Hindi Songs Now And Then – හින්දි සින්දු එදා සහ අද – 13

Gur Nalon Ishq Mitha
සින්දුවේ නම                                : Gud Naal Ishq Mitha (ආදරය හකුරු වලට වඩා පැණි රසයි)
මුල්ම එළිදැක්වීම සිදුවූ වර්ෂය       : 1991
නව නිර්මාණය සිදුවූ වර්ෂය          : 2015
 
ආයුබෝවන් ඔයාලට ඔක්කොමට. ඔන්න ඉතින් මේ සතියේ ඔයාලට හඳුන්වාදෙන සින්දුව තමා මේ. ඉතින් සින්දුව නම් ඉතින් ඔක්කොමල වගේ දන්නවා. අනු ගණන්වල ගුවන්විදුලි නාලිකාවල වගේම සින්දු කැසට්පට වලට ඇතුලත් කරලා දෙන රෙකෝඩ්බාර් වල දවසට කිහිප වාරයක් අනිවාර්යයන් ඇහිච්ච සින්දුවක් තමා මේ. ඔය නිහාල් නෙල්සන් බන්ගරා ඇවිත් ගියා කියල කියන්නෙත් මේ සින්දුව ගැන තමා. ඉතින් මම හදන්නේ ඒ අතීත සහ වර්තමාන ගීතය ඔයාලට ඉදිරිපත් කරන්න.
 
මෙම ඉෂ්කමිටා නමින් කෙටියෙන් හඳුන්වන ගීතය ඉස්ස්සරවෙලාම කැසට් පටයකට ඇතුලත් වෙන්නේ 1991 අවුරුද්දේ. ඒ බලි සාගෝ කියන සංගීත නිර්මාණ ශිල්පියාගේ Ragga Muffin Mix කියන ඇල්බමයට. ඇත්තටම ඒ ගීතය විනාඩි දහ හතරක් පමණ වෙන දිග එකක්. කාලයක් යනකම් ඒ කියන්නේ නන්ස්ටොප් කලාව එන්න කලින් තිබ්බ දිග සින්දුවක් කිව්වොත් හරි මේක. ඒත් බලි සාගෝ විසින් 2009 නිකුත් කරන ලද Bally Sagoo On The Mix කියන ඇල්බමයට විනාඩි හතරක දාවන කාලයකට ගීතය අඩු කරලා නව නිර්මාණයක් ලෙස ඉදිරිපත් කරලා තියනවා. පන්ජාබ් සංගීත රටාවක් වන බන්ගාරා තාලයට තමා මේ ගීතය නිර්මාණය වෙලා තියෙන්නේ. ගීතය ගායනය කරන්නේ වැඩිම බන්ගාරා ගීත විකිණීම් ප්‍රමාණය සඳහා ගිනස් වර්ඩ් රෙකෝඩ් එක උසුලන මල්කිට් සින්ග් කියන පන්ජාබ් ගායකයා.මලයිකා අරෝරා කාන් ඔයාල කවුරුත් දන්නවා නේ. එයාගේ මුල්ම කාලේ රඟපෑමක් මේ ගීතයේ බලාගන්න පුළුවන්. ඇල්බමය පළමු වරට එළිදක්වලා තියෙන්නේ Planet Studios ආයතනයෙන්.
 
මෙම ජනප්‍රිය ගීතයේ නව නිර්මාණය ඔයාලට දක්නට ලැබෙන්නේ සනි දියෝල් රඟපෑමෙන් එකතුවෙන 2015 වසරේ තිරගත වෙච්ච I Love NY චිත්‍රපටයේ. පදවැල් වල වෙනසක් මයුර් පුරි කියන පද රචකයා විසින් ඇතුලත් කරලා තියන අතරේ ටෝචි රයිනා විසින් ගීතය ගායනා කරනවා. සංගීත නිර්මාණය ප්‍රිතම් ගෙන්. සංගීත ඇල්බමය T-Series ආයතනය සතු වෙනවා.
 
ඉතින් ලබන සතියෙන් මේවගේ තවත් ගීතයක් හඳුන්වා දෙන්න එනවා කියන පොරොන්දුවත් සමග සමුගන්නවා.
 
බුදු සරණයි.
 
 
මෙන්න 2015 දී I Love NY චිත්‍රපටයට ඇතුලත් අලුත් ගීතය
 
 
මෙන්න බලි සාගෝ ගේ නව සංගීතයට නිර්මාණය වූ ගීතය
 
G.A.P. Ranathunga (45 Posts)


One thought on “Hindi Songs Now And Then – හින්දි සින්දු එදා සහ අද – 13

  • February 9, 2017 at 9:42 PM
    Permalink

    Thanks..

Leave a Reply

Your email address will not be published. Required fields are marked *