරන්න අමාරු දෙයක්. සතෙකුට ආවේශ වෙන කෙනෙක්, තවත් පියවර ගණනක් පුහුණු වීමෙනුයි මේ තත්වයට ආසන්න විය හැක්කේ. යම් මිනිහෙක් සිදු වූ සියල්ල අඳුනන කොට, ඒ මනුස්සයා තුළින් එන්නෙ සියල්ල දැන අවසන් වූ නිවුණු සොභාවයක්. අපි බ්‍රැන්ගෙන් දකින්නෙ එය. බ්‍රැන්ට හැම දේම උගන්වන්න ඉස්සර, බ්‍රැන්ගෙ කලබලයෙන් වන නරද නිසා බ්‍රැන්ගෙ ගුරුවරයාට සියල්ල හෙමින් ඔහුට උගන්වන්න බැරි වුණා. බ්‍රැන් වයිට් වෝකර්ස් ලාට හසු වුනා. ඉතින් එයට වන්දි ගෙව්වෙ, සිටිය ඇස් තුනේ ද්‍රෝණ කාකයා. ඔහුගෙ අවසානයෙන් පස්සෙ, සමර් ගෙ මරණය එක්ක, බ්‍රැන්ඩන් ස්ටාර්ක් ඒ ආත්මයෙන් ඉදිරියට ඇවිත් ඇස් තුනේ ද්‍රෝණ කාකයා වෙනවා. බ්‍රැන්ඩන් ස්ටාර්ක් කියන්නෙ, ඇස් තුනේ ද්‍රෝණ කාකයා දරා සිටින ධාරකයා පමණයි. හැබැයි ඒකෙන් කියවෙන්නෙ නෑ බ්‍රැන්ට පණ නෑ කියලා. බ්‍රැන්ට තමන් දැනුනත්, වැඩ කරන්න වෙන්නෙ ඇස් තුනේ ද්‍රෝණ කාකයාගේ බන්ධනයට යටත්වයි. ඒ බව හොඳටම පේනවා මීරා තමන් හැර යද්දි බ්‍රැන් ට තිබූ මුහුණෙ හැඟීම් වලින්.
කොහොම වුණත් මේ කතාවට අතීතය ඉතාම වැදගත් වෙනවා කියලා අපි දන්නවා. ඒ වගේම බ්‍රැන් ට තරමක් අනාගතය පාලනය කරන්න පුළුවන් බවත් අපි දන්නවා. සමහර විට බ්‍රැන් සියල්ල ආයෙ අනෙත් පැත්තට හරවන්න පවා ඉඩ තියෙනවා. රූපකතා මාලාවෙ ඒක පෙන්වන එක කොයි තරම් දුරට සාර්ඛත වෙනයිද කියලා නොදන්න නිසයි, එහෙම සමස්ත අනුමානෙකට එන්න අමාරු. සියලුම බ්‍රැන්ඩන් ලා එක්කෙනෙක් නම්, නෙඩ් ගෙ සහෝදර බ්‍රැන්ඩන් අතින් ලිට්ල්ෆින්ගර් ව මරා දමන්න පවා පුළුවන්. එහෙම නම් ඉදිරි කිසි කතාවක් ආරම්භ වෙන්නෙ නෑ. සියල්ල රොබ්ට් රෙබෙලියන් එකෙන් පස්සෙ නවතිනවා. ඒක වුණත් වෙනස් කරන්න ඉඩ තියෙන තැනක් බ්‍රැන්ට හොයා ගන්න පුළුවන් වෙන්න ඉඩ තියෙනවා.
මොකද ඔහුට අතීතෙට බලපෑම් කරන්න පුළුවන්. ඔහු බ්‍රැන්ඩන් ද බිල්ඩර් නම් ඔහු තමයි ප්‍රාකාරය හදන්නෙත්. අපි බලමු. අස් තුනේ ද්‍රෝණ කාකයාට තව මොනාද පුළුවන් කියලා. සමහරු කියනවා ලෝර්ඩ් ඔෆ් ලයිට් කියලා බොහෝ අය කියන්නෙත් මේ ගැනමයි කියලා. ඔවුන් ඒකට තව නපුරු මායා කිහිපයක් එකතු කරගෙන නව ආගමක් හදාගෙන වෙන්නත් පුළුවන්. ඒ ගැනත් බොහෝ කතා තියෙනවා. හැබැයි මේ ඇස් තුනේ කපුටා කෙලින්ම පැරණි රුක් දෙවියන්ට නම් සම්බන්ධයි. සමහර විට මේ සියලු දෙනා මෙහෙයවන ප්‍රධාන මූලය බ්‍රැන්ඩන් ස්ටාර්ක් වෙන්න පුළුවන්.
ඉතිං අපි බලමු, තව කොයි තරම් තැන් වලදි ඔහුට තමන්ගෙ කාර්ය ඉටු කරන්න පුළුවන් වෙයිද කියලා. මේ වෙද්දි ලිට්ල් ෆින්ගර් පවා ඔහුට මඳක් සලිත වෙලයි ඉන්නෙ. බ්‍රැන්ව අන්දන්න බැරි එක තමයි ලොකුම දේ. තුන් කල් දකින කෙනෙක්ව ඉතිං කොහොම අන්දන්නද නේද?




හෙට ලිපියෙන් වෙස්ටරෝස් ඉතිහාසයෙ වැදගත් සිද්ධි ගැන විවරණයක් සහ වැදගත් විය හැකි වංශ කිහිපයක් ගැන කතා කරන්න තමයි හිතා ඉන්නෙ. වෙස්ටරෝස් ඉතිහාසය විතරක් දැන ගන්න අවශ්‍ය නම්, ඒ ගැන අපේ සයිට් එකේ ලියවිලා තියෙනවා. ඒක කියවන්න. හෙට අපි විමර්ෂණයක් කරමු. තරිඳු අයියාගෙ විවරණයත් ඇවිල්ලා තියන්නෙ, ඒක අමතක නොකර බලන්න කියලාත් මතක් කරනවා. ඇත්තටම කොටසින් කොටස වටිනා විස්තරයක් ලස්සනට කරලා තිබ්බා. ඒවායෙන් අපිට ඉගෙන ගන්න නම් සෑහෙන්න දේ තියෙනවා.

නිතරම විචාරය සඳහා උපදෙස් දෙන රොයිලි අයියාටත්, පින්තූර සකසන තිසර මල්ලිටත්, චාමර සම්පත් මල්ලිටත් ස්තූතියි කියන්න අමතක කරන්නෙ නෑ. හෙට හමුවෙමු. සුබ දවසක්!!

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
නෙරංජි සුලක්ඛනා (33 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

neranji has 33 posts and counting.See all posts by neranji

31 thoughts on “ඇයි මිනිස්සු GOT බලන්න ආසා කරන්නෙ? සහ NO ONE ,වැලේරියන් වානේ හා තෙඇස් ද්‍රෝණ කාකයා ගැන තොරතුරු

  • August 14, 2017 at 8:07 PM
    Permalink

    lipiya nm niyamai akke

  • August 14, 2017 at 7:11 PM
    Permalink

    oyage lipi malawanam niyamay akke. thawa liyanna. asawen balan innawa kiywanna. jayawewa!

  • August 13, 2017 at 6:37 PM
    Permalink

    ඔව් අක්කෙ..අපිටනම් එපා උනේ නෑ ඔයා ලියපුවා..තව ලිව්වානම් තව කියවනවා..ගොඩක් ස්තූතියි මේ දේවල් කියලා දෙනවට…ඉක්මනටම Song of ice n fire serease එක සිංහලට පරිවර්තනය කරන්න පටන් ගත්තනම් මොකද:)
    තව එක සීසන් එකක් විතරනේ ඉතුරු වෙලා තියෙන්නෙ:(

  • August 13, 2017 at 8:18 AM
    Permalink

    Niyamay…
    someone else kenek genath visthara karanna puluvanda…
    den inna army vala quantity eka gena.. adahasak thiyeda…

  • August 13, 2017 at 12:04 AM
    Permalink

    Thanks Dear…

  • August 11, 2017 at 5:35 PM
    Permalink

    kauda me nightking? ohuta westros wala wansha walata nekamak thiyenawada?

  • August 11, 2017 at 8:48 AM
    Permalink

    kauda me night king? ohuge sambandayak thibenawada westros wansha athara?

  • August 11, 2017 at 12:08 AM
    Permalink

    aluth article eke link eka nane dan

  • August 10, 2017 at 9:06 PM
    Permalink

    නියමයි අක්කේ. දිගටම මේ වගේ ලිපි දෙන්න. ජයෙන් ජය.

  • August 10, 2017 at 8:51 PM
    Permalink

    supirima lipiyak aaa
    thank you so much…………

  • August 10, 2017 at 8:22 PM
    Permalink

    ice කියන කඩුවේ size එක හිතා ගත්තකි.. ඒක දිය කරලා දෙකක් හැදුව කිව්වම..
    sam ගාවත් තියෙන්නේ තාත්තාගෙන් උස්සපු එක ..
    පව් මනුස්සය දැන් නිකන් කඩුවක් අරන් වෙන්නැ යුද්දෙට ගියේ,, 🙂

    එතොකට snow ගාව තියෙන්නේ jorah ට අයිති කඩුව,,,..

  • August 10, 2017 at 1:48 PM
    Permalink

    බ්‍රැන් ට මකරෙක්ව control කරන්න පුලුවන් ද ?
    King රොබට්ගේ අවජාතක පුතා supiri කම්මල්කාරයෙක් නිසා පොර වැලේරියන් ආයුධ හදන හැටි ඉගෙන ගෙන john ට එකතු වේවි නේද? පොර පේන්න හිටියෙත් නැනේ ගොඩ කාලෙකින්….

  • August 10, 2017 at 1:17 PM
    Permalink

    නියමයි.බොහොම ස්තූතියි

  • August 10, 2017 at 12:28 PM
    Permalink

    ගොඩක් ස්තුතියි.

  • August 10, 2017 at 11:19 AM
    Permalink

    හම්මේ සුපිරි පෝස්ට් එකක් අක්කේ ස්තූතියි පෝස්ට් එකට

  • August 10, 2017 at 10:43 AM
    Permalink

    hama dema dakina bran kinissa aryatama denne mokak hari hethuwak nisada?????

  • August 10, 2017 at 8:10 AM
    Permalink

    thanks akki.army eka ganath kiyanna puluwannam vatinwa

  • August 10, 2017 at 7:51 AM
    Permalink

    ගොඩාක් ස්තූතියි අක්කේ.
    වටින ලිපිය ක්
    කොහොමත් ඔක්කෝම ලිපි වටිනවා තමා…

  • August 10, 2017 at 7:43 AM
    Permalink

    wow ‘ thanks dear

  • August 10, 2017 at 1:48 AM
    Permalink

    Niyami akke thanx heta eka enakan balagana innawa jaya !!

  • August 10, 2017 at 1:07 AM
    Permalink

    Song of ice n fire serease එකේ සිංහල පරිවර්තන තියෙනවද ?

  • August 10, 2017 at 12:44 AM
    Permalink

    බොහෝම ස්තුතියි

  • August 10, 2017 at 12:09 AM
    Permalink

    GRRM ge secretary neda oya …..heheh hoda adahas wagema hoda mathakayakuth thiyanawa
    good job sis..

  • August 10, 2017 at 12:01 AM
    Permalink

    niyamai Niranji.. oya supiriyatama wada karanawa.

  • August 9, 2017 at 11:39 PM
    Permalink

    Ne eka ehema newei. Tharindui meyai sasadanna be. Neranjige thiyenne eyatama awenika katha wilasayak.ekata godak aya kamathiy. Eken ath wenna epa neranji. Oyage krameta digatama liyanna.ekata thamai godak aya asa

  • August 9, 2017 at 11:37 PM
    Permalink

    ස්තූතියි රකිත
    හැබැයි විචාරය කියලා කියන්නෙ, විචාරයකට… just විස්තර කියන එකට නෙවෙයි. මාතෘකා වශයෙන් දාලා තියෙන්නෙ. කැමති අයට Skip කරලා කියවන්න. මගෙ කාලෙ නම් අපරාදෙ නෑ.. ගොඩක් අය ඒකට හොඳ කිව්වා ඔයා ඇරුණාම. ඒ කොටස ඔයාට විතරයි තේරිලා නැත්තෙ. එහෙම තමා ඉතිං :).. මං ලියන්නෙ ඉතිං මං කැමති දේ.. ඔයා අකමැති නං ඒක Skip කරන්ඩ. එතකොට හරි. කෝම වුණත් ස්තූතියි.

  • August 9, 2017 at 11:37 PM
    Permalink

    Oya liyana ewata api abbahi wela iwarai. Keep it up. Thawath rasawath lipiyak samagin hamuwenna aniwaryen

  • August 9, 2017 at 11:27 PM
    Permalink

    tiakak bana wadi wage thami mula hariye… ethakota kiyawanna epa wenawa please oya honda wadk karanne habai ara wage wadakata nathi dewal liyanna epa , oyage kaleth aparade , ape kaleth aparade …. tharidu ayya wage adala de gana kathakaranna. good luck…. digatama liyanna (tharaha wenna epa mehema kiwwata )

  • August 9, 2017 at 11:00 PM
    Permalink

    Niyamai niyamai..eka digata wivarana enawa..asaawen e hama ekakma read karanawa..jayen jaya sis..

  • August 9, 2017 at 10:44 PM
    Permalink

    Niyamai akke

Leave a Reply

Your email address will not be published. Required fields are marked *