ඇවෙන්ජර්ස් කණ්ඩායමට එරෙහි වෙන්නේ තානොස් විතරක්මද?

තදබල DC රසිකයෙක් උනත් මාවල් රසිකයෝ හැමෝම වගේ බලන් ඉන්න Avengers: Infinity War චිත්‍රපටය ගැන යමක් කියන්න තමයි මේ සූදානම. හැමෝම දන්නවනේ මේ කතාව වගේම ජස්ටිස් ලීග් කියන්නේ එකම කන්සෙප්ට් එකක් තුල දිවෙන වෙනස් කොමික් සමාගම් දෙකක චිත්‍රපට දෙකක්. ඒ කියන්නේ, පෘතුවි වීරයන්ට එරෙහිව පිටසක්වල සතුරන් අතර ඇතිවෙන ලෝකය බේරාගැනීමේ මෙහෙයුමක් පිලිබඳ වික්‍රමයක් තමා දැකගන්න වෙන්නේ. මම ජස්ටිස් ලීග් පැත්තකින් තියලා අද මේ කියන්න යන්නේ ඇවෙන්ජර්ස් ඉන්ෆිනිටි වෝ නමැති මාවල් සුපිරි වීරයන්ගේ තෙවන ආගමනය ගැනයි.

හැමෝම දන්නවා මේ චිත්‍රපටය තිරගතවෙන්න  දින නියම වෙලා තියෙන්නේ 2018 මැයි 04 වෙනිදා. ඒ වගේම මීට කලින් ඇවෙන්ජර්ස් චිත්‍රපට දෙකක් අපට දැකගන්න ලැබුනා. මීට කලින් ආරංචි උනා මේ චිත්‍රපටය නිල වශයෙන් නිෂ්පාදන කටයුතු නිව්යෝක් නගරයේ සහ ස්කොට්ලන්තයේ ආරම්භ කලා කියල. ඒ වගේම ලෝකය බේරගන්න ඉන්න වීරයොත් එහෙන් මෙහෙන් අපිට ඒ දර්ශන තල වලදී දැකගන්න ලැබුනා. මෙහෙම වීරයෝ පමණක් දැක ගත්තට අපිට තවම අපැහැදිලි දේ තමයි පෘතුවිය යටත් කරගන්න එන අපරිමිත බලයකින් යුක්ත ගල් සහිත අත්වැසුමක් පළඳින ඒ බලවත් හතුරා පෘථිවියේ ඉන්න වීරයෝ කණ්ඩායම එක්ක සටන් කරන්න මෙහෙට එන්නේ තනිවමද කියන කාරනාව. මෙහෙම සැකයක් එන්න හේතුව මේ චිත්‍රපටය තුලින් අපට වෙනදට දකින්න ලැබෙන ඇවෙන්ජර්ස් කණ්ඩායමට වඩා පිරිසක් දකින්න ලැබෙන නිසා. ඉතින් මම මේ කියන්න යන්නේ ඔයාල දන්න කියන දෙයක් ගැන නෙමෙයි හැමෝම සුපිරි වීරයෝ ගැන දන්නවා උනාට මේ වීරයෝ එක්ක සටන් කරන සුපිරි හතුරෝ කියල කිසිම අදහසක් නැහැනේ. එහෙනම් අද මේ කියන්න යනේ එයාල ගැන.

මෑතකදී ස්කොට්ලන්තයේ එඩින්බර්ග් වල සිදු කල රූගත කිරීම් වලදී රසිකයෙකු විසින් ට්වීටර් ගිනුමක පල කරපු ඡායාරූපයක් සහ කෙටි වීඩියෝවක් අපිට යම් දෙයක් සනාත කලා. ඒ තමයි තානොස්ගේ දුෂ්ඨ බලකායේ වන ” බ්ලැක් ඔඩර්” සාමාජිකයෙක් වන Corvus Glaive (කෝවස් ග්ලේව්) හසුරවන ආයුධයට සමාන ආයුධයක් සහිත CGI (Computer Generated Image) ලබාගත හැකි ඇඳුමකින් සැරසුන රංගන ශිල්පියෙක් දැකගන්න ලැබීම.

ඇත්තටම බ්ලැක් ඕඩර් කියන්නේ තානොස්ගේ සහයට ඉන්න එයාගේ අතවැසියෝ කණ්ඩායමක්. මේ පිරිස තමයි තානොස් විසින් ජීවය සහිත ග්‍රලෝක විනාශ කර දාන්න යොදාගන්නේ. මේ පිරිස පෘතුවියට එන්න ප්‍රධාන හේතු දෙකක් තියෙනවා ඒ තමයි ඉන්ෆිනිටි ස්ටෝන්ස් සහ බොහෝ කලක් තිස්සේ අතුරුදහන් වෙලා ඉන්න තානොස්ගේ පුත්‍රයා තේන්. මුලින්ම මම කියන්නම් කවුද  ඒ පිරිස කියල. මේ කට්ටියට කියන නම තමයි බ්ලැක් ඕඩර් හෙවත් නපුරේ පෙළගැස්ම. පස්දෙනෙකුගෙන් සමන්විත කණ්ඩායම මෙහෙයවන්නේ තානොස් විසින්.

Black Order 

  • Thanos (ප්‍රධානියා)
  • Corvus Glaive
  • Black Dwarf
  • Ebony Maw
  • Proxima Midnight
  • Supergiant

මේ නම් ටික දැක්කට පස්සේ ගොඩක් මාවල් චිත්‍රපට රසිකයෝ නම් උඩබිම බලනවත් ඇති ඇහුවෙත් අදනේ බොලේ කියලා. 😆  එත් කොමික් පොත් කියවන මාවල් රසිකයන්ට නම් බ්ලැක් ඕඩර් ටීම් එක අමුතු දෙයක් නෙමේ. මම කියන්නම් මේ කණ්ඩායමේ එක එක්කෙනා ගැන වෙනම සහ එයාලව හඳුනා ගන්න පුළුවන් පින්තුර කීපයකුත් දෙන්නම්. නැත්තන් ෆිල්ම් එක බලන අතරේ  මේ කවුද කියල තේරුම්ගන්න අමාරු වේවි.  එහෙනම් මුලින්ම කියන්නම් අර CGI ඇඳුම ඇඳගෙන හිටපු කෙනා කවුද කියල. ඒ තමයි කෝවස් ග්ලේව්.

Corvus Glaive

තානොස් ලඟින්ම ඉන්න එයාගේ විශ්වාස වන්තයෙක් වගේම තානොස්ගේ එක ජෙනරාල්වරයෙක්. තානොස්ගේ දකුණු අත කිව්වොත් වඩාත්නි වැරදියි. ඒ වගේම මෙයාට මෙන්න මේ වගේ සුපිරි හැකියාවන් තියෙනවා. සුපිරි ශක්තිය, වේගවත් බව, දරාගැනීමේ හැකියාව වගේම ඔහු සතුව තිබෙනවා විශේෂී වූ හෙල්ලයක්. එක කෙරවලක කවාකාර තලයකුත් අනෙක් කෙලවරේ ත්‍රිශුලාකාර හැඩයකින් යුත් තලයකින් මේ හෙල්ලය සමන්විතයි. ඒ වගේම මේ හෙල්ලයට ඕනෑම දෙයක් පසාරු කරගෙන යාමේ හැකියාවක් තිබෙනවා. කෝවස් අමරණිය පුද්ගලයෙක් වන්නට මේ හෙල්ලය යම් ආකාරයක උපකාරකයක්. 

පසු කාලීනව තානොස් සමඟින් ඇති කරගන්න ආරවුලකදී මේ හෙල්ලය දෙකඩ වෙන්න තානොස් පහරදෙනවා. ඒ සමගම තානොස්ගෙන් මැරුම් කන්න සිදුවීම වලක්වා ගන්න කෝවස් තමන්ගේම ආයුධයෙන් සිය දිවි හානිකරගන්නවා. මේ දේවල් අපිට ඉන්ෆිනිටි වෝ තුලින් දැකගන්න ලැබෙන එකක් නැහැ නමුත් මාවල් පොත පතේ අපිට දැනගන්න ලැබෙන විදිහට කෝවස් චරිතය නිමා වෙන්නේ එහෙමයි. මම ඊලඟට කියන්න යන්නේ කෝවස්ගේ සහෝදරයා ගැන. ඔහුත් තානොස්ගේ නපුරේ පෙළගැස්මේ එක සාමාජිකයෙක්.

Black Dwarf

කලින් කිව්වා වගේම මේ කණ්ඩායම තුල ඉන්න එකම සහෝදරයෝ දෙන්නගෙන් කෙනෙක් තමා බ්ලැක් ඩ්වෝෆ් කියන්නේ. ඔහුට තියෙන හැකියාවන් වන්නේ සුපිරි ශක්තිය සහ පසාරු කල නොහැකි හමක් ඔහු සතුවෙනවා. ඒ වගේම තානොස් මොහුව පෘතුවියට එවන්නේ වකන්ඩා අත්පත් කරගැනීමට. හැමෝම දන්නවනේ එහෙ ඉන්න වීරයා කවුද කියල. ඒ උනාට වකන්ඩා බේරගන්න වකන්ඩා වල වීරයාට නම් පුළුවන් වෙන්නේ නැහැ.  පසුකාලීනව බ්ලැක් ඩ්වෝෆ්ගේ අවසන් කටයුතු සිද්ධ වෙන්නේ නිල පැහැති සමක් සහිත ක්‍රි (Kree) ජාතිකයෙක් වන Ronan the Accuser අතින්. අපිට හල්ක් සහ මෙයත් එක්ක හොඳ සටනක් බලාගන්න පුළුවන් වෙයි අනිවාර්යෙන්ම.

Ebony Maw

මේ තමයි තානොස්ගේ කණ්ඩායමේ මොළකාරයා.සුදු හිසකෙස් සහිත නිල් පාට ඇස්දෙකකින් සමන්විත මේ පුද්ගලයට තියෙනවා සුපිරි බුද්ධි මට්ටමක් සහ  පුද්ගලයන් නතු කරගැනීමේ විශේෂ මානසික හැකියාවක්. තැනින් තැනට ක්ෂණිකව යෑමට අවශ්‍ය ටෙලිපෝටේෂන් යන්ත්‍රයක් සහ ෆොස් ෆීල්ඩ් ජෙනරටරයක් ඔහු සතුයි. (ෆොස් ෆීල්ඩ් ජෙනරේටරයක් කියන්නේ තමන්ගේ වටේ ආරක්‍ෂිත පලිහක් විදිහට ක්‍රියාත්මක වන බලයක්. ඔයාලට මේ වගේ එකක් දකින්න පුළුවන් Battleship චිත්‍රපටයේදී. මතකනේ නැව් ටික හිරවෙලා තිබ්බේ එලියන් ෂිප් ඒක වටේට මේ වගේ බලයක් සහිත වළල්ලක් ඇතුලේ.)

මේ චරිතය තමයි දොස්තර ස්ට්‍රේන්ජ් එක්ක සටන් කරන්නේ. හැබැයි සටනකට වඩා එබෝනිගේ බලය යොදාගෙන ඩොක්ටර් ස්ට්‍රේන්ජ් ලව්වා වැඩකරන්න තරම් හැකියාවක් ඔහුට තියෙනවා. කොමික් පොත පතේ හැටියට එබොනි ඩොක්ටර් ස්ට්‍රේන්ජ්ව තමන්ගේ රූකඩයක් බවට පත් කරගෙන පෘතුවිය තුල අතුරුදහන් වෙලා ඉන්න තේන් හෙවත් තානොස්ගේ පුත්‍රයා හොයාගන්නවා. ඉතින් එබොනි කියන්නේ කොයිතරම් බලවත් දුෂ්ඨයෙක්ද කියල හිතාගන්න පුළුවන්නේ. ඉතින් ස්කාලට් විච්ට නම් ලේසි වෙන එකක් නැහැ  එබොනි මෝ එක්කලා ඔන්න.

Proxima Midnight

මේ තමයි දුෂ්ඨ බලකායේ  ඉන්න කාන්තා නියෝජිතයන්ගෙන් පළමුවැන්නා  සහ Corvus Glaive උන්නැහේගේ අඹුව. ඒ වගේම Black Dwarfගේ නෑනන්ඩිය. සුදු පාට ඇස්දෙකක් සහ නිල්පාට සමක් සහිත මෙයාට තියෙනවා තානොස් විසින නිර්මාණය කරලා දුන්න අපූරු හෙල්ලයක්. ඒ වගේම තානොස් පෘතුවිය විනාශ කරන්න ඇයව එවන්නේ නමෝර් නමැති ඇට්ලන්ටිස් වල සහ මුහුදට අධිපති (ඇක්වාමෑන්ගේ කොපිය නෙමේ ඈ) වීරයාගේ ඉන්ෆිනිටි ජෙම් එක පැහැරගන්න. කොමික් පොත පතේදී නම් ප්‍රොක්සිමා මිඩ්නයිට් මුලින් හැප්පෙන්නේ මාවල් යකඩයා හෙවත් ලූක් කේජ්  එක්ක. එත් ලූක් කේජ් මාවල් චිත්‍රපටවල දැකගන්න නොලැබෙන නිසා කතාව තරමක් වෙනස් වෙන්න ඉඩකඩ තියෙනවා.

කියන්න අමතක උනානේ එයාට තියෙන හැකියාවන් මොනවද කියල. සුපිරි ශක්තිය, වේගවත් බව, දරාගැනීමේ හැකියාව වගේ ඇයගේ සැමියාට තියෙන හැකියාවන් බොහොමයක් ඇය සතුයි. කලින් කිව්වා වගේම ඇයගේ හෙල්ලය තමයි ඇයට තිබෙන ලොකුම ශක්තිය. එය නිපදවල තියෙන්නේ  තාරකාවක් (සුපර්නෝවා එකක්) සහ බ්ලැක් හෝල් එකක් විදිහට ක්‍රියාත්මක වූ වෙනත් සූර්යයෙක් යොදාගෙන. ඇයගේ හෙල්ලයෙන් නිකුත් වෙන ආලෝකය තුල ඉතාමත් තදබල විෂක් පවතිනවා. ඒ වගේම එය තුලින් නිකුත් වෙන ශක්තිය හල්ක් තුල පවතින ශක්තියට සමාන ශක්තියකින් සමන්විත වෙනවා. ඒ වගේම පසුකාලීනව ඇස්ගාඩියන් දෙව් දුවක් වන Hela විසින් Proxima Midnight ව මරා දමනවා. ඒ වගේම Hela චරිතය ඔයාලට මේ නොවැම්බර් තිරගතවන Thor: Ragnarok චිත්‍රපටයෙන් දැන අඳුරගන්න පුළුවන් වේවි.

Supergiant

බ්ලැක් ඕඩර් බලකායේ දෙවන කාන්තා නියෝජනය තමයි සුපර්ජයන්ට් කියන්නේ. හිසකෙස් රහිත කාන්තාවක් වන ඇයට කහ පැහැති ඇස්දෙකක් වගේම නිල් පැහැති සමක් තියෙන්නේ. ඒ වගේම ඇයට පුලුවන් ඕනෑම වර්ගයක ජිවියෙක්ගේ මනස කියවල ඔවුන්ව හසුරවන්න. වරකට එක අයෙකුට වඩා පිරිසක් හසුරවන්න ඇයට හැකියාව තියෙනවා ඒ වගේම දුර ස්ථානයක සිට මේ දේවල් කරන්න ඇයට ශක්තිය තියෙනවා. තැනින් තැනට ක්ෂණිකව ගමන් කිරීමේ හැකියාවද ඇය සතු තව සුවිශේෂී වූ බලයක්.

බොහෝ දුරට ඩොක්ටර් ස්ට්‍රේන්ජ් සහ ස්කාලට් විච්ට තරඟයක් දෙන්න එබොනි මෝ සහ සුපර්ජයන්ට් ද්විත්වයටත් විෂන්, තෝර්, හල්ක්, අයන්මෑන්, කැප්ටන් ඇමෙරිකා, බ්ලැක් විඩො, ස්පයිඩර් මෑන්, ඈන්ට් මෑන්, බ්ලැක් පැන්තර්  සහ හෝව්ක් අයි වගේ චරිත සමඟ සටන් වදින්න ප්‍රොක්සිමා මිඩ්නයිට් සහ බ්ලැක් ඩ්වෝෆ් සහ තානොස්  වගේ දුෂ්ඨයන් එකතු වේවි.  පස්දෙනෙක් එක්ක සටන් කරන්න මොකටද මාවල් සමාගම මෙතරම් සුපිරි වීරයන් පිරිසක් එකතු කරන්නේ?

අන්න එතැනදී අපිට උපකල්පනය කරන්න පුළුවන් දෙයක් තමා සුපිරි වීරයෝ ටිකට හිටපු කලින් සතුරන් තානොස් සමඟ අත්වැල් බැඳගනී කියන කාරණය. ඒ වගේම බ්ලැක් ඕඩර් කණ්ඩායමට අමතරව තානොස්ගේ වෙනත් මිත්‍ර පාර්ශව පෘතුවි වීරයන් සමඟ ගැටෙන්න අපේ ලෝකයට පැමිණේවි කියන කාරණය.  එතැනදී අපේ මතකයට එන්නේ ඈන්ට් මෑන් තුලින් අපි දැකපු යෙලෝ ජැකට්, ඒ වගේම තොර්ගේ සහෝදරයා ලොකි, සහ කැප්ටන් ඇමෙරිකා තුලින් දැකපු හයිඩ්‍රා බලකනුව රෙඩ් ස්කල් සහ ඉදිරි තෝර් රැග්නොක් චිත්‍රපටයේ දුෂ්ඨ චරිතය වන හෙලා වගේ චරිත තානොස්ගේ සහයට පැමිණේවි කියල උපකල්පනය කරන්න පුළුවන්.

මොකද මේ චිත්‍රපට ද්විත්වයට එකතුවෙන සුපිරි වීරයන් ප්‍රමාණය සැලකුවහම තානොස්ගේ හමුදාව ලෙහෙසි පහසු එකක් නම් වෙන්නේ නැහැ කියල හොඳටම විශ්වාසයි. ඒ වගේම බ්ලැක් ඕඩර් කණ්ඩායමට අමතරව තානොස්ගේ වෙනත් මිත්‍ර පාර්ශව පෘතුවි වීරයන් සමඟ ගැටෙන්න අපේ ලෝකයට පැමිණේවි කියන කාරණය මෙතැනදී ඉස්මතු වෙනවා. Galactus සහ  Doctor Doom වගේ චරිතත් මෙහිදී අපිට හමුවෙන්න ඉඩකඩ බොහොම වැඩියි.

ඒ වගේම මාවල් වීරයන්ට ලෝකය බේරගන්න එයාලට ලැබිල තියෙන හැකියාවල් නම් ප්‍රමාණවත් වේවිද කියන දේත් ප්‍රශ්නාර්ථයක් වේවි. කොහොම උනත් සතුරා බලවත් වෙන තරමට අපට හොඳ නිර්මාණයක් දැකගන්න ලැබේවි. ඒ වගේම සුපිරි වීරයන් කීප දෙනෙකුගේ වගේම සතුරන් කීප දෙනෙකුගේත් අවසානය මේ චිත්‍රපටය අවසානය සමගම දැක ගන්න ලැබේවි. එහෙනම් අපි බලමු මාවල් වීරයෝ ලෝකය බේරගන්න මොනවද කරන්නේ කියල  😎

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
හසන්ත වික්‍රමරත්න (50 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


හසන්ත වික්‍රමරත්න

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

hasantha has 50 posts and counting.See all posts by hasantha

7 thoughts on “ඇවෙන්ජර්ස් කණ්ඩායමට එරෙහි වෙන්නේ තානොස් විතරක්මද?

  • April 13, 2017 at 7:23 PM
    Permalink

    බොහොම ස්තූතියි සහෝ ලිපියට

  • April 11, 2017 at 9:24 AM
    Permalink

    hamme….. patta ah……..

  • April 11, 2017 at 5:11 AM
    Permalink

    නොදන්න කරුණු ගොඩක් දැනගත්තා සහෝ…මේක බලන්න වෙන්නෙ අගෝස්තු වලින් පස්සේ වීම ගැන දුකයි…thanx ලිපියට…

  • April 10, 2017 at 7:47 PM
    Permalink

    බොහෝම ස්තුතියි සහෝ ලිපියට..
    ජිවිතේට අහලා නැති කරුනු ගොඩක් දැනගත්තා සහෝ. මේ ෆිල්ම් ටික බලනකම් ඉවසන් ඉන්න එක තමයි සහෝ ලොකුම අවුල..
    ජය වේවා..

  • April 10, 2017 at 7:44 PM
    Permalink

    ela

  • April 10, 2017 at 6:24 AM
    Permalink

    mewa oyala liuwata comments ehma wdiya watenne naha wage.
    hbai baiscope me oyala krna wade nn maara godak watinawa.
    kiyanna wachana na..

    supiriiiii!!
    comments gana balanne nthuwa thwa mehema post damu.
    love you baiscope..

  • April 9, 2017 at 8:00 PM
    Permalink

    Elama thnx saho

Leave a Reply

Your email address will not be published. Required fields are marked *