Bat Man – ගෝතම් නගරයේ ආරක්‍ෂකයා

datauri-file

සම්පුර්ණ නම     : බෲස් වේන්
වෙනත් නම්       : බැට් මෑන්, ඩාක් නයිට්
උපන් වර්ෂය      : වයස සඟවා ඇත
උපන් ස්ථානය   : ගෝතම් නගරය
උස                   : අඩි 6 අඟල් 2
බර                    : කිලෝ 95 කි.

උපතින්ම බිලියනපතියෙකු උවත් බෲස්ගේ ජිවිත කතාව පටන් ගන්නේ ලොකු අභාග්‍ය සම්පන්න සිදුවීමක් එක්ක. ඒ එයාගේ තාත්තා වන තෝමස් වේන් සහ මව වන මාර්තා වේන් කුඩා බෲස් ගේ ඇස් ඉදිරිපිට ඝාතනය කිරීම. ඒ ගෝතම් නගරයේ විදියක ඇවිදන් යන අවස්ථාවේ ජෝ චිල් කියන මං පහරන්නා විසින් වෙඩි තැබීමකින්. එවෙලාවේ එයාගේ පිහිටට එන්නේ ලේසි තොම්ස්කින් කියන සමාජ සේවිකාව. එයා තමා කුඩා බෲස් ගෝතම් නගරයට පිටින් තියන එයා සතු සුවිසල් මන්දිරයට අරගෙන එන්නේ. ඉන් පසු ඔහු හැදී වැඩෙන්නේ ඇල්ෆ්‍රඩ් පෙනිවර්ත් කියන පවුලේ බට්ලර් වරයා (ප්‍රධාන සේවකයා) යටතේ. බෲස් සමගම එයාට අයිති වේන් සමාගම පවා ඔහු පරිස්සමින් සහ අවංකව සොයා බලා ගන්නවා. එම නිසා සැම විටම බෲස් විසින් ඇල්ෆ්‍රඩ් ව තම පවුලේ සාමාජිකයෙක් තරමටම ආදරය කරනවා. කුඩා අවදියේම බෲස්  තමාටම දිව්රීමක් කරනවා කවදාහරි තම දෙමව්පියන්ගේ ජීවිතය පවා පැහැරගත් ගෝතම් නගරයේ පැතිර තියන නපුර විනාශ කරනවා කියල. ඒ හින්ද එයා ලෝකේ පුරාම විවිද විශ්ව විද්‍යාල වලට ඇතුලත් ව රසායන විද්‍යාව, අපරාධ පරීක්ෂණ විද්‍යාව, අධිකරණ වෛද්‍ය විද්‍යාව, ආත්මාරක්ෂක සටන් ක්‍රම, ජිම්නාස්ටික්, සැඟවීම් ශිල්පය සහ ගැලවියාමේ නිපුණත්වය ලබා ගන්නවා. වයස දා හතරේදී පමණ කේම්බ්‍රිජ්, සෝබෝන් සහ අනිකුත් යුරෝපයේ විශ්ව විද්‍යාල වලට ඇතුලත්ව තමන්ගේ දක්ෂතාව ඔප් නංවා ගන්නවා. ඒ අතරේම එයා පුද්ගලයන් සොයා ගැනීම ගැන නිපුණත්වය ඉන්ටර්පෝල් හි හොඳම පොලිස් නිලදාරියා වන ප්‍රංශ ජාතික හෙන්රි ඩුකාර්ඩ් ගෙන් ද, රහසේ ගමන් කිරීම සහ වටපිට පිරික්සීම ජපාන නින්ජා කෙනෙක් වන කිරිගි ගෙන්ද, මල්ලවපොර ශිල්පය ඔයාල වයිල්ඩ් කැට් නමින් හඳුන්වන ටෙඩ් ග්‍රාන්ට් ගෙන්ද, බොක්සින් ශිල්පය ඔයාල මැඩ් ඩෝග් ලෙස හඳුන්වන ඩේවිඩ් චෙන් ගෙන්ද, සම්ප්‍රදායික සිත් දියුණු කිරීම සහ විනය පිලිබඳ නේපාලයේ ලාමා වරුන්ගෙන්ද ඉගෙන ගන්නවා. ඒ අතරේම ඔයාල හොඳින්ම ග්‍රීන් ඇරෝ ලෙස දන්නා ඔලිවර් ක්වින් ලාබාල බෲස් හට දුනු ශිල්පය උගන්වනවා. ඒ කියන්නේ සමහර විට ඔයාල දන්නේ නැතුව ඇති බැට් මැන් කියන්නේ ග්‍රීන් ඇරෝ ගේ ගෝලයෙක් කියල.

ඔන්න ඉතින් තවත් DC සුපිරි වීරයෙක්ගේ විස්තරයක් අරගෙන තමා මම මේ ආවේ. ඇත්තටම මේ වීරයා අනිකුත් සුපිරි වීරයන්ට වඩා ගොඩක් වෙනස්. මොකද මෙයා සාමාන්‍ය මනුස්සයෙක් විතරයි. කිසිම සුපිරි බලයක් නැ. එත් තමාගේ උත්සාහයයි, නිර්භීත කමයි එක්ක ලොව නපුරට එරෙහිව ලොකු සටනක් කරගෙන යන කෙනෙක් විදියට හඳුන්වන්න පුළුවන්. සාමාන්‍ය මනුස්සයෙක් උනත් එයා හා සමගාමී සුපර් මෑන් සමග පවා බැට් මෑන් සමකරන්න නොහැකි වෙන්නේ වරක් සුපර් මෑන් පවා ලොව සිටිනා දරුණුම සහ බුද්ධිමත්ම කෙනා විදියට බැට් මෑන් නම් කරපු හින්දයි (Superman: Doomed පොතට අනුව).

කෙසේ හෝ අවුරුදු විස්ස සම්පුර්ණ වෙනකොට බෲස් ආත්මාරක්ෂක සටන් ක්‍රම එකසිය විසි හතක දැනුම සමගම ලොව තිබෙන සියලුම විෂයන් දන්නා බුද්ධිමත්ම පුද්ගලයන්ගෙන් කෙනෙක් බවට පත්වෙනවා. රහස් පරීක්ෂණ සහ පිලිබඳ මනා නිපුනත්වයක් ලබා ගන්න බෲස් මනස පාලනය (ටෙලිපති), මෙන්ම සැඟවීසිටීමට ඇති හැකියාව ගැන මනා හැකියාවක් ලබා ගන්නවා. මේ හින්ද එයා FBI ආයතනට සම්බන්ද වෙන්න උත්සාහ කලත් එහි තියන නීති රෙගුලාසි සමග තමා  බලාපොරොත්තු වෙන ගෝතම් නගරය අපරාද වලින් තොර තැනක් කිරීම යන සිහිනය සැබැ කර ගන්න බැරි බව සිතා ඉන් ඉවත් වෙනවා. කොටින්ම එයා සිතා ගන්නවා නීති රාමුව ඇතුලේ ඉදන් ගෝතම් නගරයේ අපරාද නැති කරන්න බැරි බව.

ඉතින් මේ සියලු දැනුමෙන් සන්නද්ධව තමා සතු වේන් මාලිගයට එන බෲස් තමන්ට පවුලේ උරුමයෙන් ලැබුණු වේන් සමාගමේ වැඩ කටයුතු බලාගනිමින් අවුරුදු දෙක තුනක් ගත කරනවා. ඒකට හේතුව වන්නේ තමා මොනතරම් දේවල් ඉගෙන ගත්තද කුමක් හෝ දෙයක් මග හැරී ඇති බව ඔහුට දැනීමයි. නිතර ඒ ගැන සිතමින් වේන් මන්දිරයේ ආලින්දයේ දිනක් සවස් කාලයේ පුවත් පතක් බලමින් සිටි බෲස් ට අත්දකින්න වෙන සිදුවීමකින් තමා ලොවට බැට් මෑන් චරිතය ලැබෙන්නේ. බෲස් කුඩා කල ඉදන්ම වවුලන්ට ඉමහත් බියක් දක්වනවා. ඉතින් මේ සිදුවීම වන දිනයේ සවස් කාලයේ වවුලෙක් ඔහුගේ ජනේලයක වීදුරුව බිඳගෙන විසිත්ත කාමරයට වැටෙනවා. ඒ අවස්ථාවේ වවුලට ඇති බය ගැන සිතන කොට තමා බෲස්ට තමන් මෙතෙක් කල් මග හැරුනේ කුමක්ද යන්න තේරුම් ගන්නේ. ඒ තමා බයට මුහුණ දීම සහ එය මැඩ පැවැත්වීම. මේ වෙලාවේ එයා සිතා ගන්නවා තමා බය වවුලා විදියටම තමා නපුර බය කරන බව. ඉතින් ඉන් පස්සේ තමා ගෝතම් නගරයට වවුලෙක් විදියට වෙස් මාරුකර ගත්ත මිනිසෙක් එහෙම නැත්නම් බැට් මෑන් කෙනෙක් ලැබෙන්නේ. මුල් කාලයේ බැට් මෑන් ද ගෝතම් නගරයේ තවත් එක අපරාදකාරයෙක් ලෙස සලකා පොලිසිය විසින් අත්අඩංගුවට ගන්න උත්සාහ කලත් පසුව ගෝතම් නගරයේ දිස්ත්‍රික් ඇටර්නි වරයා වන ඔයාල ටු ෆේස් කියන නමින් හඳුන්වන හාර්වේ ඩෙන්ට් සහ පොලිස් දෙපාර්තමේන්තුවේ ජේම්ස් ගෝර්ඩන් සමහ සමීප සම්බන්ද තවක් ඇතිකර ගැනීම හේතුවෙන් ගෝතම් නගරයේ පොලිසිය ඇතුළු බලධාරීන් සමග සුහදව කටයුතු කරන්න හැකි වෙනවා. පසු කලෙක පොලිසියට අල්ලා ගැනීමට අමාරු අපරාධකාරයන් අල්ලා ගැනීමට බැට් මෑන්ගේ උදව් ඉල්ලීමට තරම් ගෝතම් නගරයේ බලදාරින් සමග එකතුවීමට හැකි වෙනවා.

datauri-file(1)

මෙතැන් පටන් බැට් මෑන් ගෝතම්  නගරයේ අපදාධ නැතිකරන්න ලොකු සේවයක් කරනවා. ඒ සඳහා තමන් සතු දැනුම, හැකියාව මෙන්ම නවීන තාක්ෂනය යොදා ගන්නවා. මේ විදියට තම ක්‍රියාවන් සිදුකරන බෲස් එහෙම නැත්නම් බැට් මෑන්ට තවත් කිහිප දෙනෙක් සම්බන්ද වෙනවා. එයින් ප්‍රධානම කෙනා තමා සෙලිනා කෙලි. ඔයාල හොඳින්ම දන්නා කැට් වුමන් තමා ඒ. එයා බෲස් ගේ පෙම්වතිය කිවුවොත් හරි. ඒත් සෙලිනාගේ හොඳ සහ නරක මිශ්‍ර ජීවිතය හින්ද මේ වනතෙක් දෙදෙනාට විවාහ වෙන්න බැරි වෙලා තියන අතරේ නිතරම සම්බන්දය ගිලිහීයාම මෙන්ම අලුතින් ආරම්භ වීම දකින්න පුළුවන්. මේ අතරේ බැට් මෑන් ගේ උදව්වට ඉන්න තවත් විශේෂම කෙනා තමා රොබින් කියන්නේ. තමාගේ බොහෝ අමාරු කාර්යයන් වලට ඔහුගෙන් ලොකු උදව්වවක් ලැබිල තියනවා. ඒත් මේ රොබින් කියන්නේ එක් කෙනෙක් නෙවෙයි. සැබෑවටම රෝබින්ලා පස් දෙනෙක් බැට් මෑන් යටතේ වැඩ කරලා තියනවා. පලවෙනි රොබින් තමා ඩික් ග්‍රේසන්. පසුව එයා බැට් මෑන්ගෙන් වෙන්වී නයිට් වින් ලෙස ගෝතම් නගරයේ පෙනී සිටියත් හැම වෙලාවේම බැට් මෑන් සමග එකතුව වැඩ කිරීම සිදු කරනවා. ඔහුගෙන් පසුව රොබින් උනේ ජේසන් ටොඩ්. බැට් මෑන් ළඟ වැඩ කරන ගමන් පුහුණු වෙච්ච එයා පසුව රෙඩ් රොබින්, නයිට් වින් මෙන්ම සමහර අවස්ථාවල බැට් මෑන් ලෙසද ගෝතම් නගරයේ අපරාද වලට එරෙහි ව නැගී සිටිනවා. ජේසන් පසුව තමාන්ගේ දිගු කාලයකට පෙර අතුරුදහන් වූ තම මව බෙරා ගැනීමට කරන ලද මෙහෙයුමකදී මිය යනවා. ඉන් පසු  රොබින් උනේ ටීම් ඩ්රේක්. සර්කස් එකක වැඩ කරනා කොලුවෙක් වෙච්ච එයා පසුව රොබින් ලෙස බැට් මෑන්ට ලොකු සේවයක් කරනවා. ස්ටේපනි බ්‍රවුන් කියන ටීම් ඩ්රේක් ගේ පෙම්වතිය තමා හතරවන රොබින්. විනාඩි තිහකට විතර රොබින් ගේ ඇඳුම ඇදන් රඟපෑමක් තමා ඒ. පසුව දෙදෙනාම බැට් මෑන්ගේ බැනුම් ඇසීමට පවා ලක්වෙනවා මේ සිදුවීම හින්ද. පස්වන රොබින් ගැන මම පසුවට විස්තර කරන්නම්. මොකද එයා බැට් මෑන්ගේ ජිවිතේ ගොඩක් වැදගත් චරිතයක්. ඒවගේම තවත් බැට් මෑන් ගේ වැදගත්ම උදව් කාරියක් තමා බාබ්රා ගෝර්ඩන්. ඔයාල හොඳින්ම දන්නා බැට් ගර්ල් තමා ඒ. ගෝර්ඩන්ගේ දුව වන මෙයා ගැන මුල් කාලේ බෲස් කැමැත්තෙන් නොසිටියත් රොබින් ගේ කරුණු පැහැදිලි කිරීම මෙන්ම ඇයගේ දක්ෂතාව හින්දම අවශ්‍ය නිල ඇඳුම් සහ උපකරණ ලබා දී ගෝතම් නගරය බේරා ගැනීමේ කණ්ඩායමට එකතු කර ගන්නවා. මිට අමතරව සුපර් මෑන්, ෆ්ලෑෂ්, වොන්ඩර් ගර්ල් සහ ග්‍රීන් ලැන්ටන් වැනි සුපිරි වීරයන් සමග එකතුව ජස්ටිස් ලීග් වැනි කණ්ඩායම් සාදාගෙන ගෝතම් නගරයේ මෙන්ම ලොවෙන් අපරාධ නැති කිරීමේ කටයුතුවල නිරත වෙනවා. මේ හැම දේටම උදව් කල කුඩා කාලයේ සිට ඔහු බලාගත් ප්‍රධාන සේවක ඇල්ෆ්‍රඩ් වත් සැමවිටම ඔහු සමග ඉන්නවා.

මේවිදියට ගෝතම් නගරය වෙනුවෙන් සේවය කරන බැට් මෑන්ට දුෂ්ටයන් බොහෝ ගනනකට මුහුණ දෙන්න වෙනවා. ඒ අතර පෙන්ගුයින්,  ෆැල්කන්, පැරාඩීමන්, රාස් අල් ගුල්, මෙන්ම ජෝකර් ප්‍රධාන තැනක් ගන්නවා. එයාලට විරුද්දව සටන් බොහෝ ගණනක් බැට් මෑන් සිදු කරනවා. බැට් මෑන් ට හමුවෙන දරුණුතම විරුද්ද වාදියෙක් තමා බේන් කියන්නේ. ඒක අවස්ථාවක ඔහු විසින් බැට් මෑන් ගේ කොඳු ඈට පෙළ දෙකට කඩා දානවා. ඉන් ඔහු මියගියේ නැතත් පසු කාලෙක විවිද අබාද වලට ඔහුව ලක්වන්නේ ඒ නිසයි. එයා සුව වෙනතක් ගෝතම් නගරයේ ආරක්ෂාව බැට් මෑන් ලෙස නයිට්වින් සහ රෙඩ් රොබින් බලා ගන්නවා ටික කාලෙකට පසුව එයා නිවාඩුවක් ගතකරන්න ලන්ඩන් වලට ගිය අවස්ථාවේ තමා එයාට ජිවිතේ විශේෂම අවස්ථාවකට මුහුණ දෙන්න වෙන්නේ. ඒ තමා ජෙසිබාල් ජෙට් කියන ලස්සන  නිරුපිකාව මුණ ගැසීම. කැට් වුමන් සමග විරසකව ඉන්න මේ කාලේ බෲස් ජෙසිබාල් එක්ක ආදරයෙන් බැදෙනවා. මිනිමරුවන්ගේ කණ්ඩායම (League of Assassins) බැට් මෑන්ට පහර දෙන්නේ මේ අවස්ථාවේ. මෙන් බැට් සහ සුරූපී යක්ෂණියක් (Demon) වෙන ටාලියා අල් ගුල් ගේ සහයද අරගෙන බැට් මෑන් පැහැරගෙන යන මොවුන් බැට් මෑන් ගේ ජාන සහ ටාලියා ගේ ජාන එකතු කරමින් දරුවෙක් නිර්මාණය කරනවා.( සමහර තැන් වල ටාලියා සහ බෲස් ආදරයෙන් බැඳෙනවා කියලත් සටහන් වෙනවා). පසුව එතනින් ගැලවිලා ආවත් එයා දන්නේ නැ ඒ දරුවා ගැන. පසුව බෲස් ඩේමියන් කියන එයා ගැන දැන ගෙන තම දරුවෙක් ට වගේ එයාට සලකනවා. තම මව දරුණු යක්ෂණියක් උනත් ඔහු ගන්නේ තම පියාගේ පැත්ත. පසු කාලෙක රෙඩ් රොබින් සහ බැට් ගර්ල් සමග එක්ව පස්වන රොබින් ලෙස වැඩ කරන ඔහු පිපිරීමකින් අතුරුදහන් වෙනකම් බැට් මෑන් සමග ඉන්නවා.

මෙසේ ගෝතම් නගරයේ අපරාද වලට එරෙහිව ක්‍රියාත්මක වන බැට් මෑන් පසුකලෙන ජස්ටිස් ලිග් යටතේ සටන් කරනවිට ඔමේගා සෙන්ටන්ගේ ප්‍රහාරයක් හමුවේ මිය යනවා. එයාගේ ශරීරය සුපර් මෑන් විසින් වේන් මන්දිරයට ගෙනවිත් ජේසන් ගේ (රෙඩ් රොබින්) සොහොන ලඟම භූමිදාන කරන්න හැදුවත් ඇල්ෆ්‍රඩ් සහ රොබින් පිළිගන්නේ නැ ඔහු මිය ගිහින් බව. ඒ හින්ද එයාගේ ශරීරය බෲස්ගේ මව්පියන්ගේ සොහොන් ගෙයහි තාවකාලිකව තැන්පත් කරනවා. ඇල්ෆ්‍රඩ් විස්වාස කර විදියටම බැට් මෑන් මිය නොගිය අතරේ එයා තමාගේ ටෙලිපති හැකියාවෙන් ප්‍රහාරය වැදීමට මොහොතකට කලින් ගැලවීමට සමත්වෙලා තියනවා. ඒ උනත් එයා අතීතයේ හිරවෙනවා, වෙනත් කාල මානයක. කෙසේහෝ පසුව බ්ලැක් ලැන්ටන් ලෙස ආත්මයක් ලෙස මේ ලෝකයට පැමිණෙන බැට් මෑන් පසු කලෙක හයිපර් ඇඩප්ටර් වැනි විශේෂ හැකියාව තියන ඇයගේ උදව්වෙන් නැවත ලෝකයට පැමිණෙනවා. ඉන් පසු බැට් වුමන්, කැට් වුමන්, රොබින් වැනි ඔහුගේ යාළුවන් සමහ ලොව පුරාම සංචාරය කරමින් ලොවෙන් නපුර පලවා හරිමින් මේ වෙනතෙක් සිටිනවා.

datauri-file(2)

මම කලින් ඔයාලට කිව්වා බැට් මෑන්ට විශේෂ බලයක් නැති බව. ඒ උනත් එයාගේ මේ ගෝතම් නගරයේ සිදුකරන වීර ක්‍රියා සඳහා එයාට විශේෂ උපකරණ කිහිපයක් උදව් කර ගන්නවා. එයින් විශේෂම දේ තමා බැට් මෑන් ඇඳුම. විශේෂ හැකියාවක් නොමැති බෲස් වීර ක්‍රියා කරන්න හැකියාව ලබා ගන්නේ මේ ඇඳුම හින්ද.  ටයිටේනියම් මිශ්‍ර වෙඩි නොවදින රෙද්දකින් නිමවා තිබීම, මෙන්ම හිස් වැසුමේ අඳුරේ පෙනීමට හැකියාව තියන උපකරණ සවිකරලා තියන මේ ඇඳුම එක්ස් රේ වලින් ආරක්ෂාව මෙන්ම  සෝනාර් තරංග පවා හඳුනා ගන්න සමත්. විදුලි ස්පන්දන, ගෑස් මෙන්ම බොහෝ අදිකම්පන වලට ඔරොත්තු දෙන මේ ඇඳුම කුඩා කැමරා මෙන්ම පණිවිඩ හුවමාරු පද්දති පවා ඇතුලත් කරලා තමා නිමවා තියෙන්නේ. බැට්රන්ග්ස් යනුවෙන් හඳුන්වන විසි කර ගසන වවුලෙක් ගේ හැඩහුරු කම ඇති කුඩා ආයුද මෙන්ම බැට් රොප් ලෙස හැඳින්වෙන දුරස්ථ තැන්වලට විදිය හැකි කේබලයක් ද මේ ඇඳුම සතු වෙනවා. අතරම කුඩා පරිගණකයක්, දෙයක් ලොකු කර බලන කන්නාඩි පවා ඔහුගේ සම්පුර්ණ නිල ඇඳුම සතු වෙනවා. මුල් කාලයේ බැට් මෑන් නිර්මාපකයන් තිරණයක හිටියා බැට් මෑන් කියන්නේ රහස් පරික්ශකයේ ගේ චරිතයක් කියල. ඒ වගේම එයාල කියුවා බැට් මෑන් කවදාවත් තුවක්කුවක් බාවිතා කරන්නේ නැති බව. ඒ හින්ද මුල් බැට් මෑන් නිල ඇඳුමට තුවක්කුවක් ඇතුලත් නොවුනත් පසු කලෙක කුඩා පිස්තෝලයක් ද ඇතුලත් වෙනවා.

unnamed

බැට් මෑන් ඇඳුමේ  විශේෂම දෙය තමා එයාගේ බඳ පටිය. බැට් මෑන් නපුරට එරෙහිව සටන් කරනකොට එයාට අවශ්‍ය කරන දේවල් තමා මෙහි තිබෙන්නේ. අදොරක්ත විදුලි පන්දමක්, දුම් බෝම්බ, ඇඟිලි සලකුණු සෙවීම් උපකරණ, කැමරාවක්, අගුලු කඩනයක්, කඳුළු ගෑස්, ශබ්ද පටිගත කරණයක්, ලේසර් විදිනයක්, අත්බෝම්බ කිහිපයක් මෙන්ම හදිසි හුස්ම ගැනීම් උපකරණයක්ද තියෙන්නේ මේ බඳ පටියේ. වතුරේ යන බැට් බෝට්, ගොඩබිමේ යාමට බැට් සයිකල් මෙන්ම බැට් මොබයිල් මෙන්ම අහසින් යන්න බැට් ප්ලේන් යන විශේෂ අධි තාක්ෂණික යාන වාහන එයා භාවිතා කරනවා. වේන් මාලිගයට යටින් තියන බැට් කෙව් නමින් හැඳින්වෙන බැට් මෑන්ගේ මෙහෙයුම් කාමරය මෙන්ම ප්‍රධාන කාර්යාලය තමා ඔහු තමන්ගේ වැඩ කටයුතු වලට යොදා ගන්නේ. ගෝතම් පොලිස් දෙපාර්තමේන්තුව බැට් සිග්නල් භාවිතා කරනවා. එය විශාල ෆ්ලෑෂ් ලයිට් එකක් වවුලෙක්ගේ සලකුණ සහිත. ගෝතම් නගරයට බැට් මෑන් අවශ්‍ය වෙන වෙලාවට එයාල එය ක්‍රියාත්මක කරන විට ගෝතම් නගරයට පිටින් තියන වේන් මන්දිරයට එය දර්ශනය වෙනවා. එතකොට බෲස් දැනගන්නවා ගෝතම් නගරයට ඔහු අවශ්‍ය කර ඇති බව.

jhghvgnvn

බැට් මෑන් නිර්මාපකයන් බැට් මෑන් චරිතය ඇත්තටම පටන් ගත්තේ සුපිරි වීරයෙක් විදියට නොව රහස් පරීක්ෂකයෙක් විදියටයි. ඒ 1939 මැයි මස Detective Comics #27 කියන කොමික් පොතෙන්. ඊට පෙර පළමු වතාවට Detective Comics #12 පොතෙහි බැට් මෑන් චායාරුපය පලවෙනවා. එවකට National Comics Publications ලෙස හැඳින්වූ DC කොමික් ආයතනයේ බොබ් කේන් තමා මෙම චරිතය නිර්මාණය කරන්නේ. ඒ බැට් – මෑන් (BAT-MAN) නමින්. ඔහු සමග වැඩ කල බිල් ෆින්ගර් තමා එම නම එකතුකොට බැට් මෑන් ලෙස නම් කරන්නේ. මම කලින් සඳහන් කල පරිදි මුලින් බැට් මෑන් චරිතය අපරාදකරුවන් සොයා ගන්නා නැතිනම් රහස් පරීක්ෂක චරිතයක් ලෙස තමා නිර්මාණය වෙන්නේ. ඒ නිසා තමා මුල් කාලයේ බැට් මෑන් ඇඳුමේ තුවක්කු නොතිබුනත් ඇඟිලි සලකුණු සොයන උපකරණ මෙන්ම කුඩා අන්වීක්ෂයක් පවා ඇතුලත් වෙන්නේ. කෙසේ හෝ පසුව නිර්මාණ ශිල්පින් බොහෝ ගණනක් බැට් මෑන් චරිතය විවිද තේමා යටතේ නිර්මාණය කරනවා. Batman: Year One, Justice League Origins, Batman: The Killing Joke, Batman and Son, Batman & Robin වැනි කතා තේමා තිස් අටක් මේ වනවිට බැට් මෑන් චරිතය ආශ්‍රයෙන් නිර්මාණය වෙලා තියනවා. එකිනෙකට වෙනස් නිර්මාපකයක් මෙම කතා නිර්මාණය කල හෙයින් බැට් මෑන් චරිතයේ විවිද වෙනස් කම් දකින්න පුළුවන්. නමුත් DC කොමික් ආයතනය එය සමහර වෙලාවට බෲස් වේන් නොව වෙන කෙනෙක් බැට් මැන් විදියට සිටීම (Borken Bat හි රෙඩ් රොබින් බැට් මෑන් ලෙස පෙනී සිටීම) , බෲස් වේන් සිහි නැතුව සිටින විට වෙන සිදුවීම් (Bat Man & Son හි පුතා ලැබීම බෲස් වේන් සිහි නැති අවස්ථාවේ බවට පත් කිරීම), වැනි ප්‍රායෝගික සිද්දීන් ආදේශ කරමින් ගැලපීමට උත්සාහ ගෙන තියනවා.
datauri-file(3)
බැට් මෑන් චරිතය ආශ්‍රයෙන් පලවෙනි බැට් මෑන් චිත්‍රපටය නිර්මාණය වෙන්නේ 1943 දී. එතැන් පටන් චිත්‍රපට දොළහක් මේ දක්වා නිර්මාණය වෙලා තියෙනවා. ලබන වසරේ තවත් දෙකක් තිරගත වීමට නියමිත වෙලා තියනවා. ඒ අතරම සුපර් මෑන් සමග බැට් මෑන් චරිතය එකතු කොට Justice League ලෙස වෙනමම චිත්‍රපට මාලාවක් මේ වසරේ සිට තිරගත වීමට පටන් ගෙන තියනවා. මිට අමතරව 1966 සිට මේ දක්වා රුපවාහිනී කාටුන් මෙන්ම සජීව කතා මාලා බොහෝ ගණනකුත් නිර්මාණය වෙලා තියනවා. මේ දක්වා නළුවන් 8 දෙනෙක් බැට් මෑන් ලෙස රඟපෑමෙන් එකතුවී තියන අතර විශාල නළුවන් ප්‍රමාණයක විවිද අවස්ථාවල බැට් මෑන් චරිතයට හඬ කවා තියනවා. අවසාන වශයෙන් Batman v Superman: Dawn of Justice චිත්‍රපටයේ බැට් මෑන් ලෙස බෙන් ඇෆ්ලෙක් රඟපෑමේන් එකතුවෙනවා.
datauri-file(4)
datauri-file(5)
බැට් මෑන් අනිකුත් සුපිරි වීරයන් මෙන් අසාමාන්‍ය බලයක් නොමැති සාමාන්‍ය මිනිසෙක්. එම නිසාම ලොව කුඩා දරුවන් ගේ සිට වැඩිමහල් පුද්ගයලයන් දක්වා විශාල රසික පිරිසක් බැට් මෑන් සතු වෙනවා. ඒ ඕනෑම කෙනෙක්ට බැට් මෑන් වෙන්න පුළුවන් නිසා. ලොව වැඩිම රසික පිරිසක් ඉන්න සුපිරි චරිත කිහිපයෙන් එක් අයෙක් ලෙස බැට් මෑන් හඳුන්වන්න පුළුවන්. මේ හින්දම කුඩා කි ටැග්, තොප්පි, පාසල් බෑග් වල සිට බැට් මොබයිල් ලෙස මිල අධික කාර් රථ පවා වෙළඳපොළට ඇවිත් තියනවා.
ඔන්න යාලුවනේ ඕක තමා බැට් මෑන් ගැන කෙටියෙන් හඳුන්වන්න පුළුවන්. මේ ලිපිය කියවන ඔයාලගෙන් මම පොඩි ඉල්ලීමක් කරන්න කැමතියි. මේ දිනවල බයිස්කෝප් අඩවියට මගේ දායකත්වයේ ගුණාත්මක බාවය ගැන ගැටළු කිහිපයක් පැන නැගිලා තියනවා සමහර යාලුවන්ට. ඒ හින්ද පුළුවන් නම් බැට් මෑන් චරිතය හා සම්බන්ධ සිදුවීම් සහ චරිත ආශ්‍රයෙන් උපසිරසි කරන සහෝදරයන් කිහිප දෙනෙක් සහ බැට් මෑන් චරිතය සම්බන්ධ උපසිරසි ලබා ගන්නා ඔයාල කිහිපදෙනෙක් මගේ මේ ලිපිය ගැන දක්වන අදහස කමෙන්ට් එකක් මගින් කියන්න කියල මම ඉල්ලනවා. එතකොට මට දැන ගන්න පුළුවන් මම මේ බයිස්කෝප් අඩවිය හා සම්බන්ධවෙලා කරනා දෙය ඔයාලට වැදගත් ද නැත්ද කියන එක. ඉතින් තවත් මේ වගේ සුපිරි වීරයෙක් ගේ විස්තර අරගෙන ඔයාල හමුවෙන්න එන බලාපොරොත්තුවෙන් සමුගන්නම්.
ඔයාල ඔක්කොටම බුදුසරණයි.
G.A.P. Ranathunga (45 Posts)


28 thoughts on “Bat Man – ගෝතම් නගරයේ ආරක්‍ෂකයා

  • May 18, 2017 at 11:21 AM
    Permalink

    niyamai sahoo….
    hugak wisthara thiyanawa..
    me wage thawa lipi liyanna haki wewa kiyala wish karanwa…
    me wage heroes lage lipi denawanm godak hodai.
    pattama sahoooo….
    thankss…

  • March 24, 2017 at 6:30 PM
    Permalink

    Pattama pattai.super..thawath charitha me wage hadunwala denna apata..☺

  • March 18, 2017 at 10:24 AM
    Permalink

    Super. niyama lipiyak.digatama me wade karagena yanna.

  • March 13, 2017 at 10:27 AM
    Permalink

    පට්ට පෝස්ට් ඒක… සුපිරියට කරැණු හොයල තියනවා…

  • January 5, 2017 at 9:51 AM
    Permalink

    supiri machan..
    godak dewal denagaththa…..
    thanks…….

  • November 14, 2016 at 6:39 AM
    Permalink

    patta mcn, supiri. puluwannam FLASH ganath liyandako.pls………

  • November 12, 2016 at 6:46 PM
    Permalink

    Bro. Oya hugak hodata post eka daala thiyenawa. Namuth oya hituwa wage podi waraddak man dakka bat girl ge image eke. Man danna tharamin ea bat girl nemei. BAT WOMEN. Man waradi deyak kiwwanam sorry. Tnx

  • November 7, 2016 at 10:26 PM
    Permalink

    godak watina hoda lipiyak batman gana godak wisthara dana ganna putuwan una thanx me wage thwath balaporoththu wenawa

  • November 7, 2016 at 8:39 PM
    Permalink

    ලිපියනම් නියමයි සහෝ.බොහොම ස්තූතියි. මගෙත් ආසම කොමික් චරිතය බැට්මෑන් තමා.මම මේ දවස් වල බැට්සිගේ ඇනිමේශන් සැට් එක බලන්නේ.ඔයාගේ ලිපිය නිසා මට ගැටලු තිබුන තැන් කිහිපයක්ම පැහැදිලි උනා.බැට්සිගේ පුතා කියන ඩෙමියන් ගැන එහෙම.son of batman එකේ තාලියා කියනකන් පොර දන්නෙත් නෑ පුතෙක් ඉන්නවා කියලා.පව් අප්පා.dark knight part 2 එකේ අන්තිමට බැට්සි සුපර්මෑන්වත් පරද්දනවනේ.බැට්මෑන් වගේම තමා ජෝකර් කියන්නෙත් මාර හතුරෙක්.වෙලාවකට බැට්මෑන්ට වඩා ජෝකර් පට්ට.

  • November 7, 2016 at 12:16 AM
    Permalink

    ගුණාත්මක භාවය ගැන මොන කතාද.. මෙහෙම ලිපියක් හදන්නම කොච්චර වෙහෙසක් ගන්න ඕනෙද… ස්තූති සහෝ මේ ලිපියට…

  • November 6, 2016 at 6:58 PM
    Permalink

    Thank You.. Supiri Vistarayak
    Pattama asai BAT MAN ta

  • November 6, 2016 at 5:01 PM
    Permalink

    එල එල… මරුවට තියනව විස්තරේ තැංකූ

  • November 6, 2016 at 3:19 PM
    Permalink

    නියමෙට ලියල තියෙනවා sසහෝ.බොහෝම ස්තූතියි….

  • November 6, 2016 at 11:32 AM
    Permalink

    නියම වැඩක්.අපි බලන Batman කතා වල (Movies , TV Series , Cartoon ) තියෙන්නේ එකිනෙකට වෙනස් පටන් ගැනීම්.Gotham වගේ නෙවෙයි Batman Begins.එක හින්දා කොමික් වල තියන ඇත්තම Origin එක දැන ගන්න ලැබුන එක හොදයි.නියම වැඩක් දිගටම මේ වගේ දේවල් කරන්න.ජය වේවා.

  • November 6, 2016 at 9:07 AM
    Permalink

    Patta………. Thanx saho……

  • November 6, 2016 at 3:36 AM
    Permalink

    Wisthara tikanam suppa aaaaa bro………gdak dannathi dewal danagaththa oyata tthankx
    …….oyata jaya

  • November 5, 2016 at 11:23 PM
    Permalink

    නියමඊ, කොමික් පොත් නොකියවපු චිත්‍රපටි වලින් කොමික් චරිත අදුනගත්ත අපිට මේවා මසුරන් මහත්තයෝ. ස්තුති….

  • November 5, 2016 at 7:41 PM
    Permalink

    patta bro .. thanx

  • November 5, 2016 at 10:33 AM
    Permalink

    E wagema puluwannam flash wage THE FLASH(1990) movie ekatath sub denna…

  • November 5, 2016 at 10:32 AM
    Permalink

    Niyamai saho.
    Lipiyata godak sthuthiyi.
    Oyage subwala mata nam kisima adupaduwak na.
    Ilaga lipiya flash gana denna puluwannam.

  • November 4, 2016 at 2:19 PM
    Permalink

    නියම විස්තරයක්.හොඳ වැඩක්

  • November 4, 2016 at 12:55 PM
    Permalink

    පට්ට විස්තරේ ඈ… නියමයි

  • November 4, 2016 at 11:17 AM
    Permalink

    ලිපිය නම් සූපිරියටම තියෙනවා.ඔයා මේ කරන සේවය අගය කරනවා සහෝ
    ජය වේවා!

  • November 4, 2016 at 10:06 AM
    Permalink

    නියමයි දිගටම මෙහෙම ලිපි ලියන්ඩෝ

  • November 4, 2016 at 9:15 AM
    Permalink

    මාර ලස්සනට කතාව කියනවා ඔයා, ඇත්තටම කොමික් book ඔක්කොම කියෙව්වා වගේ හැගීමක් අවා.. ඕනෙම තැනක හොද වගේම නරක දකින අයත් ඉන්නවා, ඒක ලෝක ස්වභාවය. ඒක තේරුම් අරගෙන මේ කරන ලස්සන වැඩේ තවත් දිගටම කරගෙන යන්ද කියල ඉල්ලා සිටිනවා
    ගොඩක් පිං….

  • November 4, 2016 at 9:14 AM
    Permalink

    මාර ලස්සනට කතාව කියනවා ඔයා, ඇත්තටම කොමික් book ඔක්කොම කියෙව්වා වගේ හැගීමක් අවා.. ඕනෙම තැනක හොද වගේම නරක දකින අයත් ඉන්නවා, ඒක ලෝක ස්වභාවය. ඒක තේරුම් අරගෙන මේ කරන ලස්සන වැඩේ තවත් දිගටම කරගෙන යන්ඩ කියල ඉල්ලා සිටිනවා
    ගොඩක් පිං….

  • November 3, 2016 at 11:40 PM
    Permalink

    ගොඩාක් වටින විස්තර ටිකක්. ටිකක් නෙමේ. හරියට නිකං කාතා මාලාවක් බැලුවා වගේ. ගොඩාක් ස්තූතියි සහෝ. මගේ no.1 comic චරිතාපදානය තමයි batman එහෙම නැත්නම් “කාල නයිට්වරයා” මං ගොඩක්ම කැමති batman කියනවට වඩා කාල නයිට්වරයා කියන්න. එතකොට දැනෙන ගැම්ම වැඩියි කියලා තමා හිතෙන්නේ, මට මේ හාදයා මගේ අංක එකේ වීරයා වෙන්න බලපෑව ප්‍රධාන හේතුව ඔහුත් අපි වගේම “සාමාන්‍ය මනුෂ්‍යයෙකු වීම” ඒ වගේම වීරයෙකුගේ තියෙන්න ඕන “මනා පෞරෂත්වය” අනික් කාරණය. මට දැනෙන විදිහට bat ගේ ගැම්ම superman ගාවවත් නෑ. අවසාන වශයෙන් ඔබතුමා ගැන කීවොත්, ඒ වගේම මේ ලිපිය 10/10 යි. හදවතින්මයි කියන්නේ,මං ඔබතුමාව දකින්නේ, මේ අඩවියේ වාසනාවකට පහළවුණ දායාදයක් හැටියටයි.
    ඔබතුමාට,
    බුදුසරණයි..! චිරං ජයතු වේවා ..!

Leave a Reply

Your email address will not be published. Required fields are marked *