Game of Throne ඉස්සරහට මක් වෙයිද?

තව නොබෝ දිනකින් අපි හැමෝම ආශාවෙන් බලාගෙන ඉන්න Game of Throne කතා මාලාව අපට දැකගන්න පුළුවන්. පළවෙනි ටේලර් එක බලලා ඉතින් නොඉවසිල්ලෙන් ඉන්න අතරතුරෙහි අපි හිතුවා තව ටිකක් ඔයාලාව අවුස්සන්න.  කොහොම වුණත් හත් වෙනි ටේලර් එක ගැන ඔයාලා යමක් දැගන්න කැමති නම්, ඒකත් බලාගෙනම එන්න.

හරි.. අපි අද කතා කරන්නෙ මේ කතාවට ඉස්සරහට මොනවා වෙයිද කියන කාරණාව, දැනට දන්න කාරණා ඇසුරෙන් ටිකක් නිරවුල් කරගන්න එක. පෙන්වනකං ඉවසගෙන ඉන්න බැරි කතා වස්තු අතරට Game of Throne එකතු වෙන්නෙත්, අපිට දැනටමත් ඇති කරලා තියෙන පැටලිලි සහගත කුතුහලයන් සහ ඉමක් නිමක් නැති අනාවැකි සංඛ්‍යාව නිසයි. Song of  Ice and Fire කෘතිය ආශ්‍රය කරගෙන මේ කතා මාලාව නිශ්පාදනය වෙනවා කියන කරුණ දැන් හැමෝම දන්නවා.  මේ වෙද්දි, ඒ කෘතියෙ පොත් පහක් නිකුත් වෙලා ඉවරයි.

  1. A GAME OF THRONES
  2. A CLASH OF KINGS
  3. A STORM OF SWORDS
  4. A FEAST FOR CROWS
  5. A DANCE WITH DRAGONS

නමුත් ටෙලි නාට්‍ය නම්, දැන් මේ කඩ ඉමත් පහු කරලා ගිහින්..  ඒ කියන්නෙ හයවෙනි කතා මාලාවෙදි, අපි දැක්කෙ පොත් වලින් ඔබ්බට ගිය සිද්ධි. The Winds of Winter  විදිහට තමයි එය හඳුන්වන්නෙ.පොත් හතක් ඇති විදිහට හඳුන්වන මේ කතා මාලාවෙ  හත් වෙනි කතාව තමයි A Dream of Spring. අපි පසු ගිය අවුරුද්දෙ නැරඹුවෙ The Winds of Winter  කොටසෙ පළමු අදියර. මෙවර The Winter is Here  ලෙස අපට  6 වැනි පොතේ දෙවනි කොටස දැකගත හැකියි. කෙසේ වෙතත් තවමත් මේ පොත් අපි දැකලා නෑ. කොහොමත් පොතට වඩා වෙනස්කම් දැනටමත්, බොහෝමයක් කතා මාලාව තුළ තියෙන නිසා, පොත නොකියවාපු කෙනෙකුට වුණත් මේ කතා මාලාවෙ කිසි අඩුපාඩුවක් දැනෙන්නෙ නෑ.


අදාළත්වයක් ඇති අය ( Counted ones)

මේ කතාවෙ, ඕනෑම සුළු චරිතයක් කතාවට කොයි වෙලාවෙ අදාළ වෙයිද කියලා, කියන්න අමාරු තරමට තත්වෙ සංකීර්ණයි.  ඒ වගේම සම්පූර්ණ ශුද්ධ පවුල් නැති නිසා අදාළ දෙතුන්දෙනෙක්ම පවුල් දෙකකට අයිති වෙන ප්‍රශ්නයකුත් තියෙනවා.

ස්ටාර්ක්වරු , ලැන්ස්ටර්වරු, ටාගේරියන්වරු දැනට අපිට පෙනෙන්නට ඉන්න ප්‍රධාන පවුල් තුන. මෙහිදී, ස්ටර්ක් වරුන්ට මුළු උතුරේම සහය ලැබෙනවා වගේම ඉස්සරහට එන ශිශිරයේදි, ටාගේරියන් හා ලැනිස්ටර් වරුන්ට වැඩියෙන් භූමියේ වාසියත් ලැබෙනවා. ලැනිස්ටර් වරුන්ට මේ වෙද්දි, සැකසහිත පිරිස් බලයක් ඉන්නවා. ඔවුන්ට ජය ගද්දි, යම් ලෙසකින් මිත්‍ර පක්ෂ එකතු වෙන්න ඉඩ ඇතුවා වගේම, හැරදමා යන්නත් ඉඩ තිබෙනවා.එහෙත් ස්ටාර්ක් වරුන්ට පාරම්පරික විශ්වාසය මත ගොඩ නැංවූ යුධ ශක්තියක් තිබෙනවා. ඒවගේම ටාගේරියන් වරුන්ට, ආකර්ෂණය මත ගොඩ නංවා ගත් යුධ ශක්තියක් තිබෙනවා. සර්සි ලැනිස්ටර් වෙස්ටරෝස් දීපය පාලනය කරනවා නම් ඇය හැප්පෙන්නෙ මේ යුධ ශක්තීන් දෙක හෝ එකක් එක්ක. හැබෑවටම මේ කතා පුවතෙදි, ජෝන් විසින් තවමත් යකඩ සිහසුන අපේක්ෂා කරන්නෙ නෑ. ඩැනේරිස් එය තමන්ට උරුම බව සිතන කෙනා වන අතරම සර්සි දැන් එය අයිති කරගෙන සිටින කෙනා වෙනවා. ඒ නිසා අපි පූර්ව ප්‍රචාරක පටයේ දැක්ක ලෙසටම, ඩැනේරිස් සර්සි ගෙ බලකොටු ආක්‍රමණය කරනවා. ඈ කින්ග්ස් ලෑන්ඩින් පාලනය කරමින්  එහි ඈ සිටියදීම, ඔවුන් එතෙක් මෙතෙක් සියලු සතුරන්ගෙන් රැකගත් (සියල්ල දිනූ රොබ් ස්ටාර්ක් ගෙන් පවා) කාස්ලි රොක් ඔවුන්ට අහිමි වෙන බවක් පෙනෙනවා. මෙහිදී, ඩැනේරිස් සමඟ එනම් අන්සලීඩ් වරු හා ඩ්‍රොතැකි වරු සමඟ සටනට එන්නෙ ලැන්ස්ටර් වරුන් පමණක්ම නොවෙන බවත්, පූර්ව ප්‍රචාරක පටිය හොඳට බැලුවොත් නුඹට පෙනේවි. සැම්වෙල් ටාර්ලි අයත් පරපුර වන සශ්‍රීක ටාර්ලි පරම්පරාවත්, ඩැනේරිස්ට විරුද්ධ වෙනවා. සැම්වෙල් ටාර්ලි ගෙ පියා පරාජය වෙන එක සෑම් ට නම් හොඳක් වේවි. මොකද දැනටමත් තාත්තා පුතණ්ඩියාව මරන්න හොයනවා ඇති නිසා ( පවුලෙ කඩුව හොරකම් කළාට)

මේ ගෑණුන්ගෙ යුද්ධ අස්සෙ  කොහොම නමුත්, ජොන් හෙවත් අපේ ධවල වෘකයා ට නිදහසේ උතුර බලාගෙන ඉන්න පුළුවන් කමක් එන පාටකුත් නෑ.. මොකද එක පැත්තකින් කලින් අනුමාන කළ නොහැකි මට්ටමේ හැසිරීම් තියෙන අර්ධ සොයුරියක් ඔහුට ඉන්නවා. ඒ අස්සෙ මරණය නැවත නැගිට එන බව අනෙක් හැමටම වැඩියෙන් ඔහු දන්නවා. කොහොම නමුත්, ජොන්ට ලැබුණු උපදේශකයාත්, ඔහු වගේම සිහසුනට ලොබ නොබඳින, ඒ වෙනුවෙන් දුක් නොවෙන කෙනෙක් වීම විශේෂයි. සර් ඩාවෝස් ඉතා විශ්වාසවන්ත කෙනෙක් බව දැනටම ඔප්පු වෙලා ඉවරයි. එහෙත් අපි දන්නවා කුඩා කල සිටම සිහසුනට ලෝබ වුණු කෙල්ලක් ගැන. ඈ තමයි සන්සා. ඈ තමාට අවශ්‍ය එකම දේ රැජිණක වීම බව සිය අම්මාට කිවූ තැන සිට විධිමත්ව කල්පනා කළොත්, සියල්ල විනාශය වීම ඇරඹෙනවා.

ඈ සිය විවාහය රැකගන්නට සිදුකරන සෑම ක්‍රියාවකින්ම ස්ටාර්ක්වරු අනතුරට පත් වෙනවා. ඒ පිරිමියාට ඇති ප්‍රේමය නිසා නොව, කිරීටයට ඇති ප්‍රේමය නිසයි. ඒ හැම දේකින්ම ඈ ද විනාශ වෙනවා. එහෙත් ඇය තවමත් කිරීටයට ආශා කරනවා. ඒ ආශාව ඇයගේ යටි හිතේ තිබෙන තාක්, ඇය කොයිතරම් අවිශ්වාස කරන පුද්ගලයන්ට වුවත් ඇයව ඇගේ පවුලට එරෙහිව මෙහෙයවන්න හැකි වෙනවා. ඒ නිසා ලිට්ල් ෆින්ගර් හෙවත් ලෝර්ඩ් බේලිෂ් ගේ උත්සාහය යම් විදිහකින් සාර්ථක වෙනවා. මේ උත්සාහය ව්‍යර්ථ කරවන්න පුළුවන් එකම ස්ටාර්ක් ආර්යා පමණයි. එයට ලෝඩ් බේලිෂ් මරා දැමිය යුතුයි.

ජොන් බොහෝ විට, ඩ්‍රැගන්ස්ටෝන් වලදි ඩැනේරිස් මුණ ගැසීමෙන් පසු, සැබෑ යුද්ධය ඇයට අවබෝධ කර දේවි. ඒ වගේම, සර්සිට මේ ගැන අවබෝධ කරලා දෙන්නත් හොඳම කෙනා ජොන්. ඔබට මතක නම්, පළමු කොටසේ පළමු කතාංගයේ ( Season 1 First Episode) හී දි රොබට් බැරතියන් ප්‍රමුඛ රජ ගෙදරම උතුරට එනවා. එහිදි සුබ පතා ගැනීම් අවසන් වූ සැණින්, රොබට් ට ඕනෙ වෙනවා සොහොන් ගෙට යන්න නෙඩ් ස්ටාර්ක් සමඟ. එහිදි නෙඩ් තම පෝළිමෙන් ඉවත් වූ සැණින් නෙඩ් ඉදිරියේ සිටි සර්සිට සම්මුඛ වෙන්නෙ ජොන්. ඈ ජොන් දෙස නොබලාම ඉවත් වෙනවා. සමහරවිට ඒ ජොන් කෙරෙහි ඈ තුළ යම් ආකර්ෂණයක් තිබෙනවායැයි අනුමාන කළ හැකියි. එක ඔහු රෙගාර් හා විවාහ වන්නට පෙරම්පිරුවා. දෙක ලියානා ස්ටාර්ක් ඇගේ යටි සිත අයට නිර්මාණය කර දී ඇති ලොකුම සතුරා. ඒ රූප දෙකම අඩු වැඩි ලෙස ජොන් කෙරෙහි පවතිනවා. එමෙන්ම පූර්ව ප්‍රචාරක පටයක් වන Long walk හී ගැයෙන ගීයෙ වචන දෙස අවධානය යොමු කරමු. Sit down next to me නම් ජනප්‍රිය ගීතයක්. එහෙත් එහි මෙම version එකට යොදා ඇති රූප සහ වචන පිළිබඳ සිතන විට එහි මුළු සටන් විරාමය පිළිබඳවම කියැවෙනවා.

දුකින් තැවෙමින්, සංකාවෙන් අහිමිවීමෙන් සුසුම් හෙළනා අය මා පසෙකින් හිඳ ගන්න. 

 

උමතුව දැවෙමින් සංකාවට පත් වූ අයද මා පසෙක ඉඳගන්න.

 

( මේ ජෝන් ඩැනේරිස්ට හා සර්සිට බිය, ආදරය, විරහව, සංකාව යන සියලු දෙයින් අනූන යුද්ධ මැද මහා යුද්ධය ඇත්තේ ජීවිතය හා මරණය අතර බව පිළිගැනීමට කරන ආරාධනයයි.)

කෙසේ වෙතත්, මුළු කතාව තුළම ජොන් , ටිරියන් හා ඩැනේරිස් අතර විශාල සමාන කම් පෙනෙන බව අපි කලින් සිටම දන්නවා. උපන් හැටියේ මවගේ මරණය, යම් පුද්ගලයෙක්ගෙ තෙවැනි දරුවා වීම, ශෝක ජනක ළමා කාල ගත කිරීම, පියා අසලක නොමැති මොහොතක ඉපදීම, තමා ආදරය කරන අය තමා නිසාම මරණයට පත් වීම, තම කුලයෙන් පිට අය සමඟ ආදරයේ බැඳීම, මහා යුද්ධ වලට නායකත්වය සැපයීම, තමන් විශ්වාස කරන අය අතින්ම ද්‍රෝහි වීම් වලට ලක්වීම පෙන්වා දිය හැකියි. එහෙත් අසෝර් අහායි යනු හැබීවටම කවුදැයි තවමත් ඔප්පු කළ නොහැකි තරමටම කතාව සංකීර්ණ අතර දැනට, මකරු තිදෙනා ලෙස ජොන්, ටිරියන්, ඩැනී තිදෙනා පෙන්වා දිය හැකියි. ජොන්ට හා ඩැනීට ටාගේරියන් ලේ සහිත බව ප්‍රත්‍යක්ෂ අතර, දැනට එය ප්‍රත්‍යක්ෂ කරගැනීමට ඇත්තේ ටිරියන් ගේ පමණි.

 

සෙස්ස.. පස්සට

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
නෙරංජි සුලක්ඛනා (33 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

neranji has 33 posts and counting.See all posts by neranji

11 thoughts on “Game of Throne ඉස්සරහට මක් වෙයිද?

  • June 8, 2017 at 2:21 AM
    Permalink

    supiri

  • June 5, 2017 at 3:02 PM
    Permalink

    ela… patta… thanks…

  • June 4, 2017 at 8:47 PM
    Permalink

    එලම.ස්තූතියි

  • June 4, 2017 at 5:54 PM
    Permalink

    නියමයි අක්කේ.
    නියම ලිපියක්.
    ආසාවෙන් කියෙව්වා.

    #Hail_Hydra

  • June 4, 2017 at 6:44 AM
    Permalink

    thanks akke!!!

  • June 3, 2017 at 7:17 PM
    Permalink

    akke oyata maaara widihata katha liyanna puluwan. quality uparimai>>

  • June 3, 2017 at 6:23 PM
    Permalink

    මාත් අම්බානෙකට ටීවී සීරියස් බලනවා
    මොකක්දෝ මන්දා
    මටත් තේරෙන්නේ නෑ
    මට මේක අල්ලුවේම නෑ නෙ
    ඇයිද දන්නේ නෑ
    ලිපි එහෙම කියවනවා
    එත් බලන්ඩ හිතෙන්නෙම නෑ
    කොහොම උනත් ලිපියට තැන්ක්ස්

  • June 2, 2017 at 11:26 PM
    Permalink

    ගොඩක් ස්තුතියි..
    ජයවේවා ඉදිරියටම යමු ජයවේවා…!

  • June 2, 2017 at 10:13 PM
    Permalink

    thanks 🙂

Leave a Reply

Your email address will not be published. Required fields are marked *