ඉනික්බිති හේ අසෝර් අහායි නම් වියැ…. 

උමග්ග ජාතකය වගේ පටන් අරන් තිබ්බා කියලා බය වෙන්න එපා. මේ කියන්න යන්නෙ, අපි කවුරුත් GOT ​බලද්දි නිතරම කැමති වෙච්ච තියරියක් ගැන. ඒ තමයි අසෝර් අහායි. ඇත්තටම මේ කෙනා හරියටම කවුරු වෙන්න පුළුවන්ද කියලා ගේම් ඔෆ් ත්‍රෝන් හදන කාර්ය මණ්ඩලයවත් තාම හරියට හිතලා තියෙනවා ද කියලා මට සැකයි.මොකද ඔවුන් හැම අතින්ම, අපට එක් එක් ඉඟි මේ සම්බන්ධව ඉතිරි කරලා යනවා.

මුලින්ම මේ අසෝර් අහායි තියරියට පණ දෙන්නෙ මැලිසැන්ඩ්‍රෙ .තමන්ගේ එවකට ස්වාමියා වෙච්ච, ස්ටැනිස් බ්‍රැතියන් අසෝර් අහායි ලෙස සිතමින් ඈ ඔහුව නාට්‍යානුසාරයෙන් උත්සවයක් තියලා ගිනි ගන්නා කඩුවක් අදින්නට සලස්වල අවට ඉන්න පුද්ගලයන්ට ඒත්තු ගන්නට සලස්වනවා. මේ තමයි පොරොන්දු වූ කුමාරයා කියලා.හැබැයි ඇය වැරදියි කියලා අපිට හිතෙන්නෙ ස්ටැනිස් බ්‍රියෙන් අතින් උතුරෙදි මැරුම් කන නිසා. ( ඒත් අපි කතා මාලාව තුළ නම් ස්ටැනිස් ගෙ මිනිය දැක්කෙ නෑ.. බ්‍රියෙන් ඔහු මරනවා දුටුවෙත් නෑ)ලේ ගලන තරුව යට තව කෙනෙක් ඉපදුණා ඔබට මතක ඇති. ඒ තමයි ඩැනේරිස් කාල් ඩ්‍රෝගෝ ගෙ චිතකයෙන් මකරුන් සමඟ යළි නැගිටීම. ඇයට සිදු වූ දේවල් එක්ක බොහෝ දුරට ඇය අසෝර් අහායි වීමට ඉඩ තියෙනවා. ඇයි අය ළඟ සිටින මකරු ගිනි ගන්නා කඩු ලෙස අනාවැකිය විසින් දුටුවාද කියලා අපි හරියටම නොදන්න නිසා.


ඇත්තටම හරියටම මොකක්ද මේ සාහිත්‍ය සහ ගැට පද පිරුණු අනා වැකිය..

There will come a day after a long summer when the stars bleed and the cold breath of darkness falls heavy on the world. In this dread hour a warrior shall draw from the fire a burning sword. And that sword shall be Light bringer, the Red Sword of Heroes, and he who clasps it shall be Azor Ahai come again, and the darkness shall flee before him.

 

දිගු ගිම්හානයකට පසුව එදින පැමිණේවි. තරුවකින් ලේ ගලාවි. අඳුරු සීතල හුස්මක බර ලොව මත පැටවේවි. මේ වියළි මූසල නිමේෂයේ වීරයා ගින්නෙන් පිලිස්සෙන කඩුව අත දරාවි. ඒ අසිපත ආලෝකය ගෙනෙන්නේය. වීරයා ගේ රක්ත කඩුව වන්නේය. එය අසෝර් අහායිගේ නැවත පැමිණීමට සාක්ෂි දරන්නේය. ඔහු ඉදිරියේ මහා අන්ධකාරය පලා යන්නේය.

 

මේ තමයි අසෝර් අහායි උත්පත්ති කතාව. මේ කතාව වැඩියෙන්ම සම්බන්ධ වෙන්නෙ කාටද? මේ උප්පත්තිය හුදු දරුවෙක්ගෙ උපතක්ද? නැති නම් සංකේතීය උපතක්ද කියලාත් සමහරු කල්පනා කරනවා.


දැනට ජෝන් කෙරෙහි වැඩි අවධානයක් යොමු වෙලා තියන අසෝර් අහායි තියරියෙ විදිහට, ඔහු උපන් ලේ ගලන තරුව ලෙස ආතර් ඩේන් ගෙ කඩුව සහ රුධිරයද, ඔහුව ආරක්ෂා කරන්නට ගොස් සිදු වූ ආතර් ඩේන් ගේ මරණයද පෙන්වා දෙන්න පුළුවන්. සහලවම මෙන්න මේ විදිහට..

 

දිගු ගිම්හානයකට පසුව (රොබට් ගේ මහා සංග්‍රාමය) එදින පැමිණේවි. තරුවකින් ලේ ගලාවි.(ආතර් ඩේන් හෙවත් කඩා වැටෙන තරුවෙ සංකේතය දැරූ රේගාර් ගේ ශක්තිමත්ම ආරක්ෂකයාගේ මරණය) අඳුරු සීතල හුස්මක බර ලොව මත පැටවේවි. (ලියානා ස්ටාර්ක් මරණයට පෙර ඉල්ලා සිටින ඉල්ලීම) මේ වියළි මූසල නිමේෂයේ වීරයා ගින්නෙන් පිලිස්සෙන කඩුව අත දරාවි.(ගින්නෙන් පිලිස්සීම යනු වේදනාවේ අපරිමිත නිමේෂයයි. සිය එකම සොයුරියගේ මරණය. තම බෑණා බාර ගැනීමට සිදුවීම. පවුලට මුහුණ දීම, සිය ගෞරවය ආදී නොවක් ප්‍රශ්න එක පිට එක ඇතිවන පිරිමියා ගිනි ගන්නා කඩුවකි. ඒ නෙඩ් ස්ටාර්කය. ජෝන් සිටින්නෙ ඔහුගේ දෑත් මතය.) ඒ අසිපත ආලෝකය ගෙනෙන්නේය. වීරයා ගේ රක්ත කඩුව වන්නේය. එය අසෝර් අහායිගේ නැවත පැමිණීමට සාක්ෂි දරන්නේය. ඔහු ඉදිරියේ මහා අන්ධකාරය පලා යන්නේය. (මේ දේවල් වලට නම් ඉතිං උදාහරණ ඕනෙ නෑ.. කට්ටියම දන්නවා. ජොන් කොයි වගේ කැපකිරීම් කළාද කියලා, ස්වේත ඇවිදින්නන්ගෙන් මිනිස්සු රැකගන්න)


තවම ඩැනේරිස් ශ්වේත ඇවිදින්නො ගැන හීනෙකින්වත් හිතලා නෑ. ටිරියන් ගෙ හිතේ ඒ ගැන යමක් තිබ්බාට, ජෝන් තරමට ප්‍රශ්නෙ බරපතල කම ඔහු දන්නෙ නෑ. ඒත් මේ අනාවැකිය මෙච්චරකින් නිමා වෙන්නෙත් නෑ.

 

Darkness lay over the world and Azor Ahai  was the hero chosen to fight against it. To fight the darkness, Azor Ahai needed to forge a hero’s sword. He labored for thirty days and thirty nights until it was done. However, when he went to temper it in water, the sword broke. He was not one to give up easily, so he started over.The second time he took fifty days and fifty nights to make the sword, even better than the first. To temper it this time, he captured a lion and drove the sword into its heart, but once more the steel shattered. The third time, with a heavy heart, for he knew beforehand what he must do to finish the blade, he worked for a hundred days and nights until it was finished. This time, he called for his wife, Nissa Nissa, and asked her to bare her breast. He drove his sword into her living heart, her soul combining with the steel of the sword, creating Light bringer.

 

අඳුර පලවා හරින වීරයා සියත්ව සිය අසිපත පිරියම් කළ යුතු වන්නේය. ඔහු දින තිහක්, රෑ තිහක් එය පිරියම් කර ජලයෙ බහාලයි. අසිපත කැඩී යයි. අධෛර්යමත් නොවන වීරයා දෙවන වර, දින පනහක්, රාත්‍රීන් පනහක් සිය කඩුව පිරියම් කරයි. මෙවර එය ඉතා තියුණුයි. ඔහු සිංහයෙකු අල්වාගෙන ‍උගේ හදවත තුළට සිය කඩුව බහාලයි. අසිපත තවමත් ශක්තිමත් නැත. තෙවන වර, වේදනාබර හදවතක් ඇති හෙතෙම දින සියයක්, රෑ සියයක් පිරියම් කළ කඩුව දරා සිය බිරිඳට හඬ ගසයි. ඇගේ හදවත පසාරු කරමින් ඇගේ ආත්මයේ ආලෝකය සිය කඩුව මතා නංවා ගනී. අවසානයේ දී ඒ  ආලෝකය ගෙනන කඩුව නිර්මාණය වනු ඇත්තේය.  

 

පේනවා නේද? අසෝර් අහායි වෙන එක ලේසි නෑ.. ඉපදීම ම නෙවෙයි, හෙණ ක්‍රියාපටිපාටින් තියෙනවා ඉස්ට සිද්ධ කරන්න.

 

කාටද තියෙන්නෙ ජලයේ පිරියම් කර, නැසී ගිය අසිපතක්. අසිපත කියන්නෙ සංකේතයක් වෙන්නත් හොඳටම පුළුවන්.

 

හරි. අපිට මේ වෙලාවෙ එහෙම දෙන්නෙක් ඉන්නවා. එක්කෙනෙක් ජොන්. ජොන් පළමු වතාවට තමන් ප්‍රේම කළ කෙනෙක් සමඟ හරියටම එක් වෙන්නෙ ජලය තිබෙන ස්ථානයක . ඒ වගේම ජලයෙදි. ඒ ප්‍රේමය සුණු විසුණු වී යනවා. ඉන් දවස් කිහිපයකට පස්සෙ. එහෙම බැලුවාම ඔහුට තිබෙනවා තමා හා ජලය සමඟ එක්ව සම්බන්ධ වූ, එහෙත් විනාශයට පත් වූ දෙයක්.

මේ දේ ම තියෙන තව කෙනෙක් ඉන්නවා. ඒ තමයි ජේම් ලැන්ස්ටර්. ඔහු බ්‍රියන් ටාර්ත් සමඟ බේරි පලා එන අවස්ථාවෙදි, ඔවුන්ට හමු වෙන බොල්ටන් සත්කාරය ඔබට මතක නම්, එහි තිබෙනවා උණු දිය පොකුණක දර්ශනයක්. එහිදී පළමු වතාවට ජෙමි සිය වේදනාව නැමති අසිපත මුදා හරිනවා. එහෙත් විනාශ වී යනවා. හේතුව බ්‍රියෙන් එතරම් දෙයක් ඔහු කී පසුවත්, ඔහුව අමතන්නෙ රජුන් නසන්නා ලෙස. එයින් වේදනාවට පත් ඔහු සිය නම ජේමි ලැනිස්ටර් බව කොඳුරනවා.

හැබැයි තව අපි අමතක නොකළයුතු අතුරු කතාවක් ඇති පුද්ගලයෙක් ඉන්නවා. ඒ ටිරියන්. ඔහු ජෝරා සමඟ ඩැනේරිස් හමුවට එන විට පසු කළ විනාශයට පත් නගර වල සිට ග්‍රේ ස්කේල් හැදුණු මිනිහෙක්, ඔරුවට කඩා පනින දර්ශනය ඔබට මතකද? එවිට ටිරියන් ආරක්ෂාව පතා පනින්නේ හෝ වැටෙන්නේ වතුරට. ගැටලුව ටිරියන් හොඳ කඩුකාරයෙක් නොවීමයි. වයිට් වෝකර්ස් වරු නැසීමට, බුද්ධියම පමණක් ප්‍රමාණවත් නොවන බවත් අපි දන්නවා. මොකද එහෙම නම් ඉස්සරහට ඔය කාටත් වඩා සෑම් ට පුළුවන් අසෝර් අහායි වෙන්න. හා නැද්ද?

හැබැයි සිංහයා මැරීමේ කතාවෙදි නම් ජොන්, ජෙමි, ඩැනේරිස් හැමෝටම වඩා ඉස්සරහින් ටිරියන් ඉන්නවා. ටිරියන් තමයි ටයිවින් ලැනිස්ටර් ව මරන්නෙ. ඒ වගේම ජොෆ්රි ගේ මරණයට වග උත්තර කරු වන්නෙ. එහෙම බැලුවාම ඔහු සිංහයෙක්ව අනෙක් අයට ඉස්සරින් සෘජුව මරලා තියෙනවා. හැබැයි ටිරියන් එහෙම කරන්නෙ ජෙමී ඔහුව නිදහස් කළ නිසා කියන කාරණාව ඔලුවට ගත්තොත්, අපිට ටයිවින් ලැනිස්ටර් මැරීමේ ක්‍රෙඩිට් එක ජෙමී ගෙ එකවුන්ට් එකට දීලා එයාව පියවරක් ඉදිරියට ගන්න පුළුවන්. සර්සි තමන්ගෙ පියාගෙ දෙණ අසලදි, ජෙමීට ඒ පිළිබඳ චෝදනා කරන දර්ශනය ඔබට මතක නම්, එය තේරුම් යාවි.

නමුත් මේ හැම දේම විය යුතු පිළිවෙළක්, මේ අනාවැකියෙ තියනවා. මුලින් ජලයෙන්, දෙවනුව සිංහයෙක් ගෙන්, තෙවනුව බිරිඳගෙ හදවතින් මේ කඩුව පිරියම් විය යුතුයි. ටිරියන් සිංහයාගෙන් පිරියම් කරලා, ජලයෙන් පිරියම් කරන එක ඔට්ටු නෑ. ඒ විදිහට බැලුවාම. ජේමී ව අපි වක්‍රාකාරව ටයිවින්ගෙ මරණයට ගාව ගත්තොත් ජේමි යන පිළිවෙළ නම් හරි. හැබැයි මේ හැම කතාවක් ම හරියට පිළිවෙළට කම්ප්ලීට් කරගෙන එන දෙන්නා තමයි ජෝන් සහ ඩැනී. ඩැනී පළමු කතාවේ පළමු තැනින් ජලයෙන් පිරියම් වුණ හැටි අපි දැක්කා. ඇය තමා නොපිළිසෙන බව ඒත්තු ගත්තා. ඒත් ගැටලුව ඇගේ නිවැරදි ඉපදීම වෙන්නෙ ඉන්පස්සෙ. ඈ ගිනිගන්නා කඩු රැගෙන ලේ ගලන තරුවක් යට ඉපදෙන්නෙ ඉන්පස්සෙ.  එතකොට ජන තටාක කතාව ඔට්ටුත් නෑ.

පිළිවෙළට වැඩේ හැම දේම දැනට තියෙන ජොන් ලැනිස්ටර් කෙනෙක්ව හෝ සිංහයෙක්ව මැරුවොත්, අපිට ඊළඟ පියවර හිතන්න පුළුවන්. ඒත් වැරදීමකින් හෝ ජෙමී ඊට ඉස්සර, සර්සි ව මැරුවොත්, ඔහු පියවර දෙකක් එකවර සම්පූර්ණ කරනවා. හරියටම අර පුංචි කාලෙ අපි සෙල්ලං කරන නයා බෝඩ් එකේ දිග ඉණිමඟ සෙට් වුණා වගේ තමා.  හේතුව සර්සි සිංහයෙක් වගේම, ඔහුගේ දීර්ඝ කාලින ආදරිය.

ජෙමී පිළිබඳව තියෙන අනාවැකියෙදි, අපිට මේ කඩුවක් කියලාම හිතන්නත් බෑ. ඔබට මතක නම්, බ්‍රොන් සමඟ ජෙමී තමන්ගෙ අත කපා දැමූ පසු, කඩුව වනන්න පුරුදු වෙනවා.එහිදී ඔහුට කඩුවට වඩා තමන්ට ලබා දුන් යකඩ අත උපකාරී වෙනවා.තව දුරටත් ඒ අත නිසා ඔහු බේරෙනවා. ඔහු ටිරියන් නිදහස් කරන්නෙත් ඒ අතින්. මොකද ඔහු ගිනි හුල දරා සිටින්නෙ ඇඟිලි හැසිරවිය හැකි අතෙන් නිසා. එතකොට වක්‍ර කාරව ටයිවින් මරන්න දායක වුණෙත් ඒ අත. ඔහු සර්සි සමඟ පුද්ගලික කටයුතු කරන අවස්ථා වලදී නිතරම සර්සි ගෙ බෙල්ලෙන් ඇල්ලීමට හුරුවී සිටි බව අපිට පෙනෙනවා. ඔහුට තරහ යන, නැති නම් සර්සිට යමක් ප්‍රත්‍යක්ෂ කරන සෑම ආස්ථාවකදීම ඔහු සර්සි අල්ලන්නෙ බෙල්ලෙන්. එහෙම නම්, සර්සිගෙ අනාවැකියත් හරි යන්න පුළුවන්.. මේ කාරනා එක්කලා. ඒ හැමටම වඩා ටිරියන් සර්සි ට කරන අනතුරු ඇඟ වීම ඔබට මතක නම්,

 

“And your joy will turn to ashes in your mouth “

 

මේ කතා මාලාව තුළ එක දෙබසක්වත් නොවැදගත් නෑ. හචිමක්, හුස්මක් පවා ඉතාම වැදගත්. මේක ටිරියන් කියන්නෙ, සීසන් දෙක තුනකට එහායින් වුණත් ඒක වැදගත්. ඔබේ සතුට ඔබේ කට තුළම අලු වේවි. කොහොමද යකට අත ගිනි තියාගෙන සර්සිගෙ බෙල්ල ඇල්ලුවොත්.. මංදා ඉතිං මෙව්වා මම හිතන දේවල් ඉතිං.කොහොම හරි සර්සි ගෙ මරණය උදෙසා ආර්යා බලාගෙන හිටියත්, ඒක ජේමි අතින් වෙන්න ඉඩ වැඩියි. (මොකද මේ මහා භාරත් නෙවෙයිනෙ.) මොකද සර්සිට ගිනි හා සම්බන්ධ ගොඩක් පව් එකතු වෙලා තියන බව අපි වගේම ජේමිත් දන්නවා.

අසෝර් අහායි කියන්නෙ ගිනි ගන්න කඩුවක්ද, අතක්ද කියන කාරණය තවත් ඇත්ත කරන පොඩි තියරියක් අපිට තියෙනවා. ඒ තමයි හොලන් රීඩ් ගෙ පුතා. සීසන් හතරෙදි, ක්‍රස්ටර් කීප් මුදා ගන්න ජොන් සහ පිරිස එන්න මොහොතට ඉස්සර, බ්‍රැන්, හොඩොර්, මිරා, ජොජන් රීඩ් හිර කරලා තිබ්බ දර්ශනය ඔබට මතකද? එහිදී ජෝජන් රීඩ් කියනවා. “මේ අවසානය නෙවෙයි කියලා.“ එතකොට මීරා අහනවා. “අපි කොහොමද මොකක්ද අවසානය කියලා දැනගන්නෙ“ කියලා එතකොට තමන් එය දන්නා බව පවසන ජෝජන් රීඩ් ගෙ අත ගිනි ගන්නවා. එය සිය අවසානය පෙන්වීමද? සියල්ලේ අවසානය පෙන්වීමද කියලා ගැටලුවක් තිබෙනවා. ඒත් අතේ තියරියට එය හැබෑවටම සම්බන්ධයි.  ගිනිගන්නා අතකින් අවසානයක් වෙන බව එමගින් පැහැදිළියි. නැද්ද?

කොහොම වුණත්, තවමත් අසෝර් අහායි යන විරුදාවලියට තරඟ කරන්න, ජොන් ඩැනී, ජෙමි, ටිරියන් , ආර්යා, ජෝරා, සර් ඩාවොස්, ලියානා මෝමන්ට්, සන්සා, තියොන් ග්‍රේජෝයි වගේම සෑම් ටත් පුළුවන්. සමහරවිට ජෙමී ගෙ අත බැරිවෙලා, අසොර් අහායි වෙන්නෙ සර්සි වෙන්නත් පුළුවන්. කොහොම වුණත් දැනට මේ යන මාර්ගය තුළ විශාල බලයක් අනාවැකිය  තුළ ගොඩ නැගී තියෙන්නෙ, ජොන්ට හා ජෙමී ට තමයි. ඩැනිත් ටිරියනුත් පැත්තක ඉන්නවා..



හුදී වෙස්ටරෝස් ජනයාගෙ පහන් සංවේගය උදෙසා වචන 1650 ක් ටයිප් කළ අසෝර් අහායි තියරිය දැනට නිමියේය.

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
නෙරංජි සුලක්ඛනා (32 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

neranji has 32 posts and counting.See all posts by neranji

17 thoughts on “ඉනික්බිති හේ අසෝර් අහායි නම් වියැ…. 

  • August 5, 2017 at 6:32 AM
    Permalink

    ලිපිය ගොඩක් හොඳයි. දෙයක් කියන්න තියේ, ඩැනේරිස් ගේ ජල තටාකේ සීන් එකෙන් පස්සෙ ඩැනී ගේ ලව් එකටත් කෙළ වෙනවා නේද? කාල් ඩ්‍රෝගෝ ගේ පපුවට අර කැති පාරක් වැදිලා මැරිල යන්නෙ… ඒකේ සම්බන්දයක් නැද්ද ඩැනී ට? ඒම උනොත් ජෝනුයි ඩැනියි සමාන විදිහට ඉන්නව නේද? කාල් ඩ්‍රෝගෝ ගේ සීන් එක ලිපියෙ තිබ්බා කියල දැක්කෙ නම් නැහ් ඒකයි අහන්න හිතුණෙ.

  • July 29, 2017 at 4:49 PM
    Permalink

    ඔයාගේ ටිකිරි මොලේ තමා මොලේ!
    හැබැයි ගොඩක් හොදයි මෙ ලිපියට උඩින්ම දැම්මනම් “GOT එක ඉන්න කාටහරි “අසෝර් අහායි” වෙන්න පුළුවන් කියල…”
    මොකද මේක බැලුවම ඔක්ක්කොම ඉන්නවා 😀
    හැබැයි ලිපියට ගොඩක් ස්තූතියි!

  • June 21, 2017 at 3:54 PM
    Permalink

    Patta GOT enakam iwasillak natuwa balan inne

  • June 17, 2017 at 11:56 AM
    Permalink

    අම්මටත් කිව්ව GOT බලන කෙල්ලෙක් නම් හා කියල…ඕන දෙයක් කියල අහන්නම්..ඔයා බැදලද…?:):)

  • June 9, 2017 at 6:50 PM
    Permalink

    SUPIRI AKKE.MAN NAM HITHANNE JOHN THAMA

  • June 8, 2017 at 2:13 AM
    Permalink

    supirima supiri……

  • June 6, 2017 at 6:19 AM
    Permalink

    Elama.

  • June 4, 2017 at 10:17 PM
    Permalink

    බොහෝමත්ම ස්තූතියි කියනවාට වඩා ගොඩාක්ම පින් කියලා කියන්න ඕන .

  • June 4, 2017 at 9:06 PM
    Permalink

    thanks akke!! niyamai.

  • June 4, 2017 at 8:57 PM
    Permalink

    ස්තූතියි.

  • June 4, 2017 at 5:50 PM
    Permalink

    නියමයි අක්කේ….. නියම ලිපියක්…. ආසාවෙන් කියෙව්වා…. ජයවේවා…. දිගටම ලියන්න…

    #Hail_Hydra

  • June 4, 2017 at 9:10 AM
    Permalink

    ඔබට ස්තුතියි,

  • June 4, 2017 at 6:37 AM
    Permalink

    Thanks akke !!!issarahata me wage liyala danna!!!jaya wewa!!

  • June 3, 2017 at 7:25 PM
    Permalink

    supiriiiii!!!

  • June 3, 2017 at 7:24 PM
    Permalink

    Patta. Keep it up

Leave a Reply

Your email address will not be published. Required fields are marked *