Hindi Songs Now And Then – හින්දි සින්දු එදා සහ අද – 12

unnamed
සින්දුවේ නම                              : Dhol Baaje (බෙරය වැයෙනවා)
මුල්ම එළිදැක්වීම සිදුවූ වර්ෂය      : 1999
නව නිර්මාණය සිදුවූ වර්ෂය          : 2015
 
ආයුබෝවන් ඔයාලට ඔක්කොමට. ඔන්න ඉතින් මේ සතියේ ඔයාලට හඳුන්වාදෙන සින්දුවත් අරගෙන තමා මම මේ ආවේ. ඇත්තම කියනවා නම් මේ සින්දුව එකපාරක් නෙවි කිහිපවාරයක් අලුත් විදියට නිර්මාණය වෙලා තියනවා. ඉතින් ඔයාල මේ ලිපිය කියවුවොත් දැනගන්න පුළුවන් ඒ  ගැන කතා ඔක්කොම. ඇත්තටම Dhol Baaje කියන තාලය ඉන්දියාවේ සුප්‍රසිද්ද ගැමි නර්තන ක්‍රමයක් වෙන ගර්බා කියන නැටුමට බාවිතා වෙන ගැමි පදවැලක්. ඒක මිනිස්සු අතරේ ජනප්‍රිය උනේ හින්දි චිත්‍රපට වලට ඇතුලත් කර ගැනීම  නිසා.
 
පළමු වතාවට මෙම පදවැල චිත්‍රපටයකට ඇතුලත් වෙන්නේ 1999 තිරගත වෙච්ච Hum Dil De Chuke Sanam කියන චිත්‍රපටයේ. සල්මාන් කාන් සමග ආශ්චර්යා රායි නර්තනයෙන් එකතු වෙන මෙම ගීතය එම චිත්‍රපටයේ තිබුන ජනප්‍රියම සින්දුවක් කිවුවොත් හරි. සින්දුව Dholi Taro Dhol Baaje නමින් තමා එම සංගීත ඇල්බමයේ ඇතුලත් වෙන්නේ. මෙහෙබුබ් කියන පදවැල් රචකයා විසින් රචනා  කරන ලද ගීතය ස්මයිල් දාබර් කියන සංගීත ශිල්පියා සංගීතවත් කරලා තියනවා. ගීතය ගායනය කරලා තියෙන්නේ කවිතා ක්‍රිෂ්ණමුර්ති එක්ක හරිහරන්. සංගීත ඇල්බමය Eros Music ආයතනයට අයිතියි.
 
ඊළඟට මෙම පදවැල් දක්නට ලැබෙන්නේ Nagada Sang Dhol නමින් Goliyon Ki Raasleela Ram-Leela චිත්‍රපටයේ 2013  වසරේදී. රන්විර් සින්ග් එක්ක දීපිකා පදුකෝන් රංගනයෙන් එකතුවෙන මෙම ගීතය ෆිල්ම් ෆෙයාර්, ස්ක්‍රීන් සහ බිග් ස්ටාර් වැනි සම්මාන පවා දිනාගන්න හැකිවෙලා තියනවා. සංගීත නිර්මාණය සංජය ලීලා බන්සාලි විසින් කරලා තියෙන අතරේ පද රචනාව සිද්දාර්ත් සහ ගිරිමා විසින් කරලා තියෙන්නේ. ගීතය ගායනය ශ්‍රියා ගොෂල් සමග ඔස්මන් මිර් විසින් කරලා තියනවා. සංගීත ඇල්බමය Eros Music ආයතනය සතුවෙනවා.
 
ඊළගට මෙම පදවැල් ඔයාලට දක්නට ලැබෙන්නේ Ek Paheli Leela චිත්‍රපටයේ 2015 වසරේ Dhol Baaje නමින්. ගීතයට පෙනී සිටින්නේ ඔයාල අපි කවුරුත් හොඳින් දන්නා සනි ලියෝනි. පදවැල් කුමාර් කියන රචකයා ලියල තියෙන අතරේ නව සංගීතය මිට් බ්‍රදර්ස් එක්ක අන්ජාන් විසින් සිදුකරලා තියෙනවා. ගීතය ගායනය මෝහිනී ටාකුර් ගෙන්. ගීත ඇල්බමය T-Series සතුයි.
 
ඔන්න ඕක තමා මේ ගීතයේ ඉතිහාසය සහ වර්තමානය. යන්න කලින් පොඩි දෙයක් කියන්න තියෙනවා. මෙම ලිපි මාලාවේ මේ මගේ දොළොස්වන ලිපිය. ඔයාලගේ අදහස් නම් ගොඩක් අඩුයි මේ ලිපි මාලාවට. ඔයාලට මේ ලිපි මාලාව වැදගත් නැත්නම් මම මේ ගැන මහන්සිවෙන එක වැඩක් නැ මම හිතන්නේ. ඒක හින්ද ඔයාලගේ අදහස් මට කියන්න අමතක කරන්න එපා.ඉතින් ඊළඟ සතියෙන් තවත් මේ වගේ ගීතයක් අරගෙන එනවා කියන ගමන් සමු ගන්නවා.
 
බුදු සරණයි.
මෙන්න 2015 දී Ek Paheli Leela චිත්‍රපටයට ඇතුලත් අලුත් ගීතය
 
මෙන්න 2013 වසරේ දී Goliyon Ki Raasleela Ram-Leela චිත්‍රපටයට නිර්මාණය වූ ගීතය
 
මෙන්න 1999 දී Hum Dil De Chuke Sanam චිත්‍රපටයට ඇතුලත් අලුත් ගීතය
G.A.P. Ranathunga (44 Posts)


3 thoughts on “Hindi Songs Now And Then – හින්දි සින්දු එදා සහ අද – 12

  • February 11, 2017 at 9:16 AM
    Permalink

    මෙහි පලමු ගීතය ගායනය කරන යුගලය Kavita Krishnamurthy හා Vinod Rathod ලෙස වෙනස් විය යුතුය.

  • January 31, 2017 at 11:27 AM
    Permalink

    Thanks…

Leave a Reply

Your email address will not be published. Required fields are marked *