අපි නොදන්න ජෝන් වික්ගේ ලෝකය…

 

මේ කියන්න හදන්නේ ජෝන් වික් උන්නැහේ ගැන ටිකක්. හැමෝම පලවෙනි චිත්‍රපටියත් බලන්න ඇති නේ. දැන් දෙවෙනි එකත් ආවනේ. හැබැයි මේ කතාවේ අපි නොදන්නා මහා අමුතු අමුතු කතාවල් ටිකක් යනවා. සමහර වචන එහෙම ඇහුවම මෙලෝ හසරක් තේරෙන්නේ නැහැ. හයි ටේබල් කියයි, කොන්ටිනෙන්ටල් කියයි එත් ඒවගේ අන්තර්ගතයේ තියෙන්නේ අපි දකින වචනේ තේරුම නෙමේ. අද මම මේ හදන්නේ අන්න ඒ අප්‍රභංශ වචන වල පටලැවිල්ල ලිහල දෙන්න. එහෙනම් මෙහෙම පටන් ගන්නම්,

හැමෝම දන්නවා ජෝන් වික් කියන්නේ කුලියට මිනි මරණ දරුණු මිනිමරුවෙක්. හැබැයි ජෝන් වික් විතරක් නෙමේ මේ වැඩේ කරන එකම හාදයා. තව පිරිසක් ඉන්නවා. මේ අය එක එක රටවල්වල වෙන වෙනම පාලනය වන මූලස්ථාන හරහා තමා මේ මිනීමැරුම් කරන්නේ. ඒ වගේම මේ මූලස්ථාන පාලනය වෙන්නෙ එක මණ්ඩලයක් මගින්. ඔන්න ඕකයි සරලම අර්ථය. ඒත් කතාව තුල ඔයාලට ඇහෙන වචන වල තේරුම මම මේ විදිහට ගලපලා දෙන්නම්. මුලින්ම කියන්නම් මොකද්ද මේ The High Table කියන්නේ කියල.

The High Table

මෙතන ප්‍රධාන තිප්පල. ඒ කියන්නේ ලෝකේ පුරාවටම ඉන්න අපරාධකාරයනට තමන්ට අදාළ කලාපයේ බලය තියෙන නියෝජිතයෙක් ඉන්නවා. ඉතින් මේ නියෝජිතයොත් එක තැනකට රැස් වෙනවා. හරියට නිකන් අපේ පාර්ලිමේන්තුවට එක එක ඡන්ද කොට්ඨාශ වලින් මන්ත්‍රීලා පත් කරනවා වගේ. ජෝන් වික් කතන්දරේදී අපි මේ පාර්ලිමේන්තුව වගේ තැනට කියන නම තමයි “The High Table” කියන්නේ. මේක එක්තරා වෙළඳ සංගමයක්. මේ සංගමයේ අසුන් 12ක් තියෙනවා. මේ හැම අසුනක්ම එක ඒක පාතාල පවුල් වලට අයත් වෙනවා. පලවෙනි ජෝන් වික් චිත්‍රපටයේදී අපිට මේ ගැන දැනගන්න ලැබුනේ නැහැ ඒත් දෙවෙනි චිත්‍රපටයේදී ඔයාලට මේ මේසේ ගැන  අහන්න දකින්න ලැබේවි. ඉහත පින්තුරයේ දකින්න ලැබෙන්නෙත් ඒ වෙළඳ සංගමයේ ඉන්න සාමාජිකාවක් වන Gianna D’Antonio ගේ ඡායාරූපයක්.

The Continental 

කොන්ටිනන්ටල් කියල හඳුන්වන්නේ එක්තරා විදිහේ හෝටලයක්. හැබැයි මෙතන පහසුකම් සපයන්නේ අපරාධකාරයන්ට, කුලී මිනීමරුවන්ට. කාටහරි අපරාධයක් කරන්න යන්න උවමනා උනාම එයාල ගිහින් නතර වෙන්නේ මේ හෝටලයක. එතැනදී අදාළ අපරාධකරුට අවශ්‍ය සියළුම පහසුකම් මේ හෝටලය තුලදී සැපයෙනවා. ඇඳුම්, ආයුධ, තමන්ගේ සුරතල් සතු පවා මේ ස්ථාන වලට භාර කරලා තමන්ගේ අපරාධය කරලා එන්න පහසුකම් සපයනවා. ඒ වගේම මේ වගේ හෝටල් සෑම රටකම තියෙනවා. අපි පළමු චිත්‍රපටයේදී දැකපු වින්ස්ටන් පාලනය කරන්නේ නිව්යෝක් හෝටලය ඒ වගේම ඔහුට එක්තරා විදිහක බලයක් තියෙනවා හයි ටේබල් තුල තිරණ වලට බලපෑමක් එල්ල කරන්න. මේ අවස්ථාව ලැබෙන්නේ බොහෝදුරට ඔහු මේ ක්ෂේත්‍රය තුල හිටපු පැරණි සාමාජිකයෙක් නිසා විය හැකියි.

ඒ වගේම මේ කොන්ටිනන්ටල් තුල නීති පවතිනවා. ඒවා කඩ කලොත් කොච්චර ලොකු මිනිමරුවෙක් උනත් ජීවිතෙන් වන්දි ගෙවන්න වෙනවා. පළමු නීතිය තමයි හෝටල් බිම තුල මිනීමැරුම් කිරීම සපුරා තහනම්. එසේ කලොත් පළමු චිත්‍රපටයේ හිටපු පර්කින්ස් නෝනට උන දේ තමා සිද්ධ වෙන්නේ. ඒ නිසා මේ නීති අකුරටම ක්‍රියාත්මක වෙනවා. දෙවන චිත්‍රපටයේදී ජෝන් වික් රෝමයට ගිය විට ඔහුට පහසුකම් සපයන්නේ රෝමයේ ඇති එවැනිම හෝටලයකින්. උඩ තියෙන පින්තුරේ ඉන්න කෙනා තමා නිව්යෝක් හෝටලයේ මැනේජර් මහත්තය වින්ස්ටන් කියන්නේ.

The Sommelier

ඇත්තටම මේ නමින් හඳුන්වන්නේ හෝටලයක වයින් ලබා දීමට ඉන්න වේටර්වරයට. ඔයාල දැකල ඇති වෙනම වයින් බෝතල් ගොඩක් එක්ක මේ පුද්ගලයා ඉන්නවා ඒ වගේම සෑම වයින් වර්ගයක් ගැනම ඔහුට දැනුමක් තියෙනවා. මේ වචනය ඇත්තටම ප්‍රංශ වචනයක්. ඉතින් ඔන්න ඕක තමයි මේ අමුතු වචනේ නියම තේරුම. හැබැයි ඔයාල ජෝන් වික් බලනකොට මේ පුද්ගලයාගෙන් වයින් නම් බලාපොරොත්තු වෙන්න එපා. මොකද කොන්ටිනෙන්ටල් එකේ ඉන්න සොමලියර්ගෙන් ලැබෙන්නේ වයින් නෙමේ එයා තමා එතන ඉන්න ආයුධ විශේෂඥයා.  ඒකට හේතුව මම විශේෂයෙන් කියන්න උවමනා නැහැනේ. මේ හෝටලය තුල පහසුකම් සපයන්නේ මිනීමරුවන්, අපරාධකරුවන් වගේ අයට. එයාල එන්නේ විවිධ අපරාධ කරන්න පහසුකම් සපයන ස්ථානය මේ තැන වඩාත්ම සුදුසු නිසා. මේ හේතු නිසා අපරාධය පහසු කරන්න සාමාන්‍යය හෝටලයක වගේ අදාළ අය හිටියට එයාලගෙන් සැපයෙන සේවාව අපාරාධ වලට සමගාමී වෙලා තියෙනවා. ජෝන් වික් 2 බලපු අයට මේක හොඳටම දැකගන්න පුළුවන් ජෝන් වික් ආයුධ ලබාගන්න මේ සේවකයා වෙතට ගියාම වයින් තෝරලා දෙන ආකාරයටම ඔහු ජෝන් වික්ට විවිධ ආයුධ ජෝන් වික්ගේ මනාපය සහ අවශ්‍යතාවය අනූව දක්ෂ ලෙස නිර්දේශ කරන ආකාරයෙන්.  ඉහත පින්තුරයේ ඉන්නේ රෝමයේ තිබෙන කොන්ටිනේන්ටෙල් එකේ සේවය කරන සොමලියර්ගේ පින්තුරයක්.

The Tailor

මේ හෝටලයේ නමට අදාලව වැඩක් කරන එකම පුද්ගලයා මෙයා විතරයි. ඔව් ටේලර් වගේම කරන්නෙත් ඇඳුම් මහන වැඩේම තමා. ඔයාල දකින්න ඇති මේ හෝටලය එන හැමෝම එන්නේ කෝට් කලිසම් ඇඳලා යම්කිසි ඩ්‍රෙස් කෝඩ් එකක් අනූව. 99% පමණ එහෙමයි. හැබැයි ජෝන් වික් නම් ගෙදර හිටපු ඇඳුම පිටිනුත් එහෙම යන අවස්ථා අපි දැක්කා. හරි එහෙනම් ටේලර් උන්නැහේ තමා මේ පිළිවෙලට ඉන්න සේවාදායකයන්ට ඇඳුම් අවශ්‍යතා ඉටු කරන්නේ. ඒ වගේම ඔහු සතුව කොන්ටිනෙන්ටල් එකට පිටුපසින් වෙනම රෙදි වියලා ඇඳුම් මහන ටේලර් සාප්පුවකුත් තියෙනවා. සාමාන්‍යය ටේලර් කෙනෙකුගෙන් මොහු වෙනස් වෙන්නේ මෙයාගේ ඇඳුම් වලට විවිධ අංග එකතු කරනවා සේවාදායකයාගේ අවශ්‍යතාවය අනූව. කලින් කිව්වා වගේ අපරාධකාරයෝ කියන්නේ කොයි වෙලේ වෙඩිල්ලක් තමන්වෙත එයිද කියන බලාපොරොත්තු ඇතුව ජිවත් වෙන පිරිසක්. ඉතින් එයාල බලාපොරොත්තු වෙනවා එයාලගේ ඇඳුම් වෙඩි උණ්ඩ වලට ඔරොත්තු දෙන ජිවිත ආරක්ෂාව සපයන ඇඳුමක් කරගන්න. අන්න එතැනදී මේ අරුම පුදුම හෝටලයේ ටේලර් උන්නැහේ අපරාධකරුවන්ගේ ඒ අවශ්‍යතාවය ඉටු කරනවා. ඉහත පින්තුරයේ ඉන්න කෙනා තමා රෝමයේදී ජෝන් වික්ට අවශ්‍ය ඇඳුම මහල දෙන්නේ. එයා තමයි රෝම කොන්ටිනෙන්ටල් එකේ ටේලර් මහත්තයා.

The Cartographer

මේ ඉන්නෙත් එක්තරා විදිහට අපරාධකරුවන්ට සේවා සපයන්නෙක්. ඔහුගේ සේවාව තමයි නගරය තුල තිබෙනේ පෞරාණික වගේ නවතම ගොඩනැගිලි වල සිතියම් සැපයීම. ඔහු සතුව ඔහු සිටින නගරයට අදාලව පිහිට තිබෙන සෑම ගොඩනැගිල්ලකම පිහිටීම සහ එහි ව්‍යුහ වලට අදාළ ගොඩනැගිලි සැලසුම් තිබෙනවා. ඒ වගේම නගරයේ යටින් තිබෙන උමං මාර්ග යනාදියෙත්  ඔහු සතුව සැලසුම් තිබෙනවා. 

යම් අපරාධයක් කරන්න හොරෙන් ගොඩනැගිල්ලකට ඇතුල් වෙන්න මේ වගේ සැලසුම් අත්‍යවශ්‍ය දෙයක්. ඉතින් මේ සේවය සපයන පුද්ගලයා තමයි මේ සිතියම්කරු. ඔහුත් මේ සේවාව කොන්ටිනෙන්ටල් එකට අනුබද්ධව වෙනම පොත් සාප්පුවකට මුවාවී කරන අයෙක්. ඉහත පින්තුරයේ ඉන්නේ රෝම නගරය තුල ඒ සේවය සපයන සිතියම්කරු.

The Pawnbroker

මේ පුද්ගලයා නම් කොන්ටිනෙන්ටල් එකට අදාළ නැහැ. හැබැයි අපරාධකරුවන් විදිහට මේ උකස් බදු භාරගන්න පුද්ගලයා සපයන්නේ වෙනස්ම සේවාවක්. අපරාධකරුවන් තමාට ඇති තර්ජන සහ හදිසි අවස්ථා නිසා තමන්ගේ දේවල් මේ වගේ ස්ථාන වල තැන්පත් කරන්න පුරුදු වෙලා තියෙනවා. ඒ වගේම ලෝකයේ විවධ ස්ථාන වල මේ දේවල් තැන්පත් කරනවා මතු ප්‍රයෝජනය තකා. මොනයම් හෝ අවස්ථාවක හදිසි තත්වයක් උද්ගත උනොත් මේ වගේ ස්ථානයකට ගිහින් ඒ දේවල් ලබාගන්න පුළුවන් වෙන නිසා.

මෙහිදී සිද්ධ වෙන්නේ අපරාධකරුට අවශ්‍ය දේ රඳවා තැබීමට මේ ස්ථානයේ වෙනම පෙට්ටියක් ලැබෙනවා. ඒ තුල ඔහුට අවශ්‍ය ආයුධ, මුදල් ඇඳුම් වැනි දෑ තැන්පත් කරන්න හැකියාව තියෙනවා. ඒ වගේම ඒ සඳහා වෙනම ගිණුම් අංකයක් ඔහුට ලැබෙනවා නැවත ඒ දේවල් ලබා ගැනීමේදී ඉදිරිපත් කරන්න. ජෝන් වික් පළමු සහ දෙවන චිත්‍රපටි වලදී නම් ජෝන් වික් එයාගේ ගෙදරම බිම් මහලේ තමන්ගේම කියල භූගත ස්ථානයක් පවතවාගෙන යනවා මෙවැනි දේ සඟවන්න. 

The Cleaners

ඔව් මේකේ නම් මහා අමුත්තක් නැහැ වගේ තමා. කලීනර්ස්ලා කිව්වම එන්නේ සුධ කරලා දීල යන්න නේ. ඒ අපි දන්න කලීනර්ස්ලා. මේ උන්දලා ටික එන්නේ කෑවා හරි මැරුවට පස්සේ එතන කිසිම සාක්කියක් නැති වෙන්න සේරම සුද්ධ කරලා දෙන්න. අඩු තරමේ ලේ පැල්ලමක් ඇඟිලි සලකුණක් වත් නැති වෙන්න සුද්ධ කරලා දාන්න මේ පිරිස දක්ෂයි. ලෝකෙට පේන්න කුණු සුද්ධ කරන සමාගමක් විදිහට රඟපාලා මෙයාල කරන්නේ මිනි මැරුමක් උනහම එතන කලින් තිබුන විදිහටම පිරිසිදු කරලා මිනියත් එතනින් අයින් කරලා දාන රාජකාරිය. ඒ වගේම මෙයාලගේ අය කිරීම එක සිරුරකට එක රත්තරන් කාසියක්. මේ කාසි ගැන මම පහලින් ආය හැඳින්වීමක් කරන්නම්.

The Soup Kitchen

නම කුස්සියක් උනාට මෙතන උයන කිසි දෙයක් නම් නැහැ. මේ තමයි අපරාධකාරයන්ගේ බුද්ධි අංශ ප්‍රධාන මූලස්ථානය. හැබැයි ඒක වෙන්නේ හරි අමුතුම ක්‍රමයකට. නිව්යෝක් නගරය තුල සිදුවෙන සෑම දෙයක් ගැනම විස්තර මෙතනට ලැබෙනවා. විශේෂයෙන් අපරාධ සම්න්ධ දේවල්. ඒ දේවල් මෙතනට අරගන්නේ නගරය පුරා සෑම තැනකම හිඟමනේ යෙදිලා ඉන්න යාචකයන් හරහා. සුප් කිචන් එකේ ප්‍රධානියා තමයි ඉහත පින්තුරයේ ඉන්නේ නමින් බවරී කින්ග්. ඒ වගේම ඔහු පණිවිඩ සහ කුඩා පරිමානයේ දේ යවන්න යොදා ගන්නේ පරවියන්. ඒ වගේ ක්‍රමයක් තුලින් රහස් එලියට යැවීම අවම කරගන්න ඔහු සමත් වෙලා තියෙනවා. ජෝන් වික් 2 අවසානයේ ඔයාලට මේ චරිතය දැකගන්න ලැබේවි. 

Markers

මේක යම්කිසි ආකාරයක ප්‍රතිඥාවක්. අපරාධකරුවන් අතරේ පවා නීති සහ ප්‍රතිඥා තියෙනවා. මේ ඒ වගේ ප්‍රතිඥාවක් සංකේතවත් කරන්න දෙන සලකුණක්. මේ සලකුණ මගින් කියවෙන්නේ යමක් කිරීමට බැඳී සිටිනවා කියල ලෙයින් කරන දිවුරුමක්. මේ සලකුණ ඇතුලේ තියෙන්නේ ප්‍රතිඥාව දෙනු ලබන්නා තමන්ගේ මහපට ඇඟිලි සලකුණ ලේ වලින් තියලා අවශ්‍යය ඕනෑම දෙයක් කරදීමට බැඳී සිටිනවා කියල ප්‍රතිඥාව ලබා දෙන්නා හට කරන පොරොන්දුවක්.  ඉතින් මෙහෙම දෙයක් දුන්නට පස්සේ එය අනිවාර්යෙන්ම කරලා දෙන්න ප්‍රතිඥාකරු බැඳී සිටිනවා.  ජෝන් වික් පළමු චිත්‍රපටයේදී ජෝන් වික්ට මේ අපරාධ වලින් මිදිලා සාමාන්‍යය ජිවිතයක් ගත කරන්න අවශ්‍ය උනහම ඔහුට කල නොහැකි අන්දමේ මෙහෙයුමක් ලබා දුන්නා.  ජෝන් වික් කොහොමහරි ඒ මිෂන් ඉම්පොසිබල් එක කරලා පෙන්නුවා. 

ඉන් අනතුරුව අපරාධ ලෝකයෙන් මිදෙන්න අර මම මුලින්ම කියපු හයි ටේබල් එකන් ඊට අවසරය ලබා ගන්න  D’Antonioගේ උදවු ලබාගන්න ජෝන් වික්ට සුදු උනා. එහිදී කල ප්‍රතිඥාවක් තමයි ජෝන් වික්ට දෙවන චිත්‍රපටයේදී ගෙවන්න සිදු වන්නේ. ඉතින් මේ මාකර් එක සම්බන්ධ වෙන්නේ දෙවන චිත්‍රපටයේදී.

Gold Coins

කලින් කිව්වා වගේ මේ රත්තරන් කාසි තමා අපරාධ ලෝකේ ගනුදෙනු මාධ්‍යය. සියළුම සේවාවන් වෙනවට ගෙවීම් සිදු කරන්නේ රත්තරන් කාසි මගින්. මම කලින් කිව්වේ ක්ලීනර්ස්ලා ඇය කරන්නේ සිරුරකට රත්තරන් කාසියක් කියල.  ඒ තමයි ගෙවීම සිදු කරන අකාරය. මේ කාසියක් මගින් ඕනෑම සේවාවක් සපයාගන්න අපරාධකරුවන්ට හැකියාව ලැබෙනවා.  හෝටලය තුල ආයුධයක් ගන්න, ඇඳුමක් සපයාගන්න, සිතියමක් අරගන්න, හෝටලය තුල බාර් එකෙන් යමක් බොන්න ගන්න මේ හැම දේකටම එක රත්තරන් කාසියක් හොඳටම ඇති. ඒ වගේම යම් මිනීමැරුමක් කලාට පස්සේ ලැබෙන කොන්ත්‍රාත් මුදල නැවත ගෙවීම සිදු කරන්නේ ගිවිසගත් මුදලට සමාන රත්තරන් කාසි ගොඩකින්. මේ චිත්‍රපට දෙක පුරාවටම ඔයාලට දැකගන්න ලැබේවි කාසි ලබාදී යම් යම් සේවා සපයා ගන්න ආකාරය.


ඔන්න එහෙනම් මගේ රාජකාරිය අවසානයි. බොහෝ දුරට ජෝන් වික් 3 නමින් තවත් චිත්‍රපටයක් අපට ඉදිරියේ දැකගන්න ලැබේවි. මොකද දෙවැන්නේ අවසානය තෙවැන්නකට මග පාදමින් තමයි අවසන් උනේ. දිග විස්තරයක් ලියුවට සමාවෙන්ට ඕන. පුළුවන් තරම් කෙටි කරලා තමා මේ විස්තරේ ලිව්වේ කොහෙද එත් ටිකක් විතර දිග් ගැස්සුනා. එහෙනම් තවත් සිනමා තොරතුරක් මගින් ආයේ හමුවෙන්නම්. ජය!!!

තව දෙයක් කලින් ලිපියට ලැබුන ප්‍රතිචාර නිසා තමා මට තව එකක් ලියන්න හිතක් ආවේ. කියවල විතරක් යන්නේ නැතුව ඒ වගේ ප්‍රතිචාර ලැබුනොත් මේ වගේ විස්තර ඔයාලට දිගටම ලැබේවි 😉 

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
හසන්ත වික්‍රමරත්න (53 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


හසන්ත වික්‍රමරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

hasantha has 53 posts and counting.See all posts by hasantha

13 thoughts on “අපි නොදන්න ජෝන් වික්ගේ ලෝකය…

  • May 25, 2017 at 8:19 AM
    Permalink

    film 2ma balala godaak kal but ada thamai seen eka danagatte
    thx bro

  • May 11, 2017 at 11:44 AM
    Permalink

    Supiri saho.. patta lipiyak.

  • April 28, 2017 at 11:13 AM
    Permalink

    godak dewal denagaththa hariyatama
    Thanks

  • April 24, 2017 at 11:55 AM
    Permalink

    filima baluwata dn tami .story eka dna gate ,kargena yamu /thaxxxxxxxx boos

  • April 21, 2017 at 10:02 PM
    Permalink

    Aiye bohoma sthuthi lipiyata,, hodatama thiynawa.. Mn blpu niyma action film ekak..

  • April 19, 2017 at 11:28 PM
    Permalink

    ela……..maru film ekak

  • April 19, 2017 at 8:01 AM
    Permalink

    Aththatama supiri film ekak godak hoda visthra kirimak sthuthi obta saho……

  • April 17, 2017 at 7:20 PM
    Permalink

    Thank u bro. These things are so helpfull to understand the story.

  • April 16, 2017 at 11:47 AM
    Permalink

    aiye oya me de kiuwe nethnm film eka sampurnayen therum aran balanna beri wenawa. bohoma sthuthie aiye. jaya

  • April 15, 2017 at 7:26 AM
    Permalink

    Thanx…

  • April 14, 2017 at 6:28 PM
    Permalink

    elma

  • April 14, 2017 at 8:44 AM
    Permalink

    බොහොම ස්තූතියි සහෝ ලිපියට.දිගටම මේ වගේ ලිපි දෙන්න
    ජය වේවා!

  • April 14, 2017 at 8:05 AM
    Permalink

    suppaaa,,,,,, mama kamathima film akak ,,,,,,,,,,,,

Leave a Reply

Your email address will not be published. Required fields are marked *