Wonder Woman – පසින් උපන් වීරවරිය

 landscape-1469716323-wonder-woman-gal-gadot
සම්පුර්ණ නම                : තෙමිස්කාරා හි ඩයනා
වෙනත් නම්                  : වොන්ඩර් වුමන්, ඩයනා කුමරිය, මිස් ඇමරිකා, සත්‍යයේ දෙවඟන
උපන් වර්ෂය                 : බුද්ධ වර්ෂ 1200 පමණ
උපන් ස්ථානය              : තෙමිස්කාරා නගරය, ඇමසොනියා දුපත (ග්‍රීක දිව්‍ය ලෝකයේ කොටසකි)
උස                               : අඩි 6 කි
බර                               : කිලෝ 59 කි.
ඔන්න ඉතින් යාලුවනේ මම තවත් සුපිරි වීර චරිතයක් ඔයාල හමුවට අරගෙන ආවා. පසුගිය වර මම ඔයාලට හඳුන්වාදුන්නේ Marvel කට්ටියගේ සුපිරි වීරවරිය බ්ලැක්විඩෝ නේ. මේ පාර ඉතින් අවස්ථාව DC අයට. එයාලගේ සුපිරි වීරවරිය ගැන තමා මම මේ ඉදිරිපත් කිරීම කරන්නේ. සුපුරුදු DC චරිතවල තියන අවුල් සහගත බව මේ වොන්ඩර් වුමන් චරිතයේ දක්නට ලැබෙනවා. මොකද DC ආයතනයේ චරිත නිර්මාණ ශිල්පින් විවිධකාලයන් හි වෙනස් වීම නිසා චරිතවල ආරම්භයන් පවා වෙනස් වෙනවා. ඒ උනත් DC ආයතනය එම වෙනස්වීම් ගලපා තියන හෙයින් ඔවුන්ට අනුව මම සුපිරි වීර චරිතය ඔයාලට ඉදිරිපත් කරනවා.
ඈත අතීතයේ සාගරය මැද තෙමිස්කාරා නමින් දුපතක් තිබෙනවා (පසු කලෙක මෙය පැරඩයිස් දුපත ලෙස හඳුන්වනු ලැබුවා). එහි වාසය කරන්නේ ග්‍රීක දෙවිවරු. තවත් ලෙසකින් කියනවා නම් ඔලිම්පස් වල ප්‍රධාන දෙවියන් ජිවත් වෙන අතරේ සෙසු දෙවියන් ජීවත්වෙන්නේ තෙමිස්කාරා දුපතේ. දිනක් රාත්‍රියේ එහි ජිවත් වෙන හිපොල්යාටා රැජින තෙමිස්කාරා මැටියෙන් දරුවෙක් නිර්මාණය කරනවා. ඇතිනා දෙවඟන විසින් එම මැටි රුපයට ජිවය දෙනවා. හිපොල්යාටා රැජිනගේ ඩයනා නම් දියණිය ඉපදින්නේ එලෙසයි. මෙම හින්දාම ඩයනා මව්වරුන් දෙදෙනෙක්ගේ දුවණියක් වෙන්නේ. මෙසේ උපදින කුඩා ඩයනාට දෙවිවරුන් සය දෙනෙක් විසින් තම ශක්තින් ප්‍රධානය කරනවා. ජිවය දුන් ඇතිනා දෙවඟන විසින් දැනුම සහ වීර්යයත්, ඩේමෝටර් විසින් ශක්තියද, ආර්ටිම්ස් විසින් සත්වයන් තේරුම් ගැනීමේ හැකියාවත්, අපරෝඩියෙට් විසින් සුන්දරත්වය සහ සියලු දෙනා වශිවන රුපයද, හෙස්ටියා දෙවඟන විසින් ගින්න පාලනය කිරීමේ හැකියාවත් හර්මස් විසින් වේගවත් බවත් ලබාදීම නිසා කුඩා ඩයනා දැරියට සුපිරි බලයක් ලැබෙනවා.
image(1)
විවිධ අවස්ථාවල දෙවියන් වෙනුවෙන් සහ පැරඩයිස් දුපත බේරාගැනීමට මෙන්ම සමහර අවස්ථාවල දෙවියන්ගේ නපුරට විරුද්දවද ඩයනා කුමරිය සටන් වදිනවා. මේ හින්දාම විටක සියුස් දෙවියන් විසින් ඇයට තිබෙන සුපිරි බලය නැවත ලබා ගැනීම පවා සිදුවෙනවා. ඒ උනත් එයාගේ සටන් නිපුනතාවය හින්දා සියුස් පවා නැවත එම බලය ඇයට ලබාදීමට පෙළඹෙනවා. විටෙක දෙව්ලොවට ඇතුල්වෙන හර්කියුලිස් සිරගතව ඉන්නා විටක ඔහු බේරා නැවත මනුස්ස ලොවට යැවීමට පවා ඩයනා ක්‍රියාකරනවා. මෙලෙස පැරඩයිස් දුපතේ නමක් දිනා ගන්නා ඩයනා තෙමිස්කාරා හි ඩයනා නමින් ප්‍රසිද්ද වෙනවා.
මේ ආකාරයේ ඇයගේ දෙවියන් අතර ක්‍රියාකාරකම් වලට සම්පුර්ණ වෙනස් අකාරයේ සිද්දීන් වලට මුහුණ දීමට සිදුවෙනුයේ විසිවන සියවගේ මුල් කාලයේදී. ඒ කාලයේ තමා යුරෝපියන් මෙන්ම ඇමරිකානුවන් ද ලොව සංචාරය කරනා අවදිය. ගුවන් යානා අනතුරක් හේතුවෙන් පැරඩයිස් දුපතට පැමිණෙන කපිතාන් ස්ටීව් තේවර් හමුවීමත් එක්ක ඇයගේ ජිවිතයේ නව සංදිස්ථානයක් සනිටුවහන් වෙනවා. ඒ කෙටි කලක් ඔහු සමග පෙමින් බැඳෙන ඇයට නව ලොවට පැමිණ නපුරට එරෙහිව සටන් කිරීමට ලැබෙන ආරාධනය හේතුවෙන්.  දෙවියන් සමග සහ තම මව සමග කරන ලද වාද විවාද බොහොමයක් අවසානයේ ඇයට ඒ සඳහා අවසරය හිමිවෙනවා. සත්‍යයේ පුඩුව නමින් හදුන්වන ඇය බාවිතා කරන ආයුදයත් හර්මිස්ගේ සපත්තු කුට්ටමත් ඇයට මෙම කාර්යය සිදුකිරීමට උදව් කරගන්න දෙවියන්ගෙන් තෑග්ගක් ලෙස ලැබෙනවා. සත්‍යයේ පුඩුවෙන් ගැට ගසනා ඕනෑම කෙනෙක් ඇත්ත කතාකිරීමට පෙළඹීමත් හරිමිස් ගේ සපත්තු කුට්ටම පැලඳ ගැනීම නිසා අවශ්‍ය විටක ගුවනින් යාමට හැකියාවත් ඇයට ලැබෙන්නේ මේ ආකාරයෙන්. පළමුව බොස්ටන් නගරයට පැමිණෙන ඇයට ඉංග්‍රීසි උගන්වන්නේ ජුලියා කැපටලිස් සහ ඇයගේ දියණියයි. ඇය බොස්ටන් වල ජීවත්වෙන මහාචාර්යවරියක්. නව ලොව ගැන බොහෝ දැනුම් ප්‍රමාණයක් ඇයට ලැබෙන්නේ එතනින්.
නව ලොව ඇය හඳුනා ගන්නේ වොන්ඩර් වුමන් ලෙස. මින් පසු විවිද නම් වලින් පෙනී සිටිමින් ලොවෙහි නපුරට එරෙහිව යුද්ද කිරීම සිදුකරනවා. නමුත් ඇය ගැන හඳුනා ගැනීම සිදුවන විට ඇය සිදුකරන්නේ එම ප්‍රදේශයෙන් පලායාමයි. මේ නිසාම ඇය වෙනුවෙන් ලොව විවිධ තැන්වල අතුරුදහන් වීමේ වාර්තා සහ සමහර අවස්ථාවල මියයාමේ පුවත් ද දක්නට ලැබෙන්නේ. ගෝතම් නගරයේ ජීවත්වෙන කාලයේ නව ලොවට පැමිණෙන හරිමිස් දෙවියන් විසින් විවිධ අකටයුතු කම් සිදුකිරීම නිසා නැවත ඔහු පැරඩයිස් දුපතට පලවා හැරීම සඳහා සටන් කිරීම සහ පැරඩයිස් දුපතට ගොස් අමසොනියා යනුවෙන් හැඳින්වෙන ඇයගේ දේව පරම්පරාව වෙනුවෙන් අසුරයන් සමග සටන් කිරීමත් විසිවන සියවසේ ඇය සිදුකරන දෙව්ලොව සම්බන්ද සිදුවීම් කිහිපයක්. මිට අමතරව පළමු ලෝක යුද්දයේ නාසින්ට එරෙහිව සටන් වැදීම සහ දෙවන ලෝක යුද්දයේ උපස්ථායිකාවක් ලෙස වෙස් වලාගැනීමෙන් යුද බටයන්ට උදව් කරනා ගමන් මිත්‍ර පාර්ශවික කණ්ඩායම වෙනුවෙන් සටන් කිරීම ප්‍රධාන ප්‍රධාන තැනක් ගන්නවා. පසුව බැට් මෑන් ගේ ආරාධනයෙන් ජස්ටිස් ලිග් කණ්ඩායමට එකතු වී ලොව නපුරෙන් ගලවා ගැනීමේ සටන් වල නියැලෙන ඇය ලොයිස් ලේන් ගෙන් පසුව සුපර් මෑන්ට ආදරය කිරීමට පෙළඹෙනවා. ඇය දෙවි පරපුරකින් පැවත එන නිසාම යම් අවස්ථාවල නපුරට එරෙහිව සටන් කිරීමේදී සීමාව ඉක්මවා යන අවස්ථාවලදී ග්‍රීන් ලැන්ටන් සහ ෆ්ලෑෂ් වැනි ඇයගේම සඟයන් පවා ඇයට විරුද්ද වීම දක්නට පුළුවන්. කෙසේ හෝ වර්තමානයේ සුපර් මෑන් සමග සමීප සම්බන්දතාවක් ගොඩ නගාගෙන සිටින ඇය ගෝතම් නගරයේ මෙන්ම ලොව පුරාම නපුරට එරෙහිව සටන් වදිමින් සිටිනවා.
වොන්ඩර් වුමන් ගැන කතා කරන විට ඇයට තිබෙන ශක්තින් ගැන කතා නොකරම බැ. දෙවියන්ගේ තෑග්ගක් ලෙස ලැබුන විශාල කාය ශක්තියක් සහ වේගයෙන් තුවාල සුවවීමේ හැකියාව ඇය සතුයි. සාමාන්‍ය වෙඩි උණ්ඩයකට පවා ඇයට වෙනුයේ සුළු තුවාල පමණයි. හර්ම්ස්ගේ සපත්තු පැළඳගෙන ඉන්නා අවස්ථාවල පමණක් ඇයට ඉගිලියාමේ හැකියාව තිබෙනවා. ෆ්ලෑෂ් පවා ඉක්මවා යන වේගයක් සහ ක්ෂණිකව ක්‍රියාත්මක වීමේ හැතියාවක් ඇය සතුයි. කඩිසරබව, විශාල දරාගැනීමේ හැකියාවක් ඇයට තිබෙන අතර වෙනත් පුද්ගලයන් ගේ සිතුවිලි තේරුම් ගැනීමේ හැකියාව සහ සත්තුන්ගේ චර්යාවන් මගින් තොරතුරු ලබා ගැනීමට ඇයට පුළුවන්. මිට අමතරව ඕනෑම කෙනෙකු තමාට නම්මවා ගැනීමේ හැකියාවද ඇයට තිබෙනවා. ඒවගේම තියුණු කන් ඇසීමක් සහ ඇස් පෙනීමක් ඇයට තිබෙන අතර ගඳ සුවඳ දැනීමේ සුවිශේෂී හැකියාවක්ද ඇය සතුයි. ඒවගේම ආත්මාරක්ෂක සටන් මෙන්ම කඩු ශිල්පය, දුනු ශිල්පය, විසිකර පහර දීමේ ශිල්පය සහ මලපුඩු ඇටවීමේ ඇය නිපුනයෙක්. බාෂා බොහෝ ගණනක් කතා කිරීමට ඇති හැකියාව සහ  සාමාන්‍ය තරමේ මැජික් බලයක්ද ඇය සතුයි. නමුත් ඊතල සහ වෙඩි උණ්ඩ වලට ඇයට තුවාල සිදු කර හැකි අතරේ සර්ප විෂ මගින් ඇය අන්ධ වීමේ දුර්වලතා ඇයට තිබෙනවා.
සත්‍යයේ පුඩුව සහ හර්මිස් ගේ සපත්තු කුට්ටමට අමතරව ඇයට හර්මෙනියා දෙවියන්ගේ කවචය මගින් ශරීරයේ ආරක්ෂාව, Bracelets of Submission නමින් හදුන්වන අත් පළඳනා මගින් උණ්ඩ වැනි පහර දීම් මාධ්‍යන්ගෙන් ආවරණයක් ලබා ගැනීමේ හැකියාවත්, රනින් සාදන ලද ශරීර ආරක්ෂණ ඇඳුමත්, අවශ්‍ය විට විනිවිද පෙනෙන පලිහක්, සහ විවිද බලයන් සහිත මුදු විශේෂ කිහිපයක් ඇය සතු ආයුද ලෙස දක්වන්න පුළුවන්.
image(2)
ඔන්න ඕක තමා අපි කවුරුත් දන්නා වොන්ඩර් වුමන් ගේ ජිවිත කතාව බොහොම කෙටියෙන්. දැනට ප්‍රධාන කතා තේමාවන් පහලවකට වැඩියෙන් නිර්මාණය වී තියන වොන්ඩර් වුමන් කොමික් චරිතයට DC ආයතනය විසින් අවස්ථා පහකදී නව ආරම්භයන් ලබාදී තිබෙනවා. සරලව කියනවා නම් එකිනෙකට වෙනස් පටන් ගැනීම්. ඒ විවිධ නිර්මාණ ශිල්පින් චරිතය නිර්මාණය කිරීම සහ DC ආයතනයේ කළමනාකාරිත්වය වෙනස් වෙන බොහෝ අවස්ථාවල දී කොමික් කතාවලට නව මුහුණුවරක් ලබාදීමයි.  1941 වර්ෂයේ All Star Comics #8 චිත්‍රකතා පොතින් පලමුවරට මෙම චරිතය පාඨකයා හමුවට පැමිණෙනවා. දැනට ඔයාල දන්නා නවලොව වොන්ඩර් වුමන් පළමුවරට ඔයාල හමුවට එන්නේ 1987 දී Wonder Woman Vol 2 #1 කියන කොමික් පොතෙන්.  William Moulton Marston, Harry G. Peter සහ Elizabeth Holloway Marston එකතුව නිර්මාණය කරනා ලද මෙම DC සුපිරි විරවරියගේ චරිතය දැනට කොමික් පොත් විශාල ප්‍රමාණයකින් අප හමුවට පැමිණිලා තියනවා. 1998 දී Wonder Woman vol.2, #130 පොත මගින් ඩයනා නොහොත් වොන්ඩර් වුමන් ගේ මව වන හිපොල්යාටා රැජින වොන්ඩර් වුමන් ලෙස එලි දැක්වීම තරමක් වෙනස් කතා තේමාවක් DC රසිකයන්ට ලබා දීල තිබෙනවා.
image(3)
පළමු වරට කොමික් පොතක පිට කවරයට 1942 දී Sensation Comics #1  ඇයගේ චරිතය දක්නට ලැබෙනවා. ඊට අමතරව රුපවාහිනී කාටුන් කතාමාලා 13 සහ සජීව කතාමලාවක් ලෙස Who’s Afraid of Diana Prince? (1967) නමින් නිර්මාණය වෙලා තිබෙනවා. මේ දක්වා සජීව චිත්‍රපටයක් ලෙස 1974 දී තිරගත වී තිබෙන අතර 2009 දී ඇනිමේෂන් චිත්‍රපටයක් ලෙස සහ 2011 දී රුපවාහිනී චිත්‍රපටයක් එලි දැක්වී තිබෙනවා. 2017 වසරේදී Gal Gadot වොන්ඩර් වුමන් ලෙස රඟපෑමෙන් එකතුවෙන වොන්ඩර් වුමන් චිත්‍රපටයක් තිරගතවීමට නියමිත අතරේ ඇය විසින්ම රඟපෑමෙන් දායක වන Batman v Superman: Dawn of Justice 2016 චිත්‍රපටයෙන් අප හමුවට පැමිණ තිබෙනවා.
image(4)
ඔන්න ඉතින් තවත් සුපිරි වීර චරිතයක් එක්ක ඔයාල හමුවට එන බලාපොරොත්තුවෙන් සමු ගන්නම්. ඔයාල සියලු දෙනාටම බුදු සරණයි.
G.A.P. Ranathunga (45 Posts)


9 thoughts on “Wonder Woman – පසින් උපන් වීරවරිය

  • December 1, 2016 at 1:55 AM
    Permalink

    ela bro,. Fatta lipiya

  • November 24, 2016 at 8:53 AM
    Permalink

    tanx sho…

  • November 22, 2016 at 9:41 AM
    Permalink

    1980 ගණන්වල වොන්ඩර් වුමන් චරිතයෙන් DC නිර්මාණය කරන ලද කෙටි කතා තේමාවක තමා සියුස් ගේ දරුවක් කියල තියෙන්නේ සහෝ. ඒ හර්කියුලිස් වැනි අර්ධ දෙවියෙක් බවට මේ චරිතය පත් කිරීම සඳහා. ඒ උනත් තේමාව ජනප්‍රිය නොවීම හේතුවෙන් කොමික් කතා කිහිපයකට පමණක් ඒක සිමා උනා. පසුව Challenge of the Gods කියන කතා මාලවේ නැවතත් උත්සාහ කලත් එවරද අසාර්ථක උනා. ඒ හින්දා පසුව DC ආයතනය සියලුම ග්‍රීක දෙවිවරුන් සියුස් ට යම් අකාරයකින් නෑකම් කියනවා කියල ඒ කතා තේමාවන් සදාරනිකරණය කරන්න උත්සාහ අරගෙන තියනවා.

    මේ ඔයාලට මම දුන්න ලිපියට පදනම් වෙන්නේ DC ආයතනයේ නිල වශයෙන් ඉදිරිපත් කරලා තියන චරිත කතාව. ඊට අමතරව විකිපීඩියා සහ වෙනත් ප්‍රධාන තොරතුරු පද්දති වල තොරතුරුත් අදාළ කරගෙන තියනවා. ඒ හින්ද වොන්ඩර් වුමන් කියන්නේ හිපොල්යාටා සහ ඇතිනා කියන මව්වරුන් දෙදෙනෙක් ගේ දරුවෙක් කියනා එක තමා වඩා නිවැරදි. එත් Pasindu Ruwandeniya කියන විදියට සියුස්ගෙයි හිපෝලීටා රැජීනගෙයි දරුවෙක් කියන කතාවත් එක කතා තේමාවක තියනවා කියල ඔයාලට පැහැදිලි කරන්න කැමතියි.

  • November 21, 2016 at 11:20 PM
    Permalink

    සමහර වෙලාවට සියුස්ගෙයි හිපෝලීටා රැජීනගෙයි දරුවෙක් කියනව නේද wonder woman?

  • November 20, 2016 at 9:01 PM
    Permalink

    Thanks…
    Ilaga lipiya FLASH gana dennako….

  • November 20, 2016 at 6:09 PM
    Permalink

    tanx sho…

  • November 19, 2016 at 11:50 PM
    Permalink

    බොහොම ස්තූති…. විස්තර ගෙනාවට….

  • November 19, 2016 at 8:27 PM
    Permalink

    Niyamai. Sthuthi lipiyala

Leave a Reply

Your email address will not be published. Required fields are marked *