සංචාරයට ඇලුම් කරන ඔබ වෙනුවෙනි |  Best Movies About Travelling

මේ මොකද අද මංසලේ සංචාරක වැඩ ගැන කියන්නේ, ෆිල්ම් ගැන කියන්න නේද මේක තියෙන්නේ? හරි ඉතිං එක ජාතියේ ෆිල්ම් වර්ග හැදෙනවනේ, මේ තමා මමත් බලල තියන නෙට් එකෙනුත් හොයාගන්න පුළුවන් “ට්‍රැවල්” කියන කැටගරි එකට අදාළ හොඳම ෆිල්ම් අතලොස්ස අතරට වැටෙන ෆිල්ම් ටික, හැමදාම කොමික් ගැනයි අරව මේවා ගැනයි කියන එකේ වෙනස් දෙයක් දෙන්න හිතුව. මොකද මම ඇතුළු සෑහෙන දෙනෙක් කැමති වැඩක් තමා ට්‍රැවල් සහ ෆිල්ම් බැලීම මේ දෙකටම කැමති අයට හොඳ රස වින්දනයක් ලබාගන්න පුළුවන් මේ වැඩෙන්. ඒ වගේම ඉතිං මෙතන නැති ඔයාල බලල තියන මීට අදාළ ෆිල්ම්ස් එහෙම තියනවනම් හැමෝටම බලන්න කමන්ට් එකක් දාගෙන යන්න, එහෙනම් පටන් ගමු වැඩේ. 😀

 

10. Vicky Cristina Barcelona (2008)

ඔස්කා සම්මානයක් දිනපු මේ සිනමා සිත්තමේ කතාව සිද්දවෙන්නේ මෙන්න මේ විදියට, ගැහැණු යහළුවන් දෙදෙනෙක් ගිම්හාන නිවාඩුවට ස්පාඥ්ඥයට යනවා, එහෙදි එයාලට මුණගැහෙනවා සිත්තරෙක්, සිත්තරත් කසාද බැඳලා හැබැයි මේ දෙන්නටම එයාගෙන් එක පාර පෙම් හමුවකට අරාධනා ලැබෙනවා, ඔව් ඔව් කට්ටිය හිත ජාතියේ අමුතු ලව් සින් එකක් තමා, ඒ එක්කම අපුරු පරිසරයක දිග හැරෙන අපුරු  සිනමා සිත්තමක් මේක අධ්‍යක්ෂණය කරලා තියෙන්නේ වුඩි ඇලන්. IMDB 7.1 ක් වගේ ඉහල අගයක් අරගත්තා මේ සිනමා සිත්තම සඳහා අපි කවුරුත් දන්න බ්ලැක් විඩෝ නොහොත් ස්කාලට් ජොන්සන් එහෙමත් දායක වෙනව.

 

09. The Motorcycle Diaries (2004) 

කොයි කවුරුත් අතර ජනප්‍රිය විප්ලවකරුවෙක් වන අනර්ස්ටෝ චේ ගුවේරාගේ තරුණ කාලයේ සිද්දියක් පාදක කරගනිමින් ඔහු දකුණු ඇමරිකානු මහාද්වීපය හරහා මොටෝ-සයිකලයකින් ගමන් කල සිදුවීම් ඇතුලත් කතාව තමා මේක, කියවෙන විදියට ඔහුගේ විප්ලවීය සිතුවිලි උදිපනය වෙන්නේ මේ ගමනින්, මේකත් ඔස්කා සම්මානයක් දිනාගත්ත අනර්ඝ ඔබ නැරඹිය යුතුම සිනමා සිත්තමක්. මේකේ ඔර්ජිනල් නාමය වෙන්නේ Diarios de motocicleta (2004) නම් දෙකෙන්ම ටොරන්ට්වල සර්ච් කරල බලන්න සීඩ් තියන කොපියක් හම්බවෙයි. අහ ඒ වගේම කියන්න ඕන මේකටත් IMDB 7.8ක අගයක් ලැබිල තියෙනව. 😀

 

08. The Secret Life of Walter Mitty (2013)

මේකේ කතාව නොකිය ඉන්නම් මොකද ඒක කිව්වොත් වැඩක් නැතිවෙනවා, සමහරුනම් මේ වෙනකොට බලලත් ඇති අලුත් එකක් නිසා, ඒත් තවමත් නොබලපු කෙනෙක් ඉන්නවනම්, අනිවාර්යෙන්ම බලන්න හාස්‍ය මුසුවුණු හරිම අපුරු කතාවක්, කොමඩි ටයිප් නිසා කම්මැලිකමකුත් ඇත්තේ නෑ ප්‍රධාන චරිතයට රඟපාන්නෙත් Ben Stiller ඔහොමම ගුගල් කලානම් අනිවා හැමෝම අඳුනගන්නවා. මේකටත් IMDB 7.3 kක් වගේ ඉහල අගයක් ලැබෙනව.

 

07. Wild (2014)

සත්‍ය කතාවක් පාදක කරගනිමින් ඔස්කා සම්මාන දෙකකට නිර්දේශ වෙමින් ජේන් මාක්ගේ අධ්‍යක්ෂණයෙන් නිමවෙන මේ අපුරු සිනමා සිත්තම ගෙතෙන්නෙ හිතේ ඇතිවෙලා තියෙන දුක නැති කරගන්න තනියම හැතැප්ම දහසකට වඩා පයින් ඇවිදගෙන ගිය කාන්තාවක් ගැන. IMDB 7.1ක් වගේ අගයක් අරගෙන තියෙන මේ සිනමාපටයත් සංචාරයට සහ සිනමාපටවලට ප්‍රිය කරන ඔබ නැරඹිය යුතුම එකක්.

 

06. The Darjeeling Limited (2007)

ඔන්න තියනවා තවත් සුපිරි භාණ්ඩයක් 😀 තමන්ගේ පිය මියගියාට පස්සේ සහෝදරයින් තුන්දෙනෙක් ඉන්දියාව වටේ කෝච්චියෙන් යනවා, කොමඩි ඇඩ්වෙන්චර් ඝනයට අයිති වෙන මේක ෆන් එකේ බලන්න පුළුවන් මරු භාණ්ඩයක්, IMDB අගයත් 7.2ක් වගේ වෙනවා.

 

05. Tracks (2013)

ඔන්න තවත් සත්‍ය කතාවක්, ඔටුවෝ හතර දෙනෙකුයි බල්ලෙකුයි එක්ක හැතැප්ම දෙදහකට ආසන්න දුරක් ඕස්ට්‍රේලියානු කාන්තාරයක් හරහා ගමන් කල Robyn Davidson නමැති කාන්තාවක් වටා ගෙතෙන තවත් අපුරු සිනමාපටයක් තමා මේක. IMDB 7.2ක් වගේ අගයක් අරගත්ත මේ සිනමාපටය බොහොමයක් දෙනෙක්ට මගහැරෙන්න ඇති කියල හිතනව, බැලුවේ නැත්නම් අනිවාර්යෙන්ම බලන්න ඔන්න 😀

 

04. Lost in Translation (2003)

නැවතත් ඔන්න ස්කාලට් ජොන්සන් රඟන ඔස්කා සම්මාන දිනු තවත් අපුරු සිනමාපටයක් ගැන කියන්න යන්නේ. ටෝකියෝ වලදී චාලට්ට මුණගැහෙනවා බැසගිය සිනමා තරුවක්, ඉතින් ඊට පස්සේ කතාව ගැන දැනගන්න අනිවාර්යෙන්ම බලන්න වෙනවා. IMDB 7.8ක් අරගත්ත මේ කතාව ඉහත කියල තියන අනික් කතා වලට දෙවනි නෑ ඔන්න. අනික ඉන්නෙත් ස්කාලට් අක්කිය නොවැ 😀

 

03. The Way Back (2010)

ඔස්කා සම්මානයට නිර්දේශ වෙච්ච තවත් අනර්ඝ සිනමා සිත්තමක් වන මෙය දිවෙන්නේ ඉතිහාස කතාවක් වටා. 1941di මිනිස්සු තුන්දෙනෙක් සයිබිරියාවෙන් මිදිලා හිමාලය හරහා ඉන්දියාවට එන්න උත්සහ ගන්න එක වටා තමා මේක දිවෙන්නේ අහ්හ් තව ගැහැණු ළමයෙකුත් ඉන්නවා, හිමෙන් වැහුණු හරි අපුරු පරිසරක් තුල කටුක අත්දැකීම් රාශියක් ගෙන දෙන මේ සිනමා සිත්තමටත්  IMDB 7.3ක අගයල් ලබා දෙන්න ප්‍රේක්ෂකයින් නිර්ලෝභී වෙලා තියනව. අනිවාර්යෙන්ම බලන්න.

 

02. The Beach (2000)

හොලිවුඩ් සිනමාවේ සදාකාලික පෙම්වතා ඩි’කැප්රියෝ රංගන සිනමා සිත්තමක් තමා ඊළඟට ලැයිස්තු ගතවෙන්නේ. තායිලන්තයේදි තරුණයෙක් වටා ගෙතෙන කතාවක් තමා සිනපටය පුරාවට දිවෙන්නේ, සැහෙන දෙනෙක් බලල ඇති බලල නැත්නම් අනිවා බලන්න. මේකටනම් ලැබිල තියෙන්නේ IMDB 6.8ක් වගේ අගයක්.

 

01. Into the Wild (2007)

බයිස්කෝප් අඩවිය එක්ක ගෙවුන කාලය තුල මගේ ජිවිතේ ලොකුම පසුතැවීම මොකක්ද කියල කවුරුහරි ඇහුවොත් මම එකහෙලාම උත්තර දෙන්නේ මේ ෆිල්ම් එකට උපසිරසි කරන්න බැරිවීම කියල. හැබැයි ඉතින් ලස්සන බාසාවකින් උපසිරසියක් ලබා දීලා තියෙනව අපේ සචින්ත කහවේවිතාන සහෝදරයා. මේකේ කියවෙන්නේ සත්‍ය කතාවක්, තමන්ගාව තියන සල්ලි වාහන සේරම අත් ඇරලා දාල මැප් එකක්වත් නැතුව ඇලස්කාව බලා යන ක්‍රිස් නමැති තරුණයා වටා තමා මේක දිවෙන්නේ, IMDB 8.1 ක් වගේ ඉහළතම අගයක් ලබාගනිමින්, IMDB 250 අතරින් #183 වෙනි ස්ථානය අරගෙන තියෙන අති විශිෂ්ඨ සිනමා සිත්තමක්.


 

 

අමතර

 

* The Bucket List 2007

ඒ වගේම ඊට අමතරව තව එකතු කරන්න පුළුවන් The Bucket List 2007 සිනමාපටය, IMDB 7.4ක් අරගත්ත මේ සිනමා සිත්තම දිවෙන්නේ මාරාන්තික රෝග දෙකකින් පෙලෙන වයෝවෘධ දෙදෙනෙක් වටා, ඔවුන් මැරෙන්න කලින් තමන් කරන්න කැමති දේවල් කරන්න උත්සහ කරන කතාවක් තමා දිවෙන්නේ.

 

* Zindagi Na Milegi Dobara 2011

IMDB 8.1ක් අවගේ ඉහළතම අගයක් අරගෙන IMDB Top 250 රන්දිල ඉන්න තවත් එක් හින්දි සිනමා සිත්තමක් තමා Zindagi Na Milegi Dobara 2011 මේකත් තම තමන් කැමති ආකාරයේ ඇඩ්වෙන්චර් ඇතුලත් ට්‍රිප් එකක් යන මිතුරන් තිදෙනෙක් වටා තමා ගෙතෙන්නෙ. බැලුවේ නැත්නම් අනිවා බලන්න ඔන්න මේකත්.

 

* The Art Of Travel 2008

කසාද බඳින්න යන වැඩේ අසාර්ථක වෙන කෝනර් නමැති තරුණයා මධුසමය ගතකරන්න තනියම යන සිදුවීමක් අලලා සැදුන සිනමාපටයක් වන මෙයට IMDB 6.5ක අගයක් තමා ලැබෙන්නේ.


 

ඉතිං තව ඔයාල බලපු ලස්සන පරිසරයක දිවෙන ට්‍රැවලින් කියන එකට අදාල ෆිල්ම්ස් තියෙනවනම් කමන්ට් කරගෙන යන්න, නැවත මුණගැහෙනතුරු ජයෙන් ජය 😀

ශාන් විමුක්ති (38 Posts)


3 thoughts on “සංචාරයට ඇලුම් කරන ඔබ වෙනුවෙනි |  Best Movies About Travelling

  • July 29, 2017 at 6:12 PM
    Permalink

    බොහොම ස්තූතියි
    දිගටම මෙවැනි ලිපි මගින් අපව දැනුවත් කරන්න
    ජය!

  • July 27, 2017 at 7:27 PM
    Permalink

    නියමයිනේ
    අනිවාර්යෙන් සෙට් එකම බලනවා
    ස්තුතියි
    මේවගේ නම් ටික දුන්නට

Leave a Reply

Your email address will not be published. Required fields are marked *